Lomɛŋ 8:36 - Eka Eswhī

³⁶ Ḿpɛ jʉɔ́ ŋgʉɔ̄ʼ páʼā, á gɔ́ páʼ, mɛ́ le tí á ntē aŋwaʼne Ndém ŋ́gɛ: «Pek é efʉʼ metsem, ńzápne áa nchu lewhʉ̄, melaʼ mú, mɛ́ cʉ́ʼɛ njʉ́ɔ á wék, áa páʼ mena pīi, mɛ́ gʉɔ mé nzwhítɛ lā. »

Lomɛŋ 8:36 Iomraidhean Croise

Jáaŋ 16:2

Mɛ́ e shʉʼ efhó á meŋgyā aswiŋte, éjuŋ á wɛ́. Á té épúp ndaʼá, afʉʼ á si eshʉ̄ʼɛ, ázi epuɔ é ge ezwhíte á wɛ́, énɔŋ ekwaŋa ŋ́gɛ, pɔ́ ghʉɛ épúp páʼā, ńdɔkɔ ŋgūʼtɛ á Ndém.

Mefaʼ Meziŋ-ntō 20:24

Á ké ŋgɔ́ áa légɛ, gá legɔ̄ éwú, a te á mbū meŋ, ŋ́gɔ́ azō ɔ́. Mvhɔ, a á gá á leghʉ mefaʼ mīi, Atsyapuɔ Yɛɛ́so a le tsekné á mbū meŋ, tɛ ndáʼ nzōko. Meŋ mbɔɔ́ŋ á letswi ŋke mbɔŋ, ŋ́kʉɔ́ʼ ŋkwɛ ŋ́gɛ, á anuúnē á légɛ, Ndém a puú ŋgwɛ apɔŋɔ́ ntē te ndhʉ ánɛ epuɔ.

Mefaʼ Meziŋ-ntō 8:32

Ajʉʼ aŋwaʼne zīi a lɛ si ntɔ́ŋɔ, á le nɔ̄ŋ ndʉ́ɛ́ ŋ́gɛ: «A lɛ páʼ mvhō zīi, mɛ́ lɔkɔ á yí ŋgʉ̄ɔ mé nzaáʼ ntɔ̄ŋ yí lā. Ńzéŋ ŋgɔ́ páʼ mɔ́ njʉnjhʉ zīi, mɛ́ é si ŋgē ezáʼa menɔŋ mí, á nɔŋ te ŋŋāka lā. Melaʼ épúp tɛ́, a lɛ te anu lé.

1 Kɔlɛŋte 15:30

A gɔ́ éyi mɛ́ té e fú ezím ánɛ lewhʉ̄ ɛ́, mbɔ melaʼ akɔ̄ pek é efʉʼ metsem, ḿvéŋ á wék á legɔ̄ á nchu lewhʉ̄ ʉ̄?

1 Kɔlɛŋte 15:31

Epɔ̄ memía, á kwaʼ anuúnē, meŋ á efʉʼ metsem ŋgɔ́ áa nchu lewhʉ̄. Á zéŋ ŋgɔ́ á anuúnē á légɛ, ŋgɔŋ é si mbɔ̄ŋɔ á gá tɛʼ, páʼ pɛ lɛtneē ánɛ Yɛɛ́so Klísto Atsyapuɔ yímpɛ.

1 Kɔlɛŋte 4:9

Ḿpek é si ŋgɔ́ meziŋ‑ntō Yɛɛ́so Klísto, táʼ, á si ŋgɔ́ páʼ Ndém a lē ŋghʉ, pek pú ŋgɔ́ mezoknzem á nnɔ epuɔ metsem lā. Pek pú ncʉ́ʼ páʼ epuɔ pīi, mɛ́ é záʼ ntsaŋ ŋ́gɛ, mɛ́ ezwhí á wɔ́p á ntentā lā. Ńdɔkɔ ŋ́gɛ, pek pú ncʉ́ʼ awaʼá‑azō, á mvhɔ epuɔ menɔŋ á ŋgɔŋ ega, mbɔɔ á mvhɔ mecɔʼ Ndém, áwaʼá‑ajū mīi, mɛ́ tʉɔ́ʼɔ njʉ́ɔ.

2 Kɔlɛŋte 1:9

Ńcʉ́ʼɛ njʉ́ɔ á gɔ́ áa páʼ, mɛ́ é ndáʼ nzápa á légɛ, pek gɔ á ŋkwhʉ́tɛ lā. Á lɛ épúp páʼā, ńdɔkɔ nzíʼnɛ á wék á legɔ̄ le sáŋ ánɛ mete mék méŋwɛ̄t ɛ́, ńcʉ́ʼɛ esáŋa áa ánɛ Ndém páʼ, a ghʉʉ̄, mɛ́ zím ánɛ lewhʉ̄.

2 Kɔlɛŋte 11:23

Ŋ́gɔ́ megaŋ afaʼ Klísto, meŋ a shúŋne páʼ apia lā, meŋ gɔ́ azá ewiɛ́ tɛ ntɔ́k á wɔ́p. Meŋ nde ghʉ̄ afaʼ ntɔ́k á wɔ́p. Ŋgɔ́ me lekō á atʉɛ́, mbɔ meŋ ndé kó ntɔ́k á wɔ́p. Mɛ́ lé pú ntswá á gá, ńtɔ́k á wɔ́p. Meŋ ndé zápne á nchu lewhʉ̄, ánɛ meŋgʉɔ tɛ nzáne.

2 Kɔlɛŋte 6:9

Ńtswī épúp afʉʼ zīi, mɛ́ é si ŋghʉ̄ɛ páʼ, mɛ́ té si nzhɛ́ɛ á wék ɛ́ lā, ŋ́ké nnɔŋ nzhɛ́ɛ á wék zhɛ́. Ńtswī épúp ánɛ afʉʼ zīi, mɛ́ é si ndɔ̄kɔ á wék ntɔ́ŋɔ apfhō azō, káʼā pek ké ŋgɔ́ epuɔ mete. Ńtswī épúp ánɛ afʉʼ zīi, mɛ́ é si ndɔ̄kɔ ŋgʉɔ̄ʼ, ŋ́gɔ̄ʼɔ á wék, pek ké te ŋkwhʉ́tɛ ɛ́.

Fílíip 3:10

Ndaʼ ajū mīi meŋ á si ntsáa, á gɔ́ áa gá á lechʉ̄ nnɛ̄t nzhɛ́ á Klísto, ŋ́kūʼ á gá á lewɛ mete mīi, Ndém á le ghʉ̄ á zím ánɛ lewhʉ̄ páʼā, ŋ́gwɛ̄. Ŋ́kūʼ á gá á lejʉ̄ɔ ŋgʉɔ̄ʼ páʼ yí lā, tɛ ndáʼ ŋkwhʉ́, ńdeŋ ndeŋ páʼ yí lā.