Lomɛŋ 8:18 - Eka Eswhī

¹⁸ Meŋ á si nzhɛ́ɛ á légɛ, ŋgʉɔ̄ʼ zīi, ḿpɛ é tsetsɔŋɔ njʉ́ɔ, e puú te azō ɔ́. Mɛ́ gɔ le lɔ̄k ŋgʉɔ̄ʼ mɛ́t, ḿbɛ́ efʉʼ ánɛ lewūʼ tsīi, Ndém a a shʉʼ eyá á mbū pímpɛ ɛ́.

Lomɛŋ 8:18 Iomraidhean Croise

Mefaʼ Meziŋ-ntō 20:24

Á ké ŋgɔ́ áa légɛ, gá legɔ̄ éwú, a te á mbū meŋ, ŋ́gɔ́ azō ɔ́. Mvhɔ, a á gá á leghʉ mefaʼ mīi, Atsyapuɔ Yɛɛ́so a le tsekné á mbū meŋ, tɛ ndáʼ nzōko. Meŋ mbɔɔ́ŋ á letswi ŋke mbɔŋ, ŋ́kʉɔ́ʼ ŋkwɛ ŋ́gɛ, á anuúnē á légɛ, Ndém a puú ŋgwɛ apɔŋɔ́ ntē te ndhʉ ánɛ epuɔ.

Lomɛŋ 8:19

Ajūɔ tsem zīi, Ndém a le ghʉ̄ʉ̄, á si nzwíʼtɛ té kapa, á légɛ, Ndém a elɔ̄k epɔ̄ pí, ńtó á ntentā.

Kɔlɔs 3:4

Klísto mé ewɛ legɔ̄. Aleʼé zīi a ŋwaka, pɛ epú nzéŋ ŋ́ŋwāk azɛ́, púp, pɛ a pɔ́p e epú ŋgɔ́ á ntē shʉ́shɔ́k.

2 Tesalonik 2:14

É melaʼ páʼa mɛ́t, tɛ́ Ndém a le tsīa ánɛ ŋke mbɔŋ yīi, pek le tswī á mbū pɛ, ńtɔ́ŋ á wɛ́ ndɔk ŋghʉ̄ epuɔ pí, ŋ́gɛ pɛ ekó á ntē shʉ́shɔ́k Atsyapuɔ yímpɛ Yɛɛ́so Klísto.

Tíit 2:13

Pɛ enáŋ épúp, ńdɔk nzwíʼte á mbɔŋ ajū mīi, ḿpɛ é si nzhɛ́ɛ á légɛ ḿpɛ e láʼ ewɛ. Ńdɔk nzwíʼte aleʼé zīi, Yɛɛ́so Klísto kwaʼ Ndém yímpɛ, ŋ́gɔ́ á Ŋghʉɛ‑mɛ́‑tswɛ́t, a a ghʉ, ḿpɛ e etshí lezēk ánɛ shʉ́shɔ́k yi.

Eble 11:35

Á le fhó ánɛ páʼ, emɔ̄ʼ wɔnzwí é le fɛ́ nnɛ̄t épúp, ŋ́gyá á mbū Ndém, epuɔ pɔ́p pīi, pɔ́ lē ŋkwhʉ́te, é zím ánɛ lewhʉ̄, tɛ pɔ́ zéŋ njʉ́ɔ á wɔ́p. Ńzím épúp, emɔ̄ʼ é zéŋ mvéŋ á légɛ, mɛ́ egēne á wɔ́p tɛ nzwhí. Ḿvéŋ á letswiʼne njʉ́ɔ ŋgʉɔ̄ʼ, ńdɔkɔ efāʼa á lefū ntā á lezēŋ Ndém.

1 Piɛ 1:13

Melaʼ menu mɛ́t ntsem tɛ́, ndɛ́ʼ leghi tsɛ́ é kʉ, athū zɛ́ a etshí áa leghʉ afaʼ Ndém. Pɛ enéŋ ntē wɛ́, ńzwíʼte anu mbɔŋ té ndhʉ zīi, Ndém a a shʉʼ eghʉ ánɛ pɛ. A egɔ́ á leghʉ pɛ etswɛ́t, á afʉʼ zīi Yɛɛ́so Klísto a ghʉɛ mɛ́ zhɛ́ɛ á yí.

1 Piɛ 4:13

Á cʉ́ʼɛ épúp, ntē wɛ́ é gáŋte, páʼ pɛ é si njʉ́ɔ ŋgʉɔ̄ʼ, páʼ Klísto a le jʉ́ɔ azí épúp. Tɛ́ a eláʼ aleʼé zīi, Klísto a ghʉɛ mɛ́ jʉ́ɔ á shʉ́shɔ́k yi, ntē wɛ́ e echʉ́ nnɛ̄t ŋgáŋte ŋkák.

1 Piɛ 5:1

Meŋ ŋgyáa ntekné jʉɔ tsetsɔŋɔ páʼa, á mbū epɔ̄ melʉɛ pīi é nnɔ pɛ, ánɛ alúŋ epuɔ Yɛɛ́so. Meŋ méŋwɛ̄t azá, meŋ á mɔ́ ndʉɛ, ńzéŋ ŋgɔ́ á njhʉɛ‑njʉɔ́ ánɛ ŋgʉɔ̄ʼ zīi, Klísto a le jʉ́ɔ̄. Meŋ a fú ewɛ azá akim ánɛ shʉ́shɔ́k Klísto, á aleʼé zīi Ndém a ghʉɛ, mɛ́ jʉ́ɔ á shʉ́shɔ́k mɛ́t. Meŋ á si ntékɛ á wɔ́p ndʉ́ɛ́ ŋ́gɛ:

1 Jáaŋ 3:2

Mepɔŋ mesoó pá, tɛ efhó tsetsɔŋɔ, ḿpɛ é si ŋgɔ́ epɔ̄ Ndém, táʼ, Ndém a zɛɛ́t te tswi á yímpɛ ntií zīi, ḿpɛ e láʼ egɔ́ eziɛ́. Ḿpɛ é si ŋké nzhɛ́ɛ á taʼ azō. Aleʼé zīi Klísto a ŋwaka, ḿpɛ egɔ́ páʼ yí lā, melaʼ mīi, ḿpɛ e láʼ enɔŋ ejʉ́ɔ á yí páʼ, a á épúp.