Lomɛŋ 8:39 - Eka Eswhī

³⁹ Tɛ é láʼa ŋgɔ́ mete mīi, é lephū ká emi, é nzem esī. Tɛ á láʼa ŋgɔ́ ajūɔ ndɛʼɛ zīi, Ndém a le pɔ́ɔ̄, mbɔ amɔ̄ʼ azō á gɔ le fāk á yímpɛ ánɛ ŋkɔŋ zīi, Ndém a lɔɔ̄k ŋkɔŋ á yímpɛ ɛ́. A le zapá ánɛ Atsyapuɔ Yɛɛ́so Klísto, tɛ́ ntswī ŋkɔŋ mɛ́t.

Lomɛŋ 8:39 Iomraidhean Croise

Matío 24:24

Emɔ̄ʼ epuɔ e shʉʼ elu á esī, étáŋ mela gɛ, pɔ́ é wɔ Nzaʼ‑Ŋkhʉ, emɔ̄ʼ e etáŋ mela ŋ́gɛ, pɔ́ é metswi‑ŋke Ndém, énɔŋ eghʉɛ etsiá meyiŋne anu, pɔ́ ndajʉ́ɔ menu. Éghʉɛ, élɔkɔ epɔptɛ epuɔ, tɛ ŋgɔ́ yīi pɔ́ gɔ ezéŋ mbɔ̄pte epuɔ pīi, Ndém a le tsɔ́ʼ á wɔ́p ŋ́gɛ pɔ́ egɔ́ epuɔ pí.

Jáaŋ 16:27

A shʉʼ egɔ́ épúp, éfhó ánɛ páʼ, Mɔʼɔ́ ga méŋwɛ̄t a kɔɔ̄ŋ á wɛ́. Mɔʼɔ́ ga a kɔɔ̄ŋ á wɛ́ melaʼ mīi, pɛ kɔɔ̄ŋ á gá, ḿvéŋ á légɛ, meŋ nde fhó ánɛ yí.

Jáaŋ 17:26

Meŋ ke ghʉ̄ pɔ́ zhɛ́ á ŋiŋ yīi, o ó ewiɛ́. Meŋ a shʉʼ ezéŋ eghʉ, pɔ́ etswiʼne nzhɛ́, tɛ́ ŋkɔŋ zīi, o wɛɛ̄ ánɛ meŋ, e egɔ́ á tsetsɛlɛ pɔ́p azɔ́p, meŋ egɔ́ á ntē nnɛ̄t pɔ́p. »

Jáaŋ 3:16

Ndém a le pú ŋkɔŋ epuɔ menɔŋ kɔŋ, tɛ ŋgyá á Méŋ yi, á tséŋ Méŋ yi, ŋ́gɛ ŋiŋ ntsem yīi, a á fɛ́ nnɛ̄t ŋgyá á mbū yí, a te eláʼ epí í, a a láʼ eta á lezēŋ Ndém.

Lomɛŋ 1:7

Meŋ tíi akɛtte jʉɔ páʼa, á mbū pɛ epuɔ tésɔŋ Lóma metsem. Á wɛ́ pīi Ndém a kɔɔ̄ŋ á wɛ́, á wɛ́ pīi Ndém a le tɔ́ŋ á wɛ́, ŋ́gɛ pɛ egɔ́ epuɔ pí. Ŋ́gɛ Mɔʼɔ́ yímpɛ Ndém, pɔ́ Yɛɛ́so Klísto Atsyapuɔ yímpɛ, e elɛ ŋghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

Lomɛŋ 11:33

Jʉ́ɔ páʼ apɔŋɔ́ ntē zīi, Ndém a wɛɛ̄ ánɛ epuɔ, á faáŋ épúp. Jʉ́ɔ páʼ azhɛ̄‑anu zí á faáŋ tɛʼ, a puú nzhɛ́ páʼ, ajūɔ tsem á ziīŋ épúp. Ŋiŋ a gɔ le zhɛ́ páʼ Ndém a zapaá menu épúp ɔ́. Ŋiŋ á le zhɛ́ páʼ memɛnzhɛ pí, é épúp ɔ́.

Lomɛŋ 5:8

Ḿpɛ eké njʉ́ɔ ntií zīi, Ndém a le lɔ̄k ntswi á légɛ, yí kɔɔ̄ŋ á yímpɛ: ḿpɛ le zɛ́t áa megaŋ mefa, Klísto á kwhʉ́ á athū pímpɛ.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

Lomɛŋ 8:1

Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

Lomɛŋ 8:35

Akēzō á gɔ efāak á yímpɛ, ánɛ ŋkɔŋ zīi, Klísto a lɔɔ̄k ŋkɔŋ á yímpɛ ɛ̄? Ŋgʉɔ̄ʼ lɛ́? Atapne lɛ́? Lelʉɔ̄ʼ á yímpɛ lɛ́? Nzi lɛ́? Mbūŋ lɛ́? Ecū mīi, é faŋnɛ á yímpɛ lɛ́? Kɛ lewhʉ̄ ʉ́?

2 Kɔlɛŋte 11:3

Meŋ á si mbiŋɛ mbɔ́kɔ ŋ́gɛ, ndɛ́ʼ ŋiŋ á kʉlɛ leghi tsɛ́, pɛ fhó ánɛ mbɔŋ mɛnzhɛ Klísto ntó, ńdeŋ ndeŋ páʼ Éva a le cʉ́ʼ, nnū é pɔpte á yí, á fa nzhɛ.

2 Kɔlɛŋte 2:11

Ŋ́ghʉ̄ɛ épúp páʼa, ŋ́gɛ ndɛ́ʼ Sɛ́ta á pɔpte á yímpɛ. Ḿpɛ te si mbūŋnɛ ajū mīi, a á nzem pímpɛ efāʼa á.

Efɛze 1:4

A le zapá ánɛ yí, ŋ́kāŋ á yímpɛ, tɛ nzī nzɛ́t áa té nɔŋ ŋgɔŋ, ŋ́gɛ ḿpɛ egɔ́ epuɔ pí, ŋ́gɔ́ á menēk yí, ŋ́gɔ́ epuɔ pīi, mɛ́ té si ndāʼa á wɔ́p ɔ́, ŋ́ghʉ̄ɛ épúp, ńdɔkɔ ŋkɔ̄ŋɔ á yímpɛ.

Fílíip 3:12

Meŋ te ndʉ́ɛ́ ŋ́gɛ, meŋ á ndáʼ ŋgwɛ̄ ajū mīi, meŋ faʼa á, kɛ́ ŋ́gɛ, meŋ á ndáʼ ŋgʉɔ tɛ ŋkó ɔ́. A cʉ́ʼɛ épúp mbɔ, meŋ zɛɛ́t nnáa ŋgʉ̄ɔ mé mvhɔ, éfāʼ á gá á legɔ̄ ajū mīi, meŋ á si ntsáa. Yɛɛ́so Klísto a lɛɛ́ ŋghʉɛ, meŋ ecʉ́ʼɛ á ŋiŋ yi páʼā, melaʼ épúp.

Fílíip 3:3

Ḿpɛ mé kwaʼ epuɔ pīi, mɛ́ lé tém á wɔ́p. Ḿpɛ mé si ŋgē ewuʼtɛ á Ndém, Azwakne zí mé tshónɛ á yímpɛ. Ḿpɛ é si ndɔ̄kɔ á Yɛɛ́so Klísto tɛ́ ŋkāʼtɛ. Ḿpɛ gɔ le lɔ̄k ajū mīi, epuɔ menɔŋ mé le zapáā, tɛ́ ŋkāʼtɛ ɛ́.

Fílíip 3:8

Á té ndaʼ épúp ɔ́, akɔ̄ akɔ̄ lɛ́ á mbū meŋ, á té zɛ́t á azō ɔ́, melaʼ mīi, meŋ mbikɛ tɛ ŋkúʼte á Yɛɛ́so Klísto, á Atsyapuɔ ga, á gɔ́ á mbū meŋ, ŋ́gɔ́ mɛgém anu. É melaʼ mí tɛ́, meŋ á pú efhó ánɛ ajūɔ ntsem ntó, ńcʉ́ʼɛ njʉ́ɔ, ajūɔ tsem zīi meŋ ndɛɛ́ ŋghʉɛ, a gɔ́ á mbū meŋ, ŋ́gɔ́ áa páʼ nzɛ̄t lā. Tɛ́ elɔk páʼ meŋ á tó éwú lā, éghʉ, Klísto á egɔ́ á mbū meŋ, ńcʉ́ʼ egá ndaʼ azō.

2 Tesalonik 2:4

Ŋiŋ wuɔ mɛ́t, a a shʉʼ epʉ́ʼɛ nnɛ̄t, élé gɛ, yí puú ntɔ́k akʉ̄ɛ akʉ̄ɛ zīi, mɛ́ wuʼtɛ ntɔ́ŋɔ lɛ ndém, ḿbú nzéŋ ńtsyā tɛ mbɔɔ kwaʼ Ndém. Égɔ́ gɔ́ɔ, tɛ yí méŋwɛ̄t e egʉɔ ŋkó á Mía Ŋgyā Ndém, ńnáŋ éwú, ésáʼ ŋ́gɛ yí é Ndém.

1 Jáaŋ 4:16

Ŋ́gɔ́ mé pek, mbɔ pek é si nzhɛ́ɛ, ńnɔŋ mvéŋɛ ŋkɔŋ zīi, Ndém á wɛɛ̄ ánɛ pek. Ndém a á si ŋgɔ́ ŋkɔŋ. Ŋiŋ yīi a kɔɔ̄ŋ epuɔ, pɔ́ Ndém mé nnɔ, Ndém á gɔ́ mé yí.

1 Jáaŋ 4:19

Ŋ́gɔ́ mé pímpɛ, mbɔ ḿpɛ kɔɔ̄ŋ epuɔ, melaʼ mīi, Ndém a le té njhʉ̄, ŋ́kɔ̄ŋ á yímpɛ.

Menjʉɔ te lí 12:9

Mishʉɛ pɔ́ a mecɔʼ pí é tshóne á na ntap ntap mɛ́t, ḿmāʼ á esī atsetsáʼ. Na ntap ntap mɛ́t mé si ŋgɔ́ nnū zīi, e le fhó tɛ efʉʼ mvhɔ, mɛ́ tɔ́ŋ á yí lɛ Sɛ́ta, mbɔɔ lɛ Ŋgaŋ Mbo. Yí mé pɔpteē epuɔ metsem á ndo esī atsetsáʼ. Mɛ́ le tshoné á wɔ́p a mecɔʼ pí mbwɛ̄t á esī atsetsáʼ.

Menjʉɔ te lí 13:14

Á lɔk meŋkʉʼne menu mīi, mɛ́ é yá á yí mete á lelɔk ŋghʉ̄, á mvhɔ mvhɔ na lā, ḿbɔ̄pte wɔ náŋ á ndo esī atsetsáʼ. Ńtshóne á wɔ́p á lekɔ̄ akeke, ńdɔk ŋghʉ̄ mekuʼ na wɔ̄ yīi, mɛ́ le lɔ̄k ŋŋí ncu, ńnéŋ á mía mía eféŋ ánɛ yí, mɛ́ zéŋ mbɛ́t tɛ é te lā.

Menjʉɔ te lí 19:20

Mɛ́ gɔ á na, ńzéŋ ŋgɔ̄ á ntaŋ‑mela ŋ́gɛ, yí é ntswi‑ŋke Ndém. Mbɔ a le ghʉ̄ meŋkʉʼne menu, á mvhɔ na mɛ́t, ńdɔk ŋghʉ̄, epuɔ pīi pɔ́ le tswí ayiŋne na, ńnɔŋ ŋgūʼtɛ akeke zí, é fa nzhɛ. Mɛ́ gɔ á na, pɔ́ ntaŋ‑mela mɛ́t, ḿmāʼ á wɔ́p nte, á ntē mmók meka.

Menjʉɔ te lí 2:24

«Ŋ́gɔ́ mé pɛ epuɔ Yɛɛ́so pīi, pɔ́ Tiatii, ńnɔŋ te nzīŋɛ ánɛ mɛnzhɛ yīi, Jezabɛl a zíʼnɛ ɛ́, ńnɔŋ te fāʼa á lezhɛ̄ ajū mīi, mɛ́ tɔ́ŋɔ lɛ̄ɛ, ntsem Sɛ́ta á, meŋ nɔ̄ɔŋ ndʉ́ɛ́ á mbū pɛ ŋ́gɛ, meŋ gɔ le tshí amɔ̄ʼ apiʼ ndɛʼɛ á athū pɛ ɛ́.

Menjʉɔ te lí 20:3

Ŋkwɛ́t á yí épúp, ḿmāʼ á ntē apeŋte, ńtsɛ́t, ńdɔ̄k á kí ŋkɛ̄, ŋ́gɛ ndɛ́ʼ á zéŋ ŋghʉ̄, ŋgɔŋ ntsem é fa nzhɛ, tɛ meŋguʼ ntsāʼ e eláʼ ntɔ́k. Meŋguʼ ntsāʼ é tɔ́k épúp, mɛ́ enáʼ ŋkɛ́ʼɛ á yí, ánɛ méŋ agáʼ afʉʼ.

Menjʉɔ te lí 20:7

Meŋguʼ ntsāʼ mɛ́t e láʼ etɔ́k tɛ emi, mɛ́ ekɛ́ʼɛ á Sɛ́ta, éfhó á apeŋte efók á yí.