Lomɛŋ 8:26 - Eka Eswhī

²⁶ Ndeŋ ndeŋ épúp, ḿpɛ nɔɔ̄ŋ ŋkáa páʼā, Azwakne Ndém mé tɔ́te á yímpɛ. Á gɔ́ páʼ, ḿpɛ te zhɛ́ á leswīŋte á Ndém páʼ, á zi nzɛ́tte épúp ɔ́. Azwakne Ndém méŋwɛ̄t, mé laā eswíŋte á Ndém á athū pímpɛ, mé meshuŋne mīi, ŋiŋnɔŋ a gɔ le zhɛ́ á leshūŋ ɔ́.

Lomɛŋ 8:26 Iomraidhean Croise

Matío 10:20

melaʼ mīi, pɛ mé té ndáʼa ŋgɔ̄ á eshúŋnɛ ɛ́. Azwakne Mɔʼɔ́ wɛ Ndém, mé láʼa ŋgɔ̄ elɔk nchu wɛ́ eshúŋne.

Matío 20:22

Yɛɛ́so á pwɛt á mbū ewɔŋkhʉ̄ mɛ́t ŋ́gɛ: «Pɛ te si nzhɛ́ɛ ajū mīi, pɛ lɔ́ɔ ɔ́. Pɛ gɔ ekūuʼ á wɛ́ á lenū ntūʼ ŋgʉɔ̄ʼ jʉɔ zīi, meŋ gʉɔ mé nnuú la a?» Pɔ́ pwɛt á mbū yí ŋ́gɛ: «Pek gɔ ekūuʼ. »

Lúkási 22:44

Anu ŋgʉɔ̄ʼ zīi a gɔ ekó éwú, á nɔŋ mpfɛ́tɛ á yí, á tswiʼne eswíŋte á Ndém nnéŋ ntē, tɛ aziʼne á tó ánɛ yí, ńtsyákte á esī páʼ metshi lā.]

Jáaŋ 14:16

Meŋ a shʉʼ eswíŋte á Mɔʼɔ́, a eyá á wɛ́ mmɔʼ ŋkʉɛ‑anɔŋɔ́‑mɛnzhɛ, pɛ a pɔ́p mé ecʉ́ʼɛ ŋgɔ́ɔ, á lemiʼɛ.

Lomɛŋ 15:1

Pek pīi pek teteē ánɛ lefɛ̄ nnɛ̄t ŋgyá á mbū Yɛɛ́so, pek pɔŋteé á lepʉ̄ʼte epuɔ pīi, pɔ́ é si ŋkáa ánɛ lefɛ̄ nnɛ̄t, ŋ́gē eghʉ épúp, pek é le ghʉ̄ ajū mīi, á pɔŋ áa wék ɛ́.

Lomɛŋ 7:24

Yeé emɔ̄ʼ eshhʉ̄ tepɔŋ yīi, meŋ á ewiɛ́ lée. Awɔ́ a a láʼ ekú á gá, á mbū mbe nnɛ̄t jʉɔ zīi, e é efʉʼ metsem, ńtshóne á gá, ŋ́gyá áa mbū lewhʉ̄ ʉ̄?

Lomɛŋ 8:15

Azwakne Ndém zīi á le kó á ntē pɛ, á lɛ te ŋgɔ̄ eghʉ, pɛ ecʉ́ʼ epuʼ, tɛ ŋgɔ́ yīi, pɛ gɔ ezéŋ ncɔ̄ʼ ɔ́, á si ŋgɔ́ Azwakne zīi, á ghʉʉ̄, pɛ cʉ́ʼ epɔ̄ Ndém. Azwakne mɛ́t mé tshóne á yímpɛ, ḿpɛ elāa ntɔ́ŋ á Ndém lɛ Abba, ńdɔkɔ ŋ́gɛ, Mɔ́ʼɔ.

2 Kɔlɛŋte 5:2

Ḿpɛ é tsetsɔŋɔ ndāa, ńnɔŋ nchʉ́ɛ nnɛ̄t esʉ́ɛ́ ŋ́gɛ, Ndém a eyá á yímpɛ mbe nnɛ̄t eswhī, á athʉ́ lephū.

2 Kɔlɛŋte 5:4

Á anuúnē, ḿpɛ pīi ḿpɛ é naŋteé á ntē mentap muɔ á esī atsetsáʼ ega, menu é si eswɛ́tɛ á yímpɛ, ḿpɛ nɔ̄ɔŋ ntswīɛ̄. Táʼ, á ké te ndɔ̄kɔ ŋ́gɛ, ḿpɛ é si ŋkɔ̄ŋɔ á lefhō á ntē mentap mɛ́t ntúɔ́. Ḿpɛ é si ŋkɔ̄ŋɔ áa lekō á ntē mentap ndɛʼɛ, tɛ́ ajū mīi á naáŋ á lemiʼɛ, a kápte á azi á gɔ ekwhʉ́.

Galat 4:6

Meŋ á gɛ epɔ̄ Ndém, pɛ zi ŋgɔ́ á kwaʼ epiɛ́. Ndém a le gē etswi á légɛ, pɛ é si ŋgɔ́ á kwaʼ epiɛ́, ńtó á Azwakne Méŋ yi á ntē pímpɛ. Aziɛ́ mé tshoneé á yímpɛ, ḿpɛ lāa ntɔ́ŋ á Ndém é lɛ Abba, ńdɔkɔ ŋ́gɛ Mɔ́ʼɔ.

Efɛze 2:18

É melaʼ Klísto, tɛ́ ḿpɛ metsem, épuɔ Yúda mbɔɔ epuɔ pīi, é té epuɔ Yúda á, é zapaá ánɛ ndaʼ Azwakne Ndém, ŋ́kūʼ á letshī á lezēŋ Ndém Mɔʼɔ́.

Efɛze 6:18

Pɛ eswíŋte á Ndém, ánɛ ajūɔ tsem. Azwakne Ndém a etswíte á wɛ́, á lelɔ̄ á Ndém azō efʉʼ metsem. Ndɛ́ʼ ŋiŋ á lí, pɛ eswíŋte á Ndém té ká, á athū epuɔ Ndém metsem.

Eble 4:15

Kwaʼ nnɔŋ‑epɔʼ eyi ndʉɛ yīi, ḿpɛ wɛɛ̄, a kuūʼ á yí á letswīte á yímpɛ, ánɛ lepwɛ̄t yímpɛ. Metáté é le shʉ̄ʼ á mbū yí, ánɛ meshhʉ̄ ntsem, páʼ é shʉʼɛ á mbū pímpɛ lā, á ké te ánɛ mefa whʉ̄ʉ.

Eble 5:2

A kuūʼ á yí á lejūʼ ajū mīi, á ghʉʉ̄, epuɔ é whʉ mefa, kɛ́ azi á ghʉʉ̄, ŋiŋ á gē efa nzhɛ, ńnɔŋ te nzhɛ́ ɛ́. Á gɔ́ páʼ yí méŋwɛ̄t azí, a á ŋiŋ mbwɛ́t ánɛ meshhʉ̄ ntsem.

Jáak 4:3

Pɛ é si ndɔ́ɔ azō á mbū Ndém, ḿbiŋ nnɔ̄ŋ te ŋgwīɛ̄ azō mɛ́t ɛ́, melaʼ mīi, akwaŋte zīi, pɛ lɔkɔ ndɔ́ɔ azō mɛ́t, á té pɔŋ. Pɛ é si ndɛ ndɔ́ɔ áa ajū mīi, pɛ e wɛ, elɔk ejúʼ á mbɔŋɔ́, á mbe nnɛ̄t pɛ.