Lomɛŋ 8:27 - Eka Eswhī

²⁷ Páʼ Ndém a ké njʉ́ɔ á ajūɔ tsem zīi, á ntē ŋiŋnɔŋ lā, á zhɛɛ́ ajū mīi, Azwakne Ndém á si ndɔ́ɔ, melaʼ mīi Azwakne Ndém, á si eswíŋtɛ á athū epuɔ Ndém, ánɛ ntií zīi, Ndém á si ŋkɔ̄ŋɔ épúp.

Lomɛŋ 8:27 Iomraidhean Croise

Matío 6:8

Púp, ndɛ́ʼ pɛ efʉ̄ʼne á wɔ́p. O zi ŋgē elɔ́ á Mɔʼɔ́ wu ajū mīi, á mbū wu ŋkíŋɛ páʼā, á zi nté njhʉ̄ nnɔŋ nzhɛ́ɛ.

Lúkási 16:15

Yɛɛ́so á lɛ mbwɛ̄t, ńdé á mbū pɔ́p ŋ́gɛ: «Pɛ pwɔ̄, pɛ kʉʼneé mbɔp menēk epuɔ, ŋ́gɛ, pɛ é megaŋ anuúnē. Táʼ, Ndém á ke nnɔ̄ŋ nzhɛ́ɛ ajū mīi, pɛ é aziɛ́. Pɛ eké nzhɛ́ á légɛ, mmɔʼ mía ajū mīi, epuɔ menɔŋ é wuʼtɛ, á mbū Ndém, ŋ́gɔ́ áa ajūɔ ŋŋyaŋne ŋyaŋne. »

Jáaŋ 14:13

Ajūɔ tsem zīi, pɛ é lɔk lezēŋ tsá ndɔ́, meŋ a ghʉ á mbū pɛ. Tɛ́ a etsīa épúp, mɛ́ ezápa ánɛ lezēŋ Mɔ́, ŋ́gūʼte á Mɔʼɔ́.

Jáaŋ 21:17

Yɛɛ́so á zéŋ nzɛ́tte ánɛ mbáte tɛ́t ŋ́gɛ: «Simɔŋ, méŋ Jáaŋ, o kɔɔ̄ŋ á gá a?» Piɛ á sóʼne eshhʉ̄ yí ánɛ páʼ, Yɛɛ́so a á zɛ́tte á yí ánɛ mbáte tɛ́t ŋ́gɛ: «O kɔɔ̄ŋ á gá a?» Ŋ́ké ndé ŋ́gɛ: «Atsyapuɔ, wu yīi, o ó si nzhɛ́ɛ ajūɔ tsem. O ó si nzhɛ́ɛ á mbɔŋɔ́ á légɛ, meŋ kɔɔ̄ŋ á wú. » Yɛɛ́so á gɛ: «Gɔ́ á mpfɛnne‑memvhō ga.

Mefaʼ Meziŋ-ntō 1:24

Epuɔ metsem é pú eswíŋte á Ndém ndé ŋ́gɛ: «Ndi, wu yīi o ó si nzhɛ́ɛ ajū mīi, á ntē ŋiŋnɔŋ ntsem, lɛ eshʉ̄ʼ ánɛ epuɔ puɔ mémpīa, ńtsɔ́ʼ ewu ŋiŋ yīi, o ó kaŋ ŋ́gɛ,

Mefaʼ Meziŋ-ntō 15:8

Yí Ndém a zhɛɛ́ ntē epuɔ metsem, a le gē etswi á légɛ yí é véŋ á wɔ́p páʼ epuɔ pí, ńtó Azwakne zí á mbū pɔ́p, ńdeŋ ndeŋ páʼ a le tó á mbū pímpɛ.

Lomɛŋ 8:34

Awɔ́ a gɔ etswá á wɔ́p ŋgʉɔ athʉ́ lepé é? Ŋgaŋ a te éwú ú. Yɛɛ́so Klísto a le kwhʉ́ʉ̄, Ndém á ké ŋghʉ̄ á zím ánɛ lewhʉ̄, a naáŋ á ŋkɔʼɔ́ apū ete Ndém, ńtɔ́kɔ nzem zímpɛ.

Lomɛŋ 8:6

Ŋiŋ a ziīŋ páʼ, mbe nnɛ̄t zi mé si ntshónɛ á yí ŋ́gɛ, a ezīŋ épúp páʼā, ńdɔkɔ nzīŋɛ ánɛ mɛnzhɛ lewhʉ̄. Ŋiŋ á piŋ nzīŋ páʼ Azwakne Ndém mé si nzɛ́ttɛ épúp páʼā, ńdɔkɔ nzīŋɛ ánɛ mɛnzhɛ yīi, Ndém a a ghʉ, a egɔ́ éwú, ŋ́gwɛ̄ apwɛne.

Efɛze 2:18

É melaʼ Klísto, tɛ́ ḿpɛ metsem, épuɔ Yúda mbɔɔ epuɔ pīi, é té epuɔ Yúda á, é zapaá ánɛ ndaʼ Azwakne Ndém, ŋ́kūʼ á letshī á lezēŋ Ndém Mɔʼɔ́.

1 Tesalonik 2:4

Ŋgáŋ, Ndém a le zwíʼ á wék tɛ njʉ́ɔ, tɛ́ ntsékne ŋke mɛ́t á mbū pek. Pek é si ntswīi páʼ á zɛ́tte épúp. Pek te si ŋghʉ̄ɛ ajū mīi, a pɔŋ epuɔ menɔŋ ɔ́. Pek é si ŋghʉ̄ɛ áa azi, a pɔŋ á Ndém. Ndém mɛ́t, a zhɛɛ́ ajū mīi, á mentē pek.

Eble 4:13

Mmɔʼ ŋiŋ a te éwú yīi, á té jʉ́ɔ á yí mé menēk mí í. Ajūɔ tsem á mvhɔ yí, ḿbú ŋgɔ́ ŋkɛʼɛ kɛʼɛ. Menēk mí é tshií ánɛ pímpɛ efʉʼ metsem. Ḿpɛ e láʼ epɛ́te ŋghʉʉ́‑menu mímpɛ, áa mbū yí.

Jáak 5:16

Púp, pɛ evéŋ mefa mɛ́ á tsetsɛlɛ pɛ, ńzeŋne zeŋné, éswíŋte á Ndém á tsetsɛlɛ pɛ, ńzeŋne zeŋné, Ndém a eghʉ̄, pɛ etē. Aswiŋte ŋiŋ yīi, a á ndeŋ ndeŋ á mvhɔ Ndém, á gɛ esáa á tɔ́.

Menjʉɔ te lí 2:23

Meŋ a shʉʼ eghʉʉ, ewɔŋkhʉ̄ pí e ekwhʉ́te, púp melúŋ epuɔ Yɛɛ́so ntsem e ezhɛ́ á légɛ, meŋ á si ŋgɔ́ á ŋiŋ yīi, a zhɛɛ́ ajū mīi, ŋiŋ a á ntē yí ŋkwāŋtɛ, ńzhɛ́ azi ŋiŋ a á si ntsáa. Meŋ a shʉʼ efhó ánɛ mefaʼ awiɛ́ awiɛ́ á nnɔ pɛ, tɛ́ ezápa azí anu á alá apū yí.