Lomɛŋ 8:7 - Eka Eswhī

⁷ Epuɔ pīi pɔ́ ziīŋ páʼ, mbe nnɛ̄t zɔp mé si ntshónɛ á wɔ́p, pɔ́ é si ŋgɔ́ megaŋ mbo Ndém. Pɔ́ té lepé Ndém kúʼte, ńzi ŋgɔ́ yīi, pɔ́ gɔ le éwú kuʼ.

Lomɛŋ 8:7 Iomraidhean Croise

Matío 12:34

Pɛ pīi, pɛ yikɛ, ńzīŋɛ ŋŋɛ́tte ŋɛtté páʼ menū, pɛ gɔ egaá, ŋ́gɔ́ epuɔ tepɔŋ ezi ntií péʼe, anu mbɔŋ á piŋ ntó á nchu pɛ ɛ̄? Anu zīi á toó á nchu ŋiŋ, mé tswiī ajū mīi, ŋgaŋ a á aziɛ́.

Matío 5:19

Púp, ŋiŋ yīi a á fa, á méŋ agáʼ lepé wuɔ mɛ́t, ńzéŋ nzíʼne emɔ̄ʼ epuɔ á leghʉ páʼ yí, Ndém a a láʼ enéŋ esē á athū yí, á ntē Lefɔ Ndém. Ŋiŋ yīi a á piŋ nzīŋ páʼ mbé mɛ́t é si nzɛ́ttɛ, ńzéŋ nzíʼne á mbū emɔ̄ʼ epuɔ á leziŋ épúp, Ndém a a láʼ ekɔ́ʼne nzwiŋ yí, á ntē Lefɔ Ndém.

Jáaŋ 7:7

Epuɔ ŋgɔŋ puɔ é gɔ le jʉ́ɔ ajū mīi, pɔ́ lɔk epa á wɛ́ ɛ́. Té ŋké ŋgɔ́ mé meŋ, mbɔ pɔ́ é si mbāa á gá, melaʼ mīi, meŋ á si eshúŋɔ á wɔ́p á légɛ, ŋghʉʉ́‑anu tsɔ́p é té pɔŋ.

Lomɛŋ 1:28

Páʼ pɔ́ le jʉ́ɔ ŋ́gɛ, pɔ́ gɔ le á Ndém zhɛ́ lā, á sákne á wɔ́p á ntē akwaŋte tepɔŋ zīi, pɔ́ wɛ̄ɛ. Á épúp tɛ́, pɔ́ ghʉʉ̄ ajū mīi, mɛ́ té pɔŋté á leghʉ ɛ́.

Lomɛŋ 1:30

Ŋ́gɔ́ wɔ sɛ́ʼ‑epuɔ. Ŋ́gɔ́ megaŋ mbo Ndém. Ŋ́gɔ́ wɔ zɔte‑epuɔ. Ŋ́gɔ́ megaŋ leŋia. Ŋ́gɔ́ megaŋ memía eshuŋne. Ŋ́gɔ́ wɔ zɔ́ptɛ‑ŋgwɛ̄t. Ŋ́gɔ́ megaŋ atʉɛ́ athū á mbū memɔʼɔ́ pɔ́p.

Lomɛŋ 3:31

Ḿpek é páʼā, ńdɔkɔ ndʉ́ɛ́ ŋ́gɛ, lepé é té zɛ́t á azō ɔ́, melaʼ mīi, pek fɛɛ́ nnɛ̄t ŋgyá á mbū Klísto lɛ́? Ŋgáŋ, a cʉ́ʼɛ épúp, mbɔ pek é si mvéŋɛ ŋ́gɛ, mɛ́ pɔŋteé é lekūʼte lepé tɛ é te.

Lomɛŋ 5:10

Ḿpɛ le zɛ́t megaŋ mbo Ndém, Ndém mɛ́t, á ké ndɔ̄k á lewhʉ̄ Méŋ yi, ńnéŋ ekém á ŋgyā. Ḿpɛ a Ndém é lē ndáʼ ncʉ́ʼ á taʼ nchu. A gɔ le néŋ té lɔk páʼ Méŋ yi a á nte, ŋ́ghʉ̄ ḿpɛ etswɛ́t ɛ́.

Lomɛŋ 7:22

Meŋ á páʼā ndɔkɔ ŋ́gɛ, lepé tsīi, é fhɔ́ɔ á mbū Ndém, é tɛ á ntē meŋ, ḿbɔ̄ŋ á gá tɛʼ.

Lomɛŋ 8:4

A lɛɛ́ ŋghʉɛ épúp, ńdɔkɔ ŋ́gɛ, ḿpɛ ekūʼ á leziŋ páʼ lepé é si nzɛ́ttɛ. Á yímpɛ pīi, ḿpɛ te zɛ́t nnáŋa páʼ mbe nnɛ̄t zímpɛ é si ntshónɛ á yímpɛ ŋ́gɛ, ḿpɛ enáŋ épúp ɔ́, ńcʉ́ʼɛ ńnáŋa áa páʼ, Azwakne Ndém á kɔɔ̄ŋ épúp.

1 Kɔlɛŋte 2:14

Ŋiŋ yīi Azwakne Ndém á té á ntē yí í, a gɔ le véŋ anuúnē zīi, á fhɔ́ɔ á mbū Azwakne Ndém ɛ́, ńzī le júʼ. Anuúne mɛ́t á mbū yí, ŋ́gɔ́ áa apiá‑anu, melaʼ mīi, ŋiŋ yīi Azwakne Ndém ánɛ yí mé gɔ etsāaʼ, tɛ ŋkúʼte á anuúnē.

1 Kɔlɛŋte 9:21

Meŋ gʉɔ̄ tɛ ŋkó á nnɔ epuɔ pīi, pɔ́ gɛ te njúʼu lepé Mɔɔ́sɛ ɛ́, ńcʉ́ʼɛ nnáŋa áa páʼ pɔ́p la, ńdɔkɔ efāʼa ŋ́gɛ wɔ te júʼ‑lepé, e efɛ́ nnɛ̄t ŋgyá á mbū Atsyapuɔ Yɛɛ́so. Meŋ te ndɔ̄kɔ ŋ́gɛ, meŋ gɛ te njúʼu lepé Ndém ɛ́, ŋgáŋ, meŋ gɛ njúʼu, melaʼ mīi, Klísto a puú ŋgɔ́ etsá lepé tsem.

Kɔlɔs 1:21

Á lɛ amɔ̄ʼ afʉʼ, pɛ a Ndém é gɔ́ té nnɔ ɔ́. Pɛ lɛ megaŋ mbo Ndém, melaʼ menu tepɔŋ mīi, pɛ lɛɛ́ ŋkwaŋtɛ á athū pɛ, éfʉ̄ʼtɛ.

Kɔlɔs 2:18

Ndɛ́ʼ pɛ ecʉ́ʼ, epuɔ menɔŋ é lé ŋ́gɛ, pɛ ka jhʉ́ ɛ́. Epuɔ puɔ mɛ́t é efʉʼ metsem, ŋ́ghʉ̄ páʼ pɔ́ kuʼteé á Ndém tɛʼ lā, ńtswíʼte á mvhɔ mecɔʼ Ndém, ŋ́gūʼte á wɔ́p. Ńnéŋ ntē wɔ́p ánɛ menu mīi, pɔ́ ndí á athū njʉ́ɔ. Pɔ́ juúʼ ŋkuʼ tɛʼ, ḿbiŋ nzī te azō ɔ́. Ńdɔ̄k menu mīi pɔ́ méŋwɛ̄t mé kwaŋtɛ, té kím á Ndém, ŋ́ŋīa.

2 Timotɛ 3:4

Ńcʉ́ʼ wɔ jhʉ́‑mezoʼ. Ńcʉ́ʼ wɔ ghʉ‑anu té kwaŋte. Ńcʉ́ʼ epuɔ pīi, leŋia a lē mbú njhʉ́ á wɔ́p. Ńcʉ́ʼ yīi pɔ́ e kɔŋ á Ndém, pɔ́ kɔŋ áa ajū mīi, mbe nnɛ̄t zɔp, e é si nzɛ́ttɛ.

Eble 8:10

Eka yīi pek a epuɔ Islaɛl é shʉʼɛ ekʉɔ́ʼɔ afʉʼ mɛ́t, e ewuɔ páʼa, Atsyapuɔ mé lʉ́ɛ́: meŋ a shʉʼ enéŋ mbé má, á ntē akwaŋte pɔ́p. Meŋ a shʉʼ etí á ntē pɔ́p. Meŋ a shʉʼ egɔ́ á Ndém wɔp, pɔ́ egɔ́ epuɔ alāʼ pá.

Jáak 4:4

Pɛ é páʼ megaŋ agā wɔnzwí lā, pɛ te si nzhɛ́ɛ á légɛ, ŋiŋ a neéŋ ntē yí áa ánɛ tsitsi ŋgɔŋ wuɔ páʼā, ńdɔkɔ ŋgɔ́ á ŋgaŋ mbo Ndém ɛ́ lɛ̄? Ŋiŋ a nɔŋ ŋkɔ̄ŋɔ á yí á lelɔk tsitsi ŋgɔŋ wuɔ, ŋ́kwɛ́t ntwɛt yí, á zhɛ́ á légɛ, yí é ŋgaŋ mbo Ndém.

2 Piɛ 2:14

O cʉʉ̄ menēk mɔ́p, ńjʉ́ɔ akwaŋte zɔ́p á tshí áa ánɛ agā. Pɔ́ té néŋ á leghʉ mefa á. Ńdɛ ŋgē elʉʼ letā, epuɔ pīi akwaŋte zɔ́p á pwɛ́te, é whʉte éwú. Ntē wɔ́p e puú ntshí áa ánɛ lepɔp epuɔ, ńdɔk ŋgwɛ̄ ŋkāp. Ndém a a láʼ enéŋ ndɔ, á athū pɔ́p.