Lomɛŋ 9:16 - Eka Eswhī

¹⁶ Á lɔkɔ ntswī á légɛ, Ndém a te gē ekaŋ á ŋiŋ, éfhó ánɛ páʼ, ŋiŋnɔŋ mé kɔŋ ɔ́, a te fhó ánɛ mefaʼ ŋiŋnɔŋ ɔ́. A fhoó áa ánɛ atsāmezeŋɛ zīi, a wɛɛ̄ ánɛ ŋiŋnɔŋ.

Lomɛŋ 9:16 Iomraidhean Croise

Matío 11:27

«Mɔʼɔ́ ga a lē mbú ŋgyá mete ntsem á mbū meŋ. Ŋiŋ a gɔ le zhɛ́ páʼ meŋ Méŋ yi, meŋ á épúp ɔ́, ńdaʼ yí. Ŋiŋ á pīŋ le zhɛ́ páʼ, Mɔʼɔ́ ga a á épúp ɔ́, ńdaʼ gá Méŋ yi, mbɔɔ epuɔ pīi, Mɔ́ a á tswi á wɔ́p á ŋiŋ yīi, Mɔʼɔ́ yi a á ewiɛ́.

Matío 4:8

Sɛ́ta á zéŋ ndɔ̄k á yí, ŋ́kɔ́ʼ tɛ ŋkó á ndo mmɔʼ sisia lekwɛ̄t, ńtshí éwú, ńtswī á yí elāʼ ntsem tsīi, é ndo esī atsetsáʼ, mbɔɔ lewūʼ tsīi é ntē éwú.

Lúkási 10:21

Yɛɛ́so a le māk ajʉɔ anu mɛ́t, Azwakne Ndém á ghʉ, ntē yí é gáŋte, á tɔ́ŋ á Ndém ndé ŋ́gɛ: «Mɔʼɔ́ ga, Atsyapuɔ, wu yīi, o pɔɔ́ŋ lephū pɔ́ esī atsetsáʼ, meŋ á syákne á wú, páʼ o ke lʉ̄ɔ menu mú á mbū megaŋ azhɛ̄‑anu, mbɔɔ á mbū meghi, ḿbiŋ ntswī á mbū epuɔ pīi, é páʼ ewɔŋkhʉ̄ lā, éwɔ te zhɛ́‑anu. Ŋŋ me Mɔ́ʼɔ, á gɔ́ épúp páʼā, ŋ́gɔ́ áa páʼ wu mé kɔŋ. »

Jáaŋ 3:8

Fefwɛt a tuúʼ á ajʉʼ zīi a á kɔŋ, o ejúʼ páʼ a tɔ́kɔ, ŋ́ké te zhɛ́ á ajʉʼ zīi, a fhɔ́ɔ éwú ú, o te zhɛ́ á ajʉʼ zīi, a gʉɔ mé éwú ú. Á zéŋ ŋgɔ́ ndeŋ ndeŋ épúp, á mbū ŋiŋ yīi, mɛ́ é zhí á yí mé Azwakne Ndém. »

Lomɛŋ 9:11

Mɛ́ le zɛ́t te zhí ewɔŋkhʉ̄ mɛ́t, pɔ́ zɛ́t á levem, tɛ nzɛ́t áa te zhɛ́ á leghʉ anu mbɔŋ ká azi tepɔŋ. Ndém páʼ, á gē eghʉ azō, yí méŋwɛ̄t mé sáŋ, ŋ́ghʉ̄ páʼ, a á kɔŋ épúp,

Galat 2:2

Meŋ nde gē epe egʉɔ épúp, mbɔ Ndém mé sia eshúŋ á gá. Meŋ kó éwú, pek a wɔ tshí‑mvhɔ ánɛ alúŋ epuɔ Yɛɛ́so, é ghʉ acuʼte. Meŋ kó ánɛ acuʼte mɛ́t, ŋ́kɛ́ʼte ŋke mbɔŋ yīi, meŋ á si ntswīi á tsetsɛlɛ epuɔ Yɛɛ́so pīi, é té epuɔ Yúda á, eshúŋ á wɔ́p, ḿbɔ́k afaʼ zīi, meŋ ke ghʉ̄ʉ̄, mbɔɔ azi meŋ á tsetsɔŋɔ ŋghʉ̄ɛ, á lege ezoko, ńtó ndémndēm.

Efɛze 2:8

Pɛ ezhɛ́ á légɛ, Ndém a le zapá ánɛ apɔŋɔ́ ntē te ndhʉ zí, tɛ́ ŋghʉ̄ pɛ tswɛ́t, éfhó ánɛ wɛ́ lefɛ̄ nnɛ̄t ŋgyá á mbū yí. Ewuɔ legɔ̄ mɛ́t, á ké te fhó á mbū pɛ ɛ́, a fhó áa ánɛ páʼ, Ndém mé kɔŋ ŋghʉ̄ épúp ndémndēm.

Fílíip 2:13

melaʼ mīi, Ndém mé si ntshónɛ á wɛ́, pɛ tsáa, ḿbiŋɛ ŋkūʼɔ á leghʉ ajū mīi, a kɔɔ̄ŋ ŋ́gɛ mɛ́ eghʉ̄.

Jáak 1:18

A le fhó ánɛ lekɔŋ yi, ńdɔ̄k ashuŋne anuúnē, ŋ́ghʉ̄ ḿpɛ é gɔ́ éwú. Ŋ́ghʉ̄ɛ épúp páʼā, ŋ́gɛ ḿpɛ egɔ́ á mbū yí, ńtshí mvhɔ, ánɛ ajū mīi a á pɔ́.