Lomɛŋ 8:1 - Eka Eswhī

¹ Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

Lomɛŋ 8:1 Iomraidhean Croise

Jáaŋ 14:20

Aleʼé mɛ́t, pɛ ezhɛ́ á légɛ, meŋ á ntē nnɛ̄t Mɔʼɔ́ ga, ḿpɛ é a pɔ́p é piŋ mbú ŋgɔ́ á taʼ nchu.

Jáaŋ 15:4

Apū athʉ́ á gɔ́ te lɛ̄tne ánɛ athʉ́ ɛ́, mbɔ yí méŋwɛ̄t á gɔ le ntá zém. Ndeŋ ndeŋ épúp, pɛ gɔ te tēmte nnɛ̄t zɛ ánɛ eza á, mbɔ pɛ gɔ le ntá zém. Púp, pɛ etēmte nnɛ̄t zɛ ánɛ eza, páʼ meŋ temteē nnɛ̄t za ánɛ ezɛ lā.

Jáaŋ 5:24

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a júʼɔ ashuŋne zá ŋkúʼte, éfɛ́ nnɛ̄t ŋgyá á mbū Ndém páʼ, a le tó á gá, mbɔ ŋgaŋ a á ndáʼ nzī á leta á lezēŋ yí. Ŋgaŋ a te e láʼ epí asāʼ á, a á ndáʼ ntswɛ́t á lewhʉ̄, tɛ nzī á leta á lezēŋ Ndém.

Lomɛŋ 16:3

Pɛ etsāʼte á Plisil pɔ́ Akilas, mésoó afaʼ pá pīi, pek a pɔ́p é pútɛ ŋghʉ̄ɛ afaʼ, á mbū Yɛɛ́so Klísto.

Lomɛŋ 16:7

Ńtsāʼte á Aŋdlonikus pɔ́ Junias, pɔ́ é si ŋgɔ́ epuɔ alāʼ pék. Pek a pɔ́p mé lɛ á ŋgyā atʉɛ́. Pɔ́ é si ŋgɔ́ memía meziŋ‑ntō Klísto, mbɔ pɔ́ le zī nzi á lefɛ̄ nnɛ̄t ŋgyá á mbū Klísto, tɛ́ meŋ ndáʼ efɛ́ azá.

Lomɛŋ 5:1

Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 5:16

Ajū mīi Ndém a yaá á mbū epuɔ ndémndēm, pɔ́ mefa mīi taʼ ŋiŋ a le ghʉ̄ʉ̄, é pú te taʼ azō ɔ́. Taʼ ŋiŋ a le fā lepé, Ndém á ŋak á yí, ńtsīa épúp, ńtswá epuɔ menɔŋ ŋgʉɔ athʉ́ lepé. Ajū mīi Ndém a piŋɛ ŋgyáa á mbū epuɔ ndémndēm, á le ghʉ̄ʉ̄, á tɔ́ŋ á wɔ́p lɛ epuɔ ndeŋ ndeŋ, tɛ a te zóko esáŋa á tɛ nzá mefa wɔp ɔ́.

Lomɛŋ 7:17

Á gɔ́ épúp páʼā, meŋ mé té ŋkɔŋɔ ŋghʉ̄ɛ ɛ́. Mefa mīi é lē njhʉ́ á gá, mé tshónɛ á gá á leghʉ épúp.

Lomɛŋ 7:20

Páʼ ajū mīi meŋ te kɔ̄ɔŋ, meŋ ghʉʉ̄ áa aziɛ́ lā, meŋ mé lɔkɔ te ŋghʉ̄ɛ ɛ́, mefa mīi é lē njhʉ́ á gá, mé tshónɛ á gá á leghʉ épúp.

Lomɛŋ 8:11

Azwakne ŋiŋ yīi, a le ghʉ̄ Yɛɛ́so á zím ánɛ lewhʉ̄, á gɔ́ á ntē pɛ, mbɔ ŋiŋ mɛ́t yīi, a le ghʉ̄ Yɛɛ́so Klísto mɛ́t, á zím ánɛ lewhʉ̄, a shʉʼ ezéŋ eghʉ, mbe nnɛ̄t zɛ zīi, é gɔ́ áa akwhʉɛ́‑azō, e egɔ́ nte, éfhó ánɛ Azwakne zí zīi, á ntē pɛ.

Lomɛŋ 8:14

Epuɔ metsem pīi, Azwakne Ndém mé tsaāŋ á wɔ́p, é si ŋgɔ́ epɔ̄ Ndém.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

Lomɛŋ 8:34

Awɔ́ a gɔ etswá á wɔ́p ŋgʉɔ athʉ́ lepé é? Ŋgaŋ a te éwú ú. Yɛɛ́so Klísto a le kwhʉ́ʉ̄, Ndém á ké ŋghʉ̄ á zím ánɛ lewhʉ̄, a naáŋ á ŋkɔʼɔ́ apū ete Ndém, ńtɔ́kɔ nzem zímpɛ.

Lomɛŋ 8:39

Tɛ é láʼa ŋgɔ́ mete mīi, é lephū ká emi, é nzem esī. Tɛ á láʼa ŋgɔ́ ajūɔ ndɛʼɛ zīi, Ndém a le pɔ́ɔ̄, mbɔ amɔ̄ʼ azō á gɔ le fāk á yímpɛ ánɛ ŋkɔŋ zīi, Ndém a lɔɔ̄k ŋkɔŋ á yímpɛ ɛ́. A le zapá ánɛ Atsyapuɔ Yɛɛ́so Klísto, tɛ́ ntswī ŋkɔŋ mɛ́t.

Lomɛŋ 8:4

A lɛɛ́ ŋghʉɛ épúp, ńdɔkɔ ŋ́gɛ, ḿpɛ ekūʼ á leziŋ páʼ lepé é si nzɛ́ttɛ. Á yímpɛ pīi, ḿpɛ te zɛ́t nnáŋa páʼ mbe nnɛ̄t zímpɛ é si ntshónɛ á yímpɛ ŋ́gɛ, ḿpɛ enáŋ épúp ɔ́, ńcʉ́ʼɛ ńnáŋa áa páʼ, Azwakne Ndém á kɔɔ̄ŋ épúp.

Lomɛŋ 8:9

Ŋ́ké ŋgɔ́ mé pɛ, mbɔ pɛ te si nzīŋɛ páʼ mbe nnɛ̄t zɛ mé si ntshónɛ á wɛ́ ɛ́, pɛ é si nzīŋɛ áa páʼ, Azwakne Ndém á si nzɛ́ttɛ. Á lɔk ŋgɔ́ páʼ, Azwakne mɛ́t á ntē pɛ. Azwakne Klísto á gɔ́ te á ntē ŋiŋ ɛ́, mbɔ ŋgaŋ a te ŋiŋ yi í.

1 Kɔlɛŋte 1:30

Yí Ndém mé le tswāŋ á wɛ́ a Yɛɛ́so Klísto. Ŋ́ghʉ̄ɛ épúp páʼā, ŋ́gɛ Yɛɛ́so Klísto a egɔ́ á mbū pímpɛ, ŋ́gɔ́ á ŋiŋ yīi a zíʼnɛ azhɛ̄‑anu zīi, á fhɔ́ɔ á mbū yí Ndém. Á zeéŋ ŋgɔ́ melaʼ Yɛɛ́so mɛ́t, tɛ́ ḿpɛ é epuɔ ndeŋ ndeŋ á mvhɔ Ndém. Mbɔ Yɛɛ́so a le cūʼ á yímpɛ, ánɛ mefa, ḿpɛ é tswhi ŋgɔ́ epuɔ Ndém.

1 Kɔlɛŋte 15:22

Páʼ epuɔ menɔŋ metsem é si ŋgɔ́ ndhu Ádam lā, pɔ́ e láʼ ekwhʉ́te azɔ́p. Ńdeŋ ndeŋ épúp, epuɔ pīi pɔ́ lɛtneē ánɛ Klísto, e láʼ ezím ánɛ lewhʉ̄.

2 Kɔlɛŋte 12:2

Meŋ á si nzhɛ́ɛ emɔ̄ʼ ŋiŋ Klísto yīi a á éwú, mbɔ á ayáʼa ŋguʼ ntsɔp lekua mé legēm, páʼ Ndém a le lɔ̄k á yí ŋgʉ̄ɔ tɛ ŋkó á ajʉʼ zīi, yí méŋwɛ̄t Ndém a naáŋ éwú. Kɛ ŋgaŋ a lɛ péʼe, ńdíi athū lɛ́, mbɔ meŋ ka zhɛ́ ɛ́. Kɛ a le lɔ̄k á kwaʼ mbe nnɛ̄t zi lɛ́, mbɔ meŋ ka zhɛ́ ɛ́. Ndém méŋwɛ̄t mé si nzhɛ́ɛ.

2 Kɔlɛŋte 5:17

Ŋiŋ a lɛtneē ánɛ Klísto páʼā, ńcʉ́ʼ á ŋiŋ eswhī, mbɔ nzwiŋ atswhī ŋgaŋ, a á mi. Á cʉ́ʼɛ ŋgwɛ̄ áa atswhī eswhī.

Galat 3:13

Páʼ lekūʼte mbé a le ghʉ̄ʉ̄, ḿpɛ é kʉɛ ndɔ lā, Klísto a le ké mbiŋ eshʉ̄ʼ ńtshí á ajʉʼ pímpɛ, Ndém á néŋ ndɔ á athū yí. A le ghʉ̄ épúp, tɛ́ ndɔk nzó á athū zímpɛ, tɛ ŋgɔ́ yīi, Ndém a gɔ le zéŋ nnéŋ ndɔ, á athū pímpɛ ɛ́. Éfhó ánɛ páʼ mɛ́ tií á ntē aŋwaʼne Ndém ŋ́gɛ: «Ŋiŋ yīi mɛ́ le kɔʼné á yí ŋkwɛ̄ ánɛ athʉ́, yí tɛ́ Ndém a le néŋ ndɔ á athū yí. »

Galat 3:26

Pɛ metsem é zi ŋgɔ́ epɔ̄ Ndém, éfhó ánɛ páʼ pɛ lɛtneē ánɛ Yɛɛ́so Klísto, éfɛ́ nnɛ̄t zɛ ŋgyá á mbū yí.

Galat 3:28

Á tsia épúp, pɛ metsem lɔkɔ ncʉ́ʼɛ á taʼ azō á mvhɔ Ndém, tɛ mɛ́ le zéŋ ntɛ̄ʼte ŋ́gɛ, ŋiŋ Yúda a awuɔ, ŋiŋ Glɛk á gɔ́ ewuɔ ɔ́. Ŋ́gɛ ŋkwa e ejʉɔ, ŋiŋ yīi a naáŋ á ŋga athū yí á gɔ́ ewuɔ ɔ́. Ŋ́gɛ menzwí a awuɔ, ŋiŋ mbaŋa á gɔ́ ewuɔ ɔ́, mbɔ pɛ é zápa ánɛ Yɛɛ́so Klísto, ńcʉ́ʼ á taʼ.

Galat 5:16

Meŋ á páʼa, ńnɔŋ ŋ́gɛ, pɛ elɔ̄k á leziŋ páʼ Azwakne Ndém á si ndʉ́ɛ́ épúp, ŋgʉ̄ɔ mé mvhɔ. Púp, pɛ é le zéŋ ŋghʉ̄ ajū mīi, mbe nnɛ̄t é si ntshónɛ á wɛ́ ŋ́gɛ pɛ eghʉ̄ ɛ́.

Galat 5:25

Páʼ Azwakne Ndém mé si ŋghʉ̄ɛ ḿpɛ gɔ́ɔ éwú lā, ḿpɛ ecʉ́ʼ, Azwakne mɛ́t, mé ezɛ́t ntswiʼnɛ ntsāŋa á yímpɛ.

Efɛze 1:1

Meŋ Pɔ́ɔl, nziŋ‑ntō Yɛɛ́so Klísto, páʼ Ndém a le kɔ̄ŋ épúp, mé tíi akɛtte jʉɔ á mbū epuɔ Ndém, á tésɔŋ Efɛze, épuɔ pīi pɔ́ kuʼteé áa Yɛɛ́so tɛ́ ndɔk nnáŋ.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.