Lomɛŋ 8:37 - Eka Eswhī

³⁷ Táʼ, á ké eshʉʼ ánɛ ecū muɔ mɛ́t ntsem, ḿpɛ gɔ́ wɔ asaʼa‑ndʉɔ́ʼ, melaʼ ŋiŋ yīi, a le kɔ̄ŋ á yímpɛ.

Lomɛŋ 8:37 Iomraidhean Croise

Jáaŋ 16:33

Meŋ á pú eshúŋ á wɛ́ emuɔ menu mɛ́t, ńdɔkɔ ŋ́gɛ, páʼ pɛ lɛtneē ánɛ meŋ lā, apwɛne a egɔ́ mé pɛ. Pɛ é ntē ŋgɔŋ ega páʼa, ŋ́gɔ́ áa ntē atapne. Táʼ, pɛ eké ŋkāk ete, meŋ ndē ndáʼ nte ńtsyā anu tepɔŋ, á ŋgɔŋ ega. »

Lomɛŋ 8:35

Akēzō á gɔ efāak á yímpɛ, ánɛ ŋkɔŋ zīi, Klísto a lɔɔ̄k ŋkɔŋ á yímpɛ ɛ̄? Ŋgʉɔ̄ʼ lɛ́? Atapne lɛ́? Lelʉɔ̄ʼ á yímpɛ lɛ́? Nzi lɛ́? Mbūŋ lɛ́? Ecū mīi, é faŋnɛ á yímpɛ lɛ́? Kɛ lewhʉ̄ ʉ́?

1 Kɔlɛŋte 15:54

Mbe nnɛ̄t zímpɛ e e láʼ esɛnne, tɛ e é le zéŋ ŋkwhʉ́ ɛ́. E e láʼ esɛnne tɛ e é le zéŋ ndʉ́ ʉ́, anu zīi Ndém a le lé á ntē aŋwaʼne yí, a elɛ mbō. A le lé ŋ́gɛ: «Mɛ́ é pú mbík á lewhʉ̄. Mɛ́ é lʉɔ́ʼ á yí tɛ njhʉ́.

1 Kɔlɛŋte 15:57

Ḿpɛ esyákne á Ndém, páʼ a zapaá ánɛ Atsyapuɔ yímpɛ Yɛɛ́so Klísto, ŋ́ghʉ̄ ḿpɛ etsyāa á lewhʉ̄.

2 Kɔlɛŋte 12:19

Tɛ efhó tɛ afʉʼ, pɛ nɔ̄ɔŋ ŋkwāŋa ŋ́gɛ, pek é si ndhʉ̄ɛ athū zék á mvhɔ pɛ lɛ́? Ŋgáŋ, pek zapaá ánɛ Klísto, ńtshí á mvhɔ Ndém tɛ́ eshúŋnɛ. Ŋ́ghʉ̄ɛ épúp me epɔ̄ memía, ńdɔkɔ efāʼa á légɛ, pɛ efɛ́ nnɛ̄t ŋgyá á mbū Ndém, ńdɔk ŋgʉ̄ɔ mé mvhɔ.

2 Kɔlɛŋte 12:9

Tɛ́ á tsɔ́ʼ mé meŋ ŋ́gɛ: «Apɔŋɔ́ ntē te ndhʉ zīi, meŋ ŋgwɛɛ̄ ánɛ wu, á kuūʼ á mbū wú á lelɔk mbīʼ ŋgʉɔ̄ʼ mɛ́t, melaʼ mīi meŋ ntswiteé á ŋiŋ yīi, a á si mbwɛ́tɛ páʼā, tɛ á zhɛ́ mete má á mbɔŋɔ́. » Púp, meŋ gɔ elɔ̄ɔk áa ecū mīi, é tswii á légɛ, meŋ soʼneé nnɛ̄t za, tɛ́ ŋŋīa, a egɔ́ épúp, tɛ́ mete Klísto e egɔ́ ánɛ meŋ.

2 Kɔlɛŋte 2:14

Awuʼte a eké ŋgɔ́ á mbū Ndém. A á efʉʼ metsem, ŋ́ghʉ̄ pek gɔ́ á nnɔ wɔ asaʼa‑ndʉɔ́ʼ, Klísto á tshí mvhɔ. A zapaá ánɛ pek, ŋ́ghʉ̄ mɛ́ zhɛ́ á Klísto ejʉʼ tsem, páʼ azík alamńda á jhʉ́ɛ ejʉʼ tsem lā.

Galat 2:20

Meŋ naáŋ á ŋgɔŋ páʼā, meŋ mé té zɛ́t nnáŋ éwú ú, Klísto mé zápa ánɛ meŋ, ńnáŋ éwú. Gá á lenāŋ á ŋgɔŋ, a á si ŋgɔ́ á gá á lefɛ̄ nnɛ̄t ŋgyá á mbū Méŋ Ndém. A le kɔ̄ŋ á gá, tɛ ŋgyá athū nnɛ̄t zí melaʼ má.

Efɛze 5:2

Pɛ elɔ̄k ŋkɔŋne tɛ́ nnáŋ, ńdeŋ ndeŋ páʼ Klísto a le náŋ épúp. A le kɔ̄ŋ á yímpɛ, tɛ ŋgyá athū nnɛ̄t zí méŋwɛ̄t, melaʼ mímpɛ, ńdɔ̄k nnɔ̄ŋ epɔʼ yīi, é pɔɔ̄ŋ á Ndém.

2 Tesalonik 2:16

Atsyapuɔ yímpɛ Yɛɛ́so Klísto yí méŋwɛ̄t, mbɔɔ Mɔʼɔ́ yímpɛ Ndém, a le kɔ̄ŋ á yímpɛ, ńtsīa ánɛ atsāmézeŋɛ té ndhʉ zīi, a wɛɛ̄ ánɛ pímpɛ, éswíte mentē mímpɛ a lemiʼɛ, ńzéŋ ŋghʉ̄, ḿpɛ ezhɛ́ ŋ́gɛ, ḿpɛ é ndáʼ ŋgwɛ̄ ajū mīi, ḿpɛ é si nzwíʼtɛ.

1 Jáaŋ 4:10

Ḿpɛ ejʉ́ɔ ajū mīi, ŋkɔŋ e é si ŋgɔ́ eziɛ́: ḿpɛ mé lɛ te zī á lekɔŋ á Ndém ɛ́, yí mé le zī á lekɔŋ á yímpɛ, ńtó á tséŋ Méŋ yi ŋ́gɛ, a eshʉʼ ŋgyá á athū nnɛ̄t zí, ńdɔk esōk mefa mímpɛ.

1 Jáaŋ 4:19

Ŋ́gɔ́ mé pímpɛ, mbɔ ḿpɛ kɔɔ̄ŋ epuɔ, melaʼ mīi, Ndém a le té njhʉ̄, ŋ́kɔ̄ŋ á yímpɛ.

1 Jáaŋ 4:4

Ŋ́ké ŋgɔ́ mé pɛ me ewɔŋkhʉ̄ pá, mbɔ pɛ é si ŋgɔ́ epuɔ Ndém. Pɛ lē ndáʼ njhʉ́ wɔ táŋ‑mela puɔ mɛ́t, melaʼ mīi, Azwakne Ndém, páʼ á ánɛ pɛ lā, á faáŋ ntɔ́k á ŋgaŋ mbo Klísto yīi, a á ntē ŋgɔŋ lā.

Zwide 1:24

Awuʼte á egɔ́ á mbū ŋiŋ yīi, a kuūʼ á lekāpte á wɛ́ tɛ ŋgɔ́ yīi, ŋiŋ a gɔ le a mɛnzhɛ fāa. Ŋ́kápte á wɛ́, tɛ ŋgɔ́ yīi, pɛ e láʼ ege etshí á ntē shʉ́shɔ́k yí, énɔŋ ekáka, alɔ́ʼ á le ánɛ pɛ ɛ́.

Menjʉɔ te lí 1:5

Yɛɛ́so Klísto a á si ŋgɔ́ á ŋiŋ yīi, a tswiī á légɛ anu Ndém á anuúne. Ŋ́gɛ a eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ. A á si ŋgɔ́ mvhɔ ŋiŋ yīi, Ndém a le ghʉ̄ á zím ánɛ lewhʉ̄. Ŋ́gɔ́ á efɔ mefɔ á esī atsetsáʼ. Á kɔɔ̄ŋ á yímpɛ, a le lɔ̄k metshi mí, ésōk mefa mímpɛ.

Menjʉɔ te lí 12:11

Epɔ̄ memía pímpɛ mɛ́t, é ge ejhʉ́ á yí épúp, á gɔ́ melaʼ mīi, Mɔ́ Njʉnjhʉ a le lɔ̄k metshi mí nzó á athū zɔ́p, mbɔɔ melaʼ ashuŋne Ndém páʼ, pɔ́ lɛ si ŋkúʼtɛ, eshúŋɔ ŋ́gɛ, á anuúnē. Pɔ́ lɛ te kɔ̄ŋ ethū nnɛ̄t tsɔ́p, tɛ mbɔ́k á wɔ́p á lekwhʉ̄ ɛ́.

Menjʉɔ te lí 17:14

Pɔ́ e shʉʼ elʉɔ́ʼ á Mɔ́ Njʉnjhʉ, a eké njhʉ́ á wɔ́p, melaʼ mīi, a á Atsyantsɔp, ŋ́gɔ́ á Efɔ mefɔ. Pɔ́ a epuɔ pīi, a le tɔ́ŋ á wɔ́p, ŋ́kāŋ á wɔ́p, épuɔ pīi pɔ́ juúʼ nchu yí té sɛt, mé epú njhʉ́ɛ á wɔ́p épúp. »

Menjʉɔ te lí 21:7

Ŋiŋ yīi a á lʉɔ́ʼ tɛ njhʉ́, meŋ a shʉʼ eyá á yí ntshi wuɔ mɛ́t, égɔ́ á Ndém yi, a egɔ́ á méŋ ga.

Menjʉɔ te lí 3:9

Meŋ á si eswīŋɛ nnɔ epuɔ pīi, é wuʼtɛ á Sɛ́ta á mbū wu. Epuɔ puɔ mɛ́t, é si ndʉ́ɛ́ ŋ́gɛ, pɔ́ é epuɔ Yúda, ḿbiŋ te epiɛ́ ɛ́. Pɔ́ lʉ́ɛ́ épúp páʼā, ńdɔkɔ ntáŋa mela. Meŋ a shʉʼ etshóne á wɔ́p, pɔ́ eshʉʼ ntswíʼte á esī á mvhɔ wu, ŋ́ŋɔ́ʼne tɛ athū zɔ́p a epfēŋ esī. A etsīa épúp, pɔ́ ezhɛ́ á légɛ meŋ kɔɔ̄ŋ á wú.