Lomɛŋ 7:15 - Eka Eswhī

¹⁵ Meŋ á páʼā, ńnɔŋ te njúʼɔ ajū mīi, meŋ ghʉɛ ɛ́. Ajū mīi, meŋ á si ŋkɔ̄ŋɔ á leghʉ, meŋ te aziɛ́ ghʉ. Azi meŋ te kɔ̄ɔŋ, meŋ mbiŋ ŋghʉ̄ áa aziɛ́.

Lomɛŋ 7:15 Iomraidhean Croise

Lúkási 11:48

Pɛ ghʉɛ páʼa, ńdɔkɔ ntswíʼtɛ anu zīi, memɔʼɔ́ pɛ́ é lɛɛ́ ŋghʉɛ. Pɔ́ le zwhité metswi‑ŋke Ndém, pɛ pīiŋ ncʉ́ʼ ncūŋte mesi mɔ́p, á mbɔŋɔ́.

Jáaŋ 15:15

meŋ ńde zéŋ ntɔ́ŋ á wɛ́ lɛ, wɔ zíʼne afaʼ á. Nziʼnɛ afaʼ a te zhɛ́ ajū mīi, mɔʼɔ́ afaʼ yi, a á si ŋkwāŋtɛ ɛ́. Meŋ cʉ́ʼɛ ntɔ́ŋɔ á wɛ́ áa lɛ, mesoó pá, éfhó ánɛ páʼ, ajūɔ tsem zīi, Mɔʼɔ́ ga a le ziʼné á gá, meŋ ke ghʉ̄ pɛ zhɛ́.

Lomɛŋ 12:9

Á pɔŋ ŋ́gɛ, ŋkɔŋne zīi ŋiŋ a wɛɛ̄ á mbū epuɔ, e egɔ́ ŋkɔŋne mé taʼ ntē. Awíɛ a echʉ́ nnɛ̄t ŋkʉ̄ anu tepɔŋ, ŋ́kúʼte á yí á leghʉ anu mbɔŋ.

Lomɛŋ 14:22

Kúʼte anu zīi o ó si nzhɛ́ɛ ánɛ anu jʉɔ mɛ́t á ntē wu, pɛ Ndém mé ezhɛ́. Eshhʉ̄ mbɔŋ a á si ŋgɔ́ á ŋiŋ yīi, ntē yí é té si ŋŋāka á yí, ánɛ anu zīi, a á sáŋ tɛ njʉ́ɔ ŋ́gɛ, á mbɔŋ á leghʉ ɛ́.

Lomɛŋ 7:16

Páʼ ajū mīi meŋ te kɔ̄ɔŋ, meŋ ghʉʉ̄ áa aziɛ́ lā, meŋ ndɔkɔ mvéŋɛ á légɛ, lepé é si ŋgɔ́ ajūɔ mbɔŋ.

Galat 5:17

Menu mīi mbe nnɛ̄t ŋiŋ e tshoneé á yí ŋ́gɛ a eghʉ̄, é té si ŋgɔ́ emi, Azwakne Ndém á si ŋkɔ̄ŋɔ ŋ́gɛ, á eghʉ̄ ɛ́. Emi Azwakne Ndém á si ŋkɔ̄ŋɔ, é gɔ́ te emi mbe nnɛ̄t e é si ŋkɔ̄ŋɔ ɔ́. Pɔ́ efʉʼ metsem nnɔŋ ndʉ̄ʼne lʉʼne. Aziɛ́ mé ghʉ̄ʉ, pɛ eghʉ̄ʉ ajū mīi, pɛ te si ŋkɔ̄ŋɔ.

2 Timotɛ 2:19

Táʼ, epuɔ pīi pɔ́ le fɛ́ nnɛ̄t ŋgyá á mbū Yɛɛ́so, pɔ́ teē páʼ kwaʼ atsék zīi, Ndém mé le nɔ̄ŋŋ̄, azō á gɔ le wɔ́p nʉʼne. Mɛ́ tií ánɛ atsék mɛ́t ŋ́gɛ: «Atsyapuɔ a zhɛɛ́ epuɔ pí». Mɛ́ zeéŋ ntí éwú ŋ́gɛ: «Ŋiŋ a nɔŋ ndʉ́ɛ́ ŋ́gɛ yí lɛtneē ánɛ Atsyapuɔ, á kʉ á mɛnzhɛ tepɔŋ. »

Eble 1:9

O kɔɔ̄ŋ ajū mīi, á ndeŋ ndeŋ, ḿbiŋ mbā azi á té ndeŋ ndeŋ ɛ́. Melaʼ épúp tɛ́, wu Ndém, Mɔʼɔ́ wu Ndém a le kāŋ á wú, á nnɔ megaŋ akhu pú, ńchʉ́ á wú. Ŋ́gē echʉ́ á wú, ńdɔ̄k mevɛ̄t nzɔ́ʼ á wú, ŋ́gɛ o enáŋ mé lekāk.

Jáak 3:2

Ḿpɛ metsem é puú ŋgɔ́ á lelʉɛ afʉʼ, ńnɔŋ efāte fate. Ŋiŋ a lʉ́ɛ́ ŋ́gɛ, yí gɛ te ŋgē eshúŋnɛ, ŋ́kwātɛ ɛ́, mbɔ ŋgaŋ a á kwaʼ ŋiŋnɔŋ. Ŋ́kūʼ á yí á lekūʼte nnɛ̄t zi ntsem.

Zwide 1:23

ŋ́ghʉ̄ pɔ́ etswɛ́t mmók yīi, pɔ́ nnɔŋ ŋgʉ̄ɔ mé éwú. Ŋ́gɔ́ mé emɔ̄ʼ epuɔ, mbɔ pɛ etsá á wɔ́p, efāʼ eshhʉ̄, tɛ pɔ́ evéŋ anu zɛ́. Pɛ eké ŋgē eghʉ épúp, ńnɔŋ mbɔ́kɔ ezɔp ntií. Ḿbá tɛ mbɔɔ menzhó mɔ́p, páʼ epe é lē mbū ŋkó éwú, éfhɔ́ɔ ánɛ menu tepɔŋ lā.