Lomɛŋ 9:11 - Eka Eswhī

¹¹ Mɛ́ le zɛ́t te zhí ewɔŋkhʉ̄ mɛ́t, pɔ́ zɛ́t á levem, tɛ nzɛ́t áa te zhɛ́ á leghʉ anu mbɔŋ ká azi tepɔŋ. Ndém páʼ, á gē eghʉ azō, yí méŋwɛ̄t mé sáŋ, ŋ́ghʉ̄ páʼ, a á kɔŋ épúp,

Lomɛŋ 9:11 Iomraidhean Croise

Lomɛŋ 4:17

Á gɔ́ páʼ á ntí ntí á ntē aŋwaʼne Ndém ŋ́gɛ, Ndém a le lé á mbū Ablaham ŋ́gɛ: «Meŋ á lɔk á wú, ŋ́ghʉ̄ á mɔʼɔ́ atʉtʉ melāʼ. » Ablaham a á si ŋgɔ́ á mɔʼɔ́ yímpɛ, á mvhɔ Ndém, á ŋiŋ yīi a le fɛ́ nnɛ̄t ŋgyá á mbū yí. Ndém mɛ́t mé ghʉ̄ʉ, epuɔ pīi é lē ŋkwhʉ́te, é zím ánɛ lewhʉ̄. Ńzéŋ ndɔ̄k nchu yí ndé anu, ajū mīi á kaá nzi ŋgɔ́ éwú ú, á gɔ́.

Efɛze 2:3

Ḿpɛ metsem é le zéŋ ŋgɔ́ azímpɛ páʼ pɔ́p lā, ńnɔŋ nnáŋa páʼ mbe nnɛ̄t zímpɛ, é si ntshónɛ á yímpɛ ŋ́gɛ, ḿpɛ enáŋ épúp. Ḿpɛ le nɔ̄ŋ ŋghʉɛ páʼ mbe nnɛ̄t zímpɛ e é si ŋkɔ̄ŋɔ, ńnɔŋ nzīŋɛ páʼ á kɔ́ʼ á athū pímpɛ épúp. Ndém a lɛ eláʼ ezáŋ á lɔ́ŋ á mbū pímpɛ, páʼ a záŋa á mbū awɔ́ ŋiŋ lɛ́ yīi, a teē athū á mbū yí.

Efɛze 2:9

A te fhó ánɛ mefaʼ mɛ́ ɛ́, ńdɔkɔ ŋ́gɛ, ndɛ́ʼ ŋiŋ á lɔk épúp ŋŋīa.

Efɛze 3:11

A le ghʉ̄ épúp, ńdɔk ŋghʉ̄, anu zīi a le sáāŋ, tɛ nzī nzɛ́t áa te nɔŋ ŋgɔŋ, á zápa ánɛ Atsyapuɔ yímpɛ Yɛɛ́so Klísto, ḿbō.

1 Tesalonik 1:4

Pek é si nzhɛ́ɛ me epɔ̄ memía, Ndém a le kɔ̄ŋ á wɛ́, ŋ́kāŋ á wɛ́, pɛ cʉ́ʼ epuɔ pí.

1 Tesalonik 2:12

Pek kɛ te néŋ té semte á wɛ ɛ́. Pek te néŋ te yá á wɛ́ ŋgate ɛ́. Ńchʉ́ nnɛ̄t nték á wɛ́, ŋ́gɛ pɛ ezīŋ ánɛ mɛnzhɛ yīi, Ndém a á si ŋkɔ̄ŋɔ. Yí mé si ntɔ́ŋɔ á wɛ́ ŋ́gɛ, pɛ eshʉ̄ʼ ŋkó á ntē Lefɔ yí, mbɔɔ á ntē lewūʼ tsí.

2 Timotɛ 1:9

Ndém mé le ghʉ̄ ḿpɛ é tswɛ́t, ńtɔ́ŋ á yímpɛ ndɔ̄k ŋghʉ̄ epuɔ pí. A lɛ te gē eghʉ épúp, éfhó ánɛ mefaʼ mbɔŋ mímpɛ ɛ́, a le fhó ánɛ páʼ, a le kwāŋ épúp, éfhó ánɛ apɔŋɔ́ ntē te ndhʉ zí, ánɛ epuɔ menɔŋ. A le té njhʉ̄ nzápa ánɛ Yɛɛ́so Klísto, ńtswī á yímpɛ apɔŋɔ́ ntē te ndhʉ jʉɔ mɛ́t, tɛ nzī nzɛ́t áa te nɔŋ ŋgɔŋ.

Tíit 3:5

ŋ́ghʉ̄ ḿpɛ etswɛ́t. A te gē eghʉ épúp, éfhó ánɛ mefaʼ membɔŋ mīi, ḿpɛ méŋwɛ̄t é lɔkɔ á ndeŋ ndeŋ ŋghʉ̄ɛ ɛ́. A le gē eghʉ épúp, éfhó ánɛ atsāmezeŋɛ zí zīi, a wɛɛ̄ ánɛ pímpɛ. A le fhó ánɛ páʼ a le sōk mefa mímpɛ, ńzápa ánɛ Azwakne Ndém, ŋ́ghʉ̄ ḿpɛ cʉ́ʼ epuɔ meswhī.

1 Piɛ 5:10

Pɛ e jʉ́ɔ ŋgʉɔ̄ʼ épúp, áa méŋ afʉʼ, Ndém, a eghʉ̄ akʉ̄ɛ akʉ̄ɛ a ezéŋ mbīŋ á menaŋá yí. A á Ŋghʉɛ‑anu‑mbɔŋ‑té ndhʉ. Yí mé le zapá ánɛ Klísto, ńtɔ́ŋ á wɛ́ nnéŋ á ntē te mi shʉ́shɔ́k yi. Ḿpfēŋ ndo zɛ. Pɛ echʉ́ nnɛ̄t ntēte ánɛ mɛnzhɛ wɛ, tɛ ŋgɔ́ yīi, amɔ̄ʼ azō á gɔ le zéŋ á wɛ́ ŋghʉ̄ ɛ́.

2 Piɛ 1:10

Melaʼ épúp, meŋ shúŋɔ á wɛ́ me epɔ̄ memía, páʼ Ndém a le kāŋ á wɛ́, ńtɔ́ŋ á wɛ́ ánɛ mefaʼ mí lā, pɛ ekāk ete ánɛ mɛnzhɛ mɛ́t. Pɛ ghʉɛ épúp, mbɔ pɛ gɔ le láʼ efhó ánɛ mɛnzhɛ Ndém ntó ɔ́.

Menjʉɔ te lí 17:14

Pɔ́ e shʉʼ elʉɔ́ʼ á Mɔ́ Njʉnjhʉ, a eké njhʉ́ á wɔ́p, melaʼ mīi, a á Atsyantsɔp, ŋ́gɔ́ á Efɔ mefɔ. Pɔ́ a epuɔ pīi, a le tɔ́ŋ á wɔ́p, ŋ́kāŋ á wɔ́p, épuɔ pīi pɔ́ juúʼ nchu yí té sɛt, mé epú njhʉ́ɛ á wɔ́p épúp. »