Lomɛŋ 7:23 - Eka Eswhī

²³ Táʼ, meŋ á si mbiŋɛ njúʼɔ, amɔ̄ʼ azō á gɔ́ á ntē meŋ, ńnɔŋ ndʉɔ́ʼɔ ajū mīi, emɔ̄ʼ ntē gá é si mvéŋɛ ŋ́gɛ, meŋ eghʉ̄. Azō mɛ́t, á si ŋghʉ̄ɛ, meŋ cʉ́ʼɛ apuʼ mefa, páʼ é lē mbú njhʉ́ á gá lā.

Lomɛŋ 7:23 Iomraidhean Croise

Lomɛŋ 6:13

Ndɛ́ʼ pɛ ezéŋ ndɔ̄k ejʉʼ nnɛ̄t tsɛ́ ŋghʉ̄ mefa, tɛ á gɔ́ páʼ, ejʉʼ nnɛ̄t tsɛ́, é si ŋgɔ́ á tsitsi á lelɔk ŋghʉ̄ anu tepɔŋ lā. A cʉ́ʼɛ épúp, pɛ elɔ̄ɔk ŋghʉ̄ mefaʼ ndeŋ ndeŋ, páʼ epuɔ pīi é nte, mbɔ Ndém a lē ŋghʉ, pɔ́ zím ánɛ lewhʉ̄ lā. Pɛ elɔ̄k mbe nnɛ̄t ntsem, ŋ́ghʉ̄ afaʼ Ndém.

Lomɛŋ 6:19

Tsetsɔŋɔ, meŋ a shúŋne á mbū pɛ, ánɛ ntií leshūŋne epuɔ ŋgɔŋ puɔ, melaʼ mīi pɛ é epuɔ, ŋ́ká á lejūʼ anu. Á lɛ amɔ̄ʼ afʉʼ, pɛ pú ndɔ̄k mbe nnɛ̄t zɛ ntsem, ńcʉ́ʼ meŋkwa, á leghʉ menu epe, mbɔɔ menu tepɔŋ ntií ntiī, é tshóne á wɛ́ á lete athū á mbū Ndém. Tsetsɔŋɔ, pɛ eké ndɔ̄k mbe nnɛ̄t mɛ́t ntsem, ńcʉ́ʼ meŋkwa, á leghʉ afaʼ ndeŋ ndeŋ. Afaʼ ndeŋ ndeŋ á tshoneé á ŋiŋ á legɔ̄ ŋiŋ Ndém.

Lomɛŋ 7:14

Ḿpɛ é si ncuŋtɛ nzhɛ́ɛ á légɛ, lepé é fhoó á mbū Ndém. Ḿbiŋ ŋgɔ́ mé meŋ, mbɔ meŋ gɔ́ áa ŋiŋnɔŋ, ŋ́gɔ́ á apuʼ mefa.

Lomɛŋ 7:21

Meŋ yīi, meŋ á si ŋké ntsáa á leghʉ anu mbɔŋ, meŋ á si mbiŋɛ njʉ́ɔ, leghʉ anu tepɔŋ mé azaŋne á mbū meŋ.

Lomɛŋ 7:25

Awuʼte a egɔ́ áa mbū Ndém, á yí yīi, a a láʼ etsia ánɛ Atsyapuɔ yímpɛ Yɛɛ́so Klísto, ékú á gá. Á páʼā, meŋ gɔ́ á ntē meŋ, ŋ́kúʼte lepé Ndém, ŋ́gɔ́ ánɛ emɔ̄ʼ ntē gá, ŋ́gɔ́ apuʼ mefa.

Lomɛŋ 7:5

Ḿpɛ le zɛ́t nziŋɛ páʼ, mbe nnɛ̄t zímpɛ e é si ntshónɛ á yímpɛ ŋ́gɛ, ḿpɛ ezīŋ épúp, lepé é nɔŋ ntshónɛ á yímpɛ, á leghʉ mefa, páʼ ḿpɛ é si ŋkɔ̄ŋɔ páʼā, ejʉɔ ntií lenāŋ mɛ́t, é tshóne á yímpɛ nnéŋ áa ánɛ lewhʉ̄.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

Galat 5:17

Menu mīi mbe nnɛ̄t ŋiŋ e tshoneé á yí ŋ́gɛ a eghʉ̄, é té si ŋgɔ́ emi, Azwakne Ndém á si ŋkɔ̄ŋɔ ŋ́gɛ, á eghʉ̄ ɛ́. Emi Azwakne Ndém á si ŋkɔ̄ŋɔ, é gɔ́ te emi mbe nnɛ̄t e é si ŋkɔ̄ŋɔ ɔ́. Pɔ́ efʉʼ metsem nnɔŋ ndʉ̄ʼne lʉʼne. Aziɛ́ mé ghʉ̄ʉ, pɛ eghʉ̄ʉ ajū mīi, pɛ te si ŋkɔ̄ŋɔ.

Eble 12:4

Pɛ é si ndʉɔ́ʼɔ mefa, táʼ, pɛ ké nzɛ́t te lʉɔ́ʼ tɛ ŋgyá athū nnɛ̄t zɛ́.

Jáak 3:2

Ḿpɛ metsem é puú ŋgɔ́ á lelʉɛ afʉʼ, ńnɔŋ efāte fate. Ŋiŋ a lʉ́ɛ́ ŋ́gɛ, yí gɛ te ŋgē eshúŋnɛ, ŋ́kwātɛ ɛ́, mbɔ ŋgaŋ a á kwaʼ ŋiŋnɔŋ. Ŋ́kūʼ á yí á lekūʼte nnɛ̄t zi ntsem.

Jáak 4:1

Mentsaŋ pɔ́ mekwɛt, é fhɔ́ɔ egɔ́ á tsetsɛlɛ pɛ ɛ̄? É té efhɔ́ɔ ánɛ mekwaŋte tepɔŋ mīi, é ntē pɛ ntshónɛ á wɛ́ efʉʼ metsem, á lewɛ tsitsi ŋgɔŋ wuɔ ɔ́ lɛ̄?

1 Piɛ 2:11

Mepɔŋ mesoó pá, pɛ ekímte páʼ pɛ é ndo esī atsetsáʼ ega, ŋ́gɔ́ áa mege, ŋ́gɔ́ áa metsia nzhɛ. Meŋ á si ntékɛ á wɛ́ ŋ́gɛ, pɛ epá á ntií ntiī ekwaŋte tepɔŋ tsīi, é ntē pɛ. É si ntɛ́nnɛ á wɛ́ á leghʉ ajū mīi, a pɔŋ á Ndém.