Lomɛŋ 9:32 - Eka Eswhī

³² Pɔ́ lɛ te lɔ̄k ewuɔ mɛnzhɛ mɛ́t, ŋ́gʉɔ tɛ ŋkó ɔ́ melaʼ akɔ̄? Melaʼ mīi, pɔ́ lɛ te fāʼ á wɔ́p á lefhō ánɛ lefɛ̄ nnɛ̄t ŋgyá á mbū Yɛɛ́so, tɛ́ ŋgɔ́ epuɔ ndeŋ ndeŋ á mvhɔ Ndém ɛ́. Pɔ́ le fāʼ á wɔ́p áa lefhō ánɛ mefaʼ mɔ́p. Pɔ́ le ghʉ̄ épúp, ŋ́kwɛ̄ eshhʉ̄ wɔ́p ánɛ «tɔ́ yīi, mɛ́ kwatɛ éwú ŋgwhʉ̄ɛ á esī. »

Lomɛŋ 9:32 Iomraidhean Croise

Matío 13:57

Ńdé épúp, pɔ́ té fɛ́ nnɛ̄t ŋgyá á mbū Yɛɛ́so ó. Yɛɛ́so á lé á mbū pɔ́p ŋ́gɛ: «Mɛ́ wuʼteē á ntswi‑ŋke Ndém ejʉʼ tsem, tɛ cʉ́ʼ á alāʼ pɔ́p. Mɛ́ wák á yí wáke á mba pɔ́p. »

Lúkási 2:34

Simeɔŋ á lɔ́ mbwɛ́né ánɛ pɔ́p metsem, ḿbiŋ ndé á mbū Malía mía mɔ́ mɛ́t ŋ́gɛ: «Júʼɔ́, Ndém a ke tsɔ́ʼ á mɔ́ wuɔ, tɛ́ lɔk eghʉ, epuɔ tɛ nzáne á ntē Islaɛl, e epú mbí, epi emɔ̄ʼ epuɔ tɛ nzáne, e epiŋ ntswɛ́t. A a shʉʼ egɔ́ ayiŋne zīi, á si ntswīi mefaʼ mīi, Ndém a á si ŋghʉ̄ɛ. Táʼ, epuɔ menɔŋ e eké le yí véŋ.

Lúkási 7:23

Eshhʉ̄ mbɔŋ a á si ŋgɔ́ á ŋiŋ yīi, a á véŋ á gá té miʼte. »

Lomɛŋ 10:3

Pɔ́ té si nzhɛ́ɛ páʼ, Ndém a gē etɔ́ŋ á ŋiŋ lɛ ŋiŋ ndeŋ ndeŋ, á ziŋ épúp ɔ́. Pɔ́ méŋwɛ̄t mé si efāʼa ewɔp mɛnzhɛ, á lelɔk ŋgɔ́ epuɔ ndeŋ ndeŋ, á mvhɔ Ndém. Pɔ́ é si ŋghʉ̄ɛ épúp, ńdɔkɔ ndʉ̄ʼɛ á mɛnzhɛ yīi, Ndém a tsiā éwú, tɛ́ ntɔ́ŋ á ŋiŋ lɛ, ŋiŋ ndeŋ ndeŋ.

Lomɛŋ 11:11

Meŋ á páʼā ndɔkɔ nzɛ́tɛ ŋ́gɛ: á páʼā, mbɔ epuɔ Islaɛl é le pú ŋkwate ŋ́gwhʉ̄ á esī áa ndaʼ kɛ akɔ̄ lɛ́? Ŋgáŋ, á té épúp ɔ́. Pɔ́ le kwatē épúp, tɛ́ Ndém á zápa épúp, ŋ́ghʉ̄, epuɔ pīi é té epuɔ Yúda á, é tswɛ́t. Á ghʉɛ épúp, ńdɔkɔ efāʼa ŋ́gɛ, epuɔ Islaɛl e eséŋ eshhʉ̄ ánɛ pɔ́p.

Lomɛŋ 4:16

Púp, Ndém a le gē eghʉ alaʼne, á cʉte áa epuɔ pīi, e láʼ efɛ́ nnɛ̄t eyá mé yí, tɛ́ a etsīa épúp, alaʼne a egɔ́ ajū mīi, Ndém a yáa ndémndēm á mbū ndhu Ablaham ntsem. A á le lɛ̄ ŋgyá áa mbū epuɔ pīi, pɔ́ ziīŋ páʼ lepé é si nzɛ́ttɛ ɛ́, a eyá mbɔɔ á mbū epuɔ pīi, é fɛɛ́ nnɛ̄t ŋgyá á mbū yí, páʼ Ablaham mɔʼɔ́ yímpɛ metsem, a le fɛ́ azí épúp.

1 Kɔlɛŋte 1:23

Ŋ́ké ŋgɔ́ mé pek, mbɔ pek é si ntswīi ŋke mbɔŋ ánɛ Nzaʼ‑Ŋkhʉ, páʼ mɛ́ le kwɛtē á yí ánɛ mbaŋne paŋné. Ŋke mɛ́t, é gɔ́ á mbū epuɔ Yúda, ŋ́gɔ́ á nde anu. Ŋ́gɔ́ á mbū epuɔ pīi, é té epuɔ Yúda á, ŋ́gɔ́ áa anu te methū.

1 Piɛ 2:6

Mɛ́ le tí á ntē aŋwaʼne Ndém ŋ́gɛ: «A awuɔ yīi, meŋ á kaŋ á tɔ́ yīi a teē nzwiŋ, ńnɔ̄ŋ á yí, á tésɔŋ Siɔŋ lā. Tɔ́ mɛ́t, á gɔ́ á tɔ́ lezhō ŋgyā. Ŋiŋ a fíɛ́ nnɛ̄t ŋgyá mé tɔ́ wuɔ mɛ́t, mbɔ a te e láʼ etapne ɛ́. »

1 Piɛ 2:8

Á zéŋ ndé ŋ́gɛ: «Tɔ́ mɛ́t a zeéŋ ŋgɔ́ á tɔ́ yīi, a ghʉʉ̄ mɛ́ kwate. Á mía mía tɔ́ yīi, a ghʉʉ̄ ŋiŋ á whʉ á esī. » Epuɔ é kwate éwú, melaʼ mīi, pɔ́ é lʉʼ á lejūʼ ashuŋne Ndém, ḿvéŋ. Á gɔ́ anu zīi, Ndém a le zapá ŋ́gɛ, a fú eláʼ egɔ́ épúp, á mbū pɔ́p.