Lomɛŋ 8:24 - Eka Eswhī

²⁴ Ndém á lē ŋghʉ, ḿpɛ tswɛ́t, ŋ́ké nzɛ́t té wɛ ajūɔ tsem, melaʼ mīi, ŋiŋ a wɛɛ̄ ajū mīi, a á si ntsáa páʼā, ńdɔkɔ te nzɛ́t ntsáa azō ɔ́. Ŋiŋ a gɔ ewɛ̄ azō, ḿbiŋ ŋghʉ̄ páʼ lā, ńzéŋ ntsá azō mɛ́t é?

Lomɛŋ 8:24 Iomraidhean Croise

Lomɛŋ 12:12

Ajū mīi pɛ é si ntsáa, ńnɔŋ nzhɛ́ á légɛ Ndém a a láʼ eyá, pɛ egē ezwíʼte, ŋ́gɔ́ á ntē lekāk. Ŋ́kwɛ́t ntē, ánɛ afʉʼ ŋgʉɔ̄ʼ. Éswíŋte á Ndém té ká.

Lomɛŋ 15:13

Meŋ á si eswíŋtɛ ŋ́gɛ, Ndém, páʼ ḿpɛ zwiʼteé ajūɔ tsem áa mbū yí lā, a elɛ efhó ánɛ páʼ pɛ fɛɛ́ nnɛ̄t ŋgyá á mbū Klísto lā, ŋ́ghʉ̄, lekāk pɔ́ apwɛne e egɔ́ á ntē pɛ tɛ ndó. Tɛ́ mete Azwakne zí, é eghʉ̄, pɛ ecuŋte nzwíʼte ajū mīi, a le laʼnē á leyā á mbū pɛ.

Lomɛŋ 15:4

Ajūɔ tsem zīi mɛ́ le tí á ntē aŋwaʼne Ndém, tɛ efhó tɛ efʉʼ, mɛ́ le tíī, ńdɔkɔ ntékɛ á yímpɛ, tɛ́ ḿpɛ ezápa ánɛ menu mīi mɛ́ le tí á ntē aŋwaʼne mɛ́t, ŋ́kāk ete, ŋ́kwɛ́t ntē ndɔk nzwíʼte ajū mīi, ḿpɛ é si ntsáa, ńnɔŋ nzhɛ́ɛ á légɛ, ḿpɛ e láʼ ewɛ.

Lomɛŋ 4:18

Ablaham a le nɔ̄ŋ ntsáa azō, ńnɔŋ nzhɛ́ɛ á légɛ, a láʼ egɔ́ épúp. Tɛ mbɔɔ páʼ ajūɔ tsem, á le nɔ̄ŋ ntswii á légɛ, á gɔ le épúp gɔ́, á ké efɛ́ áa nnɛ̄t zi ŋgyá á mbū Ndém, «Ndém á lɔk á yí ŋghʉ̄ á mɔʼɔ́ atʉtʉ melaʼ. » Á gɔ́ páʼ Ndém a le lé á mbū yí ŋ́gɛ: «Jʉ́ɔ́ páʼ nzwɛt ju, e láʼ ezá épúp. »

Lomɛŋ 5:2

Yɛɛ́so Klísto mɛ́t mé le tsɔ́ʼ nzhɛ, Ndém á lɔk ntswī apɔŋɔ́ ntē te ndhʉ zí ánɛ pímpɛ, melaʼ mīi, ḿpɛ fɛɛ́ nnɛ̄t ŋgyá á mbū yí. Ḿpɛ kuʼteé páʼ, Ndém a le tswī apɔŋɔ́ ntē te ndhʉ zí mɛ́t tɛ á te, tɛ́ ndɔk nnáŋ. Ajū mīi á si ŋghʉ̄ɛ ḿpɛ ekāʼtɛ, á si ŋgɔ́ páʼ, ḿpɛ é si ntsáa, ńnɔŋ nzhɛ́ɛ á légɛ, a láʼ egɔ́ épúp, á légɛ, ḿpɛ e láʼ ekó á ntē lewūʼ Ndém.

Lomɛŋ 8:20

Ajūɔ tsem zīi Ndém a le ghʉ̄ʉ̄, a le zéŋ ŋghʉ̄, á cʉ́ʼ ŋŋiké. Ajūɔ tsem mɛ́t, á lɛ te kɔ̄ŋ kɔŋ tɛ́ ncʉ́ʼ épúp ɔ́. Á le cʉ́ʼ épúp, melaʼ ŋiŋ yīi, a le kɔ̄ŋ ŋ́gɛ, a egɔ́ épúp. Ajūɔ tsem mɛ́t á si ŋké ntsáa ŋ́gɛ, emɔ̄ʼ njhʉ̄ e elá, Ŋgaŋ a ezéŋ ŋkúmne.

1 Kɔlɛŋte 13:13

Á shʉʉ̄ʼ ánɛ ajūɔ tsem, etsō tsɛ́tɛ́t é gɔ́ éwú tsīi, é gɔ le láʼ mmī í: ŋ́gɔ́ ŋiŋ á lefɛ̄ nnɛ̄t ŋgyá á mbū Ndém. Ŋ́gɔ́ á lenēŋ ntē nzwíʼte ajū mīi, Ndém a le laʼnēē. Ŋ́gɔ́ á lekɔŋ epuɔ. Azi á ké mbiŋ mbú éfáŋ, á gɔ́ áa lekɔŋ epuɔ.

2 Kɔlɛŋte 4:18

Pek te tshí ntē wék ánɛ ajū mīi, mɛ́ é si ndɔ̄kɔ menēk njʉ́ɔ ɔ́, pek tshií ntē wék áa ánɛ ajū mīi, mɛ́ té lɔ̄k menēk njʉ́ɔ ɔ́. Ajū mīi, mɛ́ lɔɔ̄k menēk njʉ́ɔ á gɔ emīi, azi mɛ́ té lɔ̄k menēk njʉ́ɔ ɔ́, á náŋ á lemiʼɛ.

2 Kɔlɛŋte 5:7

Ńdɔkɔ ndʉ́ɛ́ ŋ́gɛ, ḿpɛ te lɔ̄k ajū mīi, ḿpɛ é si njʉ́ɔɔ mé menēk tɛ́ nnáŋ á, ḿpɛ lɔɔ̄k áa lefɛ̄ nnɛ̄t ŋgyá mé Ndém, tɛ́ nnáŋ.

Galat 5:5

Ŋ́gɔ́ mé pek, mbɔ pek é si nzwíʼtɛ ŋ́gɛ, Ndém a eshʉʼ ntɔ́ŋ á wék lɛ epuɔ ndeŋ ndeŋ á mvhɔ yí, melaʼ mīi pek lē efɛ́ nnɛ̄t zek ŋgyá á mbū Klísto. Azwakne Ndém mé si ntswítɛ á wék á lezwīʼte épúp.

Kɔlɔs 1:23

Á si ŋké nzɛ́ttɛ ŋ́gɛ, pɛ ekāk ete, ńtswiʼne efɛ́ nnɛ̄t ŋgyá á mbū Klísto, ńdɔk ŋgʉ̄ɔ mé mvhɔ. Ŋ́kúʼte á lefɛ̄ nnɛ̄t mɛ́t, tɛ a echʉ́ nnɛ̄t ntēte, páʼ ŋgyā zīi, mɛ́ lɔɔ̄k á tɔ́ nnɔ̄ŋ atseŋ lā. Pɛ é le cʉ́ʼ, azō á ghʉ, pɛ ewáʼ ajū mīi, pɛ gɛ ntsáa, tɛ efhó á aleʼé zīi, pɛ le júʼ ŋke mbɔŋ, ńnɔŋ nzhɛ́ɛ á légɛ, Ndém a a láʼ eyá mé pɛ ɛ́. Mɛ́ le tswī ŋke mbɔŋ mɛ́t, á mbū epuɔ menɔŋ metsem á ŋgɔŋ. Meŋ Pɔ́ɔl, meŋ ndē ncʉ́ʼ á ŋgaŋ afaʼ Ndém, á letswi ŋke mbɔŋ mɛ́t.

Kɔlɔs 1:27

Ndém a ke kɔ̄ŋ á leghʉ, pɔ́ zhɛ́ ntsem mɛ́t. Ńzhɛ́ páʼ, nzwiŋ ntsem mɛ́t, é teē épúp. Ńzhɛ́ lewūʼ tsīi é ánɛ ntsem mɛ́t. Ńzhɛ́ épúp, á tsetsɛlɛ epuɔ pīi, é té epuɔ Yúda á. Ntsem mɛ́t é gɔ́ lɛ: Klísto a á tsetsɛlɛ pɛ, yí mé zéŋ nnɔ̄ŋ ŋghʉ̄ɛ, pɛ ekúʼtɛ á légɛ, pɛ e fú ekó á ntē lewūʼ Ndém.

Kɔlɔs 1:5

melaʼ mīi, pɛ é si ncuŋtɛ nzhɛ́ɛ á légɛ, pɛ e láʼ ewɛ ajū mīi, pɛ é si ntsáa, ńnɔŋ nzhɛ́ɛ á légɛ, Ndém a a láʼ eyá á mbū pɛ, á athʉ́ lephū. Á le fhó ánɛ páʼ pɛ le júʼ ŋke mbɔŋ mvhɔ legʉɔ, páʼ é si ŋgɔ́ á anuúnē lā, tɛ́ pɛ ezhɛ́ azō mɛ́t.

1 Tesalonik 5:8

Ḿpɛ pīi, ḿpɛ ghʉʉ̄ menu áa afʉʼ zīi, ejʉʼ é si efóko, ḿpɛ eghʉ̄ azímpɛ akɔ̄ lɛ́, áa ŋkuʼne kuʼne. Ńdɔ̄k á lefɛ̄ nnɛ̄t pɔ́ ŋkɔŋne, ŋ́ghʉ̄ ezímpɛ nzhó ncu zīi, mɛ́ lɔɔ̄k atʉɛ́ ncūŋte. Ńdɔ̄k á lezwīʼte ajū mīi, Ndém a le laʼnē á leyā mé pímpɛ, á gɔ́ á lefū ŋghʉ̄ ḿpɛ tswɛ́t, ŋ́ghʉ̄ ezímpɛ nta ncu zīi, mɛ́ lɔɔ̄k atʉɛ́ ncūŋte.

2 Tesalonik 2:16

Atsyapuɔ yímpɛ Yɛɛ́so Klísto yí méŋwɛ̄t, mbɔɔ Mɔʼɔ́ yímpɛ Ndém, a le kɔ̄ŋ á yímpɛ, ńtsīa ánɛ atsāmézeŋɛ té ndhʉ zīi, a wɛɛ̄ ánɛ pímpɛ, éswíte mentē mímpɛ a lemiʼɛ, ńzéŋ ŋghʉ̄, ḿpɛ ezhɛ́ ŋ́gɛ, ḿpɛ é ndáʼ ŋgwɛ̄ ajū mīi, ḿpɛ é si nzwíʼtɛ.

Tíit 3:7

Ndém a lɛ́ ŋghʉ̄ɛ épúp páʼā, ŋ́gɛ ḿpɛ efhó ánɛ apɔŋɔ́ ntē te ndhʉ zí, ńcʉ́ʼ epuɔ ndeŋ ndeŋ, éfú ntā á lezēŋ yí, páʼ ḿpɛ gɛ nzwíʼtɛ épúp.

Eble 11:1

Lefɛ̄ nnɛ̄t ŋgyá á mbū Ndém, a á si ŋgɔ́ á levēŋ á légɛ, o ó ndáʼ ŋgwɛ̄ ajū mīi, o ó si ntsáa. Á levēŋ á légɛ, ajū mīi o te si ndɔ̄kɔ menēk njʉ́ɔ ɔ́, á éwú anuúnē.

1 Piɛ 1:21

Pɛ zapaá ánɛ yí tɛ́ efɛ́ nnɛ̄t ŋgyá á mbū Ndém. Ndém mé le ghʉ̄ á zím ánɛ lewhʉ̄, yí mé yá á yí lewūʼ te mi, tɛ́ pɛ egē efɛ́ nnɛ̄t eyá á mbū Ndém, ńnɔŋ nzhɛ́ɛ á légɛ, pɛ é ndáʼ ŋgwɛ̄ ajū mīi, pɛ é si eshʉ́ɛ́.

1 Piɛ 1:3

Awuʼte a egɔ́ á mbū Ndém, á Mɔʼɔ́ Yɛɛ́so Klísto Atsyapuɔ yímpɛ. A le fhó ánɛ mía atsāmezeŋɛ zí, ńzápa ánɛ páʼ Yɛɛ́so Klísto á le zím ánɛ lewhʉ̄, ńzhí á yímpɛ leswhī leswhī. Melaʼ épúp tɛ́, ḿpɛ enéŋ á ntē pímpɛ á légɛ, ḿpɛ e fú ewɛ ajūɔ tsem zīi, Ndém a le phʉ́ʉ̄,

1 Jáaŋ 3:3

Ŋiŋ ntsem yīi a kuʼteé akwaŋte jʉɔ mɛ́t á ntē yí, a pɔŋteé á yí á lenāŋ té alɔ́ʼ, ńdeŋ ndeŋ páʼ Klísto méŋwɛ̄t a á te alɔ́ʼ.