Lomɛŋ 7:7 - Eka Eswhī

⁷ Á páʼā, ńdɔkɔ ndʉ́ɛ́ ŋ́gɛ akɔ̄? Ńdɔkɔ ndʉ́ɛ́ ŋ́gɛ, lepé pɔ́ mefa é taʼ azō lɛ́? Ŋgáŋ, á té épúp ɔ́. Lepé mé le ghʉ̄ʉ̄, meŋ ezhɛ́ ajū mīi, mefa é si ŋgɔ́ aziɛ́. Púp, meŋ nde gɔ́ meŋ ńde zhɛ́ á légɛ, kegʉɔʼ a te pɔ̄ɔŋ, té gɔ́ yīi, lepé é lé ŋ́gɛ: «Te wɛ á kegʉɔʼ ɔ́. »

Lomɛŋ 7:7 Iomraidhean Croise

Matío 5:28

Meŋ á ké mbiŋ ndé á mbū pɛ ŋ́gɛ, ŋiŋ a cʉʉ á nzwí ŋiŋ tɛ esé, á zhɛ́ á légɛ, a á ndáʼ ŋghʉ̄ agā á ntē yí, pɔ́ menzwí mɛ́t.

Lúkási 12:15

Ḿbiŋ ndé á mbū epuɔ metsem ŋ́gɛ: «Ndɛ́ʼ pɛ etshí ntē wɛ́, áa ánɛ ntií ntiī memɛnzhɛ á lelɔk efāʼ lewūʼ. Ŋiŋ yí méŋwɛ̄t a te nnɛ̄t zi pɔ́ŋ, tɛ a zi mbú mbɔ́ŋ áa lewūʼ á ndo esī atsetsáʼ. »

Lúkási 20:16

A a shʉʼ egʉɔ egɔte epuɔ puɔ mɛ́t, ézwhíte á wɔ́p, étswí ŋkāʼ yí, étsékne á mbū epuɔ mendɛʼɛ. » Alāʼ á júʼ épúp tɛ ndé ŋ́gɛ: «Ndɛ́ʼ ntií anu páʼa, é zi ndáʼ ŋghʉ̄. »

Mefaʼ Meziŋ-ntō 20:33

Pɛ é si nzhɛ́ɛ páʼ meŋ kɛ épúp á tsetsɛlɛ pɛ, meŋ kɛ te kegʉɔʼ ánɛ ŋkāp ŋiŋ wɛ̄ɛ, meŋ te kegʉɔʼ ánɛ gɔ́ɔl ŋiŋ wɛ̄ɛ, ḿbiŋ te wɛ̄ɛ ánɛ nzhó ŋiŋ ɛ́.

Lomɛŋ 13:9

Á páʼa, mbé Ndém mīi é leé ŋ́gɛ: «Ndɛ́ʼ ŋiŋ á láʼ aleʼé ŋghʉ̄ agā. Ndɛ́ʼ ŋiŋ á zwhí á ŋiŋ. Ndɛ́ʼ ŋiŋ á jʉ. Ndɛ́ʼ ŋiŋ á tshí ntē ánɛ ajūɔ ŋiŋ». Mɛ́ pú ŋkwɛ́t methū mbé muɔ mɛ́t, mbɔɔ emɔ̄ʼ, ńdé ŋ́gɛ: «Ŋiŋ a ekɔ̄ŋ á ŋiŋ ntsem, páʼ athū nnɛ̄t zí méŋwɛ̄t. »

Lomɛŋ 3:20

É melaʼ épúp tɛ́, Ndém a te e láʼ efhó ánɛ páʼ, ŋiŋ a ghʉʉ̄ páʼ lepé ntsem é si nzɛ́ttɛ, tɛ́ etɔ́ŋ á ŋgaŋ lɛ, ŋiŋ ndeŋ ndeŋ ɛ́. Lepé é tswiteé áa lelɔk nzhɛ́ ajū mīi, mɛ́ é fa.

Lomɛŋ 3:5

A piŋɛ ŋgɔ́ yīi, yímpɛ á legɔ̄ le gɔ́ ndeŋ ndeŋ ɛ́, a ghʉʉ̄ mɛ́ zhɛ́ á légɛ, Ndém a á ŋiŋ ndeŋ ndeŋ, ḿpɛ ké nzéŋ ndé ŋ́gɛ akɔ̄? Á épúp páʼā, ŋ́gɔ́ yīi, ŋiŋ a gɔ elé ŋ́gɛ, Ndém a gē ezáŋ á lɔ́ŋ, étswá á yímpɛ ŋgʉɔ athʉ́ páʼā, ńdɔkɔ te ŋghʉ̄ɛ anu ndeŋ ndeŋ ɛ́. Meŋ shúŋnɛ páʼ epuɔ ŋgɔŋ puɔ lā.

Lomɛŋ 4:1

Tsetsɔŋɔ meŋ gɔ á eshúŋ anu ánɛ Ablaham maŋgānjʉʼ epuɔ Yúda. A le lɔ̄k mete mí méŋwɛ̄t ŋgwɛ̄ akɔ̄?

Lomɛŋ 4:15

Ŋiŋ a te zīŋ páʼ lepé Mɔɔ́sɛ é si nzɛ́ttɛ ɛ́ páʼā, Ndém á záŋ á lɔ́ŋ. Lepé é piīŋ te á esī í páʼā, ŋ́gɔ́ yīi mɛ́ gɔ le lé ŋ́gɛ, ŋiŋ a á fa lepé ɛ́.

Lomɛŋ 5:20

Ndém a le pīŋ ŋgyá lepé tsí, ńdɔkɔ efāʼa ŋ́gɛ, epuɔ menɔŋ e ecuŋte njʉ́ɔ páʼ, pɔ́ é megaŋ mefa é épúp. Táʼ, afʉʼ zīi mefa é zá, apɔŋɔ́ ntē te ndhʉ Ndém á zá ntɔ́k.

Lomɛŋ 6:15

Tɛ á páʼa ndɔkɔ ndʉ́ɛ́ ŋ́gɛ akɔ̄? Ŋ́gɛ ḿpɛ eghʉ̄ mefa, melaʼ mīi ḿpɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́ lɛ́? Melaʼ mīi ḿpɛ é si nzīŋɛ ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pímpɛ lɛ́? Ŋgáŋ, á té épúp ɔ́.

Lomɛŋ 7:11

Páʼ lepé é le ghʉ̄ʉ̄, meŋ zhɛ́ ajū mīi mefa é aziɛ́ lā, mefa mɛ́t, é le pīŋ mbɔpte á gá, ńtshóne á gá ŋgyá á mbū lewhʉ̄.

Lomɛŋ 7:13

Á páʼā ndɔkɔ ŋ́gɛ, ajū mīi á mbɔŋ, á lē ntó á lewhʉ̄ ga lɛ́? Ŋgáŋ, á té épúp ɔ́. A gɔ́ áa lɛ, mefa é le lʉɔnē á nzem ajū mīi, á mbɔŋ, ńtshóne á gá ŋgyá á mbū lewhʉ̄. Púp, lepé é lɔkɔ ŋghʉ̄ɛ, mɛ́ zhɛ́ɛ á légɛ, mefa é si ŋgɔ́ á mɛntséŋ anu.

Lomɛŋ 7:5

Ḿpɛ le zɛ́t nziŋɛ páʼ, mbe nnɛ̄t zímpɛ e é si ntshónɛ á yímpɛ ŋ́gɛ, ḿpɛ ezīŋ épúp, lepé é nɔŋ ntshónɛ á yímpɛ, á leghʉ mefa, páʼ ḿpɛ é si ŋkɔ̄ŋɔ páʼā, ejʉɔ ntií lenāŋ mɛ́t, é tshóne á yímpɛ nnéŋ áa ánɛ lewhʉ̄.

Lomɛŋ 7:8

Páʼ lepé é le ghʉ̄ʉ̄, meŋ ezhɛ́ ajū mīi, mefa é aziɛ́ lā, mefa mɛ́t é le pīŋ ŋghʉ, meŋ ewɛ á kegʉɔʼ ntií ntiī. Lepé é gɔ́ te éwú ú, mɛ́ le mefa zhɛ́.

1 Kɔlɛŋte 15:56

Eseŋ zīi lewhʉ̄ a lɔkɔ nzwhítɛ epuɔ, e é si ŋgɔ́ mefa. Ajū mīi mefa é lɔkɔ ntʉ̄ɛ̄, é gɔ́ lepé Ndém.

Efɛze 5:3

Pɛ é si ŋgɔ́ epuɔ Ndém, púp á ka pɔ̄ŋ ŋ́gɛ, agā, mbɔɔ eziɛ́ ntií anu epe lɛ́, mbɔɔ atsɔʼɔ́‑ntɔ̄ŋ, a ezi mbú ŋgɔ́ á nnɔ pɛ ɛ́.

Kɔlɔs 3:5

Pɛ eké mbú ḿbík ajū mīi, á zɛɛ́t ndɛt á wɛ́ á esī atsetsáʼ. Mɛ́ lʉ́ɛ́ agā, ńdʉ́ɛ́ á wɛ́ lewɛ á mɛgap, ńdʉ́ɛ́ á leshʉɔ wɔnzwí, ńdʉ́ɛ́ á lewɛ akwaŋte, á leghʉ anu tepɔŋ. Ndɛ́ʼ pɛ egɔ́ megaŋ atsɔʼɔ́‑ntɔ̄ŋ, melaʼ mīi, ŋiŋ a á ŋgaŋ atsɔʼɔ́ ntɔ̄ŋ páʼā, ńdáʼ ŋgē ezoko, ŋ́gūʼte ajū mīi a tshií ntē yí éwú, ńdɔk ŋghʉ̄ á Ndém.

1 Tesalonik 4:5

Pɛ é le cʉ́ʼ, ntē wɛ́ é khʉ́ne ánɛ anu wɔnzwí, páʼ emɔ̄ʼ epuɔ, éwɔ te véŋ‑kwaʼ Ndém, é ghʉʉ̄ épúp ɔ́.

Eble 7:19

Lepé Mɔɔ́sɛ é lɛ te tswíte epuɔ menɔŋ, á legɔ̄ té alɔ́ʼ á mvhɔ Ndém ɛ́. Tsetsɔŋɔ, Ndém a le ké ŋgyá á yímpɛ amɔ̄ʼ azō, á tɔ́k lepé mɛ́t. Azō mɛ́t, á si ŋgyáa á yímpɛ á mɛnzhɛ á letshī á mvhɔ yí. Ḿpɛ enéŋ á ntē pímpɛ á légɛ, ḿpɛ é ndáʼ ŋgwɛ̄ aziɛ́ azō.