Lomɛŋ 9:33 - Eka Eswhī

³³ Á gɔ́ páʼ mɛ́ le tí á ntē aŋwaʼne Ndém ŋ́gɛ: «Awuɔ yīi meŋ á si nnɔ̄ŋɔ á tɔ́ yīi, a ghʉʉ̄ mɛ́ kwate, á tésɔŋ Siɔŋ la. Á mía mía tɔ́ yīi, a ghʉʉ̄, ŋiŋ á whʉ á esī. Táʼ, ŋiŋ a ké efɛ́ nnɛ̄t ŋgyá á mbū tɔ́ wuɔ mɛ́t, mbɔ a te e láʼ etapne ɛ́. »

Lomɛŋ 9:33 Iomraidhean Croise

Matío 21:42

Yɛɛ́so á zéŋ ndé mé pɔ́p ŋ́gɛ: «Pɛ laá ntɔ́ŋ á ntē aŋwaʼne Ndém tɛ njúʼ ɔ́ lɛ̄? Mɛ́ le tí éwú ŋ́gɛ: “Tɔ́ yīi mepɔɔ‑ŋgyā é le kʉŋtē ŋgwáʼ, ewiɛ́ mé le shʉ̄ʼ ncʉ́ʼ á tɔ́ lezhō ŋgyā. Á gɔ́ páʼ Atsyapuɔ mé le ghʉ̄ épúp, ḿpɛ jʉ́ɔ á gɔ́ á mɛgém anu.”

Matío 21:44

Pɛ ezhɛ́ á légɛ, ŋiŋ a ŋémɛ ánɛ tɔ́ wuɔ mɛ́t, mbɔ a a pú epwɔ́ʼte. Tɔ́ wuɔ mɛ́t á pīŋ ŋgwhʉ̄ ánɛ ŋiŋ, á pú ŋkīne á yí.]»

Lomɛŋ 10:1

Epɔ̄ memía, ajū mīi meŋ á ntē meŋ ntsáa, ńnɔŋ eswíŋtɛ á Ndém á athū epuɔ Yúda melaʼ aziɛ́, á si ŋgɔ́ á légɛ, pɔ́ evéŋ, Ndém a eghʉ̄ pɔ́ etswɛ́t.

Lomɛŋ 10:11

Aŋwaʼne Ndém á leé ŋ́gɛ: «Ŋiŋ a fíɛ́ nnɛ̄t ŋgyá á mbū Yɛɛ́so, mbɔ ŋgaŋ a te e láʼ etapne ɛ́. »

Lomɛŋ 5:5

Ŋiŋ a piīk tɛ nnéŋ á ntē yí épúp páʼā, á té shʉʼ nnéŋ té tó áa épúp ɔ́, melaʼ mīi Ndém a le zapá ánɛ Azwakne zí zīi, a le néŋ á ntē pímpɛ, ńnéŋ ŋkɔŋne zi á ntē pímpɛ.

Galat 5:11

Ŋ́gɔ́ mé meŋ me epɔ̄ memía, á ŋgwíʼe ŋgɔ́ á anuúnē á légɛ, meŋ nzɛɛ́t nzíʼnɛ á mbū epuɔ á légɛ, mɛ́ pɔŋteé á letēm á wɔ́p, mbɔ mɛ́ té pɔŋté á lezēŋ ndʉɔ́ʼ á gá á. Púp, legɔ̄ yīi Klísto a le kwhʉ́ ánɛ mbaŋne paŋné lā, á lɔkɔ te nzɛ́t ŋgēnɛ á ŋiŋ ɛ́.

Fílíip 1:20

Á páʼa ŋgɔ́ ajū mīi, meŋ á si nzwíʼtɛ ŋkone kone. Amɔ̄ʼ ajū mīi á gɔ eghʉ̄ʉ, esē é kú á gá, á té éwú ú. A cʉ́ʼɛ épúp, mbɔ tɛ efhó tsetsɔŋɔ, mbɔɔ páʼ, á gɛ nzī ŋgɔ́ɔ, meŋ chʉʉ́ nnɛ̄t ŋkúʼte á ntē meŋ á lelɔk ega legɔ̄, ŋ́ghʉ̄, epuɔ menɔŋ é wuʼte á Klísto, tɛ meŋ ndáʼa ŋkwhʉ́ kwhʉ̄ʉ, kɛ gá á lezɛ̄t nte lɛ̄ɛ.

2 Timotɛ 1:12

É melaʼ épúp tɛ́, meŋ jʉ́ɔ ejʉɔ ntií ŋgʉɔ̄ʼ. Esē é ké te si ŋkúu á gá melaʼ épúp ɔ́, melaʼ mīi, meŋ á si nzhɛ́ɛ á ŋiŋ yīi, meŋ ndē efɛ́ nnɛ̄t za ŋgyá á mbū yí. Meŋ á si ncuŋtɛ nzhɛ́ɛ á légɛ, ŋgaŋ a wɛɛ̄ mete, á lelɔk ŋkápte ŋke mbɔŋ, páʼ a le tsekné á mbū meŋ. Ŋ́kápte tɛ ndáʼ ŋkó á aleʼé zīi, a piŋɛ nzem, ŋ́gɔ̄ á nzáʼ ntsaŋ.

1 Jáaŋ 2:28

Púp me ewɔŋkhʉ̄ pá, pɛ elɛ̄tne ánɛ yí, ńzhɛ́ páʼ, aleʼé zīi a piŋɛ nzem, ḿpɛ é le amɔ̄ʼ azō pɔ́k, ńnɔŋ nzhɛ́ɛ á légɛ, a gɔ le fhó á mvhɔ yí, ńjūŋ á yímpɛ, esē é kú á yímpɛ aleʼé mɛ́t ɛ́.