Lomɛŋ 8:10 - Eka Eswhī

¹⁰ Klísto a gɔ́ á ntē pɛ, mbɔ á anuúnē á légɛ, mbe nnɛ̄t zɛ e láʼ ekwhʉ́ kwhʉ́, melaʼ mefa, táʼ, Azwakne Ndém a eké ŋghʉ̄, pɛ egɔ́ éwú, melaʼ mīi, Ndém a lē ntɔ́ŋ á wɛ́ lɛ, epuɔ ndeŋ ndeŋ.

Lomɛŋ 8:10 Iomraidhean Croise

Jáaŋ 14:23

Yɛɛ́so á pwɛt á mbū yí ŋ́gɛ: «Ŋiŋ yīi a kɔɔ̄ŋ á gá, a ziīŋ páʼ ashuŋne zá á si ndʉ́ɛ́ épúp. Mɔʼɔ́ ga á kɔŋ á yí. Pek e shʉʼ eshʉʼ á mba yí, élɔk mba zi, éghʉ lenaŋá tsék.

Jáaŋ 15:5

Meŋ á si ŋgɔ́ páʼ athʉ́ lā, pɛ gɔ́ páʼ mbū athʉ́ mɛ́t lā. Ŋiŋ a temtɛ nnɛ̄t zi ánɛ eza, meŋ etēmte eza ánɛ ezi, mbɔ ŋgaŋ a ghʉ menu membɔŋ e ezáne. Ḿpɛ mé gɔ́ te gɔ nnɔ ɔ́, mbɔ pɛ gɔ le kūʼ á leghʉ tsɔ azō ɔ́.

Jáaŋ 17:23

Meŋ ŋgɔ́ á ntē nnɛ̄t pɔ́p, ńdeŋ ndeŋ páʼ, o ó ntē nnɛ̄t meŋ, tɛ́ pɔ́ elɔk ŋgɔ́ á taʼ nchu tɛ ntsékne. Púp, epuɔ ŋgɔŋ e ejʉ́ɔ, ńzhɛ́ á légɛ, wu mé le tó á gá á ŋgɔŋ, ńzhɛ́ á légɛ, o kɔɔ̄ŋ á wɔ́p, ńdeŋ ndeŋ páʼ o kɔɔ̄ŋ á gá lā.

Jáaŋ 4:14

Ŋiŋ a ke mbīŋ nnú ntshi yīi, meŋ mé yá á yí, mbɔ nzi ntshi e te eláʼ ezéŋ á yí ezáŋ á. A cʉ́ʼɛ épúp, mbɔ ntshi yīi, meŋ á yá á yí, e kó ánɛ yí, écʉ́ʼ lesaʼá‑ntshi tsīi, é ghʉɛ mɛ́ taa á lezēŋ Ndém. »

Jáaŋ 6:54

Ŋiŋ yīi a á pfɛ́t mbap nnɛ̄t za, ńnú metshi má, a á ndáʼ nzī á leta á lezēŋ Ndém, meŋ mbiŋ ndáʼ ánɛ nzoknzem aleʼé, ŋ́ghʉ̄ a ezím ánɛ lewhʉ̄.

Jáaŋ 6:56

Ŋiŋ a pfɛ́tɛ mbap nnɛ̄t za, ńnú metshi má, mbɔ pek ŋgaŋ é temte, meŋ gɔ́ ánɛ yí, á gɔ́ ánɛ meŋ.

Lomɛŋ 5:12

Mefa é le gē ekó á ŋgɔŋ, ńzápa ánɛ taʼ ŋiŋ, lezēŋ ŋgaŋ é gɔ́ lɛ Ádam. Mefa é le gē ekó á ŋgɔŋ épúp, ńdɔ̄k á lewhʉ̄ eshʉ̄ʼ. Á shʉʼ épúp, ḿbú ŋkó ánɛ ŋiŋ ntsem, melaʼ mīi mmɔʼ ŋiŋ té fa, a te éwú ú.

Lomɛŋ 5:21

Púp, páʼ mefa é pɔɔ́ŋ mete á leghʉ, ŋiŋ á kwhʉ́ lā, ndeŋ ndeŋ épúp, Ndém á pɔɔ́ŋ mete á lelɔk apɔŋɔ́ ntē te ndhʉ zí, ńtɔ́ŋ epuɔ menɔŋ lɛ, epuɔ ndeŋ ndeŋ. Ŋ́ghʉ̄, pɔ́ zápa ánɛ Atsyapuɔ yímpɛ Yɛɛ́so Klísto, ńtā á lezēŋ yí.

Lomɛŋ 8:11

Azwakne ŋiŋ yīi, a le ghʉ̄ Yɛɛ́so á zím ánɛ lewhʉ̄, á gɔ́ á ntē pɛ, mbɔ ŋiŋ mɛ́t yīi, a le ghʉ̄ Yɛɛ́so Klísto mɛ́t, á zím ánɛ lewhʉ̄, a shʉʼ ezéŋ eghʉ, mbe nnɛ̄t zɛ zīi, é gɔ́ áa akwhʉɛ́‑azō, e egɔ́ nte, éfhó ánɛ Azwakne zí zīi, á ntē pɛ.

1 Kɔlɛŋte 15:45

É melaʼ épúp tɛ́, mɛ́ le tí á ntē aŋwaʼne Ndém ŋ́gɛ: «Ndém a le ghʉ̄ʉ̄, Ádam, ḿvhɔ ŋiŋnɔŋ, á gɔ́ á ŋgɔŋ. A le ké nzéŋ ŋ́ghʉ̄, nzoknzem Ádam á shʉʼ, ŋ́gɔ́ á Azwakne, ŋ́ghʉ̄ɛ mɛ́ gɔ́ɔ éwú.

2 Kɔlɛŋte 13:5

Pɛ méŋwɛ̄t e etsāʼ nnɛ̄t zɛ, ńjʉ́ɔ kɛ pɛ zɛɛ́t ntswiʼnɛ efíɛ́ nnɛ̄t ŋgyáa á mbū Yɛɛ́so lɛ́. Awíɛ awíɛ a ethú alɔ́ʼ zí méŋwɛ̄t. Pɛ te si nzhɛ́ɛ á légɛ, Yɛɛ́so Klísto a á ntē pɛ ɛ́ lɛ̄? Ńdaʼ yīi, awíɛ awíɛ a á tsaʼ nnɛ̄t zi, ńjʉ́ɔ pɔ́ yí é gɔ́ té nnɔ ɔ́.

2 Kɔlɛŋte 4:11

Pek é ndo esī atsetsáʼ ega, ŋ́gɔ́ efʉʼ metsem, ńzápne áa nchu lewhʉ̄ melaʼ Yɛɛ́so. Pek ké ŋgɔ́ nte páʼā, tɛ́ epuɔ menɔŋ é ezápa ánɛ pek, nzhɛ́ á légɛ, Yɛɛ́so a á nte, tɛ́ á piŋ ŋgɔ́ yīi, pek e fú eláʼ ekwhʉ́ kwhʉ́.

2 Kɔlɛŋte 5:21

Klísto a lɛ á te fa, Ndém á piŋ ŋgyá apiʼ mefa mímpɛ á mbū yí, ńdɔkɔ ŋ́gɛ ḿpɛ elɔ̄k páʼ, ḿpɛ lɛtneē ánɛ Klísto, ńcʉ́ʼ epuɔ ndeŋ ndeŋ á mvhɔ Ndém.

Galat 2:20

Meŋ naáŋ á ŋgɔŋ páʼā, meŋ mé té zɛ́t nnáŋ éwú ú, Klísto mé zápa ánɛ meŋ, ńnáŋ éwú. Gá á lenāŋ á ŋgɔŋ, a á si ŋgɔ́ á gá á lefɛ̄ nnɛ̄t ŋgyá á mbū Méŋ Ndém. A le kɔ̄ŋ á gá, tɛ ŋgyá athū nnɛ̄t zí melaʼ má.

Efɛze 3:17

Ŋ́gɛ Ndém a ezápa ánɛ wɛ́ lefɛ̄ nnɛ̄t ŋgyá mé Klísto, ŋ́ghʉ̄, Klísto mɛ́t a enáŋ á ntē pɛ. Ŋ́gɛ ŋkɔŋne e egɔ́ á tsetsɛlɛ pɛ, ńtēte, páʼ athʉ́ zīi meŋgaŋ mí, é lɛtneē á esī lā, mbɔɔ páʼ ŋgyā zīi, e tshií ánɛ kwaʼ atsék lā.

Fílíip 1:23

Menu muɔ mɛ́t mɛ́mbīa, é si eshūŋnɛ á gá. Meŋ á si ŋkɔ̄ŋɔ á gá á legʉɔ ntswɛ́tte á Klísto, pek yí mé cʉ́ʼɛ nnáŋa. Púp mé mbū meŋ, ŋ́gɔ́ á mía anu.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

Kɔlɔs 1:27

Ndém a ke kɔ̄ŋ á leghʉ, pɔ́ zhɛ́ ntsem mɛ́t. Ńzhɛ́ páʼ, nzwiŋ ntsem mɛ́t, é teē épúp. Ńzhɛ́ lewūʼ tsīi é ánɛ ntsem mɛ́t. Ńzhɛ́ épúp, á tsetsɛlɛ epuɔ pīi, é té epuɔ Yúda á. Ntsem mɛ́t é gɔ́ lɛ: Klísto a á tsetsɛlɛ pɛ, yí mé zéŋ nnɔ̄ŋ ŋghʉ̄ɛ, pɛ ekúʼtɛ á légɛ, pɛ e fú ekó á ntē lewūʼ Ndém.

1 Tesalonik 4:16

Aleʼé mɛ́t, Ndém a etswī, tɛŋgyā mecɔʼ Ndém a emāʼ ŋghi, taʼ cɔʼ Ndém a etɔ́ŋ ntaŋ Ndém, Atsyapuɔ yí méŋwɛ̄t a lɛ efhó á lephū esóʼo, epuɔ pīi é le gē ekwhʉ́te, mbɔ pɔ́ é fɛ́ nnɛ̄t ŋgyá mé Klísto, e ezī mvhɔ, ńzím ánɛ lewhʉ̄.

Eble 12:23

Pɛ lɛɛ́ eshʉʼɛ mé acuʼte epɔ̄ lethū Ndém, páʼ nzēŋ mɔ́p é nti tií á athʉ́ lephū lā. Pɛ lɛɛ́ eshʉʼɛ mé lezēŋ Ndém, á nzaʼ‑ntsaŋ epuɔ menɔŋ metsem. Pɛ lɛɛ́ eshʉʼɛ mé lezēŋ wɔ júʼ‑nchu Ndém pīi, pɔ́ naáŋ á lezēŋ Ndém.

Eble 9:27

Páʼ epuɔ menɔŋ, é pɔŋteé á lekwhʉ̄ á taʼ legʉɔ, ŋgʉ̄ɔ mé ajʉʼ zīi, Ndém a záʼa ntsaŋ éwú lā.

Menjʉɔ te lí 14:13

Meŋ zéŋ njúʼ, mmɔʼ ŋghi é fhó á lephū, ńdé mé meŋ ŋ́gɛ: «Tí ŋ́gɛ: “Eshhʉ̄ mbɔŋ a á ŋiŋ yīi, a á ge ekwhʉ́ tsetsɔŋɔ, ńzɛ́t ndɛ̄tne áa ánɛ Atsyapuɔ.” “Á épúp, Azwakne Ndém á si ndʉ́ɛ́ ŋ́gɛ, pɔ́ ezwīte ánɛ ŋgʉɔ̄ʼ zīi, pɔ́ ke jʉ́ɔ̄, melaʼ mīi, Ndém a a shʉʼ etáŋ á wɔ́p, ánɛ mefaʼ mbɔŋ mɔ́p.” »