Lomɛŋ 8:23 - Eka Eswhī

²³ Ŋgʉɔ̄ʼ mɛ́t, e te lɛ̄ ŋgɔ́ áa ezi ajūɔ tsem ɛ́, ḿpɛ pīi Ndém a le yá Azwakne zí á mbū pímpɛ, é gɔ́ mvhɔ ecū mīi, a le phʉ́ á yímpɛ, é si nzéŋɛ ntswīɛ̄ azímpɛ á ntē, ŋ́ké mbiŋ ŋgɔ́ tsetsɔŋɔ, ńzwíʼtɛ ŋ́gɛ, Ndém a elɔ̄k á yímpɛ ŋghʉ̄ epɔ̄ pí, ŋ́ghʉ̄, ḿpɛ epú ntswɛ́t ŋgʉɔ̄ʼ.

Lomɛŋ 8:23 Iomraidhean Croise

Lúkási 20:36

A gɔ́ épúp melaʼ mīi, pɔ́ é si ŋgɔ́ páʼ mecɔʼ Ndém lā, pɔ́ té shʉʼɛ nzɛ́t ŋgɔ̄ á ŋkwhʉ́ ɛ́. Páʼ Ndém a á ghʉ pɔ́ zím ánɛ lewhʉ̄ lā, pɔ́ é si ŋgɔ́ epɔ̄ pí tɛ ntsékne.

Lúkási 21:28

Afʉʼ zīi, ecʉɔ etsō mɛ́t é zi á leshʉʼ, pɛ ŋímne nnáŋ, ḿbʉ́ʼɛ menēk mɛ́, ńdɔk ncʉ̄ mvhɔ, ńzhɛ́ á légɛ, afʉʼ zīi Ndém a gɔ eshʉʼ éfók á wɛ́ á ntē ŋgʉɔ̄ʼ, á páte. »

Lomɛŋ 5:11

É té ndaʼ épúp ɔ́. Ḿpɛ é si ŋkāʼtɛ á mvhɔ Ndém, melaʼ Atsyapuɔ yímpɛ Yɛɛ́so Klísto, á yí yīi a á tsetsɔŋɔ, mbɔ a lē ŋghʉ, ekém yímpɛ a Ndém é kó á ŋgyā.

Lomɛŋ 5:3

Á té épúp ndaʼ á, ḿpɛ zeéŋ ŋkaʼte mbɔɔ ánɛ afʉʼ zīi, epuɔ é si mmāʼa ŋgʉɔ̄ʼ á athū pímpɛ, melaʼ mīi, ḿpɛ é si nzhɛ́ɛ á légɛ, ŋiŋ a á ntē ŋgʉɔ̄ʼ páʼā, tɛ́ nzíʼne á lekwɛ̄t ntē.

Lomɛŋ 5:5

Ŋiŋ a piīk tɛ nnéŋ á ntē yí épúp páʼā, á té shʉʼ nnéŋ té tó áa épúp ɔ́, melaʼ mīi Ndém a le zapá ánɛ Azwakne zí zīi, a le néŋ á ntē pímpɛ, ńnéŋ ŋkɔŋne zi á ntē pímpɛ.

Lomɛŋ 7:24

Yeé emɔ̄ʼ eshhʉ̄ tepɔŋ yīi, meŋ á ewiɛ́ lée. Awɔ́ a a láʼ ekú á gá, á mbū mbe nnɛ̄t jʉɔ zīi, e é efʉʼ metsem, ńtshóne á gá, ŋ́gyá áa mbū lewhʉ̄ ʉ̄?

Lomɛŋ 8:19

Ajūɔ tsem zīi, Ndém a le ghʉ̄ʉ̄, á si nzwíʼtɛ té kapa, á légɛ, Ndém a elɔ̄k epɔ̄ pí, ńtó á ntentā.

1 Kɔlɛŋte 1:7

Ŋ́kúʼte tɛ amɔ̄ʼ ajūɔ mbɔŋ zīi, Ndém a gɔ eyá á mbū pɛ ndémndēm, á té zɛ́t á mbū pɛ ŋkíŋɛ ɛ́. Á wɛ́ pīi pɛ é si nzwíʼtɛ aleʼé zīi, Atsyapuɔ yímpɛ Yɛɛ́so Klísto, a a láʼ ezéŋ epiŋ nzem.

2 Kɔlɛŋte 1:22

Yí yīi a le tshí ayiŋne zí ánɛ pímpɛ, a le néŋ Azwakne zí á ntē pímpɛ, ńdɔkɔ ntswī á légɛ, ŋkwa mecū mīi, a le laʼnē á leyā mé pímpɛ, a a láʼ eyá.

2 Kɔlɛŋte 7:5

Á lɛ, pek le gʉ̄ɔ tɛ ŋkó á tésɔŋ Maseduan páʼā, ḿbú te wɛ̄ njhʉ̄ á lelɔk nzwītɛ ɛ́, ŋgʉɔ̄ʼ é pú eshʉ̄ʼ á mbū pek á ŋkɔʼɔ́ ŋkɔʼɔ́. Epuɔ é nɔŋ ndʉɔ́ʼɔ á wék, ntē wék é nɔŋ te ŋímnɛ nnáŋa á.

Galat 5:5

Ŋ́gɔ́ mé pek, mbɔ pek é si nzwíʼtɛ ŋ́gɛ, Ndém a eshʉʼ ntɔ́ŋ á wék lɛ epuɔ ndeŋ ndeŋ á mvhɔ yí, melaʼ mīi pek lē efɛ́ nnɛ̄t zek ŋgyá á mbū Klísto. Azwakne Ndém mé si ntswítɛ á wék á lezwīʼte épúp.

Efɛze 1:14

Azwakne Ndém, á si ŋgɔ́ á ajū mīi á si ntswīi á légɛ, Ndém a a láʼ eyá ecū mīi a le phʉ́ʉ̄, á mbū pímpɛ. Ḿpɛ e láʼ ewɛ etsō mɛ́t ntsem, áleʼé zīi, ḿpɛ é pú efhó ánɛ ŋgʉɔ̄ʼ ntó. Ḿpɛ ewūʼte á Ndém, páʼ a faáŋ lā.

Efɛze 4:30

Ndɛ́ʼ pɛ eghʉ̄ʉ, Azwakne Ndém zīi, a le néŋ á ntē pɛ, á záŋ á lɔ́ŋ. Azwakne mɛ́t á si ŋgɔ́ ayiŋne zīi, á tswii á wɛ́ á légɛ, Ndém a a fú ekú á wɛ́ ánɛ ŋgʉɔ̄ʼ.

Efɛze 5:9

Ŋiŋ yīi a naáŋ á ntē ŋkaʼ, a eghʉ̄ menu membɔŋ, ńzīŋ ndeŋ ndeŋ, ńnáŋ mé anuúnē.

2 Timotɛ 4:8

Tɛ efhó tsetsɔŋɔ, meŋ ncʉ́ʼɛ nzwíʼtɛ áa ntaŋá yīi, ŋiŋ yīi a naáŋ páʼ Ndém a á si ŋkɔ̄ŋɔ, a pɔŋteé á lewɛ, ńtaŋá yīi Atsyapuɔ, á ndɔ̄k ndeŋ ndeŋ nzáʼ ntsaŋ, a a láʼ eyá mé meŋ, á aleʼé zīi, a záʼa ntsaŋ. A á le lɛ̄ ŋgyá mé meŋ ndaʼ á, a eyá tɛ mbɔɔ á mbū epuɔ metsem pīi, é gɛ nzī ntsáa á lejʉ̄ɔ á yí.

Tíit 2:13

Pɛ enáŋ épúp, ńdɔk nzwíʼte á mbɔŋ ajū mīi, ḿpɛ é si nzhɛ́ɛ á légɛ ḿpɛ e láʼ ewɛ. Ńdɔk nzwíʼte aleʼé zīi, Yɛɛ́so Klísto kwaʼ Ndém yímpɛ, ŋ́gɔ́ á Ŋghʉɛ‑mɛ́‑tswɛ́t, a a ghʉ, ḿpɛ e etshí lezēk ánɛ shʉ́shɔ́k yi.

Eble 9:28

Púp, Klísto a le yá athū nnɛ̄t zí, á taʼ legʉɔ páʼā, ńdɔkɔ esōko mefa atʉtʉ epuɔ. A a fú ezéŋ eshʉʼ mmɔʼ legʉɔ, é le gɔ́ melaʼ mefa á, a gɔ́ á leghʉ, epuɔ pīi, pɔ́ nnɔŋ nzwíʼtɛ á yí, e etswɛ́t.

1 Piɛ 1:7

Pɛ e jʉ́ɔ ŋgʉɔ̄ʼ mɛ́t épúp, tɛ́ mɛ́ ejʉ́ɔ kɛ pɛ zi ŋkwāʼ efɛ́ nnɛ̄t ŋgyá á mbū Yɛɛ́so lɛ́ɛ. Wɛ́ lefɛ̄ nnɛ̄t ŋgyá á mbū Yɛɛ́so, a teē nzwiŋ ntɔ́k á gɔ́ɔl. Mɛ́ gē ezhɛ́ á gɔ́ɔl mbɔŋ, ńtɔ̄ á yí á mmók. Á piŋ ŋké efú ndáʼ ḿbék péke. Ndém a a láʼ efhó ánɛ wɛ́ á lefɛ̄ nnɛ̄t ŋgyá á mbū Yɛɛ́so, tɛ́ ekɔ́ʼne nzwiŋ wɛ́, tɛ́ ewuʼte á wɛ́, tɛ́ eghʉ mekuʼ mɛ́, á aleʼé zīi, Yɛɛ́so Klísto yí méŋwɛ̄t, a ghʉɛ mɛ́ zhɛ́ɛ á yí.

1 Jáaŋ 3:2

Mepɔŋ mesoó pá, tɛ efhó tsetsɔŋɔ, ḿpɛ é si ŋgɔ́ epɔ̄ Ndém, táʼ, Ndém a zɛɛ́t te tswi á yímpɛ ntií zīi, ḿpɛ e láʼ egɔ́ eziɛ́. Ḿpɛ é si ŋké nzhɛ́ɛ á taʼ azō. Aleʼé zīi Klísto a ŋwaka, ḿpɛ egɔ́ páʼ yí lā, melaʼ mīi, ḿpɛ e láʼ enɔŋ ejʉ́ɔ á yí páʼ, a á épúp.