Lomɛŋ 8:16 - Eka Eswhī

¹⁶ Azwakne Ndém mɛ́t yí méŋwɛ̄t mé si ŋghʉ̄ɛ, ḿpɛ ecuŋtɛ nzhɛ́ɛ á ntē pímpɛ á légɛ, ḿpɛ é si ŋgɔ́ epɔ̄ Ndém.

Lomɛŋ 8:16 Iomraidhean Croise

Matío 5:9

Eshhʉ̄ mbɔŋ a á ŋiŋ yīi, a á si mbhīɛ apwɛne, Ndém a a shʉʼ etɔ́ŋ á yí lɛ méŋ yí.

Lúkási 20:36

A gɔ́ épúp melaʼ mīi, pɔ́ é si ŋgɔ́ páʼ mecɔʼ Ndém lā, pɔ́ té shʉʼɛ nzɛ́t ŋgɔ̄ á ŋkwhʉ́ ɛ́. Páʼ Ndém a á ghʉ pɔ́ zím ánɛ lewhʉ̄ lā, pɔ́ é si ŋgɔ́ epɔ̄ pí tɛ ntsékne.

Jáaŋ 1:12

Epuɔ pīi é le kokné á yí, épuɔ pīi é le fɛ́ nnɛ̄t ŋgyá mé yí, a le yá á wɔ́p mete á lelɔk ncʉ́ʼ epɔ̄ Ndém.

Mefaʼ Meziŋ-ntō 5:32

Pek é si nnɔŋ esáʼa ajū mīi, pek é si nzhɛ́ɛ, mbɔ pek ke jʉ́ɔ̄, ésáʼa épúp, ḿpek a Azwakne Ndém páʼ, Ndém a ke yá á mbū epuɔ pīi, pɔ́ é si njúʼɔ nchu yí. »

Lomɛŋ 8:14

Epuɔ metsem pīi, Azwakne Ndém mé tsaāŋ á wɔ́p, é si ŋgɔ́ epɔ̄ Ndém.

Lomɛŋ 8:19

Ajūɔ tsem zīi, Ndém a le ghʉ̄ʉ̄, á si nzwíʼtɛ té kapa, á légɛ, Ndém a elɔ̄k epɔ̄ pí, ńtó á ntentā.

Lomɛŋ 8:23

Ŋgʉɔ̄ʼ mɛ́t, e te lɛ̄ ŋgɔ́ áa ezi ajūɔ tsem ɛ́, ḿpɛ pīi Ndém a le yá Azwakne zí á mbū pímpɛ, é gɔ́ mvhɔ ecū mīi, a le phʉ́ á yímpɛ, é si nzéŋɛ ntswīɛ̄ azímpɛ á ntē, ŋ́ké mbiŋ ŋgɔ́ tsetsɔŋɔ, ńzwíʼtɛ ŋ́gɛ, Ndém a elɔ̄k á yímpɛ ŋghʉ̄ epɔ̄ pí, ŋ́ghʉ̄, ḿpɛ epú ntswɛ́t ŋgʉɔ̄ʼ.

Lomɛŋ 8:26

Ndeŋ ndeŋ épúp, ḿpɛ nɔɔ̄ŋ ŋkáa páʼā, Azwakne Ndém mé tɔ́te á yímpɛ. Á gɔ́ páʼ, ḿpɛ te zhɛ́ á leswīŋte á Ndém páʼ, á zi nzɛ́tte épúp ɔ́. Azwakne Ndém méŋwɛ̄t, mé laā eswíŋte á Ndém á athū pímpɛ, mé meshuŋne mīi, ŋiŋnɔŋ a gɔ le zhɛ́ á leshūŋ ɔ́.

Lomɛŋ 9:26

Ajʉʼ zīi mɛ́ le kó éwú, ńdé á mbū pɔ́p ŋ́gɛ, pɔ́ té epuɔ alāʼ pá á, mɛ́ e shʉʼ etɔ́ŋ á wɔ́p éwú lɛ, epɔ̄ Ndém yīi, a naáŋ nte. »

Lomɛŋ 9:8

Á páʼā ndɔkɔ ndʉ́ɛ́ ŋ́gɛ, ewɔŋkhʉ̄ pīi, a le zhí ánɛ lekɔŋ yi, é té si ŋgɔ́ á kwaʼ epɔ̄ Ndém ɛ́. Ndaʼ ewɔŋkhʉ̄ pīi, a le gē ezhí, mbɔ Ndém a á ŋghʉ̄ alaʼne á mbū yí, mé si ŋgɔ́ á kwaʼ epɔ̄ pí.

2 Kɔlɛŋte 1:12

Ajū mīi ḿpek lɔkɔ ŋkāʼtɛ, á si ŋgɔ́ páʼ akwaŋte zék á té si ŋŋāka á wék ɛ́. Pek lɔɔ̄k á ndeŋ ndeŋ pɔ́ anuúnē zīi, á fhɔ́ɔ á mbū Ndém, tɛ́ nnáŋ á ŋgɔŋ ega. Ńtswhi ŋgwɛ̄ á ndeŋ ndeŋ pɔ́ anuúnē mɛ́t, ánɛ pɛ. Ŋ́gē ewɛ épúp, á té fhɔ́ɔ ánɛ azhɛ̄‑anu ŋiŋnɔŋ ɔ́, á fhɔ́ɔ áa ánɛ apɔŋɔ́ ntē te ndhʉ zīi, Ndém a wɛɛ̄ ánɛ pek.

2 Kɔlɛŋte 1:22

Yí yīi a le tshí ayiŋne zí ánɛ pímpɛ, a le néŋ Azwakne zí á ntē pímpɛ, ńdɔkɔ ntswī á légɛ, ŋkwa mecū mīi, a le laʼnē á leyā mé pímpɛ, a a láʼ eyá.

2 Kɔlɛŋte 5:5

Ndém mé le kɔ̄ŋ ŋ́gɛ, yí e láʼ eghʉ épúp á mbū pímpɛ, yí mé neéŋ Azwakne zí á ntē pímpɛ, ńdɔkɔ ntswī á légɛ, ŋkwa ecū mīi, a le laʼnē á leyā mé pímpɛ, a a láʼ eyá.

2 Kɔlɛŋte 6:18

Atsyapuɔ ŋgaŋ mete ntsem, a le zéŋ ndé ŋ́gɛ: «Meŋ a shʉʼ egɔ́ á mbū pɛ, égɔ́ á Mɔʼɔ́ wɛ, pɛ egɔ́ á mbū meŋ, ŋ́gɔ́ ewɔŋkhʉ̄ pá epi mbaŋa, mbɔɔ epi wɔnzwí. »

Galat 3:26

Pɛ metsem é zi ŋgɔ́ epɔ̄ Ndém, éfhó ánɛ páʼ pɛ lɛtneē ánɛ Yɛɛ́so Klísto, éfɛ́ nnɛ̄t zɛ ŋgyá á mbū yí.

Galat 4:6

Meŋ á gɛ epɔ̄ Ndém, pɛ zi ŋgɔ́ á kwaʼ epiɛ́. Ndém a le gē etswi á légɛ, pɛ é si ŋgɔ́ á kwaʼ epiɛ́, ńtó á Azwakne Méŋ yi á ntē pímpɛ. Aziɛ́ mé tshoneé á yímpɛ, ḿpɛ lāa ntɔ́ŋ á Ndém é lɛ Abba, ńdɔkɔ ŋ́gɛ Mɔ́ʼɔ.

Efɛze 1:13

Pɛ ezɛ́, é ke zapá ánɛ Klísto, ńjúʼ ŋke yīi é si ŋgɔ́ anuúnē, ŋ́ke mbɔŋ yīi é ghʉɛ mɛ́ tswɛ́tɛ. Pɛ le júʼ ŋke mbɔŋ mɛ́t, éfɛ́ nnɛ̄t ŋgyá á mbū Klísto, Ndém á néŋ ayiŋne zí ánɛ pɛ, á gɔ́ Azwakne zí zīi a le phʉ́ʉ̄.

Efɛze 4:30

Ndɛ́ʼ pɛ eghʉ̄ʉ, Azwakne Ndém zīi, a le néŋ á ntē pɛ, á záŋ á lɔ́ŋ. Azwakne mɛ́t á si ŋgɔ́ ayiŋne zīi, á tswii á wɛ́ á légɛ, Ndém a a fú ekú á wɛ́ ánɛ ŋgʉɔ̄ʼ.

1 Jáaŋ 3:1

Pɛ ejʉ́ɔ páʼ Ndém Mɔʼɔ́, a wɛɛ̄ á mía ŋkɔŋ ánɛ pímpɛ épúp. A le kɔ̄ɔ̄ŋ, ńtɔ́ŋ á yímpɛ lɛ, ewɔŋkhʉ̄ pí. Ḿpɛ é ké nzéŋ ŋgɔ́ epiɛ́. Epuɔ ŋgɔŋ puɔ, é lɛ te á Ndém zhɛ́, melaʼ épúp tɛ́ pɔ́ té zhɛ́ á légɛ, ḿpɛ é si ŋgɔ́ epɔ̄ Ndém ɛ́.

1 Jáaŋ 3:10

Ajū mīi á ghʉʉ̄, mɛ́ zhɛ́ kɛɛ ŋiŋ a á méŋ Ndém, kɛɛ ŋiŋ a á méŋ Sɛ́ta lɛ̄ɛ, a ajʉɔ: ŋiŋ ntsem yīi, a te si nzīŋɛ ndeŋ ndeŋ ɛ́, mbɔɔ ŋiŋ ntsem yīi, a te á méŋ mɔ́ yi kɔ̄ɔŋ, a á páʼā, ńdɔkɔ te ŋgɔ́ɔ á ŋiŋ Ndém ɛ́.

1 Jáaŋ 3:2

Mepɔŋ mesoó pá, tɛ efhó tsetsɔŋɔ, ḿpɛ é si ŋgɔ́ epɔ̄ Ndém, táʼ, Ndém a zɛɛ́t te tswi á yímpɛ ntií zīi, ḿpɛ e láʼ egɔ́ eziɛ́. Ḿpɛ é si ŋké nzhɛ́ɛ á taʼ azō. Aleʼé zīi Klísto a ŋwaka, ḿpɛ egɔ́ páʼ yí lā, melaʼ mīi, ḿpɛ e láʼ enɔŋ ejʉ́ɔ á yí páʼ, a á épúp.

1 Jáaŋ 4:13

Ḿpɛ gē ezhɛ́ á légɛ, Ndém a á me pímpɛ, ḿpɛ ezéŋ ŋgɔ́ mé yí, ńjʉ́ɔ, ŋ́gwɛ̄ Azwakne zí, páʼ a le néŋ á ntē pímpɛ lā.

1 Jáaŋ 5:10

Ŋiŋ a fíɛ́ nnɛ̄t ŋgyá á mbū Méŋ Ndém, ŋgaŋ á lɔkɔ mvéŋɛ á légɛ, anu zīi Ndém a shúŋɔ, á si ŋgɔ́ anuúnē. Ŋiŋ yīi a te fɛ́ nnɛ̄t ŋgyá á mbū Ndém ɛ́, ŋgaŋ a á páʼā, ńdɔkɔ ndʉ́ɛ́ ŋ́gɛ, Ndém a á ŋgaŋ mela, melaʼ mīi, ŋgaŋ a te si mvéŋɛ anu zīi, Ndém a shúŋɔ ánɛ Méŋ yí í.

Menjʉɔ te lí 21:7

Ŋiŋ yīi a á lʉɔ́ʼ tɛ njhʉ́, meŋ a shʉʼ eyá á yí ntshi wuɔ mɛ́t, égɔ́ á Ndém yi, a egɔ́ á méŋ ga.