Lomɛŋ 7:5 - Eka Eswhī

⁵ Ḿpɛ le zɛ́t nziŋɛ páʼ, mbe nnɛ̄t zímpɛ e é si ntshónɛ á yímpɛ ŋ́gɛ, ḿpɛ ezīŋ épúp, lepé é nɔŋ ntshónɛ á yímpɛ, á leghʉ mefa, páʼ ḿpɛ é si ŋkɔ̄ŋɔ páʼā, ejʉɔ ntií lenāŋ mɛ́t, é tshóne á yímpɛ nnéŋ áa ánɛ lewhʉ̄.

Lomɛŋ 7:5 Iomraidhean Croise

Matío 15:19

Akwaŋte tepɔŋ mé fhoó á ntē ŋiŋ, ńtshóne á yí, á lezwhīte epuɔ, á lecʉ̄ʼ á ŋgaŋ agā, á lewɛ á mɛgap, á lejʉ, á leyhī mela, á lezɔ epuɔ.

Jáaŋ 3:6

Ŋiŋ yīi, ŋiŋnɔŋ mé zhí á yí, á gɔ̄ áa ŋiŋnɔŋ. Ŋiŋ yīi mɛ́ é zhí á yí, mé Azwakne Ndém, a wɛɛ̄ Azwkane Ndém.

Lomɛŋ 1:26

Melaʼ épúp tɛ́, Ndém a le tshī á wɔ́p nnéŋ, pɔ́ ghʉ menu esē mīi, mbe nnɛ̄t zɔp e tshónɛ á wɔ́p ŋ́gɛ pɔ́ eghʉ̄. Wɔnzwí é tshi melō pɔ́p nnéŋ, ńcʉ́ʼɛ nnɔ̄ŋɔ áa pɔ́ a emɔ̄ʼ wɔnzwí.

Lomɛŋ 3:20

É melaʼ épúp tɛ́, Ndém a te e láʼ efhó ánɛ páʼ, ŋiŋ a ghʉʉ̄ páʼ lepé ntsem é si nzɛ́ttɛ, tɛ́ etɔ́ŋ á ŋgaŋ lɛ, ŋiŋ ndeŋ ndeŋ ɛ́. Lepé é tswiteé áa lelɔk nzhɛ́ ajū mīi, mɛ́ é fa.

Lomɛŋ 4:15

Ŋiŋ a te zīŋ páʼ lepé Mɔɔ́sɛ é si nzɛ́ttɛ ɛ́ páʼā, Ndém á záŋ á lɔ́ŋ. Lepé é piīŋ te á esī í páʼā, ŋ́gɔ́ yīi mɛ́ gɔ le lé ŋ́gɛ, ŋiŋ a á fa lepé ɛ́.

Lomɛŋ 5:20

Ndém a le pīŋ ŋgyá lepé tsí, ńdɔkɔ efāʼa ŋ́gɛ, epuɔ menɔŋ e ecuŋte njʉ́ɔ páʼ, pɔ́ é megaŋ mefa é épúp. Táʼ, afʉʼ zīi mefa é zá, apɔŋɔ́ ntē te ndhʉ Ndém á zá ntɔ́k.

Lomɛŋ 6:13

Ndɛ́ʼ pɛ ezéŋ ndɔ̄k ejʉʼ nnɛ̄t tsɛ́ ŋghʉ̄ mefa, tɛ á gɔ́ páʼ, ejʉʼ nnɛ̄t tsɛ́, é si ŋgɔ́ á tsitsi á lelɔk ŋghʉ̄ anu tepɔŋ lā. A cʉ́ʼɛ épúp, pɛ elɔ̄ɔk ŋghʉ̄ mefaʼ ndeŋ ndeŋ, páʼ epuɔ pīi é nte, mbɔ Ndém a lē ŋghʉ, pɔ́ zím ánɛ lewhʉ̄ lā. Pɛ elɔ̄k mbe nnɛ̄t ntsem, ŋ́ghʉ̄ afaʼ Ndém.

Lomɛŋ 6:19

Tsetsɔŋɔ, meŋ a shúŋne á mbū pɛ, ánɛ ntií leshūŋne epuɔ ŋgɔŋ puɔ, melaʼ mīi pɛ é epuɔ, ŋ́ká á lejūʼ anu. Á lɛ amɔ̄ʼ afʉʼ, pɛ pú ndɔ̄k mbe nnɛ̄t zɛ ntsem, ńcʉ́ʼ meŋkwa, á leghʉ menu epe, mbɔɔ menu tepɔŋ ntií ntiī, é tshóne á wɛ́ á lete athū á mbū Ndém. Tsetsɔŋɔ, pɛ eké ndɔ̄k mbe nnɛ̄t mɛ́t ntsem, ńcʉ́ʼ meŋkwa, á leghʉ afaʼ ndeŋ ndeŋ. Afaʼ ndeŋ ndeŋ á tshoneé á ŋiŋ á legɔ̄ ŋiŋ Ndém.

Lomɛŋ 6:21

A lɛ afʉʼ mɛ́t, pɛ ghʉ̄ʉ menu mīi, esē é ayáʼa ŋkúu á wɛ́ melaʼ épúp. Pɛ le ghʉ̄ épúp páʼā, tɛ njhʉ́ á apɛ akɔ̄? Menu muɔ mɛ́t, é tshoneé á ŋiŋ, ŋ́gyá áa mbū lewhʉ̄.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

Lomɛŋ 7:23

Táʼ, meŋ á si mbiŋɛ njúʼɔ, amɔ̄ʼ azō á gɔ́ á ntē meŋ, ńnɔŋ ndʉɔ́ʼɔ ajū mīi, emɔ̄ʼ ntē gá é si mvéŋɛ ŋ́gɛ, meŋ eghʉ̄. Azō mɛ́t, á si ŋghʉ̄ɛ, meŋ cʉ́ʼɛ apuʼ mefa, páʼ é lē mbú njhʉ́ á gá lā.

1 Kɔlɛŋte 15:56

Eseŋ zīi lewhʉ̄ a lɔkɔ nzwhítɛ epuɔ, e é si ŋgɔ́ mefa. Ajū mīi mefa é lɔkɔ ntʉ̄ɛ̄, é gɔ́ lepé Ndém.

2 Kɔlɛŋte 10:3

Á anuúnē, pek é si ŋgɔ́ epuɔ menɔŋ. Táʼ, ŋ́ké nnɔ̄ŋ te ndʉɔ́ʼɔ ncu páʼ, epuɔ ŋgɔŋ puɔ é lʉɔ́ʼɔ épúp ɔ́.

Galat 3:10

Ndém a a láʼ enéŋ ndɔ á athū epuɔ metsem pīi, pɔ́ kuʼteé lepé, éfāʼa á legɔ̄ ndeŋ ndeŋ á mvhɔ yí. Ndém a le lé á ntē aŋwaʼne yí ŋ́gɛ, yí e láʼ enéŋ ndɔ á athū ŋiŋ ntsem yīi, a te kuʼté mbé ntsem, efʉʼ metsem ɛ́. Á ŋiŋ ntsem yīi, a te si nzīŋɛ ánɛ mbé ntsem mīi, mɛ́ le tí á ntē aŋwaʼne mbé ɛ́.

Galat 5:24

Epuɔ pīi, pɔ́ lɛtneē ánɛ Klísto, pɔ́ lē mbú ŋgwáʼ ajūɔ tsem zīi, mbe nnɛ̄t e gɔ etshóne á wɔ́p á leghʉ. Menu mīi mbe nnɛ̄t e gɔ etshóne á wɔ́p á letshī ntē éwú, mbɔɔ a leghʉ, pɔ́ lē mbú ntó éwú.

Efɛze 2:11

Epuɔ Yúda é wɛɛ̄ ayiŋne zīi, á tswii légɛ, mɛ́ lē ntém á wɔ́p á mbe nnɛ̄t pɔ́p. Pɔ́ kɔɔ̄ŋ ŋ́gɛ, mɛ́ etɔ́ŋ á wɔ́p lɛ «epuɔ pīi, mɛ́ lē ntém á wɔ́p. » Pɛ pīi mɛ́ lɛ te gē ezhí á wɛ́, pɛ gɔ́ epuɔ Yúda á, pɛ te wɛ̄ ayiŋne mɛ́t, á mbe nnɛ̄t pɛ ɛ́. Pɔ́ tɔɔ́ŋ á wɛ́ lɛ «epuɔ pīi, mɛ́ la á wɔ́p tém ɛ́. » Pɛ ekímte ajū mīi, pɛ lɛ aziɛ́ á amɔ̄ʼ afʉʼ.

Efɛze 2:3

Ḿpɛ metsem é le zéŋ ŋgɔ́ azímpɛ páʼ pɔ́p lā, ńnɔŋ nnáŋa páʼ mbe nnɛ̄t zímpɛ, é si ntshónɛ á yímpɛ ŋ́gɛ, ḿpɛ enáŋ épúp. Ḿpɛ le nɔ̄ŋ ŋghʉɛ páʼ mbe nnɛ̄t zímpɛ e é si ŋkɔ̄ŋɔ, ńnɔŋ nzīŋɛ páʼ á kɔ́ʼ á athū pímpɛ épúp. Ndém a lɛ eláʼ ezáŋ á lɔ́ŋ á mbū pímpɛ, páʼ a záŋa á mbū awɔ́ ŋiŋ lɛ́ yīi, a teē athū á mbū yí.

Kɔlɔs 3:5

Pɛ eké mbú ḿbík ajū mīi, á zɛɛ́t ndɛt á wɛ́ á esī atsetsáʼ. Mɛ́ lʉ́ɛ́ agā, ńdʉ́ɛ́ á wɛ́ lewɛ á mɛgap, ńdʉ́ɛ́ á leshʉɔ wɔnzwí, ńdʉ́ɛ́ á lewɛ akwaŋte, á leghʉ anu tepɔŋ. Ndɛ́ʼ pɛ egɔ́ megaŋ atsɔʼɔ́‑ntɔ̄ŋ, melaʼ mīi, ŋiŋ a á ŋgaŋ atsɔʼɔ́ ntɔ̄ŋ páʼā, ńdáʼ ŋgē ezoko, ŋ́gūʼte ajū mīi a tshií ntē yí éwú, ńdɔk ŋghʉ̄ á Ndém.

Tíit 3:3

Á lɛ amɔ̄ʼ afʉʼ, ḿpɛ gɔ́ wɔ ghʉ‑anu té sáŋ, ŋ́gɔ́ wɔ tʉɛ‑athū á mbū Ndém, ńnɔŋ efā nzhɛ. Mbɔ ntií ntiī ekwaŋte, mbɔɔ leziŋ páʼ mbé nnɛ̄t e é si ndʉ́ɛ́, e lē mbú njhʉ́ á yímpɛ. Ḿpɛ nɔŋ nzáa esɔ̄, ńnɔŋ esʉ́ɛ́ etsō epuɔ. Ńnɔŋ ŋghʉ̄ɛ mɛ́ paa á yímpɛ, ńnɔŋ mbānɛ mennɛ̄t mímpɛ.

Jáak 1:15

Mekwaŋte mɛ́t, é zīi nnáŋ á ntē ŋiŋ, ńzí, ńcʉ́ʼ mefa. Mefa é kó ŋgáʼ, ŋ́ghʉ̄, ŋgaŋ á kwhʉ́.

Jáak 4:1

Mentsaŋ pɔ́ mekwɛt, é fhɔ́ɔ egɔ́ á tsetsɛlɛ pɛ ɛ̄? É té efhɔ́ɔ ánɛ mekwaŋte tepɔŋ mīi, é ntē pɛ ntshónɛ á wɛ́ efʉʼ metsem, á lewɛ tsitsi ŋgɔŋ wuɔ ɔ́ lɛ̄?

1 Jáaŋ 3:4

Ŋiŋ ntsem yīi a ghʉʉ̄ mefa, a á páʼā, ńdɔkɔ ntʉ̄ɛ̄ athū á mbū Ndém, melaʼ mīi mefa é páʼā, ŋ́gɔ́ á lete athū á mbū Ndém.