Lomɛŋ 8:17 - Eka Eswhī

¹⁷ Páʼ ḿpɛ é si ŋgɔ́ epɔ̄ Ndém lā, ḿpɛ e shʉʼ ewɛ etsō mbɔŋ tsīi, a le féŋ á mbū pímpɛ. Étsō tsīi é fhɔ́ɔ á mbū Ndém. Ḿpɛ a Klísto mé shʉʼ ewɛ. Páʼ ḿpɛ é si njʉ́ɔ ŋgʉɔ̄ʼ páʼ, a le jʉ́ɔ épúp, tɛ́ ŋkó á ntē lewūʼ Ndém lā, ḿpɛ e láʼ ezéŋ ekó azímpɛ éwú.

Lomɛŋ 8:17 Iomraidhean Croise

Matío 16:24

Yɛɛ́so á zéŋ ndé á mbū nnɔ yí ŋ́gɛ: «Ŋiŋ a nɔŋ ŋkɔ̄ŋɔ á yí á letsē á nzem meŋ, á tshi á yí á lelhʉ athū zí yí méŋwɛ̄t nnéŋ, ḿvéŋ á yí á lekʉɛ á mbaŋne paŋné yi mbīʼ, ńdɔk ŋgɔ́ á nzem meŋ.

Matío 25:21

Mɔʼɔ́ yí á lé á mbū yí ŋ́gɛ: “Meŋ á kɔŋte á wú. O ó mbɔŋ ŋgaŋ afaʼ yīi, mɛ́ gɔ etém nzem ŋgyá á mbū yí. Páʼ o ke lɔ̄k anuúnē ŋghʉ̄ mezízí menu lā, meŋ a tsékne memía menu á mbū wu. Shʉʼɛ̄, pɛ mɔʼɔ́ wu e epúte ŋkák.”

Lúkási 12:32

Yɛɛ́so á zéŋ ndé ŋ́gɛ: «Ewɔŋkhʉ̄ pá, mbɔɔ páʼ nnɔ wɛ́ é kʉɔ́k páʼā lā, ndɛ́ʼ pɛ epɔ́k, Ndém a lē ŋkaŋ á wɛ́, ńnéŋ ánɛ lefɔ tsí, pɛ ecʉ́ʼ megaŋ afuʼ.

Lúkási 24:26

Pɛ ka zhɛ́ á légɛ Nzaʼ‑Ŋkhʉ yīi Ndém a le laʼnēē, a ke pɔŋté á lejʉ̄ɔ ŋgʉɔ̄ʼ tɛʼ, tɛ́ ŋkó ánɛ lewūʼ tsí lɛ̄?»

Jáaŋ 17:24

Mɔ́ʼɔ, meŋ á si ŋkɔ̄ŋɔ ŋ́gɛ, ajʉʼ zīi, meŋ a shʉʼ egɔ́ éwú, o elɛ nzéŋ ŋghʉ̄ pek a epuɔ pīi, o le yá me meŋ mé epú ŋgɔ́ éwú, ḿbēte á shʉ́shɔ́k yīi, o le yá me meŋ. O le kɔ̄ŋ á gá, tɛ nzī nzɛ́t té nɔŋ ŋgɔŋ.

Mefaʼ Meziŋ-ntō 14:22

Ŋ́kʉ́ʼnɛ nnɔŋ esēmtɛ epuɔ Yɛɛ́so, ńtswíʼtɛ á wɔ́p ŋ́gɛ, pɔ́ ekúʼte á Yɛɛ́so á mbɔŋɔ́, ḿbiŋ nzhɛ́ á légɛ, pɔ́ a pɔ́p é pɔŋteé á lejʉ̄ɔ ŋgʉɔ̄ʼ tɛʼ, tɛ́ ŋkó á ntē Lefɔ Ndém.

Mefaʼ Meziŋ-ntō 20:32

Tsetsɔŋɔ wuɔ, meŋ á tsékne á wɛ́ á mbū Ndém, ńnɔŋ ndʉ́ɛ́ ŋ́gɛ, pɛ́ etshí á ashuŋne zí á mvhɔ, aziɛ́ mé si ntswīi páʼ a wɛɛ̄ ŋkɔŋ te ndhʉ ánɛ pímpɛ épúp. Aziɛ́ mé zéŋ ŋkūʼ á leghʉ, pɛ tēte ánɛ lefɛ̄ nnɛ̄t ŋgyá mé yí, éfú ŋkó ánɛ lepɔŋ te mi tsīi, a le féŋ á mbū epuɔ pīi, é epí, tɛ ntsékne.

Mefaʼ Meziŋ-ntō 26:18

Étó á wú épúp, o egʉɔ ŋŋáʼa menēk epuɔ mɛ́t, ŋ́ghʉ̄ pɔ́ efhó á ntē nzem ntó, ŋ́kó á ntē ŋkaʼ. Ŋ́ghʉ̄ Sɛ́ta a á le zéŋ á wɔ́p esáʼ á, Ndém mé ecʉ́ʼɛ esáʼa á wɔ́p, tɛ́ pɔ́ efɛ́ nnɛ̄t ŋgyá á mbū meŋ, Ndém a elēkne mefa mɔ́p, ŋ́gyá á azɔ́p ajʉʼ á nnɔ epuɔ pīi, pɔ́ epí tɛ ntsékne.”

Lomɛŋ 5:17

Á épúp, lewhʉ̄ a gɛ ndɔ̄kɔ epuɔ lɔke, melaʼ taʼ ŋiŋ, melaʼ mefa taʼ ŋiŋ. Azi afaʼ Yɛɛ́so Klísto, á le pīŋ ntswhi tswhi. Melaʼ mí, melaʼ mí ndaʼ, tɛ́ epuɔ menɔŋ e fú eta á lezēŋ Ndém, égɔ́ wɔ asaʼa‑ndʉɔ́ʼ. Épuɔ pīi, Ndém a wɛɛ̄ apɔŋɔ́ ntē te ndhʉ ánɛ pɔ́p, ńtɔ́ŋ á wɔ́p lɛ, epuɔ ndeŋ ndeŋ.

Lomɛŋ 8:3

Ndém a le ghʉ̄ épúp, á gɔ́ ajū mīi, lepé Mɔɔ́sɛ é lɛ te kūʼ á leghʉ ɛ́, melaʼ mīi, lepwɛ̄t ŋiŋnɔŋ, a le ghʉ̄ʉ̄, ŋiŋ a te kūʼ á lekūʼte lepé ɛ́. Ndém a le gē efók mefa epuɔ menɔŋ, ńtó á kwaʼ Méŋ yi, á wɛ mbe nnɛ̄t, páʼ ezi epuɔ menɔŋ, mégaŋ mefa. A le zapá ánɛ mbe nnɛ̄t zi mɛ́t, tɛ́ mbík mefa epuɔ menɔŋ.

1 Kɔlɛŋte 2:9

Mɛ́ le ké ntí á ntē aŋwaʼne Ndém ŋ́gɛ: «Ajū mīi ŋiŋnɔŋ a la lɔ̄k lezēk njʉ́ɔ ɔ́, a te lɔ̄k letuúŋ njúʼ ú. Ajū mīi ŋiŋnɔŋ a laá nzi ŋkwāŋte á ntē yí í, aziɛ́ mé si ŋgɔ́ ajū mīi, Ndém a le féŋ á mbū epuɔ pīi, é kɔɔ̄ŋ á yí. »

2 Kɔlɛŋte 1:5

Ḿpɛ é si njʉ́ɔ ŋgʉɔ̄ʼ efʉʼ metsem, ńdeŋ ndeŋ páʼ Klísto a le jʉ́ɔ azí épúp. Ndeŋ ndeŋ épúp, Ndém a á si nzápa ánɛ Klísto, ḿbúu eswítɛ ntē yímpɛ efʉʼ metsem.

2 Kɔlɛŋte 1:7

Ajū mīi pek é si ntsáa, ńnɔŋ nzhɛ́ɛ á légɛ, á épúp á mbū pɛ, á si ŋgɔ́ á légɛ, pɛ etswiʼne efɛ́ nnɛ̄t ŋgyá á mbū Yɛɛ́so. Pek é si nzhɛ́ɛ á légɛ, ḿpɛ é si njʉ́ɔ á taʼ ŋgʉɔ̄ʼ, ńnɔŋ nzhɛ́ɛ á légɛ, Ndém a á si eswítɛ ntē wɛ́, páʼ a á si eswítɛ ewék.

Galat 3:29

Páʼ pɛ é ndáʼ ŋgɔ́ epuɔ Klísto lā, pɛ é páʼa, ńdɔkɔ ncʉ́ʼɛ ndhu Ablaham. Ńcʉ́ʼ wɔ wɛ‑ajūɔ tsem zīi, Ndém a le laʼnē á leyā mé pɔ́p.

Galat 4:7

Á páʼā, o lɔ̄kɔ te nzɛ́tɛ ŋkwa amɔ̄ʼ azō ɔ́. O lɔ̄kɔ ncʉ́ʼɛ áa méŋ Ndém. Páʼ o ó piŋ ncʉ́ʼ á méŋ Ndém lā, a a shʉʼ eyá á wú ajū mīi a feéŋ á mbū epɔ̄ pí.

Efɛze 3:6

Ntsem mɛ́t, e ejʉɔ: epuɔ pīi é té epuɔ Yúda á, é zapaá ánɛ ŋke mbɔŋ, ńdɛ̄tne ánɛ Yɛɛ́so Klísto, ŋ́gwɛ̄ azɔ́p akim, páʼ epuɔ Yúda lā, ánɛ ajū mīi, Ndém a le phʉ́ʉ̄. Á páʼā, pɔ́ lɔkɔ mbúu ncʉ́ʼɛ á taʼ mbe nnɛ̄t, pɔ́ a epuɔ Yúda, éfú ewɛ azɔ́p ajū mīi, Ndém a le laʼnēē.

Fílíip 1:29

A le tswī á wɛ́ á apɔŋɔ́ ntē te ndhʉ zí, ŋ́ghʉ̄ pɛ ecʉ́ʼ megaŋ afaʼ Klísto. Pɛ é le lɛ ŋgɔ́ megaŋ afaʼ pí, áa ndaʼ ánɛ lefɛ̄ nnɛ̄t ŋgyá á mbū yí í, ńzéŋ ŋgɔ́ mbɔɔ ánɛ lejʉ̄ɔ ŋgʉɔ̄ʼ melaʼ mí.

Fílíip 3:10

Ndaʼ ajū mīi meŋ á si ntsáa, á gɔ́ áa gá á lechʉ̄ nnɛ̄t nzhɛ́ á Klísto, ŋ́kūʼ á gá á lewɛ mete mīi, Ndém á le ghʉ̄ á zím ánɛ lewhʉ̄ páʼā, ŋ́gwɛ̄. Ŋ́kūʼ á gá á lejʉ̄ɔ ŋgʉɔ̄ʼ páʼ yí lā, tɛ ndáʼ ŋkwhʉ́, ńdeŋ ndeŋ páʼ yí lā.

Kɔlɔs 1:24

Tsetsɔŋɔ, ŋgɔŋ é si mbɔ̄ŋɔ á gá ánɛ ŋgʉɔ̄ʼ zīi, meŋ jʉ́ɔ, ánɛ athū zɛ́. Meŋ ndɔkɔ mbe nnɛ̄t za méŋwɛ̄t, ńjʉ́ɔ ŋgʉɔ̄ʼ mɛ́t épúp, ánɛ lezēŋ Klísto, melaʼ mbe nnɛ̄t zi zīi, e é si ŋgɔ́ alúŋ epuɔ Yɛɛ́so.

Tíit 3:7

Ndém a lɛ́ ŋghʉ̄ɛ épúp páʼā, ŋ́gɛ ḿpɛ efhó ánɛ apɔŋɔ́ ntē te ndhʉ zí, ńcʉ́ʼ epuɔ ndeŋ ndeŋ, éfú ntā á lezēŋ yí, páʼ ḿpɛ gɛ nzwíʼtɛ épúp.

Eble 1:14

Mecɔʼ Ndém é gɔ́ áa mezwakne, ńnɔŋ ŋghʉ̄ɛ afaʼ á mbū Ndém. Ndém a toó á wɔ́p ŋ́gɛ, pɔ́ egʉɔ ntswíte epuɔ pīi, a a láʼ eghʉ pɔ́ etswɛ́t.

Eble 1:2

A piīŋ ŋgɔ́ tsetsɔŋɔ, ánɛ meleʼé muɔ mīi, ḿpɛ é éwú la, ńzápa ánɛ Méŋ yi, mbɔ a lē nchʉ́ á yí ŋ́gɛ, a esáʼ ajūɔ tsem, tɛ́ eshúŋnɛ á mbū pímpɛ. A le zī nzápa ánɛ yí tɛ́ ŋghʉ̄ ŋgɔŋ.

Eble 6:17

É melaʼ épúp, tɛ́ Ndém a le ká ánɛ alaʼne zīi, a le ghʉ̄ á mbū epuɔ menɔŋ. A le gē eghʉ épúp, ńdɔkɔ efāʼa á letswi á mbū epuɔ pīi, a le laʼnē á leyā azō á mbū pɔ́p, á légɛ, yí gɔ le lāʼne azō, mɛ́ piŋ efāʼ kékáŋ á.

Jáak 2:5

Epɔ̄ memía pá pīi meŋ kɔɔ̄ŋ á wɔ́p, pɛ etéŋɛ metuúŋ njúʼ. Ndém mé lɛ te tsɔ́ʼ epuɔ pīi, epuɔ menɔŋ é kwaāŋ ŋ́gɛ, pɔ́ é mepūŋ, ŋ́ghʉ̄ pɔ́ fɛ́ nnɛ̄t ŋgyá á mbū Yɛɛ́so Klísto, ńdɔkɔ ncʉ́ʼɛ megaŋ azō ɔ́ lɛ̄? Ńzéŋ ŋghʉ̄ pɔ́ wɛ lepɔŋ tsīi, é ntē Lefɔ Ndém, páʼ a le laʼnē épúp, á mbū epuɔ pīi pɔ́ kɔɔ̄ŋ á yí lɛ̄?

1 Piɛ 1:4

ákim mbɔŋ zīi, á gɔ le mīi, á le lʉ́, ḿbīŋ le zwīiŋ. Ndém a lē eféŋ akim mɛ́t, á mbū pɛ, á athʉ́ lephū.

1 Piɛ 4:13

Á cʉ́ʼɛ épúp, ntē wɛ́ é gáŋte, páʼ pɛ é si njʉ́ɔ ŋgʉɔ̄ʼ, páʼ Klísto a le jʉ́ɔ azí épúp. Tɛ́ a eláʼ aleʼé zīi, Klísto a ghʉɛ mɛ́ jʉ́ɔ á shʉ́shɔ́k yi, ntē wɛ́ e echʉ́ nnɛ̄t ŋgáŋte ŋkák.

Menjʉɔ te lí 21:7

Ŋiŋ yīi a á lʉɔ́ʼ tɛ njhʉ́, meŋ a shʉʼ eyá á yí ntshi wuɔ mɛ́t, égɔ́ á Ndém yi, a egɔ́ á méŋ ga.

Menjʉɔ te lí 3:21

Ŋiŋ yīi a á lʉɔ́ʼ tɛ njhʉ́, meŋ a shʉʼ eghʉ, pek yí e enáŋ ánɛ akɔʼ lefɔ zá, ńdeŋ ndeŋ páʼ, meŋ nde lʉɔ́ʼ azá tɛ njhʉ́, ŋ́gʉɔ ntswɛ́tte á Mɔʼɔ́ ga, ánɛ akɔʼ lefɔ zí, ńnáŋ azá éwú lā.