Lomɛŋ 7:24 - Eka Eswhī

²⁴ Yeé emɔ̄ʼ eshhʉ̄ tepɔŋ yīi, meŋ á ewiɛ́ lée. Awɔ́ a a láʼ ekú á gá, á mbū mbe nnɛ̄t jʉɔ zīi, e é efʉʼ metsem, ńtshóne á gá, ŋ́gyá áa mbū lewhʉ̄ ʉ̄?

Lomɛŋ 7:24 Iomraidhean Croise

Matío 5:4

Eshhʉ̄ mbɔŋ a á ŋiŋ yīi, a á te ŋak, a a shʉʼ enáŋ ánɛ atsáʼ zīi, Ndém a le laʼnēē.

Matío 5:6

Eshhʉ̄ mbɔŋ a á ŋiŋ yīi, nzi leghʉ páʼ Ndém a á si ŋkɔ̄ŋɔ, e zaáŋ á yí tɛʼ. Ndém a a shʉʼ etswíte á yí á leghʉ páʼ, a á si ntsáa épúp.

Lúkási 4:18

«Azwakne Atsyapuɔ Ndém ánɛ meŋ, melaʼ mīi a ke chʉ́ á gá, ńtó á gá ŋ́gɛ, meŋ egʉɔ ntswī ŋke mbɔŋ á mbū wɔ te kuʼ ánɛ azō. Ŋ́gɛ, meŋ egʉɔ esáʼ ŋ́gɛ, mɛ́ e shʉʼ ekɛ́ʼɛ ŋkhʉ á ntɔ̄ŋ megaŋ atʉɛ́. Wɔ efʉʉ́‑menēk e epiŋ njʉ́ɔ ejʉʼ. A ke zéŋ ntó á gá ŋ́gɛ, meŋ egʉɔ ŋghʉ̄, epuɔ pīi mɛ́ swɛ́tɛ á wɔ́p, e etó á ntē ŋgʉɔ̄ʼ.

Lomɛŋ 6:6

Ḿpɛ ecuŋte nzhɛ́ á mbɔŋɔ́ á légɛ: Yɛɛ́so a le lɔ̄k á yí á lekwhʉ̄ ánɛ mbaŋne paŋné, ḿpɛ a pɔ́p é lɔk mbú ŋ́kwʉ́, ánɛ nzwiŋ atswhī yīi, ḿpɛ é lɛ efʉʼ mvhɔ ŋgwɛ̄, tɛ́ a etsīa épúp, Ndém a epú mbík akwaŋte zīi, á tshónɛ á yímpɛ á leghʉ mefa. Púp, ḿpɛ é le zɛ́t epuʼ mefa á,

Lomɛŋ 8:13

Á páʼā ŋgɔ́ éyi, pɛ ziŋɛ páʼ mbe nnɛ̄t zɛ mé tshónɛ á wɛ́, mbɔ pɛ e kwhʉ́. Táʼ, a piŋɛ ŋgɔ́ éyi, pɛ é si nzīŋɛ páʼ, Azwakne Ndém á si ŋkɔ̄ŋɔ, mbɔ á páʼā, pɛ elɔ̄kɔ nzwhíɛ anu tepɔŋ zīi, á ntē pɛ, Ndém a eláʼ ŋghʉ̄, pɛ egɔ́ éwú.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

Lomɛŋ 8:23

Ŋgʉɔ̄ʼ mɛ́t, e te lɛ̄ ŋgɔ́ áa ezi ajūɔ tsem ɛ́, ḿpɛ pīi Ndém a le yá Azwakne zí á mbū pímpɛ, é gɔ́ mvhɔ ecū mīi, a le phʉ́ á yímpɛ, é si nzéŋɛ ntswīɛ̄ azímpɛ á ntē, ŋ́ké mbiŋ ŋgɔ́ tsetsɔŋɔ, ńzwíʼtɛ ŋ́gɛ, Ndém a elɔ̄k á yímpɛ ŋghʉ̄ epɔ̄ pí, ŋ́ghʉ̄, ḿpɛ epú ntswɛ́t ŋgʉɔ̄ʼ.

Lomɛŋ 8:26

Ndeŋ ndeŋ épúp, ḿpɛ nɔɔ̄ŋ ŋkáa páʼā, Azwakne Ndém mé tɔ́te á yímpɛ. Á gɔ́ páʼ, ḿpɛ te zhɛ́ á leswīŋte á Ndém páʼ, á zi nzɛ́tte épúp ɔ́. Azwakne Ndém méŋwɛ̄t, mé laā eswíŋte á Ndém á athū pímpɛ, mé meshuŋne mīi, ŋiŋnɔŋ a gɔ le zhɛ́ á leshūŋ ɔ́.

Kɔlɔs 2:11

Páʼ pɛ lɛtneē ánɛ Klísto lā, pɛ é ntém teém, ŋiŋnɔŋ mé ké te á wɛ́ tém, Klísto méŋwɛ̄t mé le tém á wɛ́. Ejʉɔ ntií letēm mɛ́t, e soōk mefa ánɛ pɛ.

2 Timotɛ 4:18

Atsyapuɔ a shʉʼ ezéŋ éfhó á mbū menu tepɔŋ ntií ntiī, ésaʼ á gá, éghʉ meŋ etswɛ́t, ŋ́kó á ntē lefɔ tsí, á athʉ́ lephū. Awuʼte á egɔ́ á mbū yí, á meŋguʼ meŋguʼ. Á épúp.

Tíit 2:14

A le puú ŋgyá athū nnɛ̄t zí, ńdɔk ncūʼ á yímpɛ ánɛ mefa mímpɛ ntsem, ńzéŋ ndɔk ésōk mefa ánɛ pímpɛ, tɛ ḿpɛ cʉ́ʼ á kwaʼ alāʼ zí. Álāʼ zīi, nzi leghʉ anu mbɔŋ e zaáŋ á wɔ́p.

Eble 2:15

A le ghʉ̄ épúp, tɛ́ ndɔk ŋkɛ́ʼɛ ŋkhʉ apuʼ, á ntɔ̄ŋ epuɔ pīi, pɔ́ le té á mbɔ́k lewhʉ̄, ńcʉ́ʼɛ nnáŋa á ŋgɔŋ áa páʼ, epuʼ lewhʉ̄ lā.

Menjʉɔ te lí 21:4

ńtsíʼne ntshi nnēk zɔ́p ntsem. Lewhʉ̄ a á le zɛ́t. Ŋiŋ a á le zéŋ lewhʉ̄ ndā a. Ŋiŋ a á le zéŋ ŋgāʼtɛ ɛ́. Ŋiŋ a á le zéŋ ŋgʉɔ̄ʼ njʉ́ɔ ɔ́. Mbɔ mezwiŋ menu, é mi. »