Lomɛŋ 7:14 - Eka Eswhī

¹⁴ Ḿpɛ é si ncuŋtɛ nzhɛ́ɛ á légɛ, lepé é fhoó á mbū Ndém. Ḿbiŋ ŋgɔ́ mé meŋ, mbɔ meŋ gɔ́ áa ŋiŋnɔŋ, ŋ́gɔ́ á apuʼ mefa.

Lomɛŋ 7:14 Iomraidhean Croise

Matío 16:23

Yɛɛ́so á pekne nnɛ̄t, ńdé mé Piɛ ŋ́gɛ: «Sɛ́ta, fhó á nzem meŋ ŋgʉ̄ɔ. O ó si mvɛ́nɛ á gá á leghʉ ajū mīi, Ndém a á si ŋkɔ̄ŋɔ. Akwaŋte jú á té si ŋgɔ́ akwaŋte Ndém ɛ́, á si ŋgɔ́ áa azi epuɔ menɔŋ. »

Matío 18:25

Páʼ a ka wɛ̄ ŋkāp á lelɔk ntɔ̄ŋ njú mɛ́t ɛ́ lā, efɔ á tswi ŋ́gɛ, mɛ́ eswīŋ á yí, éswīŋ á nzwí yi, éswīŋ ewɔŋkhʉ̄ pí mbɔɔ ajūɔ tsem zīi a wɛɛ̄, ńdɔk ntɔ̄ŋ njú mɛ́t.

Matío 5:22

Meŋ á ke mbiŋ ndé á mbū pɛ ŋ́gɛ: ŋiŋ a záŋa á lɔ́ŋ á mbū ŋiŋ, mɛ́ lɔk á yí ŋgʉ̄ɔ mé mvhɔ asāʼ. Ŋiŋ yīi a á tɔ́ŋ mmɔʼ lɛ atsetseŋ, mɛ́ lɔk á yí ŋgʉ̄ɔ á mvhɔ wɔ sáʼ‑ŋgɔŋ. Ńtɔ́ŋ mmɔʼ lɛ te zhɛ́‑Ndém, mɛ́ gɔ á yí mmāʼ á ntē mmók, á alāʼ ŋgʉɔ̄ʼ.

Matío 5:28

Meŋ á ké mbiŋ ndé á mbū pɛ ŋ́gɛ, ŋiŋ a cʉʉ á nzwí ŋiŋ tɛ esé, á zhɛ́ á légɛ, a á ndáʼ ŋghʉ̄ agā á ntē yí, pɔ́ menzwí mɛ́t.

Lúkási 5:8

Simɔŋ Piɛ á jʉ́ɔ anu zīi á tɔ́k, ŋ́gʉɔ ntswíʼte á mvhɔ Yɛɛ́so ŋ́gɛ: «Ndi, lɛ efhó á lezēŋ meŋ esōʼte nnɛ̄t. Meŋ á páʼa, ŋ́gɔ́ á ŋgaŋ mefa. »

Lúkási 7:6

Yɛɛ́so á lɛ ndū á esī, pɔ́ a pɔ́p é gʉɔ. Ńziŋ tɛ ncʉ́ʼ á lekō á mba, tɛŋgyā ncu mɛ́t, á tó emɔ̄ʼ mesoó pí, pɔ́ gʉɔ nzáʼ á wɔ́p á mɛnzhɛ, ńdé ŋ́gɛ, tɛŋgyā ncu a á lé ŋ́gɛ, Ndi, te zóko ŋgēnɛ nnɛ̄t ju, éshʉ̄ʼɛ á mba yí. Yí te kūʼ yīi, o gɔ ezíʼ tɛ ŋkó á ŋgyā yí í.

Lomɛŋ 3:9

Meŋ á páʼā ndɔkɔ ŋ́gɛ akɔ̄? Ŋ́gɛ pek epuɔ Yúda, é páʼā, ńtsyā emɔ̄ʼ epuɔ lɛ́? Ŋgáŋ, meŋ ndē ndáʼ ŋkɛ́ʼte éshúŋ ŋ́gɛ, ŋiŋ ntsem, épuɔ Yúda mbɔɔ epuɔ Glɛk, é puú ŋgɔ́ áa epuʼ mefa.

Lomɛŋ 6:6

Ḿpɛ ecuŋte nzhɛ́ á mbɔŋɔ́ á légɛ: Yɛɛ́so a le lɔ̄k á yí á lekwhʉ̄ ánɛ mbaŋne paŋné, ḿpɛ a pɔ́p é lɔk mbú ŋ́kwʉ́, ánɛ nzwiŋ atswhī yīi, ḿpɛ é lɛ efʉʼ mvhɔ ŋgwɛ̄, tɛ́ a etsīa épúp, Ndém a epú mbík akwaŋte zīi, á tshónɛ á yímpɛ á leghʉ mefa. Púp, ḿpɛ é le zɛ́t epuʼ mefa á,

Lomɛŋ 7:18

Meŋ á si nzhɛ́ɛ á légɛ, leghʉ anu mbɔŋ, a puú te á ntē meŋ ɛ́, á ntē meŋ yīi, meŋ nzi ŋgɔ́ áa ŋiŋnɔŋ ɔ́. Meŋ tsaá á leghʉ anu mbɔŋ, ḿbiŋ te éwú kuʼ.

Galat 4:3

Á zeéŋ ŋgɔ́ ndeŋ ndeŋ épúp, á mbū pímpɛ. Á lɛ afʉʼ zīi ḿpɛ le zɛ́t páʼ ewɔŋkhʉ̄ lā, ḿpɛ nɔ̄ɔŋ nnáŋa páʼ ntií lewuʼte melém e é si ŋkɔ̄ŋɔ ŋ́gɛ, ḿpɛ enáŋ épúp. Ŋ́gɔ́ meŋkwa mɔ́p.

Efɛze 3:8

Meŋ yīi, meŋ gɔ́ áa kwaʼ nzoknzem, á nnɔ epuɔ Ndém metsem, Ndém a le ké nzápa ánɛ apɔŋɔ́ ntē te ndhʉ zīi, a wɛɛ̄ ánɛ meŋ, ŋ́ghʉ̄, meŋ egʉ̄ɔ eshúŋ epuɔ pīi, é té epuɔ Yúda á, léwūʼ tsīi, é ánɛ Klísto. Lewūʼ mɛ́t é te mi lewūʼ.

Eble 4:12

Ashuŋne Ndém á te kwhʉ́, á wɛɛ̄ mbʉʼ, ńdó tɛ ntɔ́k apuʼ yīi, mɛ́ ntsakne meshhʉ̄ mbīa. Á koó á ntē ŋiŋ, tɛ mpfēŋ agega zí, ŋ́gʉɔ tɛ njúʼ akwɛ́, ŋ́gʉɔ tɛ njúʼ epɔŋ. Á tshoneé á ŋiŋ á lelɔk akwaŋte zīi, á ntē yí, ésáŋ tɛ nzhɛ́ ajū mīi, á mbɔŋ á leghʉ.