Lomɛŋ 9:3 - Eka Eswhī

³ Á ŋgwíʼe ŋgɔ́ yīi, Ndém á letēm nzem za, mbɔɔ wék Klísto, á legɔ̄ le gɔ́ nnɔ ɔ́, á gɔ etswíte epɔ̄ memía pá, épuɔ alāʼ pék, mbɔ a ke gɔ́, meŋ etsá épúp.

Lomɛŋ 9:3 Iomraidhean Croise

Mefaʼ Meziŋ-ntō 13:26

Pɔ́ɔl á zéŋ ndé ŋ́gɛ: «Epɔ̄ memía, pɛ pīi pɛ́ é ndhu Ablaham, mbɔɔ pɛ metsem pīi, pɛ wuʼtɛ á Ndém epuɔ Islaɛl, Ndém a á tó ŋke wuɔ yīi, é tswii páʼ epuɔ é gɔ eghʉ̄ʉ épúp tɛ́ ndáʼ ntswɛ́t lā, á mbū pímpɛ puɔ.

Mefaʼ Meziŋ-ntō 22:5

Tɛŋgyā wɔ nɔŋ‑epɔʼ, mbɔɔ mekém alāʼ metsem, é gɔ echʉ́ nnɛ̄t eshúŋ á wɛ́, páʼ pɔ́ le yá mekɛtte á mbū meŋ, ńdɔk ntó á gá á tésɔŋ Damas ŋ́gɛ, meŋ egʉ̄ɔ éwú ŋgɔ̄te epɔ̄ memía pímpɛ pīi, pɔ́ ziŋɛ ánɛ mɛnzhɛ mɛ́t, ńdɔk eshʉ̄ʼ mé Yelósalɛm, mɛ́ egēne á wɔ́p melaʼ lepé.

Mefaʼ Meziŋ-ntō 28:21

Mekém puɔ mɛ́t, é júʼ épúp, ńdé á mbū Pɔ́ɔl ŋ́gɛ: «Mɛ́ laá nzi efhó á Yudéa, ńtí amɔ̄ʼ akɛtte, ŋ́gyá á mbū pek ega, tɛ ŋkím lezēŋ cú ú. Tsɔ mmɔʼ méŋ mía, a la pīŋ efhó éwú eshʉ̄ʼ ega, tɛ mbɛ́te amɔ̄ʼ anu ánɛ wu, ká á lekīm lezēŋ cú tépɔŋ ɔ́.

Lomɛŋ 1:3

Ŋke mbɔŋ wuɔ mɛ́t, é cʉte á Méŋ yi. Páʼ a zeéŋ ŋgɔ́ á ŋiŋnɔŋ lā, mɛ́ fhó ánɛ ndhu Ndavít tɛ́ nzhí á yí.

Lomɛŋ 11:1

Meŋ á páʼā ndɔkɔ nzɛ́ttɛ ŋ́gɛ: élɛ Ndém a lē ŋgwáʼ epuɔ alāʼ pí, kɛ akɔ̄ lɛ́? Ŋgáŋ, á té épúp ɔ́, a la á wɔ́p wáʼ á. Meŋ méŋwɛ̄t azá, meŋ á ŋiŋ Islaɛl, ŋ́gɔ́ ndhu Ablaham, ńtó ánɛ atseŋ ŋgyā Bɛnjamɛŋ.

Lomɛŋ 11:14

Meŋ a ghʉ afaʼ mɛ́t, tɛ́ elɔk eghʉ, ntɔ̄ŋ epuɔ alāʼ pék, e efūʼ, ńzhɛ́ páʼ, Ndém a a shʉʼ á nnɔ pɔ́p, éghʉ, emɔ̄ʼ ntaʼné shɔ́ʼɔ́ lɛ́, e etswɛ́t.

Lomɛŋ 16:11

Ńtsāʼte á Elodiɔŋ, ŋiŋ alāʼ wek. Ńtsāʼte epuɔ mba Naasis pīi é lɛtneē ánɛ Atsyapuɔ.

Lomɛŋ 16:21

Timotɛ esoó afaʼ ga, a á tsaʼte á wɛ́, mbɔɔ Lusius, ŋ́ghʉ̄ á Jazɔŋ pɔ́ Sosioatlos, épuɔ alāʼ pék.

Lomɛŋ 16:7

Ńtsāʼte á Aŋdlonikus pɔ́ Junias, pɔ́ é si ŋgɔ́ epuɔ alāʼ pék. Pek a pɔ́p mé lɛ á ŋgyā atʉɛ́. Pɔ́ é si ŋgɔ́ memía meziŋ‑ntō Klísto, mbɔ pɔ́ le zī nzi á lefɛ̄ nnɛ̄t ŋgyá á mbū Klísto, tɛ́ meŋ ndáʼ efɛ́ azá.

Lomɛŋ 9:2

Ntē gá é si mbúu mmēkɛ tɛʼ, ńnáŋ efʉʼ metsem, ńzáŋ páʼ mɛ́ é pɛ́ apuʼ, ésɔ̄p éwú lā.

1 Kɔlɛŋte 12:3

Melaʼ épúp tɛ́, meŋ á si ŋkɔ̄ŋɔ ŋ́gɛ, pɛ ezhɛ́ á légɛ, Azwakne Ndém á gɔ́ le tshóne á ŋiŋ, á lé ŋ́gɛ: «Ndɔ e é athū Yɛɛ́so ó. » Pɛ ezéŋ nzhɛ́ á légɛ, ŋiŋ a gɔ le lé ŋ́gɛ: «Yɛɛ́so a á si ŋgɔ́ á Atsyapuɔ», tɛ́ gɔ́ yīi Azwakne Ndém mé tshóne á ŋgaŋ á.

1 Kɔlɛŋte 16:22

A gɔ́ éyi, ŋiŋ a te Atsyapuɔ kɔ̄ɔŋ, mbɔ Ndém a a láʼ eghʉ, ŋgaŋ a elákne. Malana ta.

2 Kɔlɛŋte 12:15

Ŋ́gɔ́ mé meŋ, mbɔ meŋ zi mbú ntsēŋte ajū mīi, meŋ ŋgwɛɛ̄ melaʼ mɛ́, ḿbú ŋgyá athū nnɛ̄t zá melaʼ mɛ́, mbɔ amɔ̄ʼ azō á gɔ le á gá pék. Á si ŋgɔ́ páʼ ŋkɔŋne zīi, meŋ ŋgwɛɛ̄ á mbū pɛ, e é tswiʼne ŋgʉ̄ɔ mé mvhɔ, ŋkɔŋne zīi pɛ wɛɛ̄ ánɛ meŋ, é piŋ nnɔ̄ŋ ntswɛ́ttɛ lā.

Galat 1:8

A zi mbú ŋgɔ́ áa awɔ́ lɛ́, tɛ mbɔɔ pek, tɛ mbɔɔ taʼ cɔʼ Ndém yīi, a fhɔ́ɔ á lephū, éshʉ̄ʼ ntswī mmɔʼ ŋke mbɔŋ ndɛʼɛ á mbū pɛ, té gɔ́ áa eyi pek é le tswīī, Ndém á lɛ nnéŋ ndɔ á athū yí.

Galat 1:9

Pek é lē ndáʼ eshúŋ á wɛ́, tsetsɔŋɔ, meŋ ezéŋ nchʉ́ nnɛ̄t eshúŋ á wɛ́: ŋiŋ a shʉʼɛ ntswī mmɔʼ ŋke mbɔŋ ndɛʼɛ, tɛ é té gɔ́ áa eyi pek le tswī á mbū pɛ, pɛ evéŋ ɛ́, Ndém á lɛ nnéŋ ndɔ á athū yí.

Galat 3:10

Ndém a a láʼ enéŋ ndɔ á athū epuɔ metsem pīi, pɔ́ kuʼteé lepé, éfāʼa á legɔ̄ ndeŋ ndeŋ á mvhɔ yí. Ndém a le lé á ntē aŋwaʼne yí ŋ́gɛ, yí e láʼ enéŋ ndɔ á athū ŋiŋ ntsem yīi, a te kuʼté mbé ntsem, efʉʼ metsem ɛ́. Á ŋiŋ ntsem yīi, a te si nzīŋɛ ánɛ mbé ntsem mīi, mɛ́ le tí á ntē aŋwaʼne mbé ɛ́.

Galat 3:13

Páʼ lekūʼte mbé a le ghʉ̄ʉ̄, ḿpɛ é kʉɛ ndɔ lā, Klísto a le ké mbiŋ eshʉ̄ʼ ńtshí á ajʉʼ pímpɛ, Ndém á néŋ ndɔ á athū yí. A le ghʉ̄ épúp, tɛ́ ndɔk nzó á athū zímpɛ, tɛ ŋgɔ́ yīi, Ndém a gɔ le zéŋ nnéŋ ndɔ, á athū pímpɛ ɛ́. Éfhó ánɛ páʼ mɛ́ tií á ntē aŋwaʼne Ndém ŋ́gɛ: «Ŋiŋ yīi mɛ́ le kɔʼné á yí ŋkwɛ̄ ánɛ athʉ́, yí tɛ́ Ndém a le néŋ ndɔ á athū yí. »

Efɛze 6:5

Ŋ́gɔ́ me pɛ meŋkwa, pɛ ejúʼ nchu epuɔ pīi, pɔ́ pɔɔ́ŋ á wɛ́, ŋ́ghʉ̄ mekuʼ mɔ́p, ésóʼne nnɛ̄t mé esī á mvhɔ pɔ́p, ŋ́gwɛ̄ ntē mbɔŋ á mbū pɔ́p. Pɛ epú ŋghʉ̄ épúp, ndeŋ ndeŋ páʼ pɛ ghʉʉ̄ á mbū Klísto épúp.