Lomɛŋ 8:38 - Eka Eswhī

³⁸ Meŋ á si ncuŋtɛ nzhɛ́ɛ á légɛ, amɔ̄ʼ azō á gɔ le fāk á yímpɛ ánɛ ŋkɔŋ zīi, Ndém a lɔɔ̄k ŋkɔŋ á yímpɛ ɛ́, tɛ a láʼa ŋgɔ́ á lewhʉ̄ ká á legɔ̄ éwú. Tɛ é láʼa ŋgɔ́ mecɔʼ Ndém ká emɔ̄ʼ ecū mīi, é sáʼa ndo esī atsetsáʼ. Tɛ é láʼa ŋgɔ́ menu mīi, é tsetseŋɔ ntɔ́kɔ, ká emi é shʉʼ tɛ́ shʉʼe. Tɛ é láʼa ŋgɔ́ emɔ̄ʼ mete ndɛʼɛ.

Lomɛŋ 8:38 Iomraidhean Croise

Jáaŋ 10:28

Meŋ ghʉʉ̄ pɔ́ gɔ́ éwú, éfú ntā á lezēŋ Ndém. Pɔ́ gɔ́ le fú mbí í. Ŋiŋ a piŋɛ ŋgɔ́, a á le fú aleʼé, éfhó á mbū meŋ ŋkú á wɔ́p ɔ́.

Lomɛŋ 14:7

Tsɔ ŋiŋ á nnɔ pímpɛ mé té kɔŋ nnáŋ á ŋgɔŋ ɔ́, ŋiŋ méŋwɛ̄t mé piŋ te kɔ̄ŋ ŋkwhʉ́ ɛ́.

Lomɛŋ 14:8

Ḿpɛ naáŋ á ŋgɔŋ páʼā, ŋ́gɔ̄ áa ŋguʼtē Atsyapuɔ. Ŋ́kwhʉ́ɛ páʼā, ŋ́gɔ̄ áa ezéŋ ewuʼte á yí. Ńdɔkɔ ŋ́gɛ, a zi ŋgɔ́ éyi, ḿpɛ e náŋ á ŋgɔŋ lo, ŋ́gɔ́ éyi, ḿpɛ e kwhʉ́ lo, mbɔ ḿpɛ é gɔ́ áa epuɔ Atsyapuɔ Yɛɛ́so Klísto,

Lomɛŋ 4:21

Ńnɔŋ ncūŋtɛ nzhɛ́ɛ á ntē yí á légɛ, Ndém a kuūʼ á yí á leghʉ, ajū mīi yí é ndāʼne, á po.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

1 Kɔlɛŋte 15:24

Épáte, ŋgɔŋ e pú mmī. Klísto a a láʼ epík ajūɔ tsem zīi, á swɛ́tɛ epuɔ á esī atsetsáʼ, épík mefɔ pɔ́p, épík ajūɔ tsem zīi, á wɛɛ̄ mete, épík épúp, élɛ etsɔ́ʼ lefɔ eyá á mbū Mɔʼɔ́ yi Ndém.

2 Kɔlɛŋte 11:14

Ajū mīi pɔ́ ghʉɛ, á gɔ́ le á ŋiŋ kʉ̄ʼne, melaʼ mīi Sɛ́ta a gɛ nzéŋɛ mbɔ̄pɔ epuɔ ŋ́gɛ, yí é si ŋgɔ́ á cɔʼ Ndém yīi, a ŋwaŋnēe.

2 Kɔlɛŋte 4:13

Aŋwaʼne Ndém á leé ŋ́gɛ: «Meŋ ndē efɛ́ nnɛ̄t za ŋgyá á mbū Ndém, melaʼ épúp tɛ́, meŋ shúŋɔ anu zí. » Pek azék, é le fɛ́ nnɛ̄t ŋgyá á mbū Ndém ánɛ ejʉɔ ntií mɛ́t, melaʼ épúp tɛ́, pek shúŋɔ anu zí.

Efɛze 1:21

Á naáŋ éwú, ḿbú ntsyā ajūɔ tsem zīi á wɛɛ̄ mete, ńtsyā ajūɔ tsem zīi, á sáʼa mbʉʼ, ḿbú ntsyā ajūɔ tsem zīi, á sáʼa lefɔ, ḿbú ntsyā ajūɔ tsem zīi, á sáʼa ŋgɔŋ, ńzéŋ mbú ńtsyā ajūɔ tsem zīi, mɛ́ gɔ ekím lezēŋ tsí á ndo esī atsetsáʼ ega, tɛ mbɔɔ á ntē ŋgɔŋ zīi, e e fú tɛ́ eshʉʼe.

Kɔlɔs 1:16

Ndém a le zapá ánɛ yí, tɛ́ ŋghʉ̄ ajūɔ tsem. Ájuɔ tsem zīi á athʉ́ lephū, mbɔɔ á esī atsetsáʼ, ájuɔ tsem zīi mɛ́ lɔɔ̄k menēk njʉ́ɔ, mbɔɔ azi mɛ́ té jʉ́ɔ. Ájuɔ tsem zīi, á sáʼa ŋgɔŋ, ájuɔ tsem zīi, á sáʼa lefɔ, ájuɔ tsem zīi, á wɛɛ̄ mete, ájuɔ tsem zīi, á pɔɔ́ŋ mbʉʼ. Ndém le zapá ánɛ yí, tɛ́ ŋghʉ̄ ajūɔ tsem. Ajūɔ tsem mɛ́t, á piŋ ŋgɔ́ azí, á yí Klísto.

Kɔlɔs 2:15

Á epúp tɛ́, a le kú mete á mbū ajūɔ tsem zīi, á sáʼa ŋgɔŋ, mbɔɔ á mbū ajūɔ tsem zīi, á wɛɛ̄ mbʉʼ, ḿbú njhʉ́ á wɔ́p, ŋ́kōk nzwiŋ wɔ́p á mvhɔ alāʼ. A le lɔ̄k páʼ, Klísto a le kwhʉ́ ánɛ mbaŋne paŋné, tɛ́ ŋghʉ̄ épúp. Ŋ́gē eghʉ épúp, ŋ́ghʉ̄, Klísto á lɔk á wɔ́p ŋghʉ̄ epuʼ ncu, ńdɔ̄k á wɔ́p ŋkɛ́nne á mvhɔ alāʼ, ńdɔkɔ ntswīi á légɛ, yí é pú njhʉ́ á wɔ́p.

2 Timotɛ 1:12

É melaʼ épúp tɛ́, meŋ jʉ́ɔ ejʉɔ ntií ŋgʉɔ̄ʼ. Esē é ké te si ŋkúu á gá melaʼ épúp ɔ́, melaʼ mīi, meŋ á si nzhɛ́ɛ á ŋiŋ yīi, meŋ ndē efɛ́ nnɛ̄t za ŋgyá á mbū yí. Meŋ á si ncuŋtɛ nzhɛ́ɛ á légɛ, ŋgaŋ a wɛɛ̄ mete, á lelɔk ŋkápte ŋke mbɔŋ, páʼ a le tsekné á mbū meŋ. Ŋ́kápte tɛ ndáʼ ŋkó á aleʼé zīi, a piŋɛ nzem, ŋ́gɔ̄ á nzáʼ ntsaŋ.

Eble 11:13

Ablaham pɔ́ a epuɔ pí mɛ́t, é le pú ŋkwhʉ́te metsem, té wɛ ajū mīi, Ndém a le laʼnē á mbū pɔ́p. Táʼ, ŋ́ké nzápa ánɛ wɔ́p á lefɛ̄ nnɛ̄t ŋgyá á mbū Ndém, ńzhɛ́ á légɛ, pɔ́ é ndáʼ ŋgwɛ̄ etsō mɛ́t ntsem, á pɔŋ á wɔ́p, pɔ́ zhɛ́ á légɛ, pɔ́ é esī atsetsáʼ páʼā, ŋ́gɔ́ áa metsia nzhɛ, ŋ́gɔ́ áa mege.

1 Piɛ 3:22

A le zím épúp, ŋ́kɔ́ʼ mé lephū, ńnáŋ ánɛ ŋkɔʼɔ́ apū ete Ndém. A naáŋ éwú esáʼa mecɔʼ Ndém, mbɔɔ ntií ntiī ajūɔ tsem zīi, á wɛɛ̄ mete á athʉ́ lephū.