Lomɛŋ 8:21 - Eka Eswhī

²¹ Ndém a fú aleʼé, ézáʼ ŋkhʉ apuʼ á ntɔ̄ŋ ajūɔ tsem zīi, a le ghʉ̄ʉ̄, éghʉ, á le zéŋ ndákne ɛ́. Éghʉ, a ecʉ́ʼɛ nnáŋa áa ŋga athū yí, ŋ́gwɛ̄ lewūʼ tsīi, é etsi epɔ̄ Ndém.

Lomɛŋ 8:21 Iomraidhean Croise

Mefaʼ Meziŋ-ntō 3:21

Ánɛ tsetsɔŋɔ, a pɔŋteé á yí á lenāŋ á lephū, tɛ ndáʼ ntshí ánɛ afʉʼ zīi, Ndém a a ghʉ, akʉ̄ɛ akʉ̄ɛ, a ecʉ́ʼ eswhī, páʼ a le lɔ̄k nchu metswi‑ŋke pí, ńdé épúp, tɛ efhó tɛ afʉʼ.

Lomɛŋ 8:19

Ajūɔ tsem zīi, Ndém a le ghʉ̄ʉ̄, á si nzwíʼtɛ té kapa, á légɛ, Ndém a elɔ̄k epɔ̄ pí, ńtó á ntentā.

Lomɛŋ 8:30

Epuɔ pīi a le zapá ŋ́gɛ, pɔ́ e láʼ eswhí á Méŋ yi, a le zéŋ ntɔ́ŋ á wɔ́p ndɔk ŋghʉ̄ epuɔ pí. Epuɔ mɛ́t pīi a le tɔ́ŋ á wɔ́p, a le zéŋ ntɔ́ŋ á wɔ́p lɛ epuɔ ndeŋ ndeŋ. Epuɔ pīi a le tɔ́ŋ á wɔ́p lɛ epuɔ ndeŋ ndeŋ lā, a le zéŋ ŋgyá á wɔ́p lewūʼ tsí.

1 Kɔlɛŋte 15:42

A láʼ ezéŋ egɔ́ ndeŋ ndeŋ épúp, á afʉʼ zīi mepfhō é zímɛ ánɛ lewhʉ̄. Apfhō ŋiŋ zīi mɛ́ é túŋ, á koó á ntē esī, ńdʉ́. Ḿbiŋ nzím ánɛ lewhʉ̄ páʼā, á té fú nzéŋ ndʉ́ ʉ́.

Eble 12:27

Mmɔʼ legʉɔ é páʼā, ńdɔkɔ eshúŋɔ á légɛ, ajūɔ tsem zīi, Ndém a le pɔ́ɔ̄, á piŋ nnɔ̄ŋ ntsēŋɛ ŋgɔŋ, a láʼ ekēmɛ, épú emii, tɛ́ ajū mīi á gɔ le kēmɛ, á enáŋ á lemiʼɛ.

2 Piɛ 3:13

Ndém a le laʼnē ŋ́gɛ, yí e fú eghʉ lephū leswhī, mbɔɔ esī atsetsáʼ eswhī. A egɔ́ ajʉʼ zīi, epuɔ menɔŋ é éwú, ŋ́gwɛ̄ á ndeŋ ndeŋ. Aziɛ́ tɛ́ ḿpɛ é si nzwíʼtɛ.

Menjʉɔ te lí 21:1

Á tɔ́k épúp, meŋ zéŋ njʉ́ɔ lephū leswhī, mbɔɔ esī atsetsáʼ eswhī. Mbɔ mvhɔ lephū, pɔ́ mvhɔ esī atsetsáʼ, e é mi, mía ntshi á zéŋ te azí zɛ́t.