Lomɛŋ 9:5 - Eka Eswhī

⁵ Pɔ́ é si ŋgɔ́ ndhu memíá memaŋgānjʉʼ, mbɔ Klísto a le tó áa ánɛ ndhu jʉɔ mɛ́t, ḿbú ntshí mvhɔ ánɛ ajūɔ tsem, ŋ́gɔ́ á Ndém, mɛ́ yá mekuʼ á mbū yí, á lemiʼɛ. Á épúp.

Lomɛŋ 9:5 Iomraidhean Croise

Matío 28:20

ńnɔŋ nzíʼnɛ á wɔ́p á lekūʼte ajūɔ tsem zīi, meŋ ke ziʼné á wɛ́. Ḿbiŋ ŋgɔ́ mé meŋ, ḿpɛ mé náŋa egɔ́ɔ nnɔ eleʼé metsem, tɛ eláʼ etshí ánɛ afʉʼ zīi, ŋgɔŋ e gɔ á mmiī. »

Matío 6:13

Te cʉ́ʼ, pek gwhʉ̄ʉ ánɛ táté, paʼne á wék paʼne, ánɛ mɛnzhɛ Sɛ́ta. [A egɔ́ épúp melaʼ mīi, wu mé efɔ, mete ntsem é gɔ́ á mbū wu. Mɛ́ zéŋ nnɔ̄ŋ ŋgūʼtɛ áa ndaʼ wu, á meŋguʼ meŋguʼ. Á épúp.]”

Lúkási 20:44

Ndavít a á ega ntɔ́ŋɔ á Nzaʼ‑Ŋkhʉ lɛ, mɔʼɔ́ yi, púp, Nzaʼ‑Ŋkhʉ mɛ́t a gɔ egaá, ńzéŋ ŋgɔ́ á méŋ yi ī?»

Jáaŋ 10:30

Pek Mɔʼɔ́ ga é puú ŋgɔ́ áa taʼ. »

Mefaʼ Meziŋ-ntō 20:28

Pɛ ecʉ́ʼ nchʉ́ nnɛ̄t ncʉ̄te athū nnɛ̄t zɛ́, ńzéŋ ńcʉ̄te memvhō Ndém mīi, Azwakne zí á ke tsekné ŋ́gɛ, pɛ epíp, álúŋ epuɔ Yɛɛ́so zīi, Ndém a le lɔ̄k á kwaʼ metshi mí ncūʼ.

Mefaʼ Meziŋ-ntō 3:13

Ndém mé ghʉ tɛ á ziŋ, ńdɔkɔ ŋkɔ́ʼnɛ nzwiŋ Yɛɛ́so, á Njuʼ‑Nchu Ndém Ablaham, ŋ́gɔ́ á Ndém Izak, ńzéŋ ŋgɔ́ á Ndém Yakɔ́p, éwɔ maŋgānjʉʼ pímpɛ. Yɛɛ́so wuɔ mɛ́t, pɛ ke gɔ̄ á yí, ŋ́gyá á mbū wɔ sáʼ‑ŋgɔŋ. Pilat á kó njʉ́ɔ azí tɛ ndé ŋ́gɛ, mɛ́ etshī á yí nnēŋ, pɛ mé lʉʼ.

Lomɛŋ 1:25

Pɔ́ lē ndɔk mela, ŋ́kúmne anuúnē zīi, á fhɔ́ɔ á mbū Ndém. Ŋ́gūʼte á ajū mīi, Ndém a le cuŋtēē, ńjúʼ á mbū yí, ńtɔ́k á lewuʼte á Ndém yīi, a le cuŋtē etsō mɛ́t. Mɛ́ pɔŋteé á leyā á lepɛ áa mbū yí, á meŋguʼ meŋguʼ. Á ajʉʼ éwú, ŋ́gɔ́ épúp.

Lomɛŋ 1:3

Ŋke mbɔŋ wuɔ mɛ́t, é cʉte á Méŋ yi. Páʼ a zeéŋ ŋgɔ́ á ŋiŋnɔŋ lā, mɛ́ fhó ánɛ ndhu Ndavít tɛ́ nzhí á yí.

Lomɛŋ 10:12

Púp, atɛʼte á té zɛ́t á tsetsɛlɛ epuɔ Yúda pɔ́ a epuɔ pīi, é té epuɔ Yúda á. Pɔ́ metsem é puú ŋgwɛ̄ á taʼ Atsyapuɔ, á pú ŋgyá etsō mbɔŋ á mbū epuɔ metsem pīi, pɔ́ é si eswíŋtɛ á yí.

Lomɛŋ 11:28

Mɛ́ tsiā ánɛ páʼ pɔ́ le lʉ̄ʼ ŋke mbɔŋ, ńjʉ́ɔ pɔ́ gɔ́ megaŋ mbo Ndém, ŋ́gɔ́ épúp, pɛ ejhʉ́ apɛ. Ḿbiŋ ŋgɔ́ éyi mɛ́ fhɔ́ɔ ánɛ páʼ Ndém mé le kāŋ á wɔ́p, mbɔ a zɛɛ́t ŋkɔŋ á wɔ́p kɔŋ, melaʼ wɔ maŋgānjʉʼ pɔ́p.

1 Kɔlɛŋte 14:16

O ge esyákne á Ndém, ńdɔ̄k áa ashuŋne zīi Azwakne Ndém mé néŋ á ntē wu, mé alāʼ zīi ŋiŋ a gɔ le júʼ, mbɔ ŋiŋ yīi, a lɛɛ̄ nnáŋ azí á esī njúʼu, a gɔ le júʼ tɛ ndé ŋ́gɛ: «Á páʼa á», melaʼ mīi a te si njúʼu ashuŋne jú zīi, o lɔkɔ esyáknɛ á Ndém ɛ́.

2 Kɔlɛŋte 11:31

Ndém, á Mɔʼɔ́ Atsyapuɔ yímpɛ Yɛɛ́so, a á si nzhɛ́ɛ á légɛ, meŋ te ntáŋa mela á. Awuʼte a egɔ́ á mbū yí á lemiʼɛ.

1 Timotɛ 3:16

Kwaʼ anuúnē, mía anu ndʉɔne lʉɔne yīi ḿpɛ pɔŋteé á lekūʼte, á cʉte á Yɛɛ́so, Ndém a le ghʉ̄ ḿpɛ zhɛ́, ńzéŋ nnɔ̄ŋ eshúŋɔ á yímpɛ páʼ, ḿpɛ náŋa épúp, á pɔŋ á yí. Yɛɛ́so a le cʉ́ʼ á ŋiŋnɔŋ, Azwakne Ndém á shúŋ á yímpɛ ŋ́gɛ, a á si ŋgɔ́ á ŋiŋ ndeŋ ndeŋ. Mecɔʼ Ndém é le jʉ́ɔ á yí. Epuɔ é sáʼ anu zí, á mbū ŋgɔŋ ŋgɔŋ. Mɛ́ fɛɛ́ nnɛ̄t ŋgyá mé yí, á ntē ŋgɔŋ. Ndém á kɔ́ʼne á yí, nnáŋ á ntē shʉ́shɔ́k yi.

1 Timotɛ 6:15

A a láʼ epiŋ nzem ánɛ afʉʼ zīi, Ndém a le zapáā. Ndém mɛ́t, a á ŋwɛ́t lepɔŋ, ŋ́gɔ́ ndaʼ Lé‑Épúp ŋ́gɔ́ á Efɔ mefɔ, ŋ́gɔ́ á Atsyantsɔp.

2 Timotɛ 2:8

Kímte á Yɛɛ́so Klísto, páʼ Ndém a le ghʉ̄ʉ̄, á zím ánɛ lewhʉ̄. Yɛɛ́so wuɔ mɛ́t, a á ndhu Efɔ Ndavít, ńdeŋ ndeŋ páʼ ŋke mbɔŋ yīi meŋ tswii, é si ndʉ́ɛ́ épúp.

Eble 7:24

Ḿbiŋ ŋgɔ́ mé Yɛɛ́so, mbɔ, páʼ a puú nnáŋ á lemiʼɛ lā, ezi ntií legɔ̄ á nnɔŋ‑epɔʼ, é tswhiī tswhi.

1 Jáaŋ 5:20

Ḿpɛ é si nzhɛ́ɛ á légɛ, Méŋ Ndém a le shʉ̄ʼ á ŋgɔŋ, ŋ́gyá á yímpɛ leghi, á lelɔk nzhɛ́ á kwaʼ Ndém. Ḿpɛ pīiŋ nzápa ánɛ Yɛɛ́so Klísto Méŋ Ndém, ŋ́gɔ́ á alá apū kwaʼ Ndém mɛ́t. Yɛɛ́so mɛ́t a á si ŋgɔ́ á Ndém, ŋ́gɔ́ kwaʼ Ndém, ŋ́gɔ́ á Ŋghʉɛ mɛ́ ta á lezēŋ Ndém.

Menjʉɔ te lí 1:18

Ŋ́gɔ́ nte. Meŋ nde kwhʉ́ʉ̄, ńzím ánɛ lewhʉ̄, tɛ awuɔ yīi, meŋ mbiīŋ ŋgɔ́ nte á meŋguʼ meŋguʼ lāa. Meŋ nde tsyā á lewhʉ̄, ḿbɔ́ŋ mete ánɛ alāʼ mepfhō.

Menjʉɔ te lí 22:16

Yɛɛ́so á zéŋ ndé ŋ́gɛ: «Meŋ nde tó á cɔʼ ga ŋ́gɛ, a eshʉʼ ntswī ŋke wuɔ, á mbū pɛ pīi, pɛ é ntē meŋgyā alúŋ epuɔ Yɛɛ́so. Meŋ á si ŋgɔ́ atɔ̄p, ánɛ ndhu Ndavít. Ŋ́gɔ́ á cɔʼ saŋ yīi, a ŋwaŋnɛ, ḿbhʉ́ɛ melanjhʉ̄. »

Menjʉɔ te lí 22:20

Ŋiŋ yīi a á si ntswīi ŋ́gɛ, menu mɛ́t é anuúnē, a á si ndʉ́ɛ́ ŋ́gɛ: «Kwaʼ anuúnē, meŋ cʉʼɛ́ eshʉʼ shʉʼe. » Á épúp, shʉʼɛ̄ mé Atsyapuɔ Yɛɛ́so.

Menjʉɔ te lí 5:14

Mena pwɔ̄ lekua é nɔŋ mbwɛ̄tɛ ŋ́gɛ: «Á épúp, epɔ̄ melʉɛ é tswíʼte, ŋ́ŋɔ́ʼne tɛ ethū tsɔ́p é pfeŋ esī, ŋ́gūʼte á Ndém pɔ́ Mɔ́ Njʉnjhʉ. »