Lomɛŋ 7:8 - Eka Eswhī

⁸ Páʼ lepé é le ghʉ̄ʉ̄, meŋ ezhɛ́ ajū mīi, mefa é aziɛ́ lā, mefa mɛ́t é le pīŋ ŋghʉ, meŋ ewɛ á kegʉɔʼ ntií ntiī. Lepé é gɔ́ te éwú ú, mɛ́ le mefa zhɛ́.

Lomɛŋ 7:8 Iomraidhean Croise

Málkúsi 7:22

Á lewɛ á mɛgap, á lecʉ̄ʼ á ŋgaŋ atsɔʼɔ́ ntɔ̄ŋ, á lecʉ̄ʼɛ nzáa esɔ̄, á lecʉ̄ʼɛ mbɔ̄pɔ epuɔ pɔpe, á legɔ̄ kékwáʼ, á lecʉ̄ʼ á ŋgaŋ sɛ́h ntē, á lecʉ̄ʼɛ esɛ́ʼɛ epuɔ sɛʼé, á lecʉ̄ʼɛ ŋŋáʼne ŋaʼné, á lecʉ̄ʼɛ ŋghʉ̄ɛ páʼ ŋiŋ te athū lā.

Jáaŋ 15:22

Meŋ nde wíʼe, meŋ te shʉ̄ʼ á ŋgɔŋ, éshúŋne á mbū pɔ́p ɔ́, mbɔ mefa é té á athū pɔ́p ɔ́. Á piīŋ ŋgɔ́ tsetsɔŋɔ, ŋ́gɔ́ éyi, pɔ́ gɔ le lé ŋ́gɛ, pɔ́ lɛ te nɔ̄ŋ nzhɛ́ɛ á légɛ, pɔ́ é si efāa á.

Jáaŋ 15:24

Meŋ nde wíʼe, meŋ te ghʉ̄ mefaʼ mīi, ŋiŋ a zi la eghʉ̄ á tsetsɛlɛ pɔ́p ɔ́, mbɔ mefa é té á athū pɔ́p ɔ́. Tsetsɔŋɔ, tɛ mbɔɔ páʼ pɔ́ ke pīŋ njʉ́ɔ mefaʼ mɛ́t lā, pɔ́ é si mbiŋɛ mbāa á gá, ńzéŋɛ mbāa á Mɔʼɔ́ ga.

Lomɛŋ 3:20

É melaʼ épúp tɛ́, Ndém a te e láʼ efhó ánɛ páʼ, ŋiŋ a ghʉʉ̄ páʼ lepé ntsem é si nzɛ́ttɛ, tɛ́ etɔ́ŋ á ŋgaŋ lɛ, ŋiŋ ndeŋ ndeŋ ɛ́. Lepé é tswiteé áa lelɔk nzhɛ́ ajū mīi, mɛ́ é fa.

Lomɛŋ 4:15

Ŋiŋ a te zīŋ páʼ lepé Mɔɔ́sɛ é si nzɛ́ttɛ ɛ́ páʼā, Ndém á záŋ á lɔ́ŋ. Lepé é piīŋ te á esī í páʼā, ŋ́gɔ́ yīi mɛ́ gɔ le lé ŋ́gɛ, ŋiŋ a á fa lepé ɛ́.

Lomɛŋ 5:20

Ndém a le pīŋ ŋgyá lepé tsí, ńdɔkɔ efāʼa ŋ́gɛ, epuɔ menɔŋ e ecuŋte njʉ́ɔ páʼ, pɔ́ é megaŋ mefa é épúp. Táʼ, afʉʼ zīi mefa é zá, apɔŋɔ́ ntē te ndhʉ Ndém á zá ntɔ́k.

Lomɛŋ 7:11

Páʼ lepé é le ghʉ̄ʉ̄, meŋ zhɛ́ ajū mīi mefa é aziɛ́ lā, mefa mɛ́t, é le pīŋ mbɔpte á gá, ńtshóne á gá ŋgyá á mbū lewhʉ̄.

Lomɛŋ 7:13

Á páʼā ndɔkɔ ŋ́gɛ, ajū mīi á mbɔŋ, á lē ntó á lewhʉ̄ ga lɛ́? Ŋgáŋ, á té épúp ɔ́. A gɔ́ áa lɛ, mefa é le lʉɔnē á nzem ajū mīi, á mbɔŋ, ńtshóne á gá ŋgyá á mbū lewhʉ̄. Púp, lepé é lɔkɔ ŋghʉ̄ɛ, mɛ́ zhɛ́ɛ á légɛ, mefa é si ŋgɔ́ á mɛntséŋ anu.

Lomɛŋ 7:17

Á gɔ́ épúp páʼā, meŋ mé té ŋkɔŋɔ ŋghʉ̄ɛ ɛ́. Mefa mīi é lē njhʉ́ á gá, mé tshónɛ á gá á leghʉ épúp.

Lomɛŋ 7:9

Á lɛ afʉʼ zīi meŋ nde zɛ́t te zhɛ́ lepé, meŋ nɔ̄ɔŋ nnáŋa té alɔ́ʼ. Meŋ nde pīŋ nzhɛ́ lepé, ńcʉ́ʼɛ ŋkhʉ́nɛ áa leghʉ mefa.

1 Kɔlɛŋte 15:56

Eseŋ zīi lewhʉ̄ a lɔkɔ nzwhítɛ epuɔ, e é si ŋgɔ́ mefa. Ajū mīi mefa é lɔkɔ ntʉ̄ɛ̄, é gɔ́ lepé Ndém.