Lomɛŋ 7:18 - Eka Eswhī

¹⁸ Meŋ á si nzhɛ́ɛ á légɛ, leghʉ anu mbɔŋ, a puú te á ntē meŋ ɛ́, á ntē meŋ yīi, meŋ nzi ŋgɔ́ áa ŋiŋnɔŋ ɔ́. Meŋ tsaá á leghʉ anu mbɔŋ, ḿbiŋ te éwú kuʼ.

Lomɛŋ 7:18 Iomraidhean Croise

Matío 15:19

Akwaŋte tepɔŋ mé fhoó á ntē ŋiŋ, ńtshóne á yí, á lezwhīte epuɔ, á lecʉ̄ʼ á ŋgaŋ agā, á lewɛ á mɛgap, á lejʉ, á leyhī mela, á lezɔ epuɔ.

Lúkási 11:13

Pɛ pīi, pɛ é epuɔ tepɔŋ ejʉɔ ntí, pɛ ké nzhɛ́ ajūɔ mbɔŋ, tɛ́ ŋgyá á mbū ewɔŋkhʉ̄ pɛ́. Tɛ ŋgʉɔ shɔ́ʼɔ́ ánɛ Mɔʼɔ́ wɛ Ndém yīi, a á lephū ú? A gɔ le néŋ té yá Azwakne zí á mbū epuɔ pīi, pɔ́ é si eswíŋtɛ á yí í?»

Jáaŋ 3:6

Ŋiŋ yīi, ŋiŋnɔŋ mé zhí á yí, á gɔ̄ áa ŋiŋnɔŋ. Ŋiŋ yīi mɛ́ é zhí á yí, mé Azwakne Ndém, a wɛɛ̄ Azwkane Ndém.

Lomɛŋ 13:14

Á gɔ́ áa lɛ, pɛ elɔ̄k á leghʉ páʼ Atsyapuɔ Yɛɛ́so Klísto, a á si ŋkɔ̄ŋɔ épúp, ŋ́kwɛ́t etsɛ́ lenāŋ, pɛ é le néŋ athū zɛ́ ánɛ ecū mīi, mbe nnɛ̄t zɛ é si ntshónɛ á wɛ́, ŋ́gɛ pɛ ghʉɛ, á pɔŋ á wɛ́ ɛ́.

Lomɛŋ 7:15

Meŋ á páʼā, ńnɔŋ te njúʼɔ ajū mīi, meŋ ghʉɛ ɛ́. Ajū mīi, meŋ á si ŋkɔ̄ŋɔ á leghʉ, meŋ te aziɛ́ ghʉ. Azi meŋ te kɔ̄ɔŋ, meŋ mbiŋ ŋghʉ̄ áa aziɛ́.

Lomɛŋ 7:19

Anu mbɔŋ zīi, meŋ á si ŋkɔ̄ŋɔ á leghʉ, meŋ te ghʉ̄ʉ. Anu tepɔŋ zīi, meŋ te kɔ̄ŋ á leghʉ ɛ́, meŋ mbīiŋ ŋghʉ̄ áa aziɛ́.

Lomɛŋ 7:25

Awuʼte a egɔ́ áa mbū Ndém, á yí yīi, a a láʼ etsia ánɛ Atsyapuɔ yímpɛ Yɛɛ́so Klísto, ékú á gá. Á páʼā, meŋ gɔ́ á ntē meŋ, ŋ́kúʼte lepé Ndém, ŋ́gɔ́ ánɛ emɔ̄ʼ ntē gá, ŋ́gɔ́ apuʼ mefa.

Lomɛŋ 7:5

Ḿpɛ le zɛ́t nziŋɛ páʼ, mbe nnɛ̄t zímpɛ e é si ntshónɛ á yímpɛ ŋ́gɛ, ḿpɛ ezīŋ épúp, lepé é nɔŋ ntshónɛ á yímpɛ, á leghʉ mefa, páʼ ḿpɛ é si ŋkɔ̄ŋɔ páʼā, ejʉɔ ntií lenāŋ mɛ́t, é tshóne á yímpɛ nnéŋ áa ánɛ lewhʉ̄.

Galat 5:17

Menu mīi mbe nnɛ̄t ŋiŋ e tshoneé á yí ŋ́gɛ a eghʉ̄, é té si ŋgɔ́ emi, Azwakne Ndém á si ŋkɔ̄ŋɔ ŋ́gɛ, á eghʉ̄ ɛ́. Emi Azwakne Ndém á si ŋkɔ̄ŋɔ, é gɔ́ te emi mbe nnɛ̄t e é si ŋkɔ̄ŋɔ ɔ́. Pɔ́ efʉʼ metsem nnɔŋ ndʉ̄ʼne lʉʼne. Aziɛ́ mé ghʉ̄ʉ, pɛ eghʉ̄ʉ ajū mīi, pɛ te si ŋkɔ̄ŋɔ.

Galat 5:24

Epuɔ pīi, pɔ́ lɛtneē ánɛ Klísto, pɔ́ lē mbú ŋgwáʼ ajūɔ tsem zīi, mbe nnɛ̄t e gɔ etshóne á wɔ́p á leghʉ. Menu mīi mbe nnɛ̄t e gɔ etshóne á wɔ́p á letshī ntē éwú, mbɔɔ a leghʉ, pɔ́ lē mbú ntó éwú.

Fílíip 2:13

melaʼ mīi, Ndém mé si ntshónɛ á wɛ́, pɛ tsáa, ḿbiŋɛ ŋkūʼɔ á leghʉ ajū mīi, a kɔɔ̄ŋ ŋ́gɛ mɛ́ eghʉ̄.

Fílíip 3:12

Meŋ te ndʉ́ɛ́ ŋ́gɛ, meŋ á ndáʼ ŋgwɛ̄ ajū mīi, meŋ faʼa á, kɛ́ ŋ́gɛ, meŋ á ndáʼ ŋgʉɔ tɛ ŋkó ɔ́. A cʉ́ʼɛ épúp mbɔ, meŋ zɛɛ́t nnáa ŋgʉ̄ɔ mé mvhɔ, éfāʼ á gá á legɔ̄ ajū mīi, meŋ á si ntsáa. Yɛɛ́so Klísto a lɛɛ́ ŋghʉɛ, meŋ ecʉ́ʼɛ á ŋiŋ yi páʼā, melaʼ épúp.

Tíit 3:3

Á lɛ amɔ̄ʼ afʉʼ, ḿpɛ gɔ́ wɔ ghʉ‑anu té sáŋ, ŋ́gɔ́ wɔ tʉɛ‑athū á mbū Ndém, ńnɔŋ efā nzhɛ. Mbɔ ntií ntiī ekwaŋte, mbɔɔ leziŋ páʼ mbé nnɛ̄t e é si ndʉ́ɛ́, e lē mbú njhʉ́ á yímpɛ. Ḿpɛ nɔŋ nzáa esɔ̄, ńnɔŋ esʉ́ɛ́ etsō epuɔ. Ńnɔŋ ŋghʉ̄ɛ mɛ́ paa á yímpɛ, ńnɔŋ mbānɛ mennɛ̄t mímpɛ.

1 Piɛ 4:2

Púp, pɛ ezī tsetsɔŋɔ, ánɛ eleʼé tsīi pɛ zɛɛ́t ŋgɔ̄ elɔk enáŋ á esī atsetsáʼ ega, ńnáŋ páʼ Ndém a á si ŋkɔ̄ŋɔ ŋ́gɛ, pɛ enáŋ épúp. Pɛ é le zéŋ nnáŋ páʼ mbe nnɛ̄t zɛ, e é si ntshónɛ á wɛ́ ŋ́gɛ, pɛ enáŋ épúp ɔ́.