Lomɛŋ 8:30 - Eka Eswhī

³⁰ Epuɔ pīi a le zapá ŋ́gɛ, pɔ́ e láʼ eswhí á Méŋ yi, a le zéŋ ntɔ́ŋ á wɔ́p ndɔk ŋghʉ̄ epuɔ pí. Epuɔ mɛ́t pīi a le tɔ́ŋ á wɔ́p, a le zéŋ ntɔ́ŋ á wɔ́p lɛ epuɔ ndeŋ ndeŋ. Epuɔ pīi a le tɔ́ŋ á wɔ́p lɛ epuɔ ndeŋ ndeŋ lā, a le zéŋ ŋgyá á wɔ́p lewūʼ tsí.

Lomɛŋ 8:30 Iomraidhean Croise

Jáaŋ 17:22

Ŋ́gɔ́ mé meŋ, mbɔ shʉ́shɔ́k yīi, o ke yá me meŋ, meŋ ke yá á mbū pɔ́p. Tɛ́ pɔ́ elɔk ŋgɔ́ á taʼ, ńdeŋ ndeŋ páʼ pɔkɔ é si ŋgɔ́ á taʼ lā.

Jáaŋ 17:24

Mɔ́ʼɔ, meŋ á si ŋkɔ̄ŋɔ ŋ́gɛ, ajʉʼ zīi, meŋ a shʉʼ egɔ́ éwú, o elɛ nzéŋ ŋghʉ̄ pek a epuɔ pīi, o le yá me meŋ mé epú ŋgɔ́ éwú, ḿbēte á shʉ́shɔ́k yīi, o le yá me meŋ. O le kɔ̄ŋ á gá, tɛ nzī nzɛ́t té nɔŋ ŋgɔŋ.

Jáaŋ 5:24

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a júʼɔ ashuŋne zá ŋkúʼte, éfɛ́ nnɛ̄t ŋgyá á mbū Ndém páʼ, a le tó á gá, mbɔ ŋgaŋ a á ndáʼ nzī á leta á lezēŋ yí. Ŋgaŋ a te e láʼ epí asāʼ á, a á ndáʼ ntswɛ́t á lewhʉ̄, tɛ nzī á leta á lezēŋ Ndém.

Lomɛŋ 1:6

Pɛ é azɛ́ á nnɔ epuɔ puɔ mɛ́t, á wɛ́ pīi Ndém a le tɔ́ŋ á wɛ́, ŋ́gɛ pɛ elɛ̄tne ánɛ Yɛɛ́so Klísto.

Lomɛŋ 11:29

Ndém a gɔ le yá á afuʼ á mbū ŋiŋ, éshʉʼ nzéŋ ńtswí í. A á le tsɔ́ʼ á ŋiŋ, éshʉʼ nzéŋ ŋ́kúmne anu zí í.

Lomɛŋ 8:1

Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

Lomɛŋ 8:21

Ndém a fú aleʼé, ézáʼ ŋkhʉ apuʼ á ntɔ̄ŋ ajūɔ tsem zīi, a le ghʉ̄ʉ̄, éghʉ, á le zéŋ ndákne ɛ́. Éghʉ, a ecʉ́ʼɛ nnáŋa áa ŋga athū yí, ŋ́gwɛ̄ lewūʼ tsīi, é etsi epɔ̄ Ndém.

Lomɛŋ 8:28

Ḿpɛ é si ŋké nzhɛ́ɛ á légɛ, Ndém a ghʉʉ̄, ajūɔ tsem a láʼ mmakne áa mbɔŋɔ́, á mbū epuɔ pīi é kɔɔ̄ŋ á yí, épuɔ pīi, a le kɔ̄ŋ ntɔ́ŋ á wɔ́p, ńdɔk ŋghʉ̄ epuɔ pí.

1 Kɔlɛŋte 1:2

Ńtíi á mbū alúŋ epɔ̄ Ndém zīi, á tésɔŋ Kɔlɛŋte, á wɛ́ pīi Ndém a le zapá ánɛ Yɛɛ́so Klísto, ŋ́ghʉ̄ pɛ ecʉ́ʼ epuɔ pí. A lɛɛ́ ntɔ́ŋɔ á wɛ́ ŋ́gɛ, pɛ ecʉ́ʼ epuɔ pí, pɛ a epuɔ metsem pīi, pɔ́ gʉɔ̄ tɛ ŋkó á akɔ̄ ajʉʼ lɛ́, ńtɔ́ŋ lezēŋ Atsyapuɔ Yɛɛ́so Klísto, á Atsyapuɔ wɔp, ńzéŋ ŋgɔ́ eyímpɛ.

1 Kɔlɛŋte 1:9

Ndém a le tɔ́ŋ á wɛ́, ŋ́gɛ pɛ a Méŋ yi Atsyapuɔ Yɛɛ́so Klísto, e ecʉ́ʼ á taʼ. A laʼneē akɔ̄ lɛ́, ńdáʼ ŋghʉ̄.

1 Kɔlɛŋte 2:7

Azhɛ̄‑anu zīi pek zíʼnɛ á wɛ́, á si ŋgɔ́ azhɛ̄‑anu, éfhɔ́ɔ á mbū Ndém. Ŋ́gɔ́ ntsem, mbɔ Ndém a le lʉ̄ɔ̄, tɛ nzɛ́t áa te nɔŋ ŋgɔŋ. Ńté njhʉ̄ ndʉ̄ɔ épúp, élɔk eshʉʼ eghʉ, ḿpɛ ekó á nte shʉ́shɔ́k yí.

1 Kɔlɛŋte 6:11

É páʼa, ḿbú ŋgɔ́ ecū mīi, emɔ̄ʼ epuɔ á nnɔ pɛ, é lɛɛ́ mbúu ŋghʉ̄ɛ. Táʼ, Azwakne Ndém yímpɛ, á le sōk mefa mɛ́, ŋ́ghʉ̄ pɛ ecʉ́ʼ epuɔ Ndém, ńzéŋ ŋghʉ̄ pɛ ecʉ́ʼ epuɔ ndeŋ ndeŋ, ńzápa ánɛ Atsyapuɔ Yɛɛ́so Klísto, tɛ́ ŋghʉ̄ épúp.

2 Kɔlɛŋte 4:17

Ŋgʉɔ̄ʼ zīi pek é tsetsɔŋɔ njʉ́ɔ, e puú te kūʼ azō, ánɛ mía mía tee nzwiŋ shʉ́shɔ́k te mi yīi, ŋgʉɔ̄ʼ jʉɔ mɛ́t, e cuŋtɛ á mbū pek ɛ́.

Galat 1:15

Táʼ, meŋ nde ké nzɛ́t á levem mɛ́ ga, Ndém á fhó ánɛ apɔŋɔ́ ntē te ndhʉ zí, ŋ́kāŋ á gá. Ńtsɔ́ʼ á gá, ŋ́gɛ meŋ efú ncʉ́ʼɛ ŋgɔ́ɔ áa ánɛ alá apū zí. Afʉʼ zīi yí mé kɔŋ, á le kūʼe,

Galat 1:6

Á si mbúu ntsyā á gá tɛʼ, ánɛ ntií zīi, pɛ é lɔk ŋgákne efhó á nzem Ndém ntó épúp. Tɛ́ mbɔ yí mé le zapá ánɛ Klísto, ńdɔ̄k apɔŋɔ́ ntē te ndhʉ Klísto mɛ́t, ńtsɔ́ʼ á wɛ́ ŋ́gɛ, pɛ egɔ́ epuɔ pí. Pɛ kʉʉ̄ŋ mbiŋ ŋgwáʼ á yí, ńcʉ́ʼɛ ŋkúʼtɛ áa mmɔʼ ŋke ndɛʼɛ, ńnɔŋ ŋkwāŋa ŋ́gɛ, ewiɛ́ mé ŋke mbɔŋ.

Galat 5:8

Anu zīi mɛ́ lɔkɔ efāʼa a lesɛt á wɛ́, á té efhɔ́ɔ á mbū ŋiŋ yīi, a le tɔ́ŋ á wɛ́ ɛ́.

Efɛze 1:11

Ndém a le fhó ánɛ páʼ pek kuʼteé á Klísto, ŋ́gyá azék akim, á gɔ́ páʼ, a le té njhʉ̄ ŋkāŋ á wék. A le ghʉ̄ épúp, á gɔ́ páʼ, a le kwaŋtēē, ńzéŋ ŋkɔ̄ŋ á leghʉ épúp.

Efɛze 1:5

A le té njhʉ̄ ŋkɔ̄ŋ ŋ́gɛ, ḿpɛ ezápa ánɛ Yɛɛ́so Klísto, ńcʉ́ʼ epɔ̄ pí. Á páʼa tɛ́, a le fhó ánɛ apɔŋɔ́ ntē zí, ŋ́kɔ̄ŋ épúp.

Efɛze 2:6

Ndém a le fhó ánɛ páʼ, ḿpɛ lɛtneē ánɛ Klísto, ŋ́ghʉ̄ ḿpɛ a Klísto é zím ánɛ lewhʉ̄. Ŋ́ghʉ̄ ḿpɛ a pɔ́p é kó á ntē lefɔ tsí, á athʉ́ lephū.

Efɛze 3:11

A le ghʉ̄ épúp, ńdɔk ŋghʉ̄, anu zīi a le sáāŋ, tɛ nzī nzɛ́t áa te nɔŋ ŋgɔŋ, á zápa ánɛ Atsyapuɔ yímpɛ Yɛɛ́so Klísto, ḿbō.

Efɛze 4:4

Alúŋ epuɔ Yɛɛ́so á gɔ́ áa taʼ, Azwakne Ndém á zéŋ ŋgɔ́ áa taʼ. Ndeŋ ndeŋ épúp, ajū mīi Ndém a lɛɛ́ ntɔ́ŋɔ á wɛ́, ŋ́gɔ̄ eyá mé pɛ, á gɔ́ áa taʼ.

Kɔlɔs 3:4

Klísto mé ewɛ legɔ̄. Aleʼé zīi a ŋwaka, pɛ epú nzéŋ ŋ́ŋwāk azɛ́, púp, pɛ a pɔ́p e epú ŋgɔ́ á ntē shʉ́shɔ́k.

1 Tesalonik 2:12

Pek kɛ te néŋ té semte á wɛ ɛ́. Pek te néŋ te yá á wɛ́ ŋgate ɛ́. Ńchʉ́ nnɛ̄t nték á wɛ́, ŋ́gɛ pɛ ezīŋ ánɛ mɛnzhɛ yīi, Ndém a á si ŋkɔ̄ŋɔ. Yí mé si ntɔ́ŋɔ á wɛ́ ŋ́gɛ, pɛ eshʉ̄ʼ ŋkó á ntē Lefɔ yí, mbɔɔ á ntē lewūʼ tsí.

2 Timotɛ 2:11

Anu jʉɔ zīi, meŋ gɔ̄ á eshúŋɔ la, á ajʉʼ éwú, ŋ́gɔ́ épúp: «A gɔ́ ŋké ŋ́gɔ́ éyi, ḿpɛ a Klísto é le puté ŋkwhʉ́, mbɔ ḿpɛ a pɔ́p, e láʼ egɔ́ éwú.

Eble 9:15

Á épúp tɛ́ Klísto, a á si ŋgɔ́ á nziŋ‑ekém, á lelɔk ŋkó ánɛ eka eswhī, melaʼ mīi, a le kwhʉ́ʉ̄, ńdɔk ncūʼ epuɔ menɔŋ, ánɛ mefa mīi pɔ́ le ghʉ̄ʉ̄, ánɛ afʉʼ nzwiŋ eka. Tɛ́ epuɔ pīi, Ndém a á tɔ́ŋ á wɔ́p, e ewɛ̄ a te mi ajū mīi, a le phʉ́ á mbū epuɔ pí.

1 Piɛ 2:9

Ŋ́gɔ́ mé pɛ, mbɔ pɛ é si ŋgɔ́ nzwɛt epuɔ pīi, Ndém a le kāŋŋ̄, ŋ́gɔ́ nnɔ wɔ nɔŋ‑epɔʼ Efɔ ŋgɔŋ, ŋ́gɔ́ á alāʼ zīi, á azi Ndém, ŋ́gɔ́ epuɔ pīi, pɔ́ é epuɔ Ndém. A le ghʉ̄ pɛ fhó á ntē nzém, ŋ́kó á ntē ajʉʼ zīi á fók lɛ púú. Ŋghʉ̄ɛ épúp páʼa ŋ́gɛ, pɛ esáʼ eshúŋ á mɛgém ajū mīi, a le ghʉ̄ʉ̄.

1 Piɛ 3:9

Ŋiŋ a ghʉɛ á wɛ́ anu tepɔŋ, ndɛ́ʼ pɛ elɔ̄ɔk anu tepɔŋ mbʉ̄ʼ. Ŋiŋ a zɔtɛ á wɛ́, ndɛ́ʼ pɛ elɔ̄ɔk nzɔ mbʉ̄ʼ. A cʉ́ʼɛ épúp, o elɔ́ ŋ́gɛ Ndém a enéŋ mbwɛ́né, ánɛ ŋgaŋ. Ndém a lɛɛ́ ntɔ́ŋɔ á wɛ́ ŋ́gɛ pɛ eghʉ̄ épúp páʼa, éfāʼa á lenēŋ mbwɛ́né zīi, a le laʼnē ánɛ pɛ.

1 Piɛ 5:10

Pɛ e jʉ́ɔ ŋgʉɔ̄ʼ épúp, áa méŋ afʉʼ, Ndém, a eghʉ̄ akʉ̄ɛ akʉ̄ɛ a ezéŋ mbīŋ á menaŋá yí. A á Ŋghʉɛ‑anu‑mbɔŋ‑té ndhʉ. Yí mé le zapá ánɛ Klísto, ńtɔ́ŋ á wɛ́ nnéŋ á ntē te mi shʉ́shɔ́k yi. Ḿpfēŋ ndo zɛ. Pɛ echʉ́ nnɛ̄t ntēte ánɛ mɛnzhɛ wɛ, tɛ ŋgɔ́ yīi, amɔ̄ʼ azō á gɔ le zéŋ á wɛ́ ŋghʉ̄ ɛ́.

2 Piɛ 1:10

Melaʼ épúp, meŋ shúŋɔ á wɛ́ me epɔ̄ memía, páʼ Ndém a le kāŋ á wɛ́, ńtɔ́ŋ á wɛ́ ánɛ mefaʼ mí lā, pɛ ekāk ete ánɛ mɛnzhɛ mɛ́t. Pɛ ghʉɛ épúp, mbɔ pɛ gɔ le láʼ efhó ánɛ mɛnzhɛ Ndém ntó ɔ́.

Menjʉɔ te lí 17:14

Pɔ́ e shʉʼ elʉɔ́ʼ á Mɔ́ Njʉnjhʉ, a eké njhʉ́ á wɔ́p, melaʼ mīi, a á Atsyantsɔp, ŋ́gɔ́ á Efɔ mefɔ. Pɔ́ a epuɔ pīi, a le tɔ́ŋ á wɔ́p, ŋ́kāŋ á wɔ́p, épuɔ pīi pɔ́ juúʼ nchu yí té sɛt, mé epú njhʉ́ɛ á wɔ́p épúp. »

Menjʉɔ te lí 19:9

Taʼ cɔʼ Ndém, á lé mé meŋ ŋ́gɛ: «Tí ŋ́gɛ: Meshhʉ̄ mbɔŋ é si ŋgɔ́ epuɔ pīi, mɛ́ é tɔ́ŋ á wɔ́p ánɛ lekāk alaá‑ŋgyā Mɔ́ Njʉnjhʉ. » Ńzéŋ ndé á mbū meŋ ŋ́gɛ: «Meshuŋne muɔ, é si ŋgɔ́ meshuŋne, ńtúɔ́ á nchu Ndém. »