Lomɛŋ 9:22 - Eka Eswhī

²² Ndém a le nɔ̄ŋ ŋkɔŋɔ á letswi azāŋalɔ́ŋ zí, ńnɔŋ ŋkɔ̄ŋɔ á leghʉ mɛ́ zhɛ́ mete mí, ŋ́ké esēk, ŋ́kwɛ́t ntē ánɛ epuɔ pīi, pɔ́ é páʼ meŋgwʉ́ŋ mīi, a ke gɔ́ á záŋ á lɔ́ŋ ánɛ pɔ́p, tɛ ŋghʉ̄ pɔ́ láʼ ndákne.

Lomɛŋ 9:22 Iomraidhean Croise

Lomɛŋ 1:18

Ndém a fhoó á lephū, ńtswī á légɛ, yí zaáŋ á lɔ́ŋ á mbū megaŋ atʉɛ́‑athū metsem. Ńzáŋ á lɔ́ŋ ánɛ anu tepɔŋ ntsem zīi, epuɔ menɔŋ é ghʉɛ, épuɔ pīi é lɔɔ̄k anu tepɔŋ, ŋ́kápte á anuúnē.

Lomɛŋ 9:17

Á ntē aŋwaʼne Ndém, Ndém á lé á mbū efɔ Ejīpto ŋ́gɛ: «Meŋ mé le lɔ̄k á wú ŋghʉ̄ á efɔ, ńdɔkɔ efāʼa á lezāpa ánɛ wu, ńtswī mete má, ŋ́ghʉ̄, epuɔ menɔŋ metsem, á ndo esī atsetsáʼ é sáʼ eshúŋ á ŋiŋ yīi, meŋ á ewiɛ́. »

Lomɛŋ 9:20

Wu ŋiŋnɔŋ, o ké mbiŋ ŋgɔ́ páʼā ŋgɔ́ awɔ́, tɛ ŋgɔ̄ á ndʉʼɛ́ ajū mīi, Ndém mé kɔŋ ŋ̄? Ŋgwʉ́ŋ é gɔ eghʉ̄ʉ páʼ lā, ńzɛ́tte á mbɔɔ‑meŋgwʉ́ŋ ŋ́gɛ: «Melaʼ akɔ̄ o le pɔ́ á gá ánɛ ejʉɔ ntií í?»

Lomɛŋ 9:21

Mbɔɔ‑meŋgwʉ́ŋ a gɔ elɔ̄ɔk atsáʼ meŋgwʉ́ŋ, ŋ́ghʉ̄ ajū mīi a á kɔŋ. A gɔ elɔ̄ɔk mbɔ́ ŋgwʉ́ŋ yīi, é teē nzwiŋ, ŋ́kɔ̄ŋ, á lɔk mbɔ́ eyi, é lɛɛ̄ emɛ emɛ ŋgɔ́.

1 Tesalonik 2:16

Pɔ́ é si mvɛ́nɛ á wék á letswi ŋke Ndém, á mbū epuɔ pīi, é té epuɔ Yúda á, ńdɔk ŋghʉ̄ pɔ́ láʼ ntswɛ́t azɔ́p. Ŋ́ghʉ̄ɛ épúp efʉʼ metsem páʼā, mefa mɔ́p é lɔkɔ ntswīʼnɛ ŋgáʼa mbū. Ndém a a ké eláʼ ege ezoko, ézáŋ á lɔ́ŋ ánɛ pɔ́p.

1 Tesalonik 5:9

Ndém a lɛɛ́ te ntɔ́ŋɔ á yímpɛ ndɔ̄kɔ ŋghʉ̄ɛ epuɔ pí páʼā, ŋ́gɔ̄ á nzáŋ á lɔ́ŋ ánɛ pímpɛ ɛ́. A lɛɛ́ ntɔ́ŋɔ á yímpɛ, ŋ́ghʉ̄ɛ áa lɛ, ḿpɛ efhó ánɛ ajū mīi, Atsyapuɔ yímpɛ Yɛɛ́so Klísto, á le ghʉ̄ ánɛ pímpɛ, yí eghʉ̄ ḿpɛ etswɛ́t.

2 Timotɛ 2:20

Á shʉʉ̄ʼ á ŋgyā ŋgaŋ azō, mɛ́ jʉ́ɔ ntií ntiī mepɛ́ɛn é gɔ́ éwú. Emɔ̄ʼ é éwú, mbɔ mɛ́ le lɔ̄k á gɔ́ɔl tɛ́ ncūŋte. Emɔ̄ʼ é gɔ́ éwú, mbɔ mɛ́ le lɔ̄k atʉɛ́ ŋkāp tɛ́ ncūŋte. Emɔ̄ʼ é gɔ́ éwú, mbɔ mɛ́ le lɔ̄k athʉ́ tɛ́ ŋkɔ́. Emɔ̄ʼ é zéŋ ŋgɔ́ éwú, mbɔ mɛ́ le lɔ̄k atsáʼ tɛ́ mbɔ́. Mɛ́ tshií emɔ̄ʼ á esī áa ánɛ aleʼé lekāk, ńtshí emɔ̄ʼ eleʼé metsem.

1 Piɛ 2:8

Á zéŋ ndé ŋ́gɛ: «Tɔ́ mɛ́t a zeéŋ ŋgɔ́ á tɔ́ yīi, a ghʉʉ̄ mɛ́ kwate. Á mía mía tɔ́ yīi, a ghʉʉ̄ ŋiŋ á whʉ á esī. » Epuɔ é kwate éwú, melaʼ mīi, pɔ́ é lʉʼ á lejūʼ ashuŋne Ndém, ḿvéŋ. Á gɔ́ anu zīi, Ndém a le zapá ŋ́gɛ, a fú eláʼ egɔ́ épúp, á mbū pɔ́p.

1 Piɛ 3:20

Epuɔ puɔ mɛ́t, é si ŋgɔ́ epuɔ pīi, pɔ́ lɛ efʉʼ mvhɔ, ńtē athū á mbū Ndém. Afʉʼ zīi Noe a le kɔ́ akɛnūʼ, Ndém á nɔŋ nzwíʼtɛ té kyákte nnɛ̄t, ŋ́gɛ pɔ́ eshʉʼ ŋkó éwú, pɔ́ zɛ́t ntʉɛ athū tee. Emɔ̄ʼ ntaʼné epuɔ lefaá ndaʼ, mé kó á ntē akɛnūʼ. Ndém á ghʉ pɔ́ vuʼu ntshi.

2 Piɛ 2:3

Epuɔ puɔ mɛ́t, e shʉʼ eté á ŋkɔɔ̄ŋ ŋkāp, élɔk epoó‑anu, epɔpte á wɛ́, ékú etsō tsɛ́. Táʼ, Ndém a lē ndáʼ nzáʼ ntsaŋ zɔ́p tɛ efhó tɛ afʉʼ, tɛ á lɛɛ̄ ncʉ́ʼ áa méŋ afʉʼ, pɔ́ ekó á ntē ŋgʉɔ̄ʼ te mi.

2 Piɛ 2:9

Mɛ́ fhoó ánɛ anu jʉɔ mɛ́t, ńjʉ́ɔ páʼ Atsyapuɔ a kuūʼ á lefhō á ntē atapne, éfók á ŋiŋ yīi, a naáŋ ndeŋ ndeŋ, páʼ yí Ndém a á si ŋkɔ̄ŋɔ. Ńjʉ́ɔ páʼ a kuūʼ á yí á lekūʼte megaŋ mefa, ńdɔk nzwíʼte aleʼé zīi, a gʉɔ mé nzaáʼ ntsaŋ, étswá á wɔ́p ŋgʉɔ athʉ́ lepé.

2 Piɛ 3:15

Pɛ ecuŋte nzhɛ́ á mbɔŋɔ́ á légɛ, Atsyapuɔ a te ŋgáknɛ á leshʉʼ ɛ́ páʼā, ńdɔkɔ ŋgyáa eshhʉ̄ á mbū epuɔ, á lefū ntswɛ́t. Ánɛ ajʉɔ anu mɛ́t, mbɔ Ndém a le yá azhɛ̄‑anu á mbū méŋ mɔ́ yímpɛ Pɔ́ɔl, ŋ́gɔ́ á esoó yímpɛ, á lɔk ntí menu muɔ mɛ́t eshúŋ á wɛ́.

Zwide 1:4

Meŋ ndʉ́ɛ́ páʼa, melaʼ mīi emɔ̄ʼ epuɔ é ke ŋɛté ŋkó á tsetsɛlɛ pɛ, ńnɔŋ ŋkúmnɛ njuʼɔ́ anu mbɔŋ té ndhʉ zīi, Ndém yímpɛ a le lɔ̄k ntsá mezeŋɛ mímpɛ. Ŋ́kúmnɛ épúp, ńdɔkɔ ntswíʼtɛ memɛnzhɛ tepɔŋ pīi, pɔ́ ziŋɛ éwú. Pɔ́ é si ŋghʉ̄ɛ épúp páʼā, ńdɔkɔ ŋkʉ̄ŋnɛ á Yɛɛ́so Klísto Atsyapuɔ yímpɛ, ŋ́gɔ́ ndaʼ efɔ yímpɛ. Tɛ efhó tɛ afʉʼ, mɛ́ tí á ntē aŋwaʼne Ndém ŋ́gɛ, Ndém a a láʼ etswá ŋgʉɔ athʉ́ lepé á athū wɔ te júʼ‑nchu yí puɔ mɛ́t.