Lomɛŋ 9:1 - Eka Eswhī

¹ Páʼ meŋ á ŋiŋ Klísto lā, anu zīi meŋ gɔ́ á eshúŋɔ la, á anuúnē. Meŋ te ntáŋa mela á. Azwakne Ndém á nɔŋ ntswíi ntāŋ gá, ŋ́ghʉ̄ɛ, ntē gá é té ŋāka á gá á.

Lomɛŋ 9:1 Iomraidhean Croise

Lomɛŋ 1:9

Ndém a á si nzhɛ́ɛ á légɛ, anu zīi meŋ gɔ á eshúŋɔ la, á anuúnē, á yí yīi meŋ á si ndɔ̄kɔ á letswi ŋke mbɔŋ ánɛ Méŋ yi, ŋ́gūʼtɛ á yí mé taʼ ntē. A á si nzhɛ́ɛ á légɛ, meŋ kimteé á wɛ́ té ká.

Lomɛŋ 2:15

Pɔ́ é páʼā, ńdɔkɔ ntswīi á légɛ, mɛnzhɛ yīi, lepé é si ŋkɔ̄ŋɔ ŋ́gɛ mɛ́ ezīŋ éwú, a á ŋkia kia á ntē pɔ́p. Ntē wɔ́p é zéŋ nnɔ̄ŋ eshúŋɔ á wɔ́p épúp. Akwaŋte zɔ́p á lɔk á legɔ̄ amɔ̄ʼ afʉʼ, ŋ́ŋāk á wɔ́p, mbɔɔ á legɔ̄ mmɔʼ afʉʼ, ńtɔ́k nzem zɔp, ńzéŋ ŋghʉ̄ pɔ́ zhɛ́ épúp.

Lomɛŋ 8:16

Azwakne Ndém mɛ́t yí méŋwɛ̄t mé si ŋghʉ̄ɛ, ḿpɛ ecuŋtɛ nzhɛ́ɛ á ntē pímpɛ á légɛ, ḿpɛ é si ŋgɔ́ epɔ̄ Ndém.

Lomɛŋ 9:2

Ntē gá é si mbúu mmēkɛ tɛʼ, ńnáŋ efʉʼ metsem, ńzáŋ páʼ mɛ́ é pɛ́ apuʼ, ésɔ̄p éwú lā.

2 Kɔlɛŋte 1:12

Ajū mīi ḿpek lɔkɔ ŋkāʼtɛ, á si ŋgɔ́ páʼ akwaŋte zék á té si ŋŋāka á wék ɛ́. Pek lɔɔ̄k á ndeŋ ndeŋ pɔ́ anuúnē zīi, á fhɔ́ɔ á mbū Ndém, tɛ́ nnáŋ á ŋgɔŋ ega. Ńtswhi ŋgwɛ̄ á ndeŋ ndeŋ pɔ́ anuúnē mɛ́t, ánɛ pɛ. Ŋ́gē ewɛ épúp, á té fhɔ́ɔ ánɛ azhɛ̄‑anu ŋiŋnɔŋ ɔ́, á fhɔ́ɔ áa ánɛ apɔŋɔ́ ntē te ndhʉ zīi, Ndém a wɛɛ̄ ánɛ pek.

2 Kɔlɛŋte 1:23

Ajū mīi á le ghʉ̄ tɛ meŋ te á Kɔlɛŋte shʉ̄ʉʼ, a ajʉɔ páʼa: meŋ nde nɔ̄ŋ te ŋkɔ̄ŋɔ á gá á leghʉ, ntē wɛ́ é záŋ á. A gɔ́ éyi meŋ ndátɛ, Ndém á lɛ nzwhí á gá.

2 Kɔlɛŋte 11:10

Meŋ á lɔk anuúnē Klísto, páʼ a á ntē meŋ, ńdé ŋ́gɛ: meŋ gɔ le gʉ̄ɔ tɛ ŋkó á apak alāʼ Akayi, ŋiŋ á tɔʼ á gá á lelɔk ewuɔ legɔ̄ mɛ́t ŋkāʼte ɛ́.

2 Kɔlɛŋte 11:31

Ndém, á Mɔʼɔ́ Atsyapuɔ yímpɛ Yɛɛ́so, a á si nzhɛ́ɛ á légɛ, meŋ te ntáŋa mela á. Awuʼte a egɔ́ á mbū yí á lemiʼɛ.

2 Kɔlɛŋte 12:19

Tɛ efhó tɛ afʉʼ, pɛ nɔ̄ɔŋ ŋkwāŋa ŋ́gɛ, pek é si ndhʉ̄ɛ athū zék á mvhɔ pɛ lɛ́? Ŋgáŋ, pek zapaá ánɛ Klísto, ńtshí á mvhɔ Ndém tɛ́ eshúŋnɛ. Ŋ́ghʉ̄ɛ épúp me epɔ̄ memía, ńdɔkɔ efāʼa á légɛ, pɛ efɛ́ nnɛ̄t ŋgyá á mbū Ndém, ńdɔk ŋgʉ̄ɔ mé mvhɔ.

Galat 1:20

Anu zīi meŋ shúŋɔ á wɛ́, á si ŋgɔ́ anuúnē, meŋ tshií á mvhɔ Ndém tɛ́ eshúŋnɛ, é té epoó‑anu ú.

Fílíip 1:8

Ndém a á si nzhɛ́ɛ páʼ, á anuúnē á légɛ, meŋ kɔɔ̄ŋ á wɛ́ metsem tɛʼ, mé ŋkɔŋne zīi Yɛɛ́so Klísto a le néŋ á ntē meŋ.

1 Tesalonik 2:5

Pɛ é si ncuŋtɛ nzhɛ́ɛ á légɛ, pek la gɔ́ aleʼé, éshúŋ ashuŋne á lelɔk ndʉ̄te epuɔ ɔ́. Pek te gɔ́ aleʼé, ŋ́gē eshúŋne, akwaŋte zék á tshí ánɛ amɔ̄ʼ apɛ zīi, pek gʉɔ mé njhʉ́ɛ ɛ́. Ndém a á si nzhɛ́ɛ ŋ́gɛ, á anuúnē.

1 Timotɛ 1:5

O etswī épúp, ńdɔkɔ efāʼa ŋ́gɛ, pɔ́ ekɔ̄ŋ epuɔ menɔŋ. Á si nzɛ́ttɛ ŋ́gɛ, ntē ŋiŋ e enɔŋ ndánɛ, akwaŋte zí a enɔ̄ŋ le ŋāka á yí í, ŋgaŋ a epiŋ nnɔ̄ŋ efíɛ́ nnɛ̄t ŋgyáa á mbū Ndém á anuúnē, tɛ́ ŋkɔ̄ŋ emɔ̄ʼ epuɔ.

1 Timotɛ 2:7

É melaʼ épúp tɛ́, Ndém a le tsɔ́ʼ á gá ŋ́gɛ, meŋ egɔ́ á ntswi‑ŋke yi, ŋ́gɔ́ á nziŋ‑ntō. A le tsɔ́ʼ á gá ŋ́gɛ, meŋ ezíʼne epuɔ pīi, é té epuɔ Yúda á, á lefɛ̄ nnɛ̄t ŋgyá á mbū yí, ńzéŋ nzíʼne á wɔ́p anuúnē ánɛ yí. Meŋ shúŋɔ anuúnē, meŋ te ŋghíɛ mela á.

1 Timotɛ 5:21

Meŋ á tshí á mvhɔ Ndém, mbɔɔ á mvhɔ Yɛɛ́so Klísto, mbɔɔ á mvhɔ mecɔʼ Ndém, páʼ Ndém a lē ŋkāŋ á wɔ́p, éswíŋte á wú ŋ́gɛ, o elɛ ŋkúʼte menu muɔ mɛ́t mīi, meŋ á shúŋ á wú la, té tɛʼte á ŋiŋ, té wɛ epií‑enu.