Lomɛŋ 7:25 - Eka Eswhī

²⁵ Awuʼte a egɔ́ áa mbū Ndém, á yí yīi, a a láʼ etsia ánɛ Atsyapuɔ yímpɛ Yɛɛ́so Klísto, ékú á gá. Á páʼā, meŋ gɔ́ á ntē meŋ, ŋ́kúʼte lepé Ndém, ŋ́gɔ́ ánɛ emɔ̄ʼ ntē gá, ŋ́gɔ́ apuʼ mefa.

Lomɛŋ 7:25 Iomraidhean Croise

Matío 1:21

A a shʉʼ ezhí á mɔ́ mbaŋa, o etswhī lezēŋ tsí lɛ Yɛɛ́so. O etɔ́ŋ á yí épúp melaʼ mīi, yí mé shʉʼ efɛʼ ndɔ ánɛ athū alāʼ zí, melaʼ mefa mɔ́p. »

Lomɛŋ 6:14

Púp, mefa é le zéŋ mbɔ́ŋ mete ánɛ pɛ ɛ́, melaʼ mīi, pɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́, pɛ cʉ́ʼɛ nziŋɛ áa ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pɛ.

Lomɛŋ 6:17

Ḿpɛ eké ŋgūʼte á Ndém. Pɛ lɛ amɔ̄ʼ afʉʼ, ŋgɔ́ apuʼ mefa. Á piīŋ ŋgɔ́ tsetsɔŋɔ, anu zīi epuɔ é le ziʼnéē, pɛ júʼ mvéŋ, pɛ ekúʼte mé ntē wɛ́ ntsem.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

1 Kɔlɛŋte 15:57

Ḿpɛ esyákne á Ndém, páʼ a zapaá ánɛ Atsyapuɔ yímpɛ Yɛɛ́so Klísto, ŋ́ghʉ̄ ḿpɛ etsyāa á lewhʉ̄.

2 Kɔlɛŋte 9:15

Ḿpɛ esyákne á Ndém melaʼ ajūɔ mbɔŋ té ndhʉ zīi, a le yá mé pímpɛ.

Efɛze 5:20

Pɛ egɔ́ efʉʼ metsem, ńzápa ánɛ lezēŋ Atsyapuɔ yímpɛ Yɛɛ́so Klísto, ésyákne á Ndém Mɔʼɔ́, ánɛ ajūɔ tsem.

Fílíip 3:3

Ḿpɛ mé kwaʼ epuɔ pīi, mɛ́ lé tém á wɔ́p. Ḿpɛ mé si ŋgē ewuʼtɛ á Ndém, Azwakne zí mé tshónɛ á yímpɛ. Ḿpɛ é si ndɔ̄kɔ á Yɛɛ́so Klísto tɛ́ ŋkāʼtɛ. Ḿpɛ gɔ le lɔ̄k ajū mīi, epuɔ menɔŋ mé le zapáā, tɛ́ ŋkāʼtɛ ɛ́.

Fílíip 4:6

Ndɛ́ʼ pɛ epú ndā nnɛ̄t ánɛ amɔ̄ʼ azō, a cʉ́ʼɛ épúp, mbɔ pɛ tshíɛ ánɛ akɔ̄ anu lɛ́, pɛ elɔ̄ɔk aswiŋte, ńdɔ́ á Ndém ajū mīi á mbū pɛ ŋkíŋɛ, ŋ́gē elɔ́ épúp, ésyákne á yí, ḿbúʼ mbū ŋ́gɛ, a etswíte á wɛ́.

Kɔlɔs 3:17

Ajūɔ tsem zīi, pɛ gɔ eshúŋ, ká azi pɛ gɔ eghʉ̄ʉ, pɛ epú ŋghʉ̄ páʼ epuɔ pīi, pɔ́ lɛtneē ánɛ Atsyapuɔ Yɛɛ́so, é pɔŋteé á leghʉ épúp. Ńzápa ánɛ Atsyapuɔ mɛ́t, ésyákne á Mɔʼɔ́ yímpɛ Ndém.

1 Piɛ 2:5

Pɛ azɛ́, pɛ ecʉ́ʼ páʼ metɔ́ nte lā. Ńcʉ́ʼ, Ndém a elɔ̄k á wɛ́ ŋkwɛ́t ŋgyā zi. Ŋgyā mɛ́t, Azwakne Ndém mé naáŋ éwú. Pɛ egɔ́ á ŋgyā mɛ́t, ŋ́gɔ́ nnɔ wɔ nɔŋ‑epɔʼ Ndém, Azwakne Ndém a etshóne á wɛ́, pɛ eyá etsō epɔʼ á mbū Ndém, étsō epɔʼ tsīi e pɔŋ á Ndém, a etswí melaʼ Yɛɛ́so Klísto.

1 Piɛ 2:9

Ŋ́gɔ́ mé pɛ, mbɔ pɛ é si ŋgɔ́ nzwɛt epuɔ pīi, Ndém a le kāŋŋ̄, ŋ́gɔ́ nnɔ wɔ nɔŋ‑epɔʼ Efɔ ŋgɔŋ, ŋ́gɔ́ á alāʼ zīi, á azi Ndém, ŋ́gɔ́ epuɔ pīi, pɔ́ é epuɔ Ndém. A le ghʉ̄ pɛ fhó á ntē nzém, ŋ́kó á ntē ajʉʼ zīi á fók lɛ púú. Ŋghʉ̄ɛ épúp páʼa ŋ́gɛ, pɛ esáʼ eshúŋ á mɛgém ajū mīi, a le ghʉ̄ʉ̄.