Lomɛŋ 8:2 - Eka Eswhī

² melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

Lomɛŋ 8:2 Iomraidhean Croise

Jáaŋ 4:10

Yɛɛ́so á pwɛt á mbū yí ŋ́gɛ: «Á ŋgwíʼe ŋgɔ́ yīi, o gɔ ezhɛ́ afuʼ zīi, Ndém a gɔ́ eyá á ŋiŋ, ŋ́gɔ́ éyi o gɔ ezhɛ́ á ŋiŋ yīi, a lʉ́ɛ́ á mbū wu ŋ́gɛ, o eyá á yí ntshi yí enú, mbɔ a ke gɔ́ wu mé lɔ́ á yí, á piŋ ŋgyá á wú ntshi yīi, é ghʉʉ̄, mɛ́ gɔ́ éwú. »

Jáaŋ 4:14

Ŋiŋ a ke mbīŋ nnú ntshi yīi, meŋ mé yá á yí, mbɔ nzi ntshi e te eláʼ ezéŋ á yí ezáŋ á. A cʉ́ʼɛ épúp, mbɔ ntshi yīi, meŋ á yá á yí, e kó ánɛ yí, écʉ́ʼ lesaʼá‑ntshi tsīi, é ghʉɛ mɛ́ taa á lezēŋ Ndém. »

Jáaŋ 6:63

Azwakne Ndém mé si ŋghʉ̄ɛ mɛ́ gɔ́ɔ éwú. Ŋiŋnɔŋ a gɔ le kūʼ á yí á lepū ŋghʉ̄ amɔ̄ʼ azō ɔ́. Meshuŋne mīi meŋ á shúŋ á wɛ́, é fhɔ́ɔ á mbū Azwakne Ndém. Emiɛ́ mé zéŋ nɔŋ ŋghʉ̄ɛ, mɛ́ gɔ́ɔ éwú.

Jáaŋ 8:32

Púp, pɛ ezhɛ́ á anu zīi á anuúnē ánɛ Ndém, anuúnē mɛ́t a epiŋ ŋghʉ̄, pɛ é le zɛ́t epuʼ ɔ́. »

Jáaŋ 8:36

Á épúp tɛ́, Méŋ Ndém, a fhɔ́ɔ á ŋgyā ŋkwa efók á wɛ́, mbɔ pɛ puú te zɛ́t epuʼ ɔ́.

Lomɛŋ 16:3

Pɛ etsāʼte á Plisil pɔ́ Akilas, mésoó afaʼ pá pīi, pek a pɔ́p é pútɛ ŋghʉ̄ɛ afaʼ, á mbū Yɛɛ́so Klísto.

Lomɛŋ 3:27

Anu á ké ŋgɔ́ páʼa, mbɔ ŋiŋ a gɔ eké nzéŋ ŋ́kāʼte kɛ? Ŋgáŋ, melaʼ akɔ̄? Melaʼ mīi mía azō, a te á lekūʼte lepé ɛ́, a gɔ́ áa lefɛ̄ nnɛ̄t ŋgyá mé Klísto.

Lomɛŋ 5:21

Púp, páʼ mefa é pɔɔ́ŋ mete á leghʉ, ŋiŋ á kwhʉ́ lā, ndeŋ ndeŋ épúp, Ndém á pɔɔ́ŋ mete á lelɔk apɔŋɔ́ ntē te ndhʉ zí, ńtɔ́ŋ epuɔ menɔŋ lɛ, epuɔ ndeŋ ndeŋ. Ŋ́ghʉ̄, pɔ́ zápa ánɛ Atsyapuɔ yímpɛ Yɛɛ́so Klísto, ńtā á lezēŋ yí.

Lomɛŋ 6:14

Púp, mefa é le zéŋ mbɔ́ŋ mete ánɛ pɛ ɛ́, melaʼ mīi, pɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́, pɛ cʉ́ʼɛ nziŋɛ áa ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pɛ.

Lomɛŋ 6:18

Ndém a lē ŋkɛ́ʼɛ ŋkhʉ mefa á ntɔ̄ŋ pɛ, pɛ cʉ́ʼ ŋkwa zi ánɛ leghʉ anu ndeŋ ndeŋ.

Lomɛŋ 6:22

Á piīŋ ŋgɔ́ tsetsɔŋɔ, mbɔ Ndém a kʉʉ̄ŋ ŋkɛ́ʼɛ ŋkhʉ mefa, á ntɔ̄ŋ pɛ, pɛ cʉ́ʼ meŋkwa mí. Púp, pɛ ecʉ́ʼɛ ŋghʉ̄ɛ áa ajū mīi, á ghʉ, pɛ ecʉ́ʼ epuɔ Ndém, apɛ a piŋ ŋgɔ́ á wɛ́ á lefū ntā á lezēŋ Ndém.

Lomɛŋ 7:21

Meŋ yīi, meŋ á si ŋké ntsáa á leghʉ anu mbɔŋ, meŋ á si mbiŋɛ njʉ́ɔ, leghʉ anu tepɔŋ mé azaŋne á mbū meŋ.

Lomɛŋ 7:23

Táʼ, meŋ á si mbiŋɛ njúʼɔ, amɔ̄ʼ azō á gɔ́ á ntē meŋ, ńnɔŋ ndʉɔ́ʼɔ ajū mīi, emɔ̄ʼ ntē gá é si mvéŋɛ ŋ́gɛ, meŋ eghʉ̄. Azō mɛ́t, á si ŋghʉ̄ɛ, meŋ cʉ́ʼɛ apuʼ mefa, páʼ é lē mbú njhʉ́ á gá lā.

Lomɛŋ 7:4

Á zeéŋ ŋgɔ́ ndeŋ ndeŋ épúp, á mbū pɛ me epɔ̄ memía pá. Lepé é té zɛ́t esáʼa á wɛ́ ɛ́, melaʼ mīi, Yɛɛ́so a le kwhʉ́ ánɛ mbaŋne paŋné páʼā, pɛ pīi pɛ lɛtneē ánɛ yí, é lɔkɔ ŋkwhʉ́tɛ ánɛ lepé. Á tsetsɔŋɔ, ŋiŋ ndɛʼɛ mé cʉ́ʼɛ mbɔ́ŋɔ á wɛ́, á ŋiŋ yīi, Ndém a le ghʉ̄ʉ̄, á zím ánɛ lewhʉ̄, ńdɔkɔ efāʼa ŋ́gɛ, ḿpɛ ezém ntá zīi, é pɔŋ á Ndém.

Lomɛŋ 8:1

Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

1 Kɔlɛŋte 15:45

É melaʼ épúp tɛ́, mɛ́ le tí á ntē aŋwaʼne Ndém ŋ́gɛ: «Ndém a le ghʉ̄ʉ̄, Ádam, ḿvhɔ ŋiŋnɔŋ, á gɔ́ á ŋgɔŋ. A le ké nzéŋ ŋ́ghʉ̄, nzoknzem Ádam á shʉʼ, ŋ́gɔ́ á Azwakne, ŋ́ghʉ̄ɛ mɛ́ gɔ́ɔ éwú.

2 Kɔlɛŋte 3:17

Atsyapuɔ a á si ŋgɔ́ Azwakne. Ajʉʼ zīi Azwakne Atsyapuɔ á piīŋ ŋgɔ́ éwú, epuɔ menɔŋ é ajʉʼ mɛ́t, ńnáŋ á ŋga athū pɔ́p.

2 Kɔlɛŋte 3:6

Yí mé le ghʉ̄ʉ̄, pek kūuʼ á legɔ̄ megaŋ afaʼ á ntē eka eswhī. Eka eswhī mɛ́t é té si ŋgɔ́ lepé, tɛ mɛ́ tí tií í, é fhɔ́ɔ áa mbū Azwakne Ndém. Lepé tsīi mɛ́ le tíī, é ghʉʉ̄, ŋiŋ á pí pií. Azwakne Ndém á piŋ ŋghʉ̄, mɛ́ gɔ́ éwú.

Galat 2:19

Ŋ́gɔ́ mé meŋ, mbɔ á gɔ́ azō tɛ ncʉ̄te lepé, mɛ́ zhɛ́ á légɛ meŋ ndē ndáʼ ŋkwhʉ́, lepé é lē ndáʼ ŋghʉ̄ meŋ kwhʉ́. Meŋ ghʉ̄ɛ épúp, ńdɔkɔ efāʼa á gá á lenāŋ á ŋgɔŋ, ŋ́ghʉ̄ mefaʼ Ndém. Mɛ́ le gē ekwɛte á Klísto ánɛ mbaŋne paŋné páʼā, ḿbú ŋkwɛ̄te á gá azá.

Galat 5:1

Klísto a le kɛʼɛ́ ŋkhʉ apuʼ á ntɔ̄ŋ pímpɛ, ńdɔkɔ ŋ́gɛ, ḿpɛ enáŋ á ŋga athū pímpɛ. Pɛ ekāk ete, ndɛ́ʼ pɛ evéŋ, mɛ́ zéŋ nnéŋ akʉɔʼté meŋkwa, á ntɔ̄ŋ pɛ.

Galat 6:2

Pɛ ekʉ̄ɛ apiʼ zɛ́ mbīʼ nzeŋne zeŋné. Pɛ ghʉɛ épúp, á gɔ́ yīi pɛ lɔkɔ nzīŋɛ ánɛ lepé tsīi, Klísto a le néēŋ.

Jáak 1:25

Ḿbiŋ ŋgɔ́ mé ŋiŋ yīi, a kuʼteé lepé Ndém, lépé mɛ́t tsīi, é ghʉʉ̄ mɛ́ ziŋ esa saá, ńzéŋ nnɔŋ ncūŋtɛ ŋghʉ̄ɛ páʼ, lepé mɛ́t é si ndʉ́ɛ́ épúp, tɛ a te lɛ̄ ŋgɔ́ áa júʼ júʼ ndaʼ á, ńzéŋɛ ŋghʉ̄ɛ páʼ lepé mɛ́t, é si ndʉ́ɛ́ épúp. Mbɔ Ndém a a shʉʼ enéŋ mbwɛ́né, ánɛ ajūɔ tsem zīi, ŋiŋ wuɔ mɛ́t a ghʉɛ.

Menjʉɔ te lí 11:11

Táʼ, meleʼé alāʼ mɛ́ntɛ́t mé atsém mɛ́t, é etɔ́k, Ndém á tó Azwakne zīi, á ghʉɛ mɛ́ gɔ́ɔ éwú, a eshʉʼ ŋkó ánɛ epfhō cɔ̄, pɔ́ lɛ ndū á esī ntshíte á ajʉʼ. Mmɔʼ mía mía ecɔʼ, á epú njhʉ́ epuɔ pīi, pɔ́ nɔŋ ncʉ̄ʉ á wɔ́p.

Menjʉɔ te lí 22:1

Cɔʼ Ndém á zéŋ ntswī á gá mmɔʼ mía ntshi yīi, é ghʉɛ mɛ́ taa á lezēŋ Ndém, é nɔŋ ŋwāŋnɛ páʼ ŋglaási lā. Ńnɔŋ efhɔ́ɔ ánɛ akɔʼ Lefɔ Ndém, pɔ́ Mɔ́ Njʉnjhʉ ntúɔ́.