Lomɛŋ 7:4 - Eka Eswhī

⁴ Á zeéŋ ŋgɔ́ ndeŋ ndeŋ épúp, á mbū pɛ me epɔ̄ memía pá. Lepé é té zɛ́t esáʼa á wɛ́ ɛ́, melaʼ mīi, Yɛɛ́so a le kwhʉ́ ánɛ mbaŋne paŋné páʼā, pɛ pīi pɛ lɛtneē ánɛ yí, é lɔkɔ ŋkwhʉ́tɛ ánɛ lepé. Á tsetsɔŋɔ, ŋiŋ ndɛʼɛ mé cʉ́ʼɛ mbɔ́ŋɔ á wɛ́, á ŋiŋ yīi, Ndém a le ghʉ̄ʉ̄, á zím ánɛ lewhʉ̄, ńdɔkɔ efāʼa ŋ́gɛ, ḿpɛ ezém ntá zīi, é pɔŋ á Ndém.

Lomɛŋ 7:4 Iomraidhean Croise

Matío 26:26

Yɛɛ́so pɔ́ a nnɔ yí é zɛ́t nzhɛ á mpfɛ́t etsō, á pɛ́ mblɛ, ésyákne á Ndém, ḿbwɔ́ʼte, ŋ́gē egapte á mbū pɔ́p, ńdé ŋ́gɛ: «Pɛ ekɔ mpfɛ́t, ejʉɔ e é si ŋgɔ́ nnɛ̄t za. »

Málkúsi 4:20

Emɔ̄ʼ epuɔ é kó ŋgɔ́ páʼ ajʉʼ atsáʼ mbɔŋ zīi, ashuŋne Ndém á whʉ éwú. Epuɔ mɛ́t é juúʼ ashuŋne Ndém, ŋ́kúʼte, ŋ́gɔ́ páʼ taʼ mvem ecū mīi, a zémɛ mvem megēm tɛ́t, mmɔʼ é kó nnɔ̄ŋ nzémɛ mvem megēm ntokó, mmɔʼ é kó nnɔŋ nzémɛ mvem ŋkhʉ lā. »

Jáaŋ 15:8

Ajū mīi pɛ gɔ eghʉ̄ʉ, ńdɔk ntswī páʼ shʉ́shɔ́k Mɔʼɔ́ ga, a á épúp, á si ŋgɔ́ á wɛ́ á lezēm ntá mbɔŋ tɛ záne, púp, ńdɔk ŋgɔ́ megaŋ nnɔ pá.

Jáaŋ 3:29

Ŋiŋ yīi, menzwí a á si ŋgɔ́ eyi, yí mé tɛnzwí ŋge. Esoó tɛnzwí ŋge a tshií áa legʉ̄ŋ, ńjúʼ ŋghi tɛnzwí ŋge, ntē yí é gáŋte ŋkák. Á tsetsɔŋɔ páʼa, ntē gá é nɔŋ ŋgáŋtɛ ŋkáka épúp, ŋ́káka tɛ ntséknɛ.

Jáaŋ 6:51

Meŋ mé si ŋgɔ́ etsō lejhʉ̄ tsīi, é ghʉɛ mɛ́ gɔ́ɔ éwú. Mbɔ é le fhó á lephū tɛ́ esóʼo. Ŋiŋ a pfɛ́tɛ etsō lejhʉ̄ cʉɔ mɛ́t, mbɔ a a fú eta á lezēŋ Ndém. Ecʉɔ etsō lejhʉ̄ mɛ́t tsīi, meŋ a shʉʼ eyá, é si ŋgɔ́ mbap nnɛ̄t za. Éyá, tɛ́ a etsīa épúp, ŋgɔŋ epuɔ metsem e elɔk ŋgɔ́ éwú. »

Lomɛŋ 6:11

Ndeŋ ndeŋ épúp, pɛ ezhɛ́ á légɛ, pɛ le kwhʉ́ ánɛ mefa, ḿbiŋ efhó ánɛ páʼ, pɛ lɛtneē ánɛ Yɛɛ́so Klísto, ŋ́gɔ́ nte, pɛ a Ndém é gɔ́ nnɔ.

Lomɛŋ 6:14

Púp, mefa é le zéŋ mbɔ́ŋ mete ánɛ pɛ ɛ́, melaʼ mīi, pɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́, pɛ cʉ́ʼɛ nziŋɛ áa ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pɛ.

Lomɛŋ 6:2

Ŋgáŋ, á té épúp ɔ́. Páʼ ḿpɛ lē ŋkwhʉ́te ánɛ mefa lā, ḿpɛ gɔ́ eghʉ̄ʉ páʼ lā, ńzéŋ nnáŋ á ntē mefa ā?

Lomɛŋ 6:22

Á piīŋ ŋgɔ́ tsetsɔŋɔ, mbɔ Ndém a kʉʉ̄ŋ ŋkɛ́ʼɛ ŋkhʉ mefa, á ntɔ̄ŋ pɛ, pɛ cʉ́ʼ meŋkwa mí. Púp, pɛ ecʉ́ʼɛ ŋghʉ̄ɛ áa ajū mīi, á ghʉ, pɛ ecʉ́ʼ epuɔ Ndém, apɛ a piŋ ŋgɔ́ á wɛ́ á lefū ntā á lezēŋ Ndém.

Lomɛŋ 7:3

Ńdɔkɔ ŋ́gɛ, ndō menzwí á zɛ́tɛ á ŋgɔŋ, á pīŋ ŋgʉɔ ndá ŋgyā á mbū emɔ̄ʼ ŋiŋ mbaŋa, mbɔ mɛ́ e tɔ́ŋ á yí lɛ, ŋgaŋ agā. Táʼ, ndō yi a piŋɛ ŋkwhʉ́, mbɔ lepé é té zɛ́t ntswāŋ á yí ánɛ ndō yi, tɛ ŋgɔ́ yīi, a gʉɔ ndá ŋgyā á mbū mmɔʼ ŋiŋ mbaŋa, mɛ́ le tɔ́ŋ á yí lɛ ŋgaŋ agā á.

Lomɛŋ 7:6

Á piīŋ ŋgɔ́ tsetsɔŋɔ, mbɔ Ndém a lē ŋghʉ, ḿpɛ kwhʉ́ ánɛ ajū mīi, á lɛ́ ndɔkɔ á yímpɛ ŋghʉ̄ɛ epuʼ. Lepé é té zɛ́t ŋkúʼte á yímpɛ ɛ́, tɛ ŋgɔ́ yīi, ḿpɛ gɔ eghʉ̄ʉ afaʼ á mbū Ndém, ánɛ ntií eswhī, Azwakne Ndém mé nɔŋ esáʼa á yímpɛ. Ḿpɛ é le zéŋ ŋghʉ̄ afaʼ, ánɛ ntií zīi, lepé Mɔɔ́sɛ é lɛɛ́ ntshónɛ á yímpɛ, ḿpɛ ghʉ̄ɛ ɛ́.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

1 Kɔlɛŋte 10:16

Ḿpɛ puteé ŋgɔ̄ á mpfɛ́t etsō lejhʉ̄ Atsyapuɔ, afʉʼ zīi ḿpɛ kʉɛ ndɔ̄ŋ meluʼ nnúu, ńdɔkɔ ŋgūʼtɛ á Ndém lā, á té páʼā metshi Yɛɛ́so Klísto, é lɔkɔ ŋghʉ̄ɛ, ḿpɛ a pɔ́p é pútɛ ncʉ́ʼɛ á taʼ á lɛ̄? Afʉʼ zīi ḿpɛ pwɔ́ʼtɛ mblɛ mpfɛ́tɛ lā, á té páʼā ḿpɛ a Klísto é lɔkɔ ncʉ́ʼɛ á taʼ á lɛ̄?

2 Kɔlɛŋte 11:2

Meŋ kɔɔ̄ŋ á wɛ́, tɛ meŋ te véŋ ŋ́gɛ, ŋiŋ a shʉʼ nnéŋ á atāk á nnɔ pɛ ɛ́. Ezíɛ ntií ŋkɔŋne mɛ́t, e fhoó á mbū Ndém. Meŋ nde cuŋtē á légɛ, pɛ a taʼ ŋiŋ wɔ́mɔʼɔ́ páʼa, e eshʉʼ ndá ŋgyā, ŋgaŋ á gɔ́ á Klísto. Meŋ á si ŋké ntsáa ŋ́gɛ, pɛ egɔ́ té alɔ́ʼ, púp, meŋ eshʉʼ ŋgē etswi á wɛ́ á mbū yí, mbɔ pɛ la emɔ̄ʼ ŋiŋ ndɛʼɛ zhɛ́ ɛ́, páʼ mɛ́ gē etswi á mɔ́ ŋgɔ á mbū ndō yi, á gɔ́ épúp.

Galat 3:13

Páʼ lekūʼte mbé a le ghʉ̄ʉ̄, ḿpɛ é kʉɛ ndɔ lā, Klísto a le ké mbiŋ eshʉ̄ʼ ńtshí á ajʉʼ pímpɛ, Ndém á néŋ ndɔ á athū yí. A le ghʉ̄ épúp, tɛ́ ndɔk nzó á athū zímpɛ, tɛ ŋgɔ́ yīi, Ndém a gɔ le zéŋ nnéŋ ndɔ, á athū pímpɛ ɛ́. Éfhó ánɛ páʼ mɛ́ tií á ntē aŋwaʼne Ndém ŋ́gɛ: «Ŋiŋ yīi mɛ́ le kɔʼné á yí ŋkwɛ̄ ánɛ athʉ́, yí tɛ́ Ndém a le néŋ ndɔ á athū yí. »

Galat 5:18

Táʼ, pɛ ké mvéŋ ŋ́gɛ Azwakne Ndém á ezɛ́t ntswiʼnɛ ntsāŋa á wɛ́, mbɔ lepé é té zéŋ mbɔ́ŋte é lesāʼ á wɛ́ ɛ́.

Efɛze 2:15

A le gē eták akɛ mɛ́t, ḿbík lepé Mɔɔ́sɛ tsīi, é tswii ŋ́gɛ, mɛ́ eghʉ̄ á ajʉɔ, ká azi. A lɛɛ́ ŋghʉɛ épúp, ńdɔkɔ mbhīɛ apwɛne, éfāʼa ŋ́gɛ, epuɔ Yúda pɔ́ a epuɔ pīi, é té epuɔ Yúda á, e ezápa ánɛ yí, ńcʉ́ʼ á taʼ, ŋ́gɔ́ epuɔ meswhī.

Fílíip 1:11

Yɛɛ́so mɛ́t, a a shʉʼ eghʉʉ, ajūɔ tsem zīi, pɛ ghʉɛ, a egɔ́ áa mbɔŋ. Epuɔ menɔŋ e ejʉ́ɔ épúp, ŋ́ghʉ̄ mekuʼ Ndém, ńzéŋ ŋgūʼte á yí.

Fílíip 4:17

Meŋ ndʉ́ɛ́ páʼa, meŋ te ndɔ̄kɔ ŋ́gɛ, meŋ á si ntshíɛ ntē gá ánɛ ecū mīi, mɛ́ e yá mé meŋ ɛ́. Ajū mīi meŋ á si ntsáa, á gɔ́ áa lɛ, Ndém a elɛ nzápa ánɛ ecū mīi, pɛ gɔ eyá mé meŋ, ńnéŋ mbwɛ́né ánɛ pɛ.

Kɔlɔs 1:10

Púp, ńdɔk nnáŋ páʼ Atsyapuɔ a á si nzɛ́ttɛ. Ŋ́gɔ́ efʉʼ metsem, ŋ́ghʉ̄ ajū mīi, á pɔŋ á yí, e elɔk ŋgɔ́ ntá mbɔŋ zīi, pɛ zémɛ. Ńtswiʼne nzhɛ́ á Ndém, ńdɔk ŋgʉ̄ɔ mé mvhɔ.

Kɔlɔs 1:22

Pɛ eké njʉ́ɔ páʼ, á ké mbiŋ ŋgɔ́ tsetsɔŋɔ, mbɔ Ndém a ke ghʉ̄ʉ̄, pɛ a pɔ́p é pú ncʉ́ʼ á taʼ nchu. A ke fhó ánɛ páʼ, Méŋ yi a le sɛ̄t ncʉ́ʼ á ŋiŋnɔŋ, ŋ́khwʉ́, tɛ́ ŋghʉ̄ épúp. Ŋ́ghʉ̄ɛ épúp páʼā, ŋ́gɛ pɛ eláʼ ŋgē etshí á mvhɔ yí, ŋ́gɔ́ epuɔ pīi, é ziīŋ páʼ yí Ndém a á si ŋkɔ̄ŋɔ, ŋ́gɔ́ té alɔ́ʼ. Épuɔ pīi, mɛ́ té si ndāʼa á wɔ́p ɔ́.

Kɔlɔs 1:6

Ŋke mbɔŋ é le shʉ̄ʼ tɛ ŋkó á mbū pɛ, tɛ́ ŋghʉ̄, pɛ ezhɛ́. Ŋke mbɔŋ mɛ́t, é si esāŋa ŋgɔŋ ntsem, ńnɔŋ nzémɛ ntá. É si nzéŋɛ ŋghʉ̄ɛ épúp á tsetsɛlɛ pɛ, tɛ efhó mvhɔ legʉɔ zīi, pɛ le júʼ á leshūŋ menu mbɔŋ té ndhʉ mīi, Ndém a ghʉɛ, ńzéŋ njʉ́ɔ, ḿvéŋ á légɛ é si ŋgɔ́ anuúnē,

Kɔlɔs 2:14

Á páʼā ndɔkɔ ŋ́gɛ, aŋwaʼne zīi, mɛ́ le tí mefa mímpɛ éwú, ńdɔkɔ eswīŋɛ á yímpɛ, Ndém a lē mbík. A le lɔ̄k páʼ, mɛ́ le kwɛtē á Yɛɛ́so ánɛ mbaŋne paŋné, tɛ́ mbík aŋwaʼne mɛ́t,

Kɔlɔs 2:20

Páʼ pɛ a Klísto é le puté ŋkwhʉ́ lā, á lɛ páʼā, á lɔkɔ efhɔ́ɔ á mbū mete ŋgɔŋ muɔ, ŋ́kúu á wɛ́. Púp, ndɛ́ʼ pɛ ezéŋ nzīŋ ánɛ mɛ́t yīi, epuɔ menɔŋ mé le zapáā. Ndɛ́ʼ pɛ ezéŋ nnáŋ páʼ, mɛt epuɔ ŋgɔŋ puɔ a á si nzɛ́ttɛ. Mɛt mɛ́t, a á si ndʉ́ɛ́ ŋ́gɛ:

Eble 10:10

Yɛɛ́so Klísto a le ghʉ̄ ajū mīi, Ndém a le nɔ̄ŋ ŋkɔ̄ŋɔ. Ŋ́gyá á athū nnɛ̄t zí, á taʼ legʉɔ, á pú ŋkūʼ épúp, ńdɔk ŋghʉ̄, ḿpɛ é cʉ́ʼ epuɔ Ndém.

1 Piɛ 2:24

Klísto a le tswíʼ mefa mímpɛ mbīʼ á mbe nnɛ̄t yí, ńdɔk ŋkwhʉ́ ánɛ mbaŋne paŋné, tɛ́ ḿpɛ elɔ̄ɔk ŋkwhʉ́ ánɛ mefa mímpɛ, ḿbiŋ nzhɛ́ á leziŋ ndeŋ ndeŋ, páʼ Ndém a á si ŋkɔ̄ŋɔ. Pɛ le zapá ánɛ meféŋ mí tɛ́ ntē.

Menjʉɔ te lí 19:7

Ḿpɛ egáŋte ŋkák, ŋ́gyá mekuʼ á mbū Ndém melaʼ mīi, afʉʼ zīi Mɔ́ Njʉnjhʉ a gʉɔ mé ndaá ŋgyā, á kuʼ. Nzwí yi, a á ndáʼ ntswīŋ nnɛ̄t, tɛ nnɔ̄ŋ nzwíʼtɛ.

Menjʉɔ te lí 21:9

Mmɔʼ cɔʼ Ndém, á nnɔ mecɔʼ Ndém esambīa pīi, pɔ́ ŋgwɛ̄ mendɔ̄ŋ esambīa á mbū pɔ́p, mezoknzem ŋgʉɔ̄ʼ esambīa, é gɔ́ á ntē éwú tɛ ndó, á shʉʼ eshúŋne á mbū meŋ, ńdé ŋ́gɛ: «Shʉʼɛ̄, meŋ etswī á wú á nzwí ŋge, á nzwí Mɔ́ Njʉnjhʉ. »