Lomɛŋ 8:32 - Eka Eswhī

³² Yí yīi, a lɛ te kwaʼ Méŋ yi gʉɔ̄ʼ, ḿvéŋ mɛ́ zwhí á yí, á kwhʉ́, ńdɔk nzó á athū zímpɛ metsem. A gɔ epīiŋ ŋghʉ̄ páʼ lā, a á le zápa ajūɔ tsem ánɛ Méŋ yi mɛ́t, ŋ́gyá mé pímpɛ ɛ̄?

Lomɛŋ 8:32 Iomraidhean Croise

Matío 3:17

Á zéŋ njúʼ mmɔʼ ŋghi é fhó éwú ndé ŋ́gɛ: «Ŋiŋ wuɔ a á Méŋ ga, meŋ kɔ̄ɔŋ á yí tɛʼ, a ghʉʉ̄ ntē gá é gáŋte. »

Matío 7:11

Pɛ pīi pɛ é epuɔ tepɔŋ ejʉɔ ntií, pɛ ké nzhɛ́ ajūɔ mbɔŋ, tɛ́ ŋgyá á mbū ewɔŋkhʉ̄ pɛ́, tɛ ŋgʉɔ shɔ́ʼɔ́, ánɛ Mɔʼɔ́ wɛ Ndém yīi, a á lephū ú? A gɔ le néŋ té yá etsō mbɔŋ, á mbū ŋiŋ yīi, a á lɔ́ á yí í.

Jáaŋ 3:16

Ndém a le pú ŋkɔŋ epuɔ menɔŋ kɔŋ, tɛ ŋgyá á Méŋ yi, á tséŋ Méŋ yi, ŋ́gɛ ŋiŋ ntsem yīi, a á fɛ́ nnɛ̄t ŋgyá á mbū yí, a te eláʼ epí í, a a láʼ eta á lezēŋ Ndém.

Lomɛŋ 11:21

Páʼ Ndém a le záʼ mbū ánɛ athʉ́ zīi, mɛ́ tuŋneé lā. Wu yīi o ké mbiŋ ŋgɔ́ páʼ apū athū zīi, mɛ́ le yɛ̄t yɛt éwú lā, o gɔ te lāk á athū jú ú, mbɔ o te e láʼ evuʼu á yí í.

Lomɛŋ 4:25

Yɛɛ́so mɛ́t, Ndém a le véŋ á kwhʉ́, melaʼ mefa mímpɛ, á piŋ ŋghʉ̄ á zím ánɛ lewhʉ̄, á lɔk épúp, ńtɔ́ŋ á yímpɛ lɛ, epuɔ ndeŋ ndeŋ.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

Lomɛŋ 8:28

Ḿpɛ é si ŋké nzhɛ́ɛ á légɛ, Ndém a ghʉʉ̄, ajūɔ tsem a láʼ mmakne áa mbɔŋɔ́, á mbū epuɔ pīi é kɔɔ̄ŋ á yí, épuɔ pīi, a le kɔ̄ŋ ntɔ́ŋ á wɔ́p, ńdɔk ŋghʉ̄ epuɔ pí.

1 Kɔlɛŋte 2:12

Ŋ́gɔ́ mé pek, mbɔ Azwakne Ndém zīi, a le yá me pek, á lɛ te fhó á mbū epuɔ ŋgɔŋ puɔ ɔ́. Á lɛ Azwakne Ndém méŋwɛ̄t. Ndém a lɛɛ́ ŋgyáa épúp ŋ́gɛ, pek elɔk nzhɛ́ menu mbɔŋ mīi, a yáa á mbū pímpɛ ndémndēm.

2 Kɔlɛŋte 4:15

Mefaʼ mɛ́t ntsem mīi pek ghʉɛ, mbɔɔ ŋgʉɔ̄ʼ zīi pek jʉ́ɔ, é páʼa, ŋ́gɔ́ áa melaʼ mɛ́, pek elɔ̄kɔ efāʼa ŋ́gɛ, Ndém a ewɛ̄ atsāmezeŋɛ té ndhʉ, ánɛ epuɔ tɛ nzáne. Púp, epuɔ tɛ nzáne, e esyákne á Ndém, ŋ́gūʼte á yí.

2 Kɔlɛŋte 5:21

Klísto a lɛ á te fa, Ndém á piŋ ŋgyá apiʼ mefa mímpɛ á mbū yí, ńdɔkɔ ŋ́gɛ ḿpɛ elɔ̄k páʼ, ḿpɛ lɛtneē ánɛ Klísto, ńcʉ́ʼ epuɔ ndeŋ ndeŋ á mvhɔ Ndém.

2 Kɔlɛŋte 6:10

Mɛ́ kwaāŋ ŋ́gɛ, pek é si mmēkɛ azō, káʼā, pek é piŋ ŋgɔ́ áa ánɛ lekāk efʉʼ metsem. Mɛ́ kwaāŋ ŋ́gɛ, pek é wɔ te kuʼ ánɛ azō, káʼā, pek ké mbīŋ nnɔŋ ŋghʉ̄ɛ, epuɔ tɛ nzáne, é wiɛ lewūʼ. Mɛ́ kwaāŋ ŋ́gɛ, pek te azō wɛ, káʼā, pek pīiŋ ŋgwɛ̄ etsō tsem.

1 Jáaŋ 4:10

Ḿpɛ ejʉ́ɔ ajū mīi, ŋkɔŋ e é si ŋgɔ́ eziɛ́: ḿpɛ mé lɛ te zī á lekɔŋ á Ndém ɛ́, yí mé le zī á lekɔŋ á yímpɛ, ńtó á tséŋ Méŋ yi ŋ́gɛ, a eshʉʼ ŋgyá á athū nnɛ̄t zí, ńdɔk esōk mefa mímpɛ.

Menjʉɔ te lí 21:7

Ŋiŋ yīi a á lʉɔ́ʼ tɛ njhʉ́, meŋ a shʉʼ eyá á yí ntshi wuɔ mɛ́t, égɔ́ á Ndém yi, a egɔ́ á méŋ ga.