Lomɛŋ 8:19 - Eka Eswhī

¹⁹ Ajūɔ tsem zīi, Ndém a le ghʉ̄ʉ̄, á si nzwíʼtɛ té kapa, á légɛ, Ndém a elɔ̄k epɔ̄ pí, ńtó á ntentā.

Lomɛŋ 8:19 Iomraidhean Croise

Matío 5:9

Eshhʉ̄ mbɔŋ a á ŋiŋ yīi, a á si mbhīɛ apwɛne, Ndém a a shʉʼ etɔ́ŋ á yí lɛ méŋ yí.

Jáaŋ 1:12

Epuɔ pīi é le kokné á yí, épuɔ pīi é le fɛ́ nnɛ̄t ŋgyá mé yí, a le yá á wɔ́p mete á lelɔk ncʉ́ʼ epɔ̄ Ndém.

Mefaʼ Meziŋ-ntō 3:21

Ánɛ tsetsɔŋɔ, a pɔŋteé á yí á lenāŋ á lephū, tɛ ndáʼ ntshí ánɛ afʉʼ zīi, Ndém a a ghʉ, akʉ̄ɛ akʉ̄ɛ, a ecʉ́ʼ eswhī, páʼ a le lɔ̄k nchu metswi‑ŋke pí, ńdé épúp, tɛ efhó tɛ afʉʼ.

Lomɛŋ 8:14

Epuɔ metsem pīi, Azwakne Ndém mé tsaāŋ á wɔ́p, é si ŋgɔ́ epɔ̄ Ndém.

Lomɛŋ 8:16

Azwakne Ndém mɛ́t yí méŋwɛ̄t mé si ŋghʉ̄ɛ, ḿpɛ ecuŋtɛ nzhɛ́ɛ á ntē pímpɛ á légɛ, ḿpɛ é si ŋgɔ́ epɔ̄ Ndém.

Lomɛŋ 8:18

Meŋ á si nzhɛ́ɛ á légɛ, ŋgʉɔ̄ʼ zīi, ḿpɛ é tsetsɔŋɔ njʉ́ɔ, e puú te azō ɔ́. Mɛ́ gɔ le lɔ̄k ŋgʉɔ̄ʼ mɛ́t, ḿbɛ́ efʉʼ ánɛ lewūʼ tsīi, Ndém a a shʉʼ eyá á mbū pímpɛ ɛ́.

Lomɛŋ 8:23

Ŋgʉɔ̄ʼ mɛ́t, e te lɛ̄ ŋgɔ́ áa ezi ajūɔ tsem ɛ́, ḿpɛ pīi Ndém a le yá Azwakne zí á mbū pímpɛ, é gɔ́ mvhɔ ecū mīi, a le phʉ́ á yímpɛ, é si nzéŋɛ ntswīɛ̄ azímpɛ á ntē, ŋ́ké mbiŋ ŋgɔ́ tsetsɔŋɔ, ńzwíʼtɛ ŋ́gɛ, Ndém a elɔ̄k á yímpɛ ŋghʉ̄ epɔ̄ pí, ŋ́ghʉ̄, ḿpɛ epú ntswɛ́t ŋgʉɔ̄ʼ.

Lomɛŋ 9:26

Ajʉʼ zīi mɛ́ le kó éwú, ńdé á mbū pɔ́p ŋ́gɛ, pɔ́ té epuɔ alāʼ pá á, mɛ́ e shʉʼ etɔ́ŋ á wɔ́p éwú lɛ, epɔ̄ Ndém yīi, a naáŋ nte. »

1 Kɔlɛŋte 1:7

Ŋ́kúʼte tɛ amɔ̄ʼ ajūɔ mbɔŋ zīi, Ndém a gɔ eyá á mbū pɛ ndémndēm, á té zɛ́t á mbū pɛ ŋkíŋɛ ɛ́. Á wɛ́ pīi pɛ é si nzwíʼtɛ aleʼé zīi, Atsyapuɔ yímpɛ Yɛɛ́so Klísto, a a láʼ ezéŋ epiŋ nzem.

1 Kɔlɛŋte 1:8

Yí mé e láʼ eghʉ, pɛ ekúʼte á anu zí, mé taʼ ntē tɛ nzōko. Tɛ́ a etsīa épúp, a eláʼ ŋgɔ́ á aleʼé zīi, a záʼa ntsaŋ ezɔp a epuɔ metsem, a enɔ̄ŋ le ndāʼa á wɛ́ ɛ́.

2 Kɔlɛŋte 6:18

Atsyapuɔ ŋgaŋ mete ntsem, a le zéŋ ndé ŋ́gɛ: «Meŋ a shʉʼ egɔ́ á mbū pɛ, égɔ́ á Mɔʼɔ́ wɛ, pɛ egɔ́ á mbū meŋ, ŋ́gɔ́ ewɔŋkhʉ̄ pá epi mbaŋa, mbɔɔ epi wɔnzwí. »

Galat 3:26

Pɛ metsem é zi ŋgɔ́ epɔ̄ Ndém, éfhó ánɛ páʼ pɛ lɛtneē ánɛ Yɛɛ́so Klísto, éfɛ́ nnɛ̄t zɛ ŋgyá á mbū yí.

Fílíip 1:20

Á páʼa ŋgɔ́ ajū mīi, meŋ á si nzwíʼtɛ ŋkone kone. Amɔ̄ʼ ajū mīi á gɔ eghʉ̄ʉ, esē é kú á gá, á té éwú ú. A cʉ́ʼɛ épúp, mbɔ tɛ efhó tsetsɔŋɔ, mbɔɔ páʼ, á gɛ nzī ŋgɔ́ɔ, meŋ chʉʉ́ nnɛ̄t ŋkúʼte á ntē meŋ á lelɔk ega legɔ̄, ŋ́ghʉ̄, epuɔ menɔŋ é wuʼte á Klísto, tɛ meŋ ndáʼa ŋkwhʉ́ kwhʉ̄ʉ, kɛ gá á lezɛ̄t nte lɛ̄ɛ.

Kɔlɔs 3:4

Klísto mé ewɛ legɔ̄. Aleʼé zīi a ŋwaka, pɛ epú nzéŋ ŋ́ŋwāk azɛ́, púp, pɛ a pɔ́p e epú ŋgɔ́ á ntē shʉ́shɔ́k.

Eble 12:27

Mmɔʼ legʉɔ é páʼā, ńdɔkɔ eshúŋɔ á légɛ, ajūɔ tsem zīi, Ndém a le pɔ́ɔ̄, á piŋ nnɔ̄ŋ ntsēŋɛ ŋgɔŋ, a láʼ ekēmɛ, épú emii, tɛ́ ajū mīi á gɔ le kēmɛ, á enáŋ á lemiʼɛ.

1 Piɛ 1:13

Melaʼ menu mɛ́t ntsem tɛ́, ndɛ́ʼ leghi tsɛ́ é kʉ, athū zɛ́ a etshí áa leghʉ afaʼ Ndém. Pɛ enéŋ ntē wɛ́, ńzwíʼte anu mbɔŋ té ndhʉ zīi, Ndém a a shʉʼ eghʉ ánɛ pɛ. A egɔ́ á leghʉ pɛ etswɛ́t, á afʉʼ zīi Yɛɛ́so Klísto a ghʉɛ mɛ́ zhɛ́ɛ á yí.

1 Piɛ 1:7

Pɛ e jʉ́ɔ ŋgʉɔ̄ʼ mɛ́t épúp, tɛ́ mɛ́ ejʉ́ɔ kɛ pɛ zi ŋkwāʼ efɛ́ nnɛ̄t ŋgyá á mbū Yɛɛ́so lɛ́ɛ. Wɛ́ lefɛ̄ nnɛ̄t ŋgyá á mbū Yɛɛ́so, a teē nzwiŋ ntɔ́k á gɔ́ɔl. Mɛ́ gē ezhɛ́ á gɔ́ɔl mbɔŋ, ńtɔ̄ á yí á mmók. Á piŋ ŋké efú ndáʼ ḿbék péke. Ndém a a láʼ efhó ánɛ wɛ́ á lefɛ̄ nnɛ̄t ŋgyá á mbū Yɛɛ́so, tɛ́ ekɔ́ʼne nzwiŋ wɛ́, tɛ́ ewuʼte á wɛ́, tɛ́ eghʉ mekuʼ mɛ́, á aleʼé zīi, Yɛɛ́so Klísto yí méŋwɛ̄t, a ghʉɛ mɛ́ zhɛ́ɛ á yí.

1 Jáaŋ 3:1

Pɛ ejʉ́ɔ páʼ Ndém Mɔʼɔ́, a wɛɛ̄ á mía ŋkɔŋ ánɛ pímpɛ épúp. A le kɔ̄ɔ̄ŋ, ńtɔ́ŋ á yímpɛ lɛ, ewɔŋkhʉ̄ pí. Ḿpɛ é ké nzéŋ ŋgɔ́ epiɛ́. Epuɔ ŋgɔŋ puɔ, é lɛ te á Ndém zhɛ́, melaʼ épúp tɛ́ pɔ́ té zhɛ́ á légɛ, ḿpɛ é si ŋgɔ́ epɔ̄ Ndém ɛ́.

1 Jáaŋ 3:2

Mepɔŋ mesoó pá, tɛ efhó tsetsɔŋɔ, ḿpɛ é si ŋgɔ́ epɔ̄ Ndém, táʼ, Ndém a zɛɛ́t te tswi á yímpɛ ntií zīi, ḿpɛ e láʼ egɔ́ eziɛ́. Ḿpɛ é si ŋké nzhɛ́ɛ á taʼ azō. Aleʼé zīi Klísto a ŋwaka, ḿpɛ egɔ́ páʼ yí lā, melaʼ mīi, ḿpɛ e láʼ enɔŋ ejʉ́ɔ á yí páʼ, a á épúp.

Menjʉɔ te lí 21:7

Ŋiŋ yīi a á lʉɔ́ʼ tɛ njhʉ́, meŋ a shʉʼ eyá á yí ntshi wuɔ mɛ́t, égɔ́ á Ndém yi, a egɔ́ á méŋ ga.