Lomɛŋ 8:5 - Eka Eswhī

⁵ Epuɔ pīi pɔ́ ziīŋ páʼ mbe nnɛ̄t zɔp mé si ntshónɛ á wɔ́p ŋ́gɛ, pɔ́ ezīŋ épúp, pɔ́ ghʉʉ̄ áa ajū mīi, mbe nnɛ̄t zɔp é si nzɛ́ttɛ. Epuɔ pīi é pīiŋ nnɔ̄ŋ nziŋɛ páʼ Azwakne Ndém á si nzɛ́ttɛ, pɔ́ ghʉ áa ajū mīi, Azwakne Ndém á si ntshónɛ á wɔ́p ŋ́gɛ, pɔ́ eghʉ̄.

Lomɛŋ 8:5 Iomraidhean Croise

Málkúsi 8:33

Yɛɛ́so á pekne nnɛ̄t ncʉ̄te nnɔ yí, ńcɔ́k á Piɛ ndé mé yí ŋ́gɛ: «Sɛ́ta, fhó á nzem meŋ ŋgʉ̄ɔ, akwaŋte jú á té si ŋgɔ́ akwaŋte Ndém ɛ́, á si ŋgɔ́ áa azi epuɔ menɔŋ. »

Jáaŋ 3:6

Ŋiŋ yīi, ŋiŋnɔŋ mé zhí á yí, á gɔ̄ áa ŋiŋnɔŋ. Ŋiŋ yīi mɛ́ é zhí á yí, mé Azwakne Ndém, a wɛɛ̄ Azwkane Ndém.

Lomɛŋ 8:9

Ŋ́ké ŋgɔ́ mé pɛ, mbɔ pɛ te si nzīŋɛ páʼ mbe nnɛ̄t zɛ mé si ntshónɛ á wɛ́ ɛ́, pɛ é si nzīŋɛ áa páʼ, Azwakne Ndém á si nzɛ́ttɛ. Á lɔk ŋgɔ́ páʼ, Azwakne mɛ́t á ntē pɛ. Azwakne Klísto á gɔ́ te á ntē ŋiŋ ɛ́, mbɔ ŋgaŋ a te ŋiŋ yi í.

1 Kɔlɛŋte 15:48

Epuɔ metsem á ndo esī atsetsáʼ, é swhií á ŋiŋ yīi, Ndém le lɔ̄k atsáʼ tɛ́ mbɔ́. Epuɔ metsem pīi pɔ́ e láʼ egɔ́ á lephū, pɔ́ e láʼ eswhí á ŋiŋ yīi, a fhɔ́ɔ á lephū.

1 Kɔlɛŋte 2:14

Ŋiŋ yīi Azwakne Ndém á té á ntē yí í, a gɔ le véŋ anuúnē zīi, á fhɔ́ɔ á mbū Azwakne Ndém ɛ́, ńzī le júʼ. Anuúne mɛ́t á mbū yí, ŋ́gɔ́ áa apiá‑anu, melaʼ mīi, ŋiŋ yīi Azwakne Ndém ánɛ yí mé gɔ etsāaʼ, tɛ ŋkúʼte á anuúnē.

2 Kɔlɛŋte 10:3

Á anuúnē, pek é si ŋgɔ́ epuɔ menɔŋ. Táʼ, ŋ́ké nnɔ̄ŋ te ndʉɔ́ʼɔ ncu páʼ, epuɔ ŋgɔŋ puɔ é lʉɔ́ʼɔ épúp ɔ́.

Galat 5:17

Menu mīi mbe nnɛ̄t ŋiŋ e tshoneé á yí ŋ́gɛ a eghʉ̄, é té si ŋgɔ́ emi, Azwakne Ndém á si ŋkɔ̄ŋɔ ŋ́gɛ, á eghʉ̄ ɛ́. Emi Azwakne Ndém á si ŋkɔ̄ŋɔ, é gɔ́ te emi mbe nnɛ̄t e é si ŋkɔ̄ŋɔ ɔ́. Pɔ́ efʉʼ metsem nnɔŋ ndʉ̄ʼne lʉʼne. Aziɛ́ mé ghʉ̄ʉ, pɛ eghʉ̄ʉ ajū mīi, pɛ te si ŋkɔ̄ŋɔ.

Efɛze 5:9

Ŋiŋ yīi a naáŋ á ntē ŋkaʼ, a eghʉ̄ menu membɔŋ, ńzīŋ ndeŋ ndeŋ, ńnáŋ mé anuúnē.

2 Piɛ 2:10

A láʼ aleʼé mɛ́t, a enéŋ á mía mía ŋgʉɔ̄ʼ á athū epuɔ pīi, nnɛ̄t zɔp e tshónɛ á wɔ́p á lefʉʼ mele anu, ḿbiŋɛ ŋgwáka mete Ndém. Wɔ zíʼne‑menu te athū puɔ mɛ́t, é juúʼ ŋkuʼ tɛʼ, ŋ́gɔ́ megaŋ leŋia, pɔ́ té pɔ́k á wɔ́p á lezɔte megaŋ shʉ́shɔ́k ɔ́.