Lomɛŋ 8:34 - Eka Eswhī

³⁴ Awɔ́ a gɔ etswá á wɔ́p ŋgʉɔ athʉ́ lepé é? Ŋgaŋ a te éwú ú. Yɛɛ́so Klísto a le kwhʉ́ʉ̄, Ndém á ké ŋghʉ̄ á zím ánɛ lewhʉ̄, a naáŋ á ŋkɔʼɔ́ apū ete Ndém, ńtɔ́kɔ nzem zímpɛ.

Lomɛŋ 8:34 Iomraidhean Croise

Matío 20:28

Á páʼa mɛ́t, tɛ́ Méŋ‑Ŋiŋnɔŋ wuɔ a lɛɛ́ te eshʉ̄ʼɛ á ŋgɔŋ ega páʼā, ŋ́gɛ mɛ́ efāʼ á mbū yí í. A lɛɛ́ eshʉʼɛ, égɔ́ á ŋgaŋ afaʼ epuɔ menɔŋ, éfaʼ faʼe, tɛ eyá athū nnɛ̄t zí, élɔk ecuʼ atʉtʉ epuɔ.

Málkúsi 16:19

Atsyapuɔ Yɛɛ́so á shúŋne á mbū nnɔ yí épúp tɛ mīi, Ndém á ghʉ á kɔ́ʼ mé lephū, ńnáŋ á ŋkɔʼɔ́ apū ete yí.

Jáaŋ 14:19

Á cʉ́ʼ á méŋ agáʼ afʉʼ lɛ, epuɔ ŋgɔŋ puɔ, é le zéŋ á gá njʉ́ɔ ɔ́. Pɛ pwɔ̄, é ké eshʉʼ ezéŋ ejʉ́ɔ á gá, meŋ gɔ́ nte. Púp, pɛ ezéŋ ŋgɔ́ azɛ́ éwú leswhī leswhī.

Jáaŋ 16:23

«A láʼ aleʼé mɛ́t, pɛ é le zéŋ á gá anu nzɛ́tte ɛ́. Kwaʼ anuúnē anuúnē, meŋ shúŋɔ á wɛ́ ŋ́gɛ, pɛ lɔkɔ lezēŋ tsá, ḿbú ndɔ́ akɔ̄ lɛ́ á mbū Mɔʼɔ́ ga, mbɔ a a yá azō mɛ́t mé pɛ.

Mefaʼ Meziŋ-ntō 2:24

Púp, ŋ́kɛ́ʼte meŋkhʉ lewhʉ̄ ánɛ yí, ŋ́ghʉ̄ á zím, melaʼ mīi, lewhʉ̄ a le gɔ a á le kūʼ á lekūʼte á yí, páʼ ŋgaŋ atʉɛ́ lā á.

Lomɛŋ 14:13

Púp, ndɛ́ʼ ḿpɛ ezéŋ nthúne melɔ́ʼ, tɛ mbā á ŋiŋ. Pɛ enéŋ á ntē pɛ, á legɔ̄ le ghʉ̄ ajū mīi, á gɔ eghʉ̄ʉ, méŋ mɔ́ wɛ á kwate, ká ŋgwhʉ̄ á ntē mefa á.

Lomɛŋ 14:9

melaʼ mīi a le kwhʉ́ʉ̄, ńzéŋ nzím ánɛ lewhʉ̄ páʼā, ńdɔkɔ ŋgɔ́ á Atsyapuɔ á mbū mepfhō, mbɔɔ á mbū epuɔ mete.

Lomɛŋ 4:25

Yɛɛ́so mɛ́t, Ndém a le véŋ á kwhʉ́, melaʼ mefa mímpɛ, á piŋ ŋghʉ̄ á zím ánɛ lewhʉ̄, á lɔk épúp, ńtɔ́ŋ á yímpɛ lɛ, epuɔ ndeŋ ndeŋ.

Lomɛŋ 8:1

Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

Lomɛŋ 8:27

Páʼ Ndém a ké njʉ́ɔ á ajūɔ tsem zīi, á ntē ŋiŋnɔŋ lā, á zhɛɛ́ ajū mīi, Azwakne Ndém á si ndɔ́ɔ, melaʼ mīi Azwakne Ndém, á si eswíŋtɛ á athū epuɔ Ndém, ánɛ ntií zīi, Ndém á si ŋkɔ̄ŋɔ épúp.

Kɔlɔs 3:1

Páʼ pɛ a Klísto é lē nzím ánɛ lewhʉ̄ lā, pɛ ecʉ́ʼɛ eshʉ́ɛ́ áa ajū mīi, á athʉ́ lephū. Klísto wuɔ mɛ́t a á éwú, ńnáŋ á ŋkɔʼɔ́ apū ete Ndém.

Eble 1:3

Mɔ́ mɛ́t mé si ntswīi páʼ shʉ́shɔ́k Ndém a á épúp. A gɔ́ éyi Ndém a á lɛ akɔ̄ lɛ́, mbɔ a zeéŋ ŋgɔ́ azí épúp. A lɔɔ̄k ashuŋne zí tɛ́ ŋgwɛ̄ ŋgɔŋ ntsem, ashuŋne mɛ́t á wɛɛ̄ mete. A le gɔ́ tɛ mbú efók mefa epuɔ metsem, tɛ pɔ́ cʉ́ʼ té alɔ́ʼ. Á gʉɔ nnáŋ ánɛ mía ajʉʼ, á tɛ athʉ́ lephū, á ŋkɔʼɔ́ apū ete Ndém Esaʼ‑Ŋgɔŋ ntsem.

Eble 7:25

É melaʼ épúp tɛ́, a kuūʼ á yí á leghʉ, epuɔ pīi pɔ́ é si nzápa ánɛ yí, ńtshótɛ nnɛ̄t mé lezēŋ Ndém, é tswɛ́t tɛ ndaʼ, melaʼ mīi, a á efʉʼ metsem, ŋ́gɔ́ áa nte, ńzéŋ nnɔŋ eswíŋtɛ á Ndém á athū pɔ́p.

Eble 9:24

Klísto a lɛ te kó á ntē ajʉʼ alɔ́ʼ zīi, epuɔ menɔŋ mé le pɔ́ɔ̄. Ewuɔ te alɔ́ʼ ajʉʼ mɛ́t, a lɛ áa lelɔk ŋghíte páʼ, ajʉʼ zīi Ndém a naáŋ éwú, á épúp. A le kó á ntē lephū, tɛ a tshií tsetsɔŋɔ, á mvhɔ Ndém, ńtɔ́kɔ nzem zímpɛ.

1 Piɛ 3:18

Klísto yí méŋwɛ̄t a le jʉ́ɔ ŋgʉɔ̄ʼ, ńdɔk esōk mefa epuɔ metsem. A le ghʉ̄ épúp legʉɔ lemɔʼɔ́, á kuʼ épúp. Yí yīi, a lɛ á ŋiŋ ndeŋ ndeŋ, a le pīŋ ŋkwhʉ́ melaʼ megaŋ mefa, tɛ́ ndɔk ŋghʉ̄ pɛ ezéŋ ŋkūʼ á wɛ́, á lezēŋ ntshí á mvhɔ Ndém. Mɛ́ le zwhí áa mbap nnɛ̄t zi, táʼ, Azwakne Ndém á ké ŋghʉ̄, á zím ánɛ lewhʉ̄.

1 Piɛ 3:22

A le zím épúp, ŋ́kɔ́ʼ mé lephū, ńnáŋ ánɛ ŋkɔʼɔ́ apū ete Ndém. A naáŋ éwú esáʼa mecɔʼ Ndém, mbɔɔ ntií ntiī ajūɔ tsem zīi, á wɛɛ̄ mete á athʉ́ lephū.

Menjʉɔ te lí 1:18

Ŋ́gɔ́ nte. Meŋ nde kwhʉ́ʉ̄, ńzím ánɛ lewhʉ̄, tɛ awuɔ yīi, meŋ mbiīŋ ŋgɔ́ nte á meŋguʼ meŋguʼ lāa. Meŋ nde tsyā á lewhʉ̄, ḿbɔ́ŋ mete ánɛ alāʼ mepfhō.