Lomɛŋ 8:11 - Eka Eswhī

¹¹ Azwakne ŋiŋ yīi, a le ghʉ̄ Yɛɛ́so á zím ánɛ lewhʉ̄, á gɔ́ á ntē pɛ, mbɔ ŋiŋ mɛ́t yīi, a le ghʉ̄ Yɛɛ́so Klísto mɛ́t, á zím ánɛ lewhʉ̄, a shʉʼ ezéŋ eghʉ, mbe nnɛ̄t zɛ zīi, é gɔ́ áa akwhʉɛ́‑azō, e egɔ́ nte, éfhó ánɛ Azwakne zí zīi, á ntē pɛ.

Lomɛŋ 8:11 Iomraidhean Croise

Jáaŋ 14:17

Ŋkʉɛ‑anɔŋɔ́‑mɛnzhɛ mɛ́t, a gɔ́ á Azwakne Ndém, yí mé kwaʼ ntswī á wɛ́ á ŋiŋ yīi, Ndém a á ewiɛ́. Epuɔ ŋgɔŋ puɔ, é gɔ le kūʼ á letswi á yí í, melaʼ mīi, pɔ́ zi te si njʉ́ɔ á yí í, ńzi nnɔ̄ŋ te nzhɛ́ɛ á yí í. Pɛ pwɔ̄, pɛ é si ŋké nzhɛ́ɛ á yí. A á lezēŋ pɛ efʉʼ metsem, a á ntē nnɛ̄t pɛ efʉʼ metsem.

Jáaŋ 5:21

Ndeŋ ndeŋ páʼ, Mɔʼɔ́ ga a ghʉʉ̄, mepfhō é lu á esī, ŋ́gɔ́ éwú lā, meŋ Méŋ yi, meŋ gɔ ezéŋ ŋghʉ̄ épúp, ánɛ ŋiŋ yīi meŋ á kɔŋ.

Mefaʼ Meziŋ-ntō 2:24

Púp, ŋ́kɛ́ʼte meŋkhʉ lewhʉ̄ ánɛ yí, ŋ́ghʉ̄ á zím, melaʼ mīi, lewhʉ̄ a le gɔ a á le kūʼ á lekūʼte á yí, páʼ ŋgaŋ atʉɛ́ lā á.

Lomɛŋ 16:10

Ńtsāʼte á Apɛlɛs, a le tswī á légɛ, yí chʉʉ́ nnɛ̄t ndɛ̄tne ánɛ Klísto. Pɛ etsāʼte epuɔ mba Alistobul.

Lomɛŋ 16:3

Pɛ etsāʼte á Plisil pɔ́ Akilas, mésoó afaʼ pá pīi, pek a pɔ́p é pútɛ ŋghʉ̄ɛ afaʼ, á mbū Yɛɛ́so Klísto.

Lomɛŋ 16:7

Ńtsāʼte á Aŋdlonikus pɔ́ Junias, pɔ́ é si ŋgɔ́ epuɔ alāʼ pék. Pek a pɔ́p mé lɛ á ŋgyā atʉɛ́. Pɔ́ é si ŋgɔ́ memía meziŋ‑ntō Klísto, mbɔ pɔ́ le zī nzi á lefɛ̄ nnɛ̄t ŋgyá á mbū Klísto, tɛ́ meŋ ndáʼ efɛ́ azá.

Lomɛŋ 16:9

Ńtsāʼte á Ulbɛŋ, ḿpɛ a pɔ́p é si mbútɛ ŋghʉ̄ɛ afaʼ á mbū Klísto. Pɛ ezéŋ ntsāʼte á mbɔŋ esoó ga Stakis.

Lomɛŋ 6:12

Púp, ndɛ́ʼ mefa é zéŋ mbɔ́ŋ mete, ánɛ mbe nnɛ̄t zɛ zīi, e zi ŋgɔ́ áa akwhʉɛ́‑azō, ńtshóne á wɛ́ á leghʉ ajū mīi, mbe nnɛ̄t mɛ́t mé si ŋkɔ̄ŋɔ.

Lomɛŋ 8:1

Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

Lomɛŋ 8:12

Púp me epɔ̄ memía, ḿpɛ wɛɛ̄ njú. Njú mɛ́t e gɔ́ te á mbū mbe nnɛ̄t, tɛ ŋgɔ́ yīi, ḿpɛ gɔ ezīŋ páʼ, e é si ntshónɛ á yímpɛ ŋ́gɛ, ḿpɛ ezīŋ épúp ɔ́.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

Lomɛŋ 8:9

Ŋ́ké ŋgɔ́ mé pɛ, mbɔ pɛ te si nzīŋɛ páʼ mbe nnɛ̄t zɛ mé si ntshónɛ á wɛ́ ɛ́, pɛ é si nzīŋɛ áa páʼ, Azwakne Ndém á si nzɛ́ttɛ. Á lɔk ŋgɔ́ páʼ, Azwakne mɛ́t á ntē pɛ. Azwakne Klísto á gɔ́ te á ntē ŋiŋ ɛ́, mbɔ ŋgaŋ a te ŋiŋ yi í.

1 Kɔlɛŋte 15:16

Á ŋgɔ́ yīi, mepfhō é té fú ezím ánɛ lewhʉ̄ ɛ́, mbɔ Ndém a lɛ te ghʉ̄, Klísto á zím ánɛ lewhʉ̄ ɛ́.

1 Kɔlɛŋte 6:14

Yí mé láʼ ezéŋ elɔk mete mí eghʉ, ḿpɛ ezím azímpɛ ánɛ lewhʉ̄, páʼ a le ghʉ̄ʉ̄, Atsyapuɔ á zím ánɛ lewhʉ̄ lā.

2 Kɔlɛŋte 4:11

Pek é ndo esī atsetsáʼ ega, ŋ́gɔ́ efʉʼ metsem, ńzápne áa nchu lewhʉ̄ melaʼ Yɛɛ́so. Pek ké ŋgɔ́ nte páʼā, tɛ́ epuɔ menɔŋ é ezápa ánɛ pek, nzhɛ́ á légɛ, Yɛɛ́so a á nte, tɛ́ á piŋ ŋgɔ́ yīi, pek e fú eláʼ ekwhʉ́ kwhʉ́.

2 Kɔlɛŋte 4:14

Pek é si ncuŋtɛ nzhɛ́ɛ á mbɔŋɔ́ á légɛ, Ndém, páʼ a le ghʉ̄ʉ̄, Atsyapuɔ Yɛɛ́so á zím ánɛ lewhʉ̄ lā, a a láʼ ezéŋ eghʉ, pek azék, e ezím ánɛ lewhʉ̄, pek a Yɛɛ́so e egɔ́ nnɔ. Éghʉ, pek egɔ́ á lezēŋ yí, pɛ ezéŋ ŋgɔ́ azɛ́ éwú.

2 Kɔlɛŋte 5:4

Á anuúnē, ḿpɛ pīi ḿpɛ é naŋteé á ntē mentap muɔ á esī atsetsáʼ ega, menu é si eswɛ́tɛ á yímpɛ, ḿpɛ nɔ̄ɔŋ ntswīɛ̄. Táʼ, á ké te ndɔ̄kɔ ŋ́gɛ, ḿpɛ é si ŋkɔ̄ŋɔ á lefhō á ntē mentap mɛ́t ntúɔ́. Ḿpɛ é si ŋkɔ̄ŋɔ áa lekō á ntē mentap ndɛʼɛ, tɛ́ ajū mīi á naáŋ á lemiʼɛ, a kápte á azi á gɔ ekwhʉ́.

Galat 6:8

A gɔ́ éyi ŋiŋ a le phī ajū mīi, a lɛ elɔk etswíte áa mbe nnɛ̄t zi, mbɔ a a láʼ ezéŋ ekáp áa ajū mīi, á fhɔ́ɔ ánɛ mbe nnɛ̄t, azō mɛ́t á gɔ́ á lekwhʉ̄ ŋkó ŋ́kwhʉ́. Ḿbīŋ ŋgɔ́ éyi ŋiŋ a le phī ajū mīi, á gɔ epɔ̄ɔŋ Azwakne Ndém, mbɔ a a láʼ ezéŋ ekáp ajū mīi, á fhɔ́ɔ á mbū Azwakne Ndém, azō mɛ́t, á gɔ́ á lefū ntā á lezēŋ Ndém.

Efɛze 2:5

É melaʼ épúp tɛ́, a le zapá ánɛ Klísto, ŋ́ghʉ̄ ḿpɛ é gɔ́ éwú, tɛ mbɔɔ páʼ, á le gɔ́ mbɔ mefa mímpɛ, é lē ŋghʉ̄, ḿpɛ gɔ́ wɔ kwhʉɛ‑ndáʼne á ndo ŋgia. Ndém a le fhó ánɛ apɔŋɔ́ ntē te ndhʉ zí, tɛ́ ŋghʉ̄ pɛ tswɛ́t.

Fílíip 3:21

A a láʼ esɛt mbe nnɛ̄t zímpɛ zīi, e gɔ́ áa apwɛɛ́t‑azō, e ecʉ́ʼ páʼ mbe nnɛ̄t zi lā, ŋ́gwɛ̄ á shʉ́shɔ́k. A a láʼ elɔk mete mīi a lɔkɔ ŋghʉ̄ɛ, ajūɔ tsem á júʼɔ nchu yí, tɛ́ eghʉ épúp.

Eble 13:20

Ndém, á ŋwɛ́t apwɛne, a le ghʉ̄ʉ̄, Atsyapuɔ yímpɛ Yɛɛ́so, á zím ánɛ lewhʉ̄. Ńzím épúp, ńcʉ́ʼ á mía mía mpfɛnne‑memvhō Ndém, ńtsīa ánɛ páʼ, á le lɔ̄k metshi mí, ŋ́kwɛ́t eka yīi, é naáŋ á lemiʼɛ.

1 Piɛ 1:21

Pɛ zapaá ánɛ yí tɛ́ efɛ́ nnɛ̄t ŋgyá á mbū Ndém. Ndém mé le ghʉ̄ á zím ánɛ lewhʉ̄, yí mé yá á yí lewūʼ te mi, tɛ́ pɛ egē efɛ́ nnɛ̄t eyá á mbū Ndém, ńnɔŋ nzhɛ́ɛ á légɛ, pɛ é ndáʼ ŋgwɛ̄ ajū mīi, pɛ é si eshʉ́ɛ́.

1 Piɛ 3:18

Klísto yí méŋwɛ̄t a le jʉ́ɔ ŋgʉɔ̄ʼ, ńdɔk esōk mefa epuɔ metsem. A le ghʉ̄ épúp legʉɔ lemɔʼɔ́, á kuʼ épúp. Yí yīi, a lɛ á ŋiŋ ndeŋ ndeŋ, a le pīŋ ŋkwhʉ́ melaʼ megaŋ mefa, tɛ́ ndɔk ŋghʉ̄ pɛ ezéŋ ŋkūʼ á wɛ́, á lezēŋ ntshí á mvhɔ Ndém. Mɛ́ le zwhí áa mbap nnɛ̄t zi, táʼ, Azwakne Ndém á ké ŋghʉ̄, á zím ánɛ lewhʉ̄.

Menjʉɔ te lí 1:18

Ŋ́gɔ́ nte. Meŋ nde kwhʉ́ʉ̄, ńzím ánɛ lewhʉ̄, tɛ awuɔ yīi, meŋ mbiīŋ ŋgɔ́ nte á meŋguʼ meŋguʼ lāa. Meŋ nde tsyā á lewhʉ̄, ḿbɔ́ŋ mete ánɛ alāʼ mepfhō.

Menjʉɔ te lí 11:11

Táʼ, meleʼé alāʼ mɛ́ntɛ́t mé atsém mɛ́t, é etɔ́k, Ndém á tó Azwakne zīi, á ghʉɛ mɛ́ gɔ́ɔ éwú, a eshʉʼ ŋkó ánɛ epfhō cɔ̄, pɔ́ lɛ ndū á esī ntshíte á ajʉʼ. Mmɔʼ mía mía ecɔʼ, á epú njhʉ́ epuɔ pīi, pɔ́ nɔŋ ncʉ̄ʉ á wɔ́p.