Lomɛŋ 7:9 - Eka Eswhī

⁹ Á lɛ afʉʼ zīi meŋ nde zɛ́t te zhɛ́ lepé, meŋ nɔ̄ɔŋ nnáŋa té alɔ́ʼ. Meŋ nde pīŋ nzhɛ́ lepé, ńcʉ́ʼɛ ŋkhʉ́nɛ áa leghʉ mefa.

Lomɛŋ 7:9 Iomraidhean Croise

Matío 19:20

Mɔ́ ŋgwɛso mɛ́t, á lé mé yí ŋ́gɛ: «Meŋ gɛ mbúu ŋkúʼtɛ mbé muɔ mɛ́t ntsem. Meŋ gɔ ezéŋ ŋghʉ̄ akɔ̄ azi ndɛʼɛ ɛ́?»

Lúkási 15:29

Á pwɛt á mbū yí ŋ́gɛ: “Mɔ́ʼɔ, ŋgia é éwú yīi, meŋ nde kó á lefaʼ á mbū wu. Meŋ ndaá ŋgɔ́ aleʼé, éfā lepé cú ú. O lé ké ŋgyá á gá tsɔ mɔ́ mvhō ndaʼ, ŋ́gɛ pek a mesoó pá, e ezwhí ndɔk ŋkák kɛ?

Lúkási 18:21

Ŋkém mɛ́t á pwɛt ŋ́gɛ: «Meŋ gɛ ŋkúʼtɛ mbé muɔ mɛ́t, tɛ ndáʼ efhó á aluú‑esī zá. »

Lomɛŋ 10:5

Mɔɔ́sɛ a le tíī, ánɛ ŋiŋ á legē egɔ́ á ŋiŋ ndeŋ ndeŋ, éfhó ánɛ yí á lekūʼte lepé, ŋ́gɛ: «Ŋiŋ yīi a kuʼteé lepé, a a láʼ elɔk lepé mɛ́t tɛ́ egɔ́ éwú. »

Lomɛŋ 7:10

Tɛ ŋgɔ́ yīi meŋ gɔ elé ŋ́gɛ, meŋ ndē ŋkwhʉ́. Lepé tsīi, Ndém a le gē eyá, ńdɔkɔ efāʼa á leghʉ, meŋ gɔ́ éwú, é le pīŋ ncʉ́ʼɛ ntshónɛ á gá, ńnéŋɛ áa ánɛ lewhʉ̄.

Lomɛŋ 7:11

Páʼ lepé é le ghʉ̄ʉ̄, meŋ zhɛ́ ajū mīi mefa é aziɛ́ lā, mefa mɛ́t, é le pīŋ mbɔpte á gá, ńtshóne á gá ŋgyá á mbū lewhʉ̄.

Lomɛŋ 7:4

Á zeéŋ ŋgɔ́ ndeŋ ndeŋ épúp, á mbū pɛ me epɔ̄ memía pá. Lepé é té zɛ́t esáʼa á wɛ́ ɛ́, melaʼ mīi, Yɛɛ́so a le kwhʉ́ ánɛ mbaŋne paŋné páʼā, pɛ pīi pɛ lɛtneē ánɛ yí, é lɔkɔ ŋkwhʉ́tɛ ánɛ lepé. Á tsetsɔŋɔ, ŋiŋ ndɛʼɛ mé cʉ́ʼɛ mbɔ́ŋɔ á wɛ́, á ŋiŋ yīi, Ndém a le ghʉ̄ʉ̄, á zím ánɛ lewhʉ̄, ńdɔkɔ efāʼa ŋ́gɛ, ḿpɛ ezém ntá zīi, é pɔŋ á Ndém.

Lomɛŋ 7:6

Á piīŋ ŋgɔ́ tsetsɔŋɔ, mbɔ Ndém a lē ŋghʉ, ḿpɛ kwhʉ́ ánɛ ajū mīi, á lɛ́ ndɔkɔ á yímpɛ ŋghʉ̄ɛ epuʼ. Lepé é té zɛ́t ŋkúʼte á yímpɛ ɛ́, tɛ ŋgɔ́ yīi, ḿpɛ gɔ eghʉ̄ʉ afaʼ á mbū Ndém, ánɛ ntií eswhī, Azwakne Ndém mé nɔŋ esáʼa á yímpɛ. Ḿpɛ é le zéŋ ŋghʉ̄ afaʼ, ánɛ ntií zīi, lepé Mɔɔ́sɛ é lɛɛ́ ntshónɛ á yímpɛ, ḿpɛ ghʉ̄ɛ ɛ́.

Lomɛŋ 7:8

Páʼ lepé é le ghʉ̄ʉ̄, meŋ ezhɛ́ ajū mīi, mefa é aziɛ́ lā, mefa mɛ́t é le pīŋ ŋghʉ, meŋ ewɛ á kegʉɔʼ ntií ntiī. Lepé é gɔ́ te éwú ú, mɛ́ le mefa zhɛ́.

Lomɛŋ 8:7

Epuɔ pīi pɔ́ ziīŋ páʼ, mbe nnɛ̄t zɔp mé si ntshónɛ á wɔ́p, pɔ́ é si ŋgɔ́ megaŋ mbo Ndém. Pɔ́ té lepé Ndém kúʼte, ńzi ŋgɔ́ yīi, pɔ́ gɔ le éwú kuʼ.

Galat 2:19

Ŋ́gɔ́ mé meŋ, mbɔ á gɔ́ azō tɛ ncʉ̄te lepé, mɛ́ zhɛ́ á légɛ meŋ ndē ndáʼ ŋkwhʉ́, lepé é lē ndáʼ ŋghʉ̄ meŋ kwhʉ́. Meŋ ghʉ̄ɛ épúp, ńdɔkɔ efāʼa á gá á lenāŋ á ŋgɔŋ, ŋ́ghʉ̄ mefaʼ Ndém. Mɛ́ le gē ekwɛte á Klísto ánɛ mbaŋne paŋné páʼā, ḿbú ŋkwɛ̄te á gá azá.

Galat 3:10

Ndém a a láʼ enéŋ ndɔ á athū epuɔ metsem pīi, pɔ́ kuʼteé lepé, éfāʼa á legɔ̄ ndeŋ ndeŋ á mvhɔ yí. Ndém a le lé á ntē aŋwaʼne yí ŋ́gɛ, yí e láʼ enéŋ ndɔ á athū ŋiŋ ntsem yīi, a te kuʼté mbé ntsem, efʉʼ metsem ɛ́. Á ŋiŋ ntsem yīi, a te si nzīŋɛ ánɛ mbé ntsem mīi, mɛ́ le tí á ntē aŋwaʼne mbé ɛ́.