Lomɛŋ 8:28 - Eka Eswhī

²⁸ Ḿpɛ é si ŋké nzhɛ́ɛ á légɛ, Ndém a ghʉʉ̄, ajūɔ tsem a láʼ mmakne áa mbɔŋɔ́, á mbū epuɔ pīi é kɔɔ̄ŋ á yí, épuɔ pīi, a le kɔ̄ŋ ntɔ́ŋ á wɔ́p, ńdɔk ŋghʉ̄ epuɔ pí.

Lomɛŋ 8:28 Iomraidhean Croise

Málkúsi 12:30

Kɔŋ á Atsyapuɔ Ndém wu mé ntē wú ntsem, mé athū nnɛ̄t jú ntsem, mé akwaŋte jú ntsem, mé mete mú ntsem.”

Mefaʼ Meziŋ-ntō 13:48

Epuɔ pīi é té epuɔ Yúda á, é júʼ épúp, nnɛ̄t zɔp é gáŋte, pɔ́ zi á lewuʼte Ndém melaʼ ŋke mɛ́t. Epuɔ tɛ nzáne é júʼ ŋke Atsyapuɔ Yɛɛ́so, epi pɔ́ é véŋ, é gɔ́ epuɔ pīi, Ndém a le tsɔ́ʼ á wɔ́p ŋ́gɛ, pɔ́ efú ntā á lezēŋ yí.

Lomɛŋ 11:29

Ndém a gɔ le yá á afuʼ á mbū ŋiŋ, éshʉʼ nzéŋ ńtswí í. A á le tsɔ́ʼ á ŋiŋ, éshʉʼ nzéŋ ŋ́kúmne anu zí í.

Lomɛŋ 8:30

Epuɔ pīi a le zapá ŋ́gɛ, pɔ́ e láʼ eswhí á Méŋ yi, a le zéŋ ntɔ́ŋ á wɔ́p ndɔk ŋghʉ̄ epuɔ pí. Epuɔ mɛ́t pīi a le tɔ́ŋ á wɔ́p, a le zéŋ ntɔ́ŋ á wɔ́p lɛ epuɔ ndeŋ ndeŋ. Epuɔ pīi a le tɔ́ŋ á wɔ́p lɛ epuɔ ndeŋ ndeŋ lā, a le zéŋ ŋgyá á wɔ́p lewūʼ tsí.

Lomɛŋ 9:11

Mɛ́ le zɛ́t te zhí ewɔŋkhʉ̄ mɛ́t, pɔ́ zɛ́t á levem, tɛ nzɛ́t áa te zhɛ́ á leghʉ anu mbɔŋ ká azi tepɔŋ. Ndém páʼ, á gē eghʉ azō, yí méŋwɛ̄t mé sáŋ, ŋ́ghʉ̄ páʼ, a á kɔŋ épúp,

1 Kɔlɛŋte 1:2

Ńtíi á mbū alúŋ epɔ̄ Ndém zīi, á tésɔŋ Kɔlɛŋte, á wɛ́ pīi Ndém a le zapá ánɛ Yɛɛ́so Klísto, ŋ́ghʉ̄ pɛ ecʉ́ʼ epuɔ pí. A lɛɛ́ ntɔ́ŋɔ á wɛ́ ŋ́gɛ, pɛ ecʉ́ʼ epuɔ pí, pɛ a epuɔ metsem pīi, pɔ́ gʉɔ̄ tɛ ŋkó á akɔ̄ ajʉʼ lɛ́, ńtɔ́ŋ lezēŋ Atsyapuɔ Yɛɛ́so Klísto, á Atsyapuɔ wɔp, ńzéŋ ŋgɔ́ eyímpɛ.

1 Kɔlɛŋte 1:24

Táʼ, ŋ́ké ŋgɔ́ á mbū epuɔ pīi, Ndém a le tɔ́ŋ á wɔ́p, tɛ a láʼa ŋgɔ́ á ŋiŋ Yúda kɛ́ á ŋiŋ yīi a te ŋiŋ Yúda á, mbɔ pɔ́ é si nzhɛ́ɛ á légɛ, Klísto mé si ntswīi mete Ndém, yí mé zéŋ nnɔ̄ŋ ntswīi azhɛ̄‑anu Ndém.

1 Kɔlɛŋte 1:9

Ndém a le tɔ́ŋ á wɛ́, ŋ́gɛ pɛ a Méŋ yi Atsyapuɔ Yɛɛ́so Klísto, e ecʉ́ʼ á taʼ. A laʼneē akɔ̄ lɛ́, ńdáʼ ŋghʉ̄.

1 Kɔlɛŋte 2:9

Mɛ́ le ké ntí á ntē aŋwaʼne Ndém ŋ́gɛ: «Ajū mīi ŋiŋnɔŋ a la lɔ̄k lezēk njʉ́ɔ ɔ́, a te lɔ̄k letuúŋ njúʼ ú. Ajū mīi ŋiŋnɔŋ a laá nzi ŋkwāŋte á ntē yí í, aziɛ́ mé si ŋgɔ́ ajū mīi, Ndém a le féŋ á mbū epuɔ pīi, é kɔɔ̄ŋ á yí. »

2 Kɔlɛŋte 5:1

Ḿpɛ é si nzhɛ́ɛ á légɛ, ntap zīi ḿpɛ naáŋ éwú, á esī atsetsáʼ ega, meŋ ndɔkɔ ndʉ́ɛ́ mbe nnɛ̄t zímpɛ, e táka, mbɔ Ndém a a shʉʼ eyá ezi ndɛʼɛ, á athʉ́ lephū, e egɔ́ ezi, ŋiŋnɔŋ mé ka lɔ̄k mbū mí ŋghʉ̄ ɛ́. Ejʉɔ ntap mɛ́t, e te ndáʼa ntáka á.

Galat 1:15

Táʼ, meŋ nde ké nzɛ́t á levem mɛ́ ga, Ndém á fhó ánɛ apɔŋɔ́ ntē te ndhʉ zí, ŋ́kāŋ á gá. Ńtsɔ́ʼ á gá, ŋ́gɛ meŋ efú ncʉ́ʼɛ ŋgɔ́ɔ áa ánɛ alá apū zí. Afʉʼ zīi yí mé kɔŋ, á le kūʼe,

Galat 1:6

Á si mbúu ntsyā á gá tɛʼ, ánɛ ntií zīi, pɛ é lɔk ŋgákne efhó á nzem Ndém ntó épúp. Tɛ́ mbɔ yí mé le zapá ánɛ Klísto, ńdɔ̄k apɔŋɔ́ ntē te ndhʉ Klísto mɛ́t, ńtsɔ́ʼ á wɛ́ ŋ́gɛ, pɛ egɔ́ epuɔ pí. Pɛ kʉʉ̄ŋ mbiŋ ŋgwáʼ á yí, ńcʉ́ʼɛ ŋkúʼtɛ áa mmɔʼ ŋke ndɛʼɛ, ńnɔŋ ŋkwāŋa ŋ́gɛ, ewiɛ́ mé ŋke mbɔŋ.

Galat 5:8

Anu zīi mɛ́ lɔkɔ efāʼa a lesɛt á wɛ́, á té efhɔ́ɔ á mbū ŋiŋ yīi, a le tɔ́ŋ á wɛ́ ɛ́.

Efɛze 3:11

A le ghʉ̄ épúp, ńdɔk ŋghʉ̄, anu zīi a le sáāŋ, tɛ nzī nzɛ́t áa te nɔŋ ŋgɔŋ, á zápa ánɛ Atsyapuɔ yímpɛ Yɛɛ́so Klísto, ḿbō.

Efɛze 4:1

Meŋ yīi meŋ á ŋgyā atʉɛ́, melaʼ mīi meŋ á ŋgaŋ afaʼ Atsyapuɔ, meŋ a fhó ánɛ menu mīi, meŋ á shúŋ á wɛ́, étswɛte á wɛ́. Ŋ́gɛ pɛ ezīŋ ánɛ mekhu anu zīi, Ndém a le tɔ́ŋ á wɛ́ ŋ́gɛ, pɛ ezīŋ éwú ndeŋ ndeŋ.

Fílíip 3:14

Á páʼa tɛ́ meŋ á si ŋkāka ete, éfāʼa á gá á leshʉʼ ŋgwɛ̄ ntaŋá yīi, Ndém a a shʉʼ elɔk etáŋ epuɔ pīi, a á zápa ánɛ Yɛɛ́so Klísto, ńtɔ́ŋ á wɔ́p, ŋ́gɛ pɔ́ eshʉʼ nnáŋ á lezēŋ yí, á lephū.

1 Tesalonik 5:9

Ndém a lɛɛ́ te ntɔ́ŋɔ á yímpɛ ndɔ̄kɔ ŋghʉ̄ɛ epuɔ pí páʼā, ŋ́gɔ̄ á nzáŋ á lɔ́ŋ ánɛ pímpɛ ɛ́. A lɛɛ́ ntɔ́ŋɔ á yímpɛ, ŋ́ghʉ̄ɛ áa lɛ, ḿpɛ efhó ánɛ ajū mīi, Atsyapuɔ yímpɛ Yɛɛ́so Klísto, á le ghʉ̄ ánɛ pímpɛ, yí eghʉ̄ ḿpɛ etswɛ́t.

2 Timotɛ 1:9

Ndém mé le ghʉ̄ ḿpɛ é tswɛ́t, ńtɔ́ŋ á yímpɛ ndɔ̄k ŋghʉ̄ epuɔ pí. A lɛ te gē eghʉ épúp, éfhó ánɛ mefaʼ mbɔŋ mímpɛ ɛ́, a le fhó ánɛ páʼ, a le kwāŋ épúp, éfhó ánɛ apɔŋɔ́ ntē te ndhʉ zí, ánɛ epuɔ menɔŋ. A le té njhʉ̄ nzápa ánɛ Yɛɛ́so Klísto, ńtswī á yímpɛ apɔŋɔ́ ntē te ndhʉ jʉɔ mɛ́t, tɛ nzī nzɛ́t áa te nɔŋ ŋgɔŋ.

2 Timotɛ 2:19

Táʼ, epuɔ pīi pɔ́ le fɛ́ nnɛ̄t ŋgyá á mbū Yɛɛ́so, pɔ́ teē páʼ kwaʼ atsék zīi, Ndém mé le nɔ̄ŋŋ̄, azō á gɔ le wɔ́p nʉʼne. Mɛ́ tií ánɛ atsék mɛ́t ŋ́gɛ: «Atsyapuɔ a zhɛɛ́ epuɔ pí». Mɛ́ zeéŋ ntí éwú ŋ́gɛ: «Ŋiŋ a nɔŋ ndʉ́ɛ́ ŋ́gɛ yí lɛtneē ánɛ Atsyapuɔ, á kʉ á mɛnzhɛ tepɔŋ. »

Eble 9:15

Á épúp tɛ́ Klísto, a á si ŋgɔ́ á nziŋ‑ekém, á lelɔk ŋkó ánɛ eka eswhī, melaʼ mīi, a le kwhʉ́ʉ̄, ńdɔk ncūʼ epuɔ menɔŋ, ánɛ mefa mīi pɔ́ le ghʉ̄ʉ̄, ánɛ afʉʼ nzwiŋ eka. Tɛ́ epuɔ pīi, Ndém a á tɔ́ŋ á wɔ́p, e ewɛ̄ a te mi ajū mīi, a le phʉ́ á mbū epuɔ pí.

Jáak 1:12

Eshhʉ̄ mbɔŋ a á si ŋgɔ́ á ŋiŋ yīi, ŋgʉɔ̄ʼ e zwiíʼ á yí, á kwɛ́t ntē. A pikɛ te ntó ánɛ ŋgʉɔ̄ʼ mɛ́t, mbɔ Ndém a a shʉʼ eyá yí ntaŋá, e egɔ́ á yí á leta a lezēŋ yí, páʼ a le laʼnē á mbū epuɔ pīi, é kɔɔ̄ŋ á yí.

Jáak 2:5

Epɔ̄ memía pá pīi meŋ kɔɔ̄ŋ á wɔ́p, pɛ etéŋɛ metuúŋ njúʼ. Ndém mé lɛ te tsɔ́ʼ epuɔ pīi, epuɔ menɔŋ é kwaāŋ ŋ́gɛ, pɔ́ é mepūŋ, ŋ́ghʉ̄ pɔ́ fɛ́ nnɛ̄t ŋgyá á mbū Yɛɛ́so Klísto, ńdɔkɔ ncʉ́ʼɛ megaŋ azō ɔ́ lɛ̄? Ńzéŋ ŋghʉ̄ pɔ́ wɛ lepɔŋ tsīi, é ntē Lefɔ Ndém, páʼ a le laʼnē épúp, á mbū epuɔ pīi pɔ́ kɔɔ̄ŋ á yí lɛ̄?

1 Piɛ 2:9

Ŋ́gɔ́ mé pɛ, mbɔ pɛ é si ŋgɔ́ nzwɛt epuɔ pīi, Ndém a le kāŋŋ̄, ŋ́gɔ́ nnɔ wɔ nɔŋ‑epɔʼ Efɔ ŋgɔŋ, ŋ́gɔ́ á alāʼ zīi, á azi Ndém, ŋ́gɔ́ epuɔ pīi, pɔ́ é epuɔ Ndém. A le ghʉ̄ pɛ fhó á ntē nzém, ŋ́kó á ntē ajʉʼ zīi á fók lɛ púú. Ŋghʉ̄ɛ épúp páʼa ŋ́gɛ, pɛ esáʼ eshúŋ á mɛgém ajū mīi, a le ghʉ̄ʉ̄.

1 Piɛ 3:9

Ŋiŋ a ghʉɛ á wɛ́ anu tepɔŋ, ndɛ́ʼ pɛ elɔ̄ɔk anu tepɔŋ mbʉ̄ʼ. Ŋiŋ a zɔtɛ á wɛ́, ndɛ́ʼ pɛ elɔ̄ɔk nzɔ mbʉ̄ʼ. A cʉ́ʼɛ épúp, o elɔ́ ŋ́gɛ Ndém a enéŋ mbwɛ́né, ánɛ ŋgaŋ. Ndém a lɛɛ́ ntɔ́ŋɔ á wɛ́ ŋ́gɛ pɛ eghʉ̄ épúp páʼa, éfāʼa á lenēŋ mbwɛ́né zīi, a le laʼnē ánɛ pɛ.

1 Piɛ 5:10

Pɛ e jʉ́ɔ ŋgʉɔ̄ʼ épúp, áa méŋ afʉʼ, Ndém, a eghʉ̄ akʉ̄ɛ akʉ̄ɛ a ezéŋ mbīŋ á menaŋá yí. A á Ŋghʉɛ‑anu‑mbɔŋ‑té ndhʉ. Yí mé le zapá ánɛ Klísto, ńtɔ́ŋ á wɛ́ nnéŋ á ntē te mi shʉ́shɔ́k yi. Ḿpfēŋ ndo zɛ. Pɛ echʉ́ nnɛ̄t ntēte ánɛ mɛnzhɛ wɛ, tɛ ŋgɔ́ yīi, amɔ̄ʼ azō á gɔ le zéŋ á wɛ́ ŋghʉ̄ ɛ́.

1 Jáaŋ 4:10

Ḿpɛ ejʉ́ɔ ajū mīi, ŋkɔŋ e é si ŋgɔ́ eziɛ́: ḿpɛ mé lɛ te zī á lekɔŋ á Ndém ɛ́, yí mé le zī á lekɔŋ á yímpɛ, ńtó á tséŋ Méŋ yi ŋ́gɛ, a eshʉʼ ŋgyá á athū nnɛ̄t zí, ńdɔk esōk mefa mímpɛ.

1 Jáaŋ 4:19

Ŋ́gɔ́ mé pímpɛ, mbɔ ḿpɛ kɔɔ̄ŋ epuɔ, melaʼ mīi, Ndém a le té njhʉ̄, ŋ́kɔ̄ŋ á yímpɛ.

Menjʉɔ te lí 3:19

Meŋ cɔɔ́k epuɔ metsem pīi, meŋ kɔɔ̄ŋ á wɔ́p, ńtswá á wɔ́p mbɔɔ tswaá. Ké ŋkāk ete ánɛ lefɛ̄ nnɛ̄t, ŋ́gɔ̄ nnɛ̄t ju, ŋ́gwáʼ atswhī tepɔŋ jú.