Lomɛŋ 8:9 - Eka Eswhī

⁹ Ŋ́ké ŋgɔ́ mé pɛ, mbɔ pɛ te si nzīŋɛ páʼ mbe nnɛ̄t zɛ mé si ntshónɛ á wɛ́ ɛ́, pɛ é si nzīŋɛ áa páʼ, Azwakne Ndém á si nzɛ́ttɛ. Á lɔk ŋgɔ́ páʼ, Azwakne mɛ́t á ntē pɛ. Azwakne Klísto á gɔ́ te á ntē ŋiŋ ɛ́, mbɔ ŋgaŋ a te ŋiŋ yi í.

Lomɛŋ 8:9 Iomraidhean Croise

Lúkási 11:13

Pɛ pīi, pɛ é epuɔ tepɔŋ ejʉɔ ntí, pɛ ké nzhɛ́ ajūɔ mbɔŋ, tɛ́ ŋgyá á mbū ewɔŋkhʉ̄ pɛ́. Tɛ ŋgʉɔ shɔ́ʼɔ́ ánɛ Mɔʼɔ́ wɛ Ndém yīi, a á lephū ú? A gɔ le néŋ té yá Azwakne zí á mbū epuɔ pīi, pɔ́ é si eswíŋtɛ á yí í?»

Jáaŋ 14:17

Ŋkʉɛ‑anɔŋɔ́‑mɛnzhɛ mɛ́t, a gɔ́ á Azwakne Ndém, yí mé kwaʼ ntswī á wɛ́ á ŋiŋ yīi, Ndém a á ewiɛ́. Epuɔ ŋgɔŋ puɔ, é gɔ le kūʼ á letswi á yí í, melaʼ mīi, pɔ́ zi te si njʉ́ɔ á yí í, ńzi nnɔ̄ŋ te nzhɛ́ɛ á yí í. Pɛ pwɔ̄, pɛ é si ŋké nzhɛ́ɛ á yí. A á lezēŋ pɛ efʉʼ metsem, a á ntē nnɛ̄t pɛ efʉʼ metsem.

Jáaŋ 14:23

Yɛɛ́so á pwɛt á mbū yí ŋ́gɛ: «Ŋiŋ yīi a kɔɔ̄ŋ á gá, a ziīŋ páʼ ashuŋne zá á si ndʉ́ɛ́ épúp. Mɔʼɔ́ ga á kɔŋ á yí. Pek e shʉʼ eshʉʼ á mba yí, élɔk mba zi, éghʉ lenaŋá tsék.

Jáaŋ 3:34

Ŋiŋ yīi, Ndém a le tó á yí, a á si eshúŋɔ áa menu mīi, é fhɔ́ɔ á mbū Ndém. Ndém mɛ́t mé si ŋgyáa á yí Azwakne zí té ndhʉ.

Jáaŋ 3:6

Ŋiŋ yīi, ŋiŋnɔŋ mé zhí á yí, á gɔ̄ áa ŋiŋnɔŋ. Ŋiŋ yīi mɛ́ é zhí á yí, mé Azwakne Ndém, a wɛɛ̄ Azwkane Ndém.

Mefaʼ Meziŋ-ntō 16:7

Ŋ́gʉɔ tɛ nnɔ̄ŋ mbáte apak ŋgɔŋ Misi, ńnɔŋ efāʼa á letɔ̄k ŋgʉ̄ɔ mé apak ŋgɔŋ Bitini, Azwakne Yɛɛ́so á zéŋ te véŋ.

Lomɛŋ 7:5

Ḿpɛ le zɛ́t nziŋɛ páʼ, mbe nnɛ̄t zímpɛ e é si ntshónɛ á yímpɛ ŋ́gɛ, ḿpɛ ezīŋ épúp, lepé é nɔŋ ntshónɛ á yímpɛ, á leghʉ mefa, páʼ ḿpɛ é si ŋkɔ̄ŋɔ páʼā, ejʉɔ ntií lenāŋ mɛ́t, é tshóne á yímpɛ nnéŋ áa ánɛ lewhʉ̄.

Lomɛŋ 8:1

Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

Lomɛŋ 8:11

Azwakne ŋiŋ yīi, a le ghʉ̄ Yɛɛ́so á zím ánɛ lewhʉ̄, á gɔ́ á ntē pɛ, mbɔ ŋiŋ mɛ́t yīi, a le ghʉ̄ Yɛɛ́so Klísto mɛ́t, á zím ánɛ lewhʉ̄, a shʉʼ ezéŋ eghʉ, mbe nnɛ̄t zɛ zīi, é gɔ́ áa akwhʉɛ́‑azō, e egɔ́ nte, éfhó ánɛ Azwakne zí zīi, á ntē pɛ.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

1 Kɔlɛŋte 15:23

Éké ezím áa ánɛ azɔ́p afʉʼ. Klísto a lē ndáʼ nzī mvhɔ nzím. Epuɔ pīi é lɛtneē ánɛ yí, e láʼ epáte, á afʉʼ zīi, a piŋɛ nzem.

1 Kɔlɛŋte 3:16

Pɛ ka zhɛ́ á légɛ, pɛ é si ŋgɔ́ ŋgyā Ndém, Azwakne zí á piŋ nnáŋ ánɛ pɛ ɛ́ lɛ̄?

1 Kɔlɛŋte 6:17

Ŋiŋ yīi, a á piŋ ndɛ̄tne nnɛ̄t zi ánɛ Atsyapuɔ, pɔ́ yí é pú ncʉ́ʼ á taʼ á ntē azwakne.

1 Kɔlɛŋte 6:19

Pɛ ka zhɛ́ á légɛ, mbe nnɛ̄t zɛ e é si ŋgɔ́ á Mía Ŋgyā Azwakne Ndém ɛ́ lɛ̄? Ndém a le yá Azwakne mɛ́t ŋ́gɛ, a egɔ́ á ntē pɛ. Púp, pɛ é le zéŋ mbɔ́ŋ mbe nnɛ̄t zɛ́ ɛ́, Ndém mé ecʉ́ʼɛ mbɔ́ŋɔ á wɛ́.

2 Kɔlɛŋte 10:7

Pɛ ejʉ́ɔ ajūɔ tsem páʼ á épúp ndeŋ ndeŋ. Ŋiŋ a nɔŋɔ ncūŋtɛ nzhɛ́ɛ á ntē yí légɛ, yí é ŋiŋ Klísto, á pú ncūŋte nzhɛ́ á taʼ legʉɔ á légɛ, páʼ a á ŋiŋ Klísto lā, pek zeéŋ ŋgɔ́ azék epuɔ Klísto.

2 Kɔlɛŋte 6:16

Ŋgyā Ndém pɔ́ mesī é te azō wɛ. Ḿpɛ mé si ŋgɔ́ ŋgyā Ndém yīi, a naáŋ ntē lā, yí méŋwɛ̄t á le lé ŋ́gɛ: «Meŋ a shʉʼ enáŋ á tsetsɛlɛ pɔ́p, pek a pɔ́p e egɔ́ nnɔ. Meŋ egɔ́ á Ndém wɔp, pɔ́ egɔ́ epuɔ alāʼ pá. »

Galat 4:6

Meŋ á gɛ epɔ̄ Ndém, pɛ zi ŋgɔ́ á kwaʼ epiɛ́. Ndém a le gē etswi á légɛ, pɛ é si ŋgɔ́ á kwaʼ epiɛ́, ńtó á Azwakne Méŋ yi á ntē pímpɛ. Aziɛ́ mé tshoneé á yímpɛ, ḿpɛ lāa ntɔ́ŋ á Ndém é lɛ Abba, ńdɔkɔ ŋ́gɛ Mɔ́ʼɔ.

Galat 5:24

Epuɔ pīi, pɔ́ lɛtneē ánɛ Klísto, pɔ́ lē mbú ŋgwáʼ ajūɔ tsem zīi, mbe nnɛ̄t e gɔ etshóne á wɔ́p á leghʉ. Menu mīi mbe nnɛ̄t e gɔ etshóne á wɔ́p á letshī ntē éwú, mbɔɔ a leghʉ, pɔ́ lē mbú ntó éwú.

Efɛze 1:13

Pɛ ezɛ́, é ke zapá ánɛ Klísto, ńjúʼ ŋke yīi é si ŋgɔ́ anuúnē, ŋ́ke mbɔŋ yīi é ghʉɛ mɛ́ tswɛ́tɛ. Pɛ le júʼ ŋke mbɔŋ mɛ́t, éfɛ́ nnɛ̄t ŋgyá á mbū Klísto, Ndém á néŋ ayiŋne zí ánɛ pɛ, á gɔ́ Azwakne zí zīi a le phʉ́ʉ̄.

Efɛze 2:22

Ndém a le fhó ánɛ páʼ, pɛ azɛ́, é lɛtneē ánɛ Klísto lā, tɛ́ ŋghʉ̄ pɛ egɔ́ mmɔʼ ŋkaŋa ánɛ ŋgyā mɛ́t, pɛ a emɔ̄ʼ epuɔ é pú ncʉ́ʼ ŋgyā zīi, a lɔɔ̄k Azwakne zí nnáŋ éwú.

Efɛze 3:17

Ŋ́gɛ Ndém a ezápa ánɛ wɛ́ lefɛ̄ nnɛ̄t ŋgyá mé Klísto, ŋ́ghʉ̄, Klísto mɛ́t a enáŋ á ntē pɛ. Ŋ́gɛ ŋkɔŋne e egɔ́ á tsetsɛlɛ pɛ, ńtēte, páʼ athʉ́ zīi meŋgaŋ mí, é lɛtneē á esī lā, mbɔɔ páʼ ŋgyā zīi, e tshií ánɛ kwaʼ atsék lā.

Fílíip 1:19

Pɛ é si eswíŋtɛ á Ndém á athū meŋ. Azwakne Yɛɛ́so Klísto á zéŋ nnɔ̄ŋ ntswítɛ á gá. Pɛ eghʉ̄ɛ épúp páʼā, ńdɔkɔ ŋ́gɛ menu muɔ mɛ́t ntsem, e eshʉʼ ŋghʉ̄, meŋ etswɛ́t.

2 Timotɛ 1:14

Ŋ́gɛ Azwakne Ndém páʼ á ntē pímpɛ lā, a elɛ ntswíte á wú á lepīp ŋke mbɔŋ, páʼ mɛ́ le tsekné á mbū wu lā, tɛ azō á le éwú kúmne.

1 Piɛ 1:11

Azwakne Klísto á lɛ ánɛ metswi‑ŋke Ndém, ńnɔŋ ŋghʉ̄ɛ, pɔ́ tʉ́ɛ́ njhʉ̄ eshúŋɔ epuɔ ŋgʉɔ̄ʼ zīi, Klísto a shʉʼ ejʉ́ɔ, tɛ́ ekó á ntē lewūʼ tsí. Pɔ́ le nɔ̄ŋ efaʼa á lezhɛ̄ afʉʼ alāʼ, pɔ́ meyiŋne mīi, e shʉʼ enɔŋ etsiatɛ, tɛ́ mɛ́ elɔk nzhɛ́ á légɛ, njhʉ̄ menu mīi, Azwakne Klísto á le phʉ́ʉ̄, e é kuʼ.

1 Jáaŋ 3:24

Ŋiŋ a kuʼteé mbé mí páʼā, ńdɔkɔ ndɛ̄tnɛ ánɛ yí, á gɔ́ mé ŋgaŋ. Púp, ḿpɛ lɔ̄ɔk nzhɛ́ á légɛ, a á me pímpɛ, melaʼ mīi, a le yá Azwakne zí á mbū pímpɛ.

1 Jáaŋ 4:13

Ḿpɛ gē ezhɛ́ á légɛ, Ndém a á me pímpɛ, ḿpɛ ezéŋ ŋgɔ́ mé yí, ńjʉ́ɔ, ŋ́gwɛ̄ Azwakne zí, páʼ a le néŋ á ntē pímpɛ lā.

1 Jáaŋ 4:4

Ŋ́ké ŋgɔ́ mé pɛ me ewɔŋkhʉ̄ pá, mbɔ pɛ é si ŋgɔ́ epuɔ Ndém. Pɛ lē ndáʼ njhʉ́ wɔ táŋ‑mela puɔ mɛ́t, melaʼ mīi, Azwakne Ndém, páʼ á ánɛ pɛ lā, á faáŋ ntɔ́k á ŋgaŋ mbo Klísto yīi, a á ntē ŋgɔŋ lā.

Menjʉɔ te lí 13:8

Epuɔ metsem pīi, pɔ́ é ndo esī atsetsáʼ, pɔ́ tswíʼte, ŋ́ŋɔ́ʼne tɛ ethū tsɔ́p é pfeŋ esī, ŋ́gūʼte á yí, épuɔ metsem pīi Mɔ́ Njhʉnjhʉ, páʼ mɛ́ le zwhí lā, a lɛ te tí nzēŋ mɔ́p tɛ efhó anɔŋɔ́‑ŋgɔŋ, á ntē aŋwaʼne nzēŋ epuɔ pīi, é wɛɛ̄ lenāŋ leswhī ɛ́.

Menjʉɔ te lí 20:15

Mɛ́ le zéŋ mbú ḿmāʼ á ŋiŋ ntsem yīi, lezēŋ tsí é lɛ te nti tií á ntē aŋwaʼne nzēŋ epuɔ pīi, pɔ́ wɛɛ̄ lenāŋ leswhī ɛ́, á ntē mía mía mmók.