Lomɛŋ 8:8 - Eka Eswhī

⁸ Epuɔ pīi pɔ́ ziīŋ páʼ, mbe nnɛ̄t zɔp mé si ntshónɛ á wɔ́p, pɔ́ gɔ le ghʉ̄ á ajū mīi, á pɔŋ á Ndém ɛ́.

Lomɛŋ 8:8 Iomraidhean Croise

Matío 3:17

Á zéŋ njúʼ mmɔʼ ŋghi é fhó éwú ndé ŋ́gɛ: «Ŋiŋ wuɔ a á Méŋ ga, meŋ kɔ̄ɔŋ á yí tɛʼ, a ghʉʉ̄ ntē gá é gáŋte. »

Jáaŋ 3:3

Yɛɛ́so á pwɛt á mbū yí ŋ́gɛ: «Kwaʼ anuúnē anuúnē, meŋ shúŋɔ á wú ŋ́gɛ, mɛ́ gɔ te zhí á ŋiŋ leswhī leswhī ɛ́, mbɔ a gɔ le kó á ntē Lefɔ Ndém ɛ́. »

Jáaŋ 8:29

Pek ŋiŋ yīi, a le tó á gá á ŋgɔŋ mé nnɔ. A ka tshi á gá néŋ, meŋ cʉ́ʼ meŋɛmeŋ ɛ́, melaʼ mīi, meŋ mbúu ŋghʉ áa ajū mīi, a pɔŋ á yí. »

Lomɛŋ 1:21

melaʼ mīi pɔ́ le nɔ̄ŋ nzhɛ́ɛ á légɛ, Ndém a á éwú, ḿbiŋ te mekuʼ mí ghʉ, pɔ́ té yí syákne. Pɔ́ lɛ te ghʉ̄ páʼ á zɛtteé ŋ́gɛ, mɛ́ eghʉ̄ á mbū Ndém épúp ɔ́. A cʉ́ʼɛ épúp, mbɔ ekwaŋte tsɔ́p tsīi, é zi ŋgɔ́ áa ŋŋiké, é le ghʉ̄ʉ̄, pɔ́ fa nzhɛ. Legɔ̄ yīi, pɔ́ té kwāŋte anu á mbɔŋɔ́ ɔ́, á ghʉ, pɔ́ pú ntsé á ntē nzém.

Lomɛŋ 7:5

Ḿpɛ le zɛ́t nziŋɛ páʼ, mbe nnɛ̄t zímpɛ e é si ntshónɛ á yímpɛ ŋ́gɛ, ḿpɛ ezīŋ épúp, lepé é nɔŋ ntshónɛ á yímpɛ, á leghʉ mefa, páʼ ḿpɛ é si ŋkɔ̄ŋɔ páʼā, ejʉɔ ntií lenāŋ mɛ́t, é tshóne á yímpɛ nnéŋ áa ánɛ lewhʉ̄.

Lomɛŋ 8:9

Ŋ́ké ŋgɔ́ mé pɛ, mbɔ pɛ te si nzīŋɛ páʼ mbe nnɛ̄t zɛ mé si ntshónɛ á wɛ́ ɛ́, pɛ é si nzīŋɛ áa páʼ, Azwakne Ndém á si nzɛ́ttɛ. Á lɔk ŋgɔ́ páʼ, Azwakne mɛ́t á ntē pɛ. Azwakne Klísto á gɔ́ te á ntē ŋiŋ ɛ́, mbɔ ŋgaŋ a te ŋiŋ yi í.

1 Kɔlɛŋte 7:32

Meŋ te si ŋkɔ̄ŋɔ ŋ́gɛ, pɛ emēk ánɛ amɔ̄ʼ azō ɔ́. Ŋiŋ yīi a la ŋgyā lá á, ntē yí é tshií áa leghʉ mefaʼ Atsyapuɔ Yɛɛ́so. Á ghʉɛ épúp páʼā, ńdɔkɔ efāʼa ŋ́gɛ, Atsyapuɔ a ekɔ̄ŋ á yí.

Fílíip 4:18

Meŋ á chʉ́ nnɛ̄t mvéŋ ŋ́gɛ, meŋ ke jʉ́ɔ ajūɔ tsem zīi, pɛ ke tó á mbū meŋ. Á ke pú nzá, ńtɔ́k azi á ŋgɔ́ á mbū meŋ ŋkíŋɛ. Tsetsɔŋɔ, páʼ Epaflodit a ke lɔ̄k etsō tɛ nzá eshʉʼ ŋgyá mé meŋ lā, amɔ̄ʼ azō á té zɛ́t á mbū meŋ ŋkíŋɛ ɛ́. Etsō mɛ́t é si ŋgɔ́ páʼ epɔʼ yīi, é lemteē azík mbɔŋ, épɔʼ yīi, mɛ́ é yá á mbū Ndém, tɛ á véŋ, é nɔŋ mbɔ̄ŋɔ á yí lā.

Kɔlɔs 1:10

Púp, ńdɔk nnáŋ páʼ Atsyapuɔ a á si nzɛ́ttɛ. Ŋ́gɔ́ efʉʼ metsem, ŋ́ghʉ̄ ajū mīi, á pɔŋ á yí, e elɔk ŋgɔ́ ntá mbɔŋ zīi, pɛ zémɛ. Ńtswiʼne nzhɛ́ á Ndém, ńdɔk ŋgʉ̄ɔ mé mvhɔ.

Kɔlɔs 3:20

Ŋ́gɔ́ mé pɛ ewɔŋkhʉ̄, pɛ ejúʼ nchu memɔʼɔ́ pɛ́, ńjúʼ nchu memía pɛ́, ánɛ ajūɔ tsem. Á si ŋgɔ́ atswhī zīi Atsyapuɔ a kɔ̄ɔŋ.

1 Tesalonik 4:1

Epɔ̄ memía, pek é ge emakne, élé mé pɛ gɛ: pek ke ziʼné á wɛ́ páʼ, pɛ gɔ enáŋ épúp tɛ́ á pɔŋ á Ndém. Á anuúnē á légɛ, pɛ é si nzi nnáŋa épúp. Táʼ, tsetsɔŋɔ, pek é si esēmtɛ á wɛ́, ńnɔŋ eswíŋtɛ á wɛ́, ánɛ lezēŋ Atsyapuɔ Yɛɛ́so, ŋ́gɛ pɛ ezéŋ ntswiʼne ŋghʉ̄ a etɔ́k épúp.

Eble 13:16

Ndɛ́ʼ pɛ elēkne á leghʉ anu mbɔŋ, á letswīte mennɛ̄t mɛ́ á nnɔ pɛ, ntií epɔʼ jʉɔ mɛ́t mé pɔɔ̄ŋ á Ndém.

Eble 13:21

Ŋ́gɛ Ndém mɛ́t, a elɛ ŋghʉ̄, pɛ ekūʼ á wɛ́ á leghʉ ajūɔ tsem zīi, á mbɔŋ, tɛ́ ndɔk nzīŋ páʼ, a á si ŋkɔ̄ŋɔ. Ŋ́gɛ a elɛ nzápa ánɛ Yɛɛ́so Klísto, ŋ́ghʉ̄ ánɛ pímpɛ, páʼ a á jʉ́ɔ ŋ́gɛ, yí ghʉɛ épúp, á pɔŋ. Awuʼte á egɔ́ á mbū Yɛɛ́so mɛ́t, á meŋguʼ meŋguʼ. Á páʼa.

1 Jáaŋ 3:22

Ajūɔ tsem zīi ḿpɛ é piŋ ndɔ́ á yí, a eyá á mbū pímpɛ, melaʼ mīi ḿpɛ é si ŋkúʼtɛ mbé mí, ńzéŋ nnɔŋ ŋghʉ̄ɛ ajū mīi, a á si ŋkɔ̄ŋɔ.