Lomɛŋ 8:29 - Eka Eswhī

²⁹ A le té njhʉ̄, ŋ́kāŋ á wɔ́p, ńzéŋ nté njhʉ̄, ńzápa ŋ́gɛ, pɔ́ e láʼ eswhí á Méŋ yi. Ŋ́ghʉ̄ɛ épúp páʼā ŋ́gɛ, Méŋ yi a egɔ́ mvhɔ mɔ́, ánɛ atʉtʉ epɔ̄ pí.

Lomɛŋ 8:29 Iomraidhean Croise

Matío 12:50

Ŋiŋ yīi, a ghʉʉ̄ ajū mīi, Mɔʼɔ́ ga yīi, a á athʉ́ lephū, a á si nzɛ́ttɛ, ŋgaŋ mé méŋ mɔ́ ga, éyi menzwí ká eyi mbaŋa, ńzéŋ ŋgɔ́ á mɛ́ ga. »

Matío 25:40

Efɔ a etsɔ́ʼ á mbū pɔ́p ŋ́gɛ: “Meŋ a shúŋ á wɛ́ á kwaʼ anuúnē. Efʉʼ metsem yīi, pɛ le ghʉ̄ épúp tɛ mbɔɔ á mbū méŋ agáʼ mɔ́ á nnɔ epuɔ pá, pɛ lɛ páʼā, ńdɔkɔ ŋghʉ̄ɛ áa mbū meŋ.”

Matío 28:10

Yɛɛ́so á lɛ ndé á mbū pɔ́p ŋ́gɛ: «Ndɛ́ʼ pɛ ezéŋ mbɔ́k. Pɛ egʉɔ eshúŋ epɔ̄ memía pá ŋ́gɛ, pɔ́ egʉ̄ɔ á Ŋgaliléa, pɔ́ e kó éwú tɛ́ ejʉ́ɔ á gá. »

Matío 7:23

Meŋ ndɛ ndé á mbū pɔ́p ŋ́gɛ: “Meŋ ndaá nzi ŋgɔ́ aleʼé, ńjʉ́ɔ á wɛ́ ɛ́. Pɛ efhó á lezēŋ meŋ ŋgʉ̄ɔte, pɛ wɔ fʉʼ‑mele anu.”

Jáaŋ 17:16

Pɔ́ té si ŋghʉ̄ɛ páʼ epuɔ ŋgɔŋ puɔ é si ŋghʉ̄ɛ épúp ɔ́, ńdeŋ ndeŋ páʼ, meŋ te si ŋghʉ̄ɛ páʼ epuɔ ŋgɔŋ puɔ, é si ŋghʉ̄ɛ épúp ɔ́.

Jáaŋ 17:19

Éshʉ̄ʼ ánɛ meŋ, mbɔ meŋ á pú ŋgyá nnɛ̄t za á lelɔk ŋghʉ̄ mefaʼ mú melaʼ mɔ́p. Tɛ́ pɔ́ epú nzápa ánɛ ashuŋne jú, páʼ á si ŋgɔ́ anuúnē, ŋ́gyá nnɛ̄t zɔp á lelɔk ŋghʉ̄ mefaʼ mú.

Jáaŋ 17:26

Meŋ ke ghʉ̄ pɔ́ zhɛ́ á ŋiŋ yīi, o ó ewiɛ́. Meŋ a shʉʼ ezéŋ eghʉ, pɔ́ etswiʼne nzhɛ́, tɛ́ ŋkɔŋ zīi, o wɛɛ̄ ánɛ meŋ, e egɔ́ á tsetsɛlɛ pɔ́p azɔ́p, meŋ egɔ́ á ntē nnɛ̄t pɔ́p. »

Jáaŋ 20:17

Yɛɛ́so á lé á mbū yí ŋ́gɛ: «Ndɛ́ʼ o ekúʼte á gá. Meŋ zɛɛ́t te pe njʉ́ɔ á Mɔʼɔ́ ga. Ŋ́gɔ́ mé wu mbɔ, gʉɔ njʉ́ɔ epɔ̄ memía pá, ńdé á mbū pɔ́p ŋ́gɛ, meŋ a pe á njʉ́ɔ á Mɔʼɔ́ ga, páʼ a zeéŋ ŋgɔ́ á Mɔʼɔ́ wɛ lā, mé lezēŋ Ndém ga, páʼ a zeéŋ ŋgɔ́ á Ndém wɛ lā. »

Lomɛŋ 11:2

Ndém a laá ŋgwáʼ alāʼ zí zīi, a le té njhʉ̄ ŋkāŋ á. Pɛ é si ncuŋtɛ nzhɛ́ɛ páʼ, ánɛ amɔ̄ʼ ajʉʼ, á ntē aŋwaʼne Ndém, Eli á nɔŋ nzáŋa á lɔ́ŋ á mbū epuɔ Islaɛl, á mvhɔ Ndém, ŋ́gɛ:

Lomɛŋ 13:14

Á gɔ́ áa lɛ, pɛ elɔ̄k á leghʉ páʼ Atsyapuɔ Yɛɛ́so Klísto, a á si ŋkɔ̄ŋɔ épúp, ŋ́kwɛ́t etsɛ́ lenāŋ, pɛ é le néŋ athū zɛ́ ánɛ ecū mīi, mbe nnɛ̄t zɛ é si ntshónɛ á wɛ́, ŋ́gɛ pɛ ghʉɛ, á pɔŋ á wɛ́ ɛ́.

Lomɛŋ 9:23

A le gē eghʉ épúp, ńzéŋ nnɔŋ ŋkɔ̄ŋɔ ŋ́gɛ, mɛ́ ezhɛ́ páʼ lewūʼ tsí é faáŋ épúp, ánɛ epuɔ pīi, é páʼ meŋgwʉ́ŋ mīi, a wɛɛ̄ atsāmezeŋɛ ánɛ pɔ́p lā. A le té njhʉ̄ ŋyɛ̄tte meŋgwʉ́ŋ mɛ́t, ŋ́gɛ pɔ́ eláʼ ŋkó á ntē lewūʼ tsí.

1 Kɔlɛŋte 15:49

Ndeŋ ndeŋ páʼ ḿpɛ swhií á ŋiŋ yīi, Ndém a le lɔ̄k atsáʼ mbɔ́ lā, ḿpɛ e láʼ aleʼé, ézéŋ eswhí á ŋiŋ yīi, a fhɔ́ɔ á lephū.

1 Kɔlɛŋte 2:7

Azhɛ̄‑anu zīi pek zíʼnɛ á wɛ́, á si ŋgɔ́ azhɛ̄‑anu, éfhɔ́ɔ á mbū Ndém. Ŋ́gɔ́ ntsem, mbɔ Ndém a le lʉ̄ɔ̄, tɛ nzɛ́t áa te nɔŋ ŋgɔŋ. Ńté njhʉ̄ ndʉ̄ɔ épúp, élɔk eshʉʼ eghʉ, ḿpɛ ekó á nte shʉ́shɔ́k yí.

1 Kɔlɛŋte 8:3

Ŋiŋ yīi a piīŋ ŋkɔŋ á Ndém, yí tɛ́ Ndém a zhɛɛ́ á yí.

2 Kɔlɛŋte 3:18

Ajūɔ nzhó á gɛ te nzɛ́t ŋkʉ̄ŋɛ eshhʉ̄ ŋiŋ á nnɔ pímpɛ ɛ́. Shʉ́shɔ́k Atsyapuɔ a gɛ ncʉ́ʼɛ nzápa ánɛ pímpɛ, tɛ́ ŋwāŋnɛ. Ḿpɛ lē esɛnne, ncʉ́ʼɛ ŋgɔ́ɔ áa páʼ Atsyapuɔ lā, ŋ́gwɛ̄ á shʉ́shɔ́k yīi, a á eséŋɛ́ lɛ́, ńtswiʼne efáŋ fáaŋ. Á páʼa, ŋ́gɔ́ afaʼ zīi Atsyapuɔ, páʼ a á si ŋgɔ́ Azwakne lā, a ghʉʉ̄ ánɛ pímpɛ.

Efɛze 1:11

Ndém a le fhó ánɛ páʼ pek kuʼteé á Klísto, ŋ́gyá azék akim, á gɔ́ páʼ, a le té njhʉ̄ ŋkāŋ á wék. A le ghʉ̄ épúp, á gɔ́ páʼ, a le kwaŋtēē, ńzéŋ ŋkɔ̄ŋ á leghʉ épúp.

Efɛze 4:24

Pɛ ewɛ̄ lenāŋ leswhī, ŋiŋ yīi a wɛɛ̄ lenāŋ cʉɔ mɛ́t, a swhií á Ndém. Anuúnē á ghʉʉ̄, á lɔk á ndeŋ ndeŋ tɛ́ nnáŋ, Ndém á piŋ nnɔ̄ŋ te ndāʼa á yí í.

Fílíip 3:21

A a láʼ esɛt mbe nnɛ̄t zímpɛ zīi, e gɔ́ áa apwɛɛ́t‑azō, e ecʉ́ʼ páʼ mbe nnɛ̄t zi lā, ŋ́gwɛ̄ á shʉ́shɔ́k. A a láʼ elɔk mete mīi a lɔkɔ ŋghʉ̄ɛ, ajūɔ tsem á júʼɔ nchu yí, tɛ́ eghʉ épúp.

Kɔlɔs 3:10

Pɛ kʉʉ̄ŋ ncʉ́ʼ epuɔ meswhī, épuɔ meswhī pīi, Ndém, á Mbɔ yímpɛ, a á efʉʼ metsem, ŋ́ghʉ̄ pɔ́ swhí á yí, éfāʼa ŋ́gɛ, pɛ etswiʼne nzhɛ́ á yí.

2 Timotɛ 1:9

Ndém mé le ghʉ̄ ḿpɛ é tswɛ́t, ńtɔ́ŋ á yímpɛ ndɔ̄k ŋghʉ̄ epuɔ pí. A lɛ te gē eghʉ épúp, éfhó ánɛ mefaʼ mbɔŋ mímpɛ ɛ́, a le fhó ánɛ páʼ, a le kwāŋ épúp, éfhó ánɛ apɔŋɔ́ ntē te ndhʉ zí, ánɛ epuɔ menɔŋ. A le té njhʉ̄ nzápa ánɛ Yɛɛ́so Klísto, ńtswī á yímpɛ apɔŋɔ́ ntē te ndhʉ jʉɔ mɛ́t, tɛ nzī nzɛ́t áa te nɔŋ ŋgɔŋ.

2 Timotɛ 2:19

Táʼ, epuɔ pīi pɔ́ le fɛ́ nnɛ̄t ŋgyá á mbū Yɛɛ́so, pɔ́ teē páʼ kwaʼ atsék zīi, Ndém mé le nɔ̄ŋŋ̄, azō á gɔ le wɔ́p nʉʼne. Mɛ́ tií ánɛ atsék mɛ́t ŋ́gɛ: «Atsyapuɔ a zhɛɛ́ epuɔ pí». Mɛ́ zeéŋ ntí éwú ŋ́gɛ: «Ŋiŋ a nɔŋ ndʉ́ɛ́ ŋ́gɛ yí lɛtneē ánɛ Atsyapuɔ, á kʉ á mɛnzhɛ tepɔŋ. »

1 Piɛ 1:2

Ndém Mɔʼɔ́ a le té njhʉ̄ ŋkāŋ á wɛ́, páʼ a le zapá épúp. Azwakne zí á ghʉ, pɛ tswhi ncʉ́ʼ epuɔ pí. Ŋ́kāŋ á wɛ́ épúp, ŋ́gɛ pɛ ezīŋ ánɛ mekhu Yɛɛ́so Klísto, a elɔ̄k metshi mí esōk á wɛ́. Ŋ́gɛ Ndém a elɛ ŋghʉ̄ anu mbɔŋ té ndhʉ ánɛ pɛ. Ŋ́ghʉ̄ pɛ enáŋ á ntē apwɛne tɛ ntsékne.

1 Piɛ 1:20

Ndém a le pú nzɛ́t áa te nɔŋ ŋgɔŋ, ńté njhʉ̄ ŋkāŋ á yí. Á piŋ ŋkūʼ tsetseŋɔ yīi, ŋgɔŋ é si ŋgɔ̄ á mmiī la, á fók á yí á tentā, ŋ́gɛ a etswíte á wɛ́.

1 Jáaŋ 3:2

Mepɔŋ mesoó pá, tɛ efhó tsetsɔŋɔ, ḿpɛ é si ŋgɔ́ epɔ̄ Ndém, táʼ, Ndém a zɛɛ́t te tswi á yímpɛ ntií zīi, ḿpɛ e láʼ egɔ́ eziɛ́. Ḿpɛ é si ŋké nzhɛ́ɛ á taʼ azō. Aleʼé zīi Klísto a ŋwaka, ḿpɛ egɔ́ páʼ yí lā, melaʼ mīi, ḿpɛ e láʼ enɔŋ ejʉ́ɔ á yí páʼ, a á épúp.

Menjʉɔ te lí 13:8

Epuɔ metsem pīi, pɔ́ é ndo esī atsetsáʼ, pɔ́ tswíʼte, ŋ́ŋɔ́ʼne tɛ ethū tsɔ́p é pfeŋ esī, ŋ́gūʼte á yí, épuɔ metsem pīi Mɔ́ Njhʉnjhʉ, páʼ mɛ́ le zwhí lā, a lɛ te tí nzēŋ mɔ́p tɛ efhó anɔŋɔ́‑ŋgɔŋ, á ntē aŋwaʼne nzēŋ epuɔ pīi, é wɛɛ̄ lenāŋ leswhī ɛ́.