Lomɛŋ 8:25 - Eka Eswhī

²⁵ Ḿpɛ veéŋ ŋ́gɛ, ḿpɛ é wɛ ajū mīi, ḿpɛ zɛɛ́t te jʉ́ɔ páʼā, ńdɔkɔ nzwíʼtɛ azō mɛ́t té ká.

Lomɛŋ 8:25 Iomraidhean Croise

Lúkási 21:19

Pɛ ekāk ete, tɛ́ ndáʼ ŋgɔ́ éwú. »

Lúkási 8:15

Emɔ̄ʼ epuɔ é piŋ ŋkó ŋ́gɔ́ páʼ ajʉʼ atsáʼ mbɔŋ zīi, ashuŋne mɛ́t á whʉ éwú lā, pɔ́ juúʼ ashuŋne Ndém, ńdɔ̄k ntē mbɔŋ ntswí, ŋ́kúʼte á mbɔŋɔ́, ŋ́gɔ́ ndeŋ ndeŋ, éfhó ánɛ lekak ete, ánɛ mɛnzhɛ Ndém, ńzém ntá. »

Lomɛŋ 12:12

Ajū mīi pɛ é si ntsáa, ńnɔŋ nzhɛ́ á légɛ Ndém a a láʼ eyá, pɛ egē ezwíʼte, ŋ́gɔ́ á ntē lekāk. Ŋ́kwɛ́t ntē, ánɛ afʉʼ ŋgʉɔ̄ʼ. Éswíŋte á Ndém té ká.

Lomɛŋ 2:7

A a láʼ eghʉ, epuɔ pīi pɔ́ kaāk ete, ŋ́ghʉ̄ menu mbɔŋ, ńdɔkɔ efāʼa ŋ́gɛ, a ekím lezēŋ tsɔ́p á mbɔŋɔ́, ńdɔkɔ efāʼa ŋ́gɛ, a ekɔ̄ŋte á wɔ́p, ńdɔkɔ efāʼa á legɔ̄ le fú ŋkwhʉ́, ŋ́kó ŋkwhʉ́ ɛ́, e etā á lezēŋ yí.

Lomɛŋ 8:23

Ŋgʉɔ̄ʼ mɛ́t, e te lɛ̄ ŋgɔ́ áa ezi ajūɔ tsem ɛ́, ḿpɛ pīi Ndém a le yá Azwakne zí á mbū pímpɛ, é gɔ́ mvhɔ ecū mīi, a le phʉ́ á yímpɛ, é si nzéŋɛ ntswīɛ̄ azímpɛ á ntē, ŋ́ké mbiŋ ŋgɔ́ tsetsɔŋɔ, ńzwíʼtɛ ŋ́gɛ, Ndém a elɔ̄k á yímpɛ ŋghʉ̄ epɔ̄ pí, ŋ́ghʉ̄, ḿpɛ epú ntswɛ́t ŋgʉɔ̄ʼ.

Kɔlɔs 1:11

Pek é si eswíŋtɛ á yí ŋ́gɛ, a elɛ ndɔ̄k á mía mía mete mí, ŋ́ghʉ̄ pɛ etēte ánɛ meshhʉ̄ ntsem, tɛ́ ndɔk ŋkūʼ á wɛ́ á lekwɛ̄t ntē, ŋ́kāk ete ánɛ ajūɔ tsem. Pɛ elɔ̄k lekāk,

1 Tesalonik 1:3

Pek tshií á mvhɔ Mɔʼɔ́ yímpɛ Ndém tɛ́ eswíŋtɛ épúp, ńnɔŋ ŋkímtɛ ajū mīi, lefɛ̄ nnɛ̄t wɛ ŋgyá á mbū yí, a le tshoné á wɛ́, pɛ ghʉ̄ʉ. Ńzéŋ nnɔŋ ŋkímtɛ páʼ, ŋkɔŋne zīi pɛ wɛ̄ɛ, e le tshoné á wɛ́, pɛ ghʉ̄ʉ afaʼ, ńdɔk ntswíte emɔ̄ʼ epuɔ. Ńnɔŋ ŋkímtɛ páʼ, pɛ é si nnéŋɛ ntē té ká, ńzwíʼtɛ ajū mīi, Ndém a le laʼnēē. Á gɔ́ lɛ: Atsyapuɔ yímpɛ Yɛɛ́so Klísto, a a láʼ ezéŋ epiŋ nzem.

2 Tesalonik 3:5

Ŋ́gɛ Atsyapuɔ, a elɛ ntsāŋ á wɛ́, á letswiʼne ŋkɔ̄ŋ á Ndém. Ńtswíte á wɛ́ á lekwɛ̄t ntē ánɛ ŋgʉɔ̄ʼ, páʼ Klísto lā.

Eble 10:36

Á si nzɛ́ttɛ á wɛ́ á lekak ete, tɛ́ ndɔk ŋghʉ̄ ajū mīi, Ndém a á si ŋkɔ̄ŋɔ, a etsīa épúp, pɛ ewɛ̄ ajū mīi, Ndém a le laʼnē á mbū pɛ.

Eble 6:12

Púp, ndɛ́ʼ pɛ eká, á cʉ́ʼɛ épúp, pɛ efʉ̄ʼne epuɔ pīi, pɔ́ le fɛ́ nnɛ̄t ŋgyá á mbū Ndém, ŋ́kāk ete, Ndém á yá á wɔ́p ajū mīi, a le laʼnē á mbū pɔ́p.

Eble 6:15

Ablaham á júʼ épúp, ŋ́kwɛ́t ntē nnáŋ. Ndém á láʼ ŋgyá ajū mīi, a le laʼnēē, á mbū yí.

Menjʉɔ te lí 1:9

Meŋ Jáaŋ méŋ mɔ́ wɛ, ńdɛ̄tne ánɛ Yɛɛ́so páʼ pɛ lā, meŋ á si njʉ́ɔ azá ŋgʉɔ̄ʼ páʼ pɛ lā, ńnɔŋ ŋŋíŋɛ azá á ntē Lefɔ Ndém. Mɛ́ le lɔ̄k á gá ŋgʉ̄ɔ mé Patmos, álāʼ, ntshi é kɛ́nne nnéŋ á esɔŋ, ńdɔ̄kɔ á gá ŋgʉɔ épúp, melaʼ ashuŋne Ndém zīi, meŋ kuʼtéē, mbɔɔ melaʼ anu Yɛɛ́so zīi, meŋ shúŋɔ.

Menjʉɔ te lí 13:10

A gɔ́ éyi, Ndém a le lé ŋ́gɛ, ŋiŋ a eláʼ ŋgɔ́ á apuʼ ncu, mbɔ ŋgaŋ a a láʼ egɔ́ áa aziɛ́. Ŋ́gɔ́ éyi Ndém a le lé ŋ́gɛ, mɛ́ e láʼ ezwhí á ŋiŋ mé ŋŋí ncu, mbɔ ŋgaŋ a a láʼ ekwhʉ́ áa eziɛ́. Melaʼ épúp tɛ́, epuɔ Ndém e ekāk ete, éfɛ́ nnɛ̄t ŋgyá á mbū Ndém.

Menjʉɔ te lí 14:12

Á páʼa ndɔkɔ ndʉ́ɛ́ ŋ́gɛ, ŋiŋ yīi a á ŋiŋ Ndém, á ŋiŋ ŋkúʼte lepé Ndém, éfɛ́ nnɛ̄t ŋgyá á mbū Yɛɛ́so, a ekāk ete.