Lomɛŋ 9:20 - Eka Eswhī

²⁰ Wu ŋiŋnɔŋ, o ké mbiŋ ŋgɔ́ páʼā ŋgɔ́ awɔ́, tɛ ŋgɔ̄ á ndʉʼɛ́ ajū mīi, Ndém mé kɔŋ ŋ̄? Ŋgwʉ́ŋ é gɔ eghʉ̄ʉ páʼ lā, ńzɛ́tte á mbɔɔ‑meŋgwʉ́ŋ ŋ́gɛ: «Melaʼ akɔ̄ o le pɔ́ á gá ánɛ ejʉɔ ntií í?»

Lomɛŋ 9:20 Iomraidhean Croise

Matío 20:15

Meŋ te pɔŋté á gá á lelɔk ŋkāp za, ŋ́ghʉ̄ ajū mīi meŋ á kɔŋ á lɛ̄? O cʉʉ á gá lezēk tepɔŋ melaʼ mīi, meŋ á ŋiŋ mbɔŋ ŋ́gɛ akɔ̄?”

Lúkási 12:14

Yɛɛ́so á tsɔ́ʼ á mbū yí ŋ́gɛ: «Mbaŋa wɔ, awɔ́ a ke chʉ́ á gá, ŋ́gɛ meŋ eŋāk menu mɛ́ ɛ́? Ŋ́gɛ meŋ egāp etsō tsɛ́ ɛ́?»

Lomɛŋ 14:4

O ó páʼa ŋgɔ́ áa awɔ́, tɛ nthúɔ alɔ́ʼ ŋgaŋ afaʼ ŋiŋ ndɛʼɛ, tɛ mbāa á yí í? A faa lo, ŋ́gɔ́ te fāa lo, á cʉte áa mɔʼɔ́ afaʼ yi. Á páʼā ŋgɔ́ éyi, ŋgaŋ afaʼ Atsyapuɔ, a gɔ le gē eghʉ épúp, ńdɔkɔ efāa, melaʼ mīi Atsyapuɔ á pɔɔ́ŋ mete á lelɔk ntɔ́te á yí, tɛ a á le fāa.

Lomɛŋ 2:1

A zi mbú ŋgɔ́ áa awɔ́ lɛ́, ńnɔŋ nthúɔ alɔ́ʼ ŋiŋ, mbɔ mɛ́ gɔ le á yí tsá, melaʼ mīi, wu yīi o ó si nthúɔ alɔ́ʼ epuɔ, ḿbiŋ nnɔ̄ŋ ŋghʉ̄ɛ ajú páʼ pɔ́p, á páʼā, o lɔkɔ ntshíɛ athʉ́ á akhu wu mbīi.

Lomɛŋ 2:3

Wu yīi, o thúɔ alɔ́ʼ epuɔ pīi, pɔ́ fʉʼtɛ ejʉɔ ntií menu, ḿbiŋɛ nnɔ̄ŋɔ ŋghʉ̄ɛ ajú páʼ pɔ́p, o ó jʉ́ɔ ŋ́gɛ, o gɔ ekʉ̄ʉ azāŋalɔ́ŋ Ndém, tɛ ntswɛ́t lɛ́?

Lomɛŋ 9:21

Mbɔɔ‑meŋgwʉ́ŋ a gɔ elɔ̄ɔk atsáʼ meŋgwʉ́ŋ, ŋ́ghʉ̄ ajū mīi a á kɔŋ. A gɔ elɔ̄ɔk mbɔ́ ŋgwʉ́ŋ yīi, é teē nzwiŋ, ŋ́kɔ̄ŋ, á lɔk mbɔ́ eyi, é lɛɛ̄ emɛ emɛ ŋgɔ́.

Lomɛŋ 9:22

Ndém a le nɔ̄ŋ ŋkɔŋɔ á letswi azāŋalɔ́ŋ zí, ńnɔŋ ŋkɔ̄ŋɔ á leghʉ mɛ́ zhɛ́ mete mí, ŋ́ké esēk, ŋ́kwɛ́t ntē ánɛ epuɔ pīi, pɔ́ é páʼ meŋgwʉ́ŋ mīi, a ke gɔ́ á záŋ á lɔ́ŋ ánɛ pɔ́p, tɛ ŋghʉ̄ pɔ́ láʼ ndákne.

1 Kɔlɛŋte 1:20

Á piŋɛ ŋgɔ́ épúp, mbɔ megaŋ azhɛ̄‑anu é té ndɔ̄kɔ azhɛ̄‑anu ŋgʉ̄ɔ mé ajʉʼ ɛ́. Mbɔ wɔ kɛ́ʼte‑mbé Ndém, é té ndɔkɔ ŋgʉ̄ɔ mé ajʉʼ ɛ́. Mbɔ wɔ túŋ‑atseŋ anu, ánɛ leleŋ ŋgɔŋ cʉ̄ɔ, é té ndɔkɔ ŋgʉ̄ɔ mé ajʉʼ ɛ́. Á té páʼa, Ndém á lɔkɔ ŋghʉ̄ɛ, azhɛ̄‑anu ŋgɔŋ jʉɔ, á cʉ́ʼɛ áa apiá‑anu lɛ̄?

1 Kɔlɛŋte 7:16

Wu menzwí, ŋgɔ́ á ŋiŋ Yɛɛ́so, o gɔ le zhɛ́ kɛ Ndém a gɔ ezápa ánɛ wu, ŋ́ghʉ̄ ndō wu á tswɛ́t kɛ ŋgáŋ lɛ́ɛ̄. Wu ŋiŋ mbaŋa, o ó le zhɛ́ kɛ, Ndém á gɔ ezápa ánɛ wu, ŋ́ghʉ̄ nzwí wu á tswɛ́t kɛ ŋgáŋ lɛ́ɛ̄.

1 Timotɛ 6:5

Ńzéŋ mbú ŋ́ghʉ̄ mbɔɔ á letɔʼne azō, á tsetsɛlɛ pɔ́p efʉʼ metsem, melaʼ mīi akwaŋte zɔ́p á té pɔŋ. Pɔ́ té zhɛ́ ajū mīi á anuúnē ɛ́. Pɔ́ kwaāŋ ŋ́gɛ legɔ̄ á ŋiŋ Yɛɛ́so, é si ŋgɔ́ emɔ̄ʼ eshhʉ̄, á lelɔk efāʼ ajū mīi a kó á apa.

2 Timotɛ 2:20

Á shʉʉ̄ʼ á ŋgyā ŋgaŋ azō, mɛ́ jʉ́ɔ ntií ntiī mepɛ́ɛn é gɔ́ éwú. Emɔ̄ʼ é éwú, mbɔ mɛ́ le lɔ̄k á gɔ́ɔl tɛ́ ncūŋte. Emɔ̄ʼ é gɔ́ éwú, mbɔ mɛ́ le lɔ̄k atʉɛ́ ŋkāp tɛ́ ncūŋte. Emɔ̄ʼ é gɔ́ éwú, mbɔ mɛ́ le lɔ̄k athʉ́ tɛ́ ŋkɔ́. Emɔ̄ʼ é zéŋ ŋgɔ́ éwú, mbɔ mɛ́ le lɔ̄k atsáʼ tɛ́ mbɔ́. Mɛ́ tshií emɔ̄ʼ á esī áa ánɛ aleʼé lekāk, ńtshí emɔ̄ʼ eleʼé metsem.

Tíit 2:9

Lé á mbū meŋkwa ŋ́gɛ, pɔ́ pɔŋteé á lejūʼ nchu memɔʼɔ́ pɔ́p, ánɛ ajūɔ tsem. Ŋ́gɛ pɔ́ eghʉ̄ afaʼ, tɛ a epɔ̄ŋ memɔʼɔ́ pɔ́p. Ḿbá á wɔ́p á lelʉʼ anu, á nchu pɔ́p.

Jáak 2:20

Atsetseŋ, o ó si ŋkɔ̄ŋɔ ŋ́gɛ, mɛ́ etswī á wú á légɛ, ŋiŋ a fíɛ́ nnɛ̄t ŋgyá á mbū Yɛɛ́so Klísto, té lɔk mefaʼ ntswī, mbɔ lefɛ̄ nnɛ̄t mɛ́t, a gɔ́ áa ŋŋiké lɛ́?