Lomɛŋ 9:30 - Eka Eswhī

³⁰ Ḿpɛ gɔ efhó ánɛ ajʉɔ anu, ńdé ŋ́gɛ akɔ̄? Ḿpɛ gɔ elé ŋ́gɛ, epuɔ pīi é té epuɔ Yúda á, épuɔ pīi é lɛ te nɔ̄ŋ efāʼa á wɔ́p á legɔ̄ epuɔ ndeŋ ndeŋ, á mvhɔ Ndém ɛ́, Ndém a le fhó ánɛ wɔ́p á lefɛ̄ nnɛ̄t ŋgyá mé Yɛɛ́so, ńtɔ́ŋ á wɔ́p lɛ, epuɔ ndeŋ ndeŋ.

Lomɛŋ 9:30 Iomraidhean Croise

Lomɛŋ 10:10

Ŋiŋ a fɛɛ́ nnɛ̄t ŋgyá á mbū Yɛɛ́so páʼā, Ndém á tɔ́ŋ á ŋgaŋ lɛ, ŋiŋ ndeŋ ndeŋ. Ŋiŋ a lɔɔ̄k nchu yí, ḿvéŋ á mvhɔ epuɔ á légɛ, Yɛɛ́so a á Atsyapuɔ páʼā, Ndém á ghʉ ŋgaŋ á tswɛ́t.

Lomɛŋ 10:20

A gɔ gɔɔ́, tɛ Ndém á lɔk nchu ntswi‑ŋke yi Izayi ndé ŋ́gɛ: «Epuɔ pīi é le nɔ̄ŋ te efāʼa á gá á, pɔ́ le pīŋ njʉ́ɔ á gá. Meŋ nde ghʉ̄ʉ̄, epuɔ pīi pɔ́ kaá nnɔŋ nzɛ́ttɛ á gá á azō ɔ́, é zhɛ́ á gá. »

Lomɛŋ 10:6

Táʼ, aŋwaʼne Ndém á leé ánɛ lezāpa ánɛ lefɛ̄ nnɛ̄t, tɛ́ ŋgɔ́ á ŋiŋ ndeŋ ndeŋ ŋ́gɛ: «Ndɛ́ʼ o elé á ntē wú ŋ́gɛ, “awɔ́ a a láʼ epe á lephū ū?”» Ńdɔkɔ ŋ́gɛ, awɔ́ a a láʼ epe á lephū tɛ́ etswi, Klísto á esóʼo ó?

Lomɛŋ 3:5

A piŋɛ ŋgɔ́ yīi, yímpɛ á legɔ̄ le gɔ́ ndeŋ ndeŋ ɛ́, a ghʉʉ̄ mɛ́ zhɛ́ á légɛ, Ndém a á ŋiŋ ndeŋ ndeŋ, ḿpɛ ké nzéŋ ndé ŋ́gɛ akɔ̄? Á épúp páʼā, ŋ́gɔ́ yīi, ŋiŋ a gɔ elé ŋ́gɛ, Ndém a gē ezáŋ á lɔ́ŋ, étswá á yímpɛ ŋgʉɔ athʉ́ páʼā, ńdɔkɔ te ŋghʉ̄ɛ anu ndeŋ ndeŋ ɛ́. Meŋ shúŋnɛ páʼ epuɔ ŋgɔŋ puɔ lā.

Lomɛŋ 4:11

Ndém a le tɔ́ŋ á Ablaham lɛ ŋiŋ ndeŋ ndeŋ, tɛ́ mɛ́ shʉʼ ntém á yí, á gɔ́ ayiŋne. Ayiŋne jʉɔ mɛ́t á lɔkɔ ntswīi á légɛ, Ndém a á zápa ánɛ lefɛ̄ nnɛ̄t Ablaham, tɛ́ ntɔ́ŋ á yí lɛ, ŋiŋ ndeŋ ndeŋ, tɛ mɛ́ zɛ́t té tém á yí. Á fhó épúp, Ndém á lɔk á yí ŋghʉ̄ á mɔʼɔ́ epuɔ pīi, pɔ́ fɛɛ́ nnɛ̄t ŋgyá á mbū yí Ndém, té gɔ̄ yīi, mɛ́ é tém á wɔ́p, tɛ́ a etsīa épúp, a etɔ́ŋ á wɔ́p lɛ epuɔ ndeŋ ndeŋ.

Lomɛŋ 4:13

Ndém a le ghʉ̄ alaʼne á mbū Ablaham pɔ́ ndhu zi, ŋ́gɛ yí e láʼ eyá ŋgɔŋ ntsem á mbū pɔ́p. Ndém a lɛ te gē eghʉ alaʼne mɛ́t, éfhó ánɛ páʼ, Ablaham a kuʼteé lepé Mɔɔ́sɛ ɛ́. A le gē eghʉ, éfhó ánɛ páʼ, a á tsia ánɛ Ablaham á lefɛ̄ nnɛ̄t ŋgyá á mbū yí, yí tɔ́ŋ á yí lɛ, ŋiŋ ndeŋ ndeŋ.

Lomɛŋ 4:22

Á ajū mīi á le ghʉ̄ʉ̄, Ndém á tɔ́ŋ á Ablaham lɛ, ŋiŋ ndeŋ ndeŋ.

Lomɛŋ 4:9

Anu jʉɔ mɛ́t, ánɛ legɔ̄ eshhʉ̄ mbɔŋ, á páʼā, ńdɛ ncʉ̄te áa epuɔ pīi, mɛ́ le tém á wɔ́p lɛ́? Ŋgáŋ, á zéŋ ncʉte mbɔɔ epuɔ pīi, mɛ́ la á wɔ́p tém ɛ́. Pek é zi ndé ŋ́gɛ: «Ablaham a le fɛ́ nnɛ̄t ŋgyá á mbū Ndém, Ndém á tsia épúp, ńtɔ́ŋ á yí lɛ, ŋiŋ ndeŋ ndeŋ. »

Lomɛŋ 5:1

Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 9:14

Á páʼā ndɔkɔ ndʉ́ɛ́ ŋ́gɛ akɔ̄? Ŋ́gɛ Ndém a te á ŋiŋ ndeŋ ndeŋ ɛ́ lɛ̄? Ŋgáŋ, á té épúp ɔ́.

Lomɛŋ 9:31

Mbiŋ ŋgɔ́ mé epuɔ Islaɛl, mbɔ pɔ́ le nɔ̄ŋ efaʼa á wɔ́p á lefhō ánɛ lekūʼte lepé, tɛ́ ŋgɔ́ epuɔ ndeŋ ndeŋ á mvhɔ Ndém, ḿbiŋ ndáʼ te lɔ̄k ewuɔ mɛnzhɛ mɛ́t, ŋ́gʉɔ tɛ ŋkó ɔ́.

Galat 2:16

Ḿpɛ é si ŋké nzhɛ́ɛ á légɛ, Ndém a te fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́. A fhoó áa ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto. Ḿpɛ azímpɛ é le fɛ́ nnɛ̄t ŋgyá á mbū Yɛɛ́so Klísto, ńdɔkɔ efāʼa ŋ́gɛ, a etsīa ánɛ lefɛ̄ nnɛ̄t mɛ́t, ńtɔ́ŋ á yímpɛ lɛ, epuɔ ndeŋ ndeŋ. A á le zápa ánɛ pímpɛ á lekūʼte mbé mí í, melaʼ mīi, Ndém a gɔ le fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́.

Galat 3:24

Á lɛ páʼā, lepé é lɔk ŋgɔ́ páʼ ŋiŋ yīi, a tshií lezēk tsí ánɛ pímpɛ, ńdɔkɔ nzwíʼtɛ afʉʼ zīi, Klísto a a láʼ eshʉʼe, éghʉ ḿpɛ e efhó ánɛ lefɛ̄ nnɛ̄t yímpɛ ŋgyá á mbū yí, ŋ́gɔ́ epuɔ ndeŋ ndeŋ á mvhɔ Ndém.

Galat 3:8

Ndém a le té njhʉ̄, ńdé á ntē aŋwaʼne yí ŋ́gɛ, yí e láʼ eghʉ, epuɔ pīi é té epuɔ Yúda á, e ecʉ́ʼ epuɔ ndeŋ ndeŋ, éfhó ánɛ wɔ́p á lefɛ̄ nnɛ̄t ŋgyá á mbū yí. A le lé épúp, ńtswī ŋke mbɔŋ wuɔ á mbū Ablaham ŋ́gɛ, yí e láʼ ezápa ánɛ yí, énéŋ mbwɛ́né ánɛ elāʼ ntsem.

Galat 5:5

Ŋ́gɔ́ mé pek, mbɔ pek é si nzwíʼtɛ ŋ́gɛ, Ndém a eshʉʼ ntɔ́ŋ á wék lɛ epuɔ ndeŋ ndeŋ á mvhɔ yí, melaʼ mīi pek lē efɛ́ nnɛ̄t zek ŋgyá á mbū Klísto. Azwakne Ndém mé si ntswítɛ á wék á lezwīʼte épúp.

Efɛze 2:12

Á lɛ efʉʼ mɛ́t, pɛ nɔ̄ɔŋ te nzwíʼtɛ á Nzaʼ‑Ŋkhʉ ɛ́, ŋ́gɔ́ á nnɔ epuɔ Islaɛl, ŋ́gɔ́ mege. Mɛ́ nɔŋ te esáŋa á wɛ́ ánɛ alaʼne zīi, Ndém a le ghʉ̄ á mbū epuɔ Islaɛl, tɛ pɔ́ a pɔ́p é kʉɔ́ʼ eka á. Pɛ lɛ á ŋgɔŋ, ńnɔŋ te nzwíʼtɛ amɔ̄ʼ azō ɔ́, pɛ a Ndém é zi te nnɔ ɔ́.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

1 Timotɛ 6:11

Ŋ́ké ŋgɔ́ mé wu, wu ŋiŋ Ndém, mbɔ o pɔŋteé á wú á lekʉ ecʉɔ etsō mɛ́t. Ŋ́gɔ́ efʉʼ metsem, éfāʼ á wú á legɔ̄ ndeŋ ndeŋ á mvhɔ Ndém. Ńnáŋ páʼ Ndém a á si ŋkɔ̄ŋɔ, éfɛ́ nnɛ̄t ŋgyá á mbū Yɛɛ́so, ŋ́kɔ̄ŋ epuɔ menɔŋ. Ŋ́kāk ete á nzem Ndém, ńdɔ̄k apwɛne tɛ́ ŋghʉ̄ emú menu ntsem.

Eble 11:7

Á le fhó ánɛ páʼ, Noe a le fɛ́ nnɛ̄t épúp, ŋ́gyá á mbū Ndém, Ndém á shúŋne á mbū yí, ńdɔk ntswɛ̄te á yí, ánɛ menu mīi, é le nɔ̄ŋ ŋgɔ̄ á eshʉʼɛ̄, tɛ mɛ́ piŋ nzī nzɛ́t áa te jʉ́ɔ. Á júʼ anu zīi, Ndém a á lé, ḿvéŋ té miʼte, ŋ́ŋyɛ̄tte á mía mía mɛtúa ntshi, ńdɔk ŋghʉ̄, pɔ́ a epuɔ atseŋ ŋgyā pí metsem, é kó éwú, ńtswɛ́t. Á lɔk épúp, ńtswī á légɛ, avoʼ epuɔ á si ŋgɔ́ epuɔ tepɔŋ. A le fɛ́ nnɛ̄t épúp, Ndém á tɔ́ŋ á yí lɛ ŋiŋ ndeŋ ndeŋ.

1 Piɛ 4:3

Pɛ lē ndáʼ mbí njhʉ̄, ńdɔk ŋghʉ̄ ajū mīi, wɔ te zhɛ́‑kwaʼ Ndém, é si ŋkɔ̄ŋɔ ŋ́gɛ mɛ́ eghʉ̄, tɛ á kuʼ. Pɛ lɛɛ́ nnáŋa á ntē agā, ntií ntiī ekwaŋte tepɔŋ é gɔ́ á ntē pɛ. Ŋ́gɔ́ wɔ núnú‑meluʼ, ńnɔŋ ŋkʉ̄ɔ ŋgɔŋ eleʼé metsem, ḿbú nnɔŋ nnúu meluʼ tɛ mbíatɛ, ńzéŋ nnɔŋ ŋgūʼtɛ emɔ̄ʼ etsō, ńtɔ́ŋɔ lɛ Ndém, á gɔ́ ajū mīi, á té á Ndém pɔŋ.