Lomɛŋ 8:3 - Eka Eswhī

³ Ndém a le ghʉ̄ épúp, á gɔ́ ajū mīi, lepé Mɔɔ́sɛ é lɛ te kūʼ á leghʉ ɛ́, melaʼ mīi, lepwɛ̄t ŋiŋnɔŋ, a le ghʉ̄ʉ̄, ŋiŋ a te kūʼ á lekūʼte lepé ɛ́. Ndém a le gē efók mefa epuɔ menɔŋ, ńtó á kwaʼ Méŋ yi, á wɛ mbe nnɛ̄t, páʼ ezi epuɔ menɔŋ, mégaŋ mefa. A le zapá ánɛ mbe nnɛ̄t zi mɛ́t, tɛ́ mbík mefa epuɔ menɔŋ.

Lomɛŋ 8:3 Iomraidhean Croise

Málkúsi 15:27

Mɛ́ le zéŋ ŋkwɛte metsɔ́ŋ azɔ́p mémpīa, ánɛ epɔ́p membaŋne paŋné. Mmɔʼ ŋgaŋ á gɔ́ á ŋkɔʼɔ́ apū ete Yɛɛ́so, mmɔʼ á gɔ́ á ŋkɔʼɔ́ apū tswioɛ. [

Jáaŋ 1:14

Ashuŋne jɔ̄, a le sɛ̄t ncʉ́ʼ á kwaʼ ŋiŋnɔŋ, tɛ nnáŋ á tsetsɛlɛ pek, ŋ́gɔ́ á ŋgaŋ apɔŋɔ́ ntē te ndhʉ, ŋ́gɔ́ á ŋgaŋ anuúnē tɛ nzōko. Pek jʉ́ɔ á shʉ́shɔ́k yi, shʉ́shɔ́k wuɔ mɛ́t, Mɔʼɔ́ yímpɛ Ndém mé le yá á mbū tséŋ Méŋ yi mɛ́t.

Jáaŋ 9:24

Epuɔ Falísia é zéŋ ntɔ́ŋ á ŋiŋ yīi, a ke zī ŋgɔ́ á apií‑menēk lā, ńzɛ́tte á yí ŋ́gɛ: «Shúŋ á anuúnē á mvhɔ Ndém. Pek é si nzhɛ́ɛ á légɛ, ŋiŋ wɔ̄ a á ŋgaŋ mefa. »

Mefaʼ Meziŋ-ntō 13:39

Awíɛ awíɛ yīi, a á fɛ́ nnɛ̄t ŋgyá á mbū Yɛɛ́so, a a láʼ etswɛ́t ánɛ mefa mí.

Lomɛŋ 3:20

É melaʼ épúp tɛ́, Ndém a te e láʼ efhó ánɛ páʼ, ŋiŋ a ghʉʉ̄ páʼ lepé ntsem é si nzɛ́ttɛ, tɛ́ etɔ́ŋ á ŋgaŋ lɛ, ŋiŋ ndeŋ ndeŋ ɛ́. Lepé é tswiteé áa lelɔk nzhɛ́ ajū mīi, mɛ́ é fa.

Lomɛŋ 6:6

Ḿpɛ ecuŋte nzhɛ́ á mbɔŋɔ́ á légɛ: Yɛɛ́so a le lɔ̄k á yí á lekwhʉ̄ ánɛ mbaŋne paŋné, ḿpɛ a pɔ́p é lɔk mbú ŋ́kwʉ́, ánɛ nzwiŋ atswhī yīi, ḿpɛ é lɛ efʉʼ mvhɔ ŋgwɛ̄, tɛ́ a etsīa épúp, Ndém a epú mbík akwaŋte zīi, á tshónɛ á yímpɛ á leghʉ mefa. Púp, ḿpɛ é le zɛ́t epuʼ mefa á,

Lomɛŋ 7:18

Meŋ á si nzhɛ́ɛ á légɛ, leghʉ anu mbɔŋ, a puú te á ntē meŋ ɛ́, á ntē meŋ yīi, meŋ nzi ŋgɔ́ áa ŋiŋnɔŋ ɔ́. Meŋ tsaá á leghʉ anu mbɔŋ, ḿbiŋ te éwú kuʼ.

Lomɛŋ 8:32

Yí yīi, a lɛ te kwaʼ Méŋ yi gʉɔ̄ʼ, ḿvéŋ mɛ́ zwhí á yí, á kwhʉ́, ńdɔk nzó á athū zímpɛ metsem. A gɔ epīiŋ ŋghʉ̄ páʼ lā, a á le zápa ajūɔ tsem ánɛ Méŋ yi mɛ́t, ŋ́gyá mé pímpɛ ɛ̄?

Lomɛŋ 9:3

Á ŋgwíʼe ŋgɔ́ yīi, Ndém á letēm nzem za, mbɔɔ wék Klísto, á legɔ̄ le gɔ́ nnɔ ɔ́, á gɔ etswíte epɔ̄ memía pá, épuɔ alāʼ pék, mbɔ a ke gɔ́, meŋ etsá épúp.

2 Kɔlɛŋte 5:21

Klísto a lɛ á te fa, Ndém á piŋ ŋgyá apiʼ mefa mímpɛ á mbū yí, ńdɔkɔ ŋ́gɛ ḿpɛ elɔ̄k páʼ, ḿpɛ lɛtneē ánɛ Klísto, ńcʉ́ʼ epuɔ ndeŋ ndeŋ á mvhɔ Ndém.

Galat 3:13

Páʼ lekūʼte mbé a le ghʉ̄ʉ̄, ḿpɛ é kʉɛ ndɔ lā, Klísto a le ké mbiŋ eshʉ̄ʼ ńtshí á ajʉʼ pímpɛ, Ndém á néŋ ndɔ á athū yí. A le ghʉ̄ épúp, tɛ́ ndɔk nzó á athū zímpɛ, tɛ ŋgɔ́ yīi, Ndém a gɔ le zéŋ nnéŋ ndɔ, á athū pímpɛ ɛ́. Éfhó ánɛ páʼ mɛ́ tií á ntē aŋwaʼne Ndém ŋ́gɛ: «Ŋiŋ yīi mɛ́ le kɔʼné á yí ŋkwɛ̄ ánɛ athʉ́, yí tɛ́ Ndém a le néŋ ndɔ á athū yí. »

Galat 3:21

Á páʼā ndɔkɔ ndʉ́ɛ́ ŋ́gɛ, mbé pɔ́ ajū mīi Ndém a le phʉ́ á yímpɛ, é tshií áa nzéŋ nzéŋ lɛ́? É puú te á nzéŋ nzéŋ tshí. Á ŋgwíʼe ŋgɔ́ éyi Ndém a lɛɛ́ ŋgyáa mbé á mbū epuɔ, ŋ́gɛ e eghʉ̄ mɛ́ egɔ́ éwú, mbɔ epuɔ pīi é kuʼteé mbé mɛ́t, é si ŋgɔ́ epuɔ ndeŋ ndeŋ, á mvhɔ Ndém.

Fílíip 2:7

A cʉ́ʼɛ épúp, mbɔ a le pú ntshi ajūɔ tsem nnéŋ, ḿvéŋ á lecʉ̄ʼ ŋgaŋ afaʼ. Púp, ńcʉ́ʼ á ŋiŋnɔŋ tɛ mɛ́ zhí á yí zhíi. Á zéŋ nnáŋ ŋ́gɔ́ á ŋiŋnɔŋ tɛ mɛ́ jʉ́ɔ á yí.

Eble 10:12

Klísto a le ké nnɔŋ epɔʼ, é gɔ́ ndaʼ, ńdɔk esōk mefa. A ké ŋgɔ́ tsetsɔŋɔ, ńnáŋ á apū ete Ndém, á lemiʼɛ.

Eble 10:14

A le lɔ̄k ndaʼ epɔʼ yīi, a le nɔ̄ŋŋ̄, ŋ́ghʉ̄, epuɔ pīi a le sōk mefa mɔ́p, é cʉ́ʼ epuɔ Ndém, á lemiʼɛ.

Eble 2:14

Púp, ewɔŋkhʉ̄ pīi meŋ ndʉ́ɛ́ lā, é si ŋgɔ́ epuɔ menɔŋ tɛ ŋgwɛ̄ mekwɛ́ pɔ́ mbap nnɛ̄t. Yɛɛ́so méŋwɛ̄t azí, á le cʉ́ʼ á ŋiŋnɔŋ tɛ ŋgwɛ̄ mekwɛ́ pɔ́ mbap nnɛ̄t, tɛ́ ndɔk nzápa ánɛ yí lekwhʉ̄, ŋ́kīne mete Sɛ́ta, á ŋiŋ yīi á le wɛ̄ mete lewhʉ̄.

Eble 2:17

Melaʼ épúp tɛ́, a le pú eswhí epɔ̄ memía pí ánɛ ajūɔ tsem, tɛ ncʉ́ʼ á nnɔŋ‑epɔʼ eyi ndʉɛ, ŋ́gɔ́ á ŋgaŋ atsāmezeŋɛ, ńzīŋ ánɛ mekhu Ndém té miʼte, ńdɔkɔ efāʼa á lesok mefa epuɔ menɔŋ metsem.

Eble 4:15

Kwaʼ nnɔŋ‑epɔʼ eyi ndʉɛ yīi, ḿpɛ wɛɛ̄, a kuūʼ á yí á letswīte á yímpɛ, ánɛ lepwɛ̄t yímpɛ. Metáté é le shʉ̄ʼ á mbū yí, ánɛ meshhʉ̄ ntsem, páʼ é shʉʼɛ á mbū pímpɛ lā, á ké te ánɛ mefa whʉ̄ʉ.

1 Piɛ 2:24

Klísto a le tswíʼ mefa mímpɛ mbīʼ á mbe nnɛ̄t yí, ńdɔk ŋkwhʉ́ ánɛ mbaŋne paŋné, tɛ́ ḿpɛ elɔ̄ɔk ŋkwhʉ́ ánɛ mefa mímpɛ, ḿbiŋ nzhɛ́ á leziŋ ndeŋ ndeŋ, páʼ Ndém a á si ŋkɔ̄ŋɔ. Pɛ le zapá ánɛ meféŋ mí tɛ́ ntē.