Lomɛŋ 7:11 - Eka Eswhī

¹¹ Páʼ lepé é le ghʉ̄ʉ̄, meŋ zhɛ́ ajū mīi mefa é aziɛ́ lā, mefa mɛ́t, é le pīŋ mbɔpte á gá, ńtshóne á gá ŋgyá á mbū lewhʉ̄.

Lomɛŋ 7:11 Iomraidhean Croise

Lomɛŋ 3:20

É melaʼ épúp tɛ́, Ndém a te e láʼ efhó ánɛ páʼ, ŋiŋ a ghʉʉ̄ páʼ lepé ntsem é si nzɛ́ttɛ, tɛ́ etɔ́ŋ á ŋgaŋ lɛ, ŋiŋ ndeŋ ndeŋ ɛ́. Lepé é tswiteé áa lelɔk nzhɛ́ ajū mīi, mɛ́ é fa.

Lomɛŋ 7:13

Á páʼā ndɔkɔ ŋ́gɛ, ajū mīi á mbɔŋ, á lē ntó á lewhʉ̄ ga lɛ́? Ŋgáŋ, á té épúp ɔ́. A gɔ́ áa lɛ, mefa é le lʉɔnē á nzem ajū mīi, á mbɔŋ, ńtshóne á gá ŋgyá á mbū lewhʉ̄. Púp, lepé é lɔkɔ ŋghʉ̄ɛ, mɛ́ zhɛ́ɛ á légɛ, mefa é si ŋgɔ́ á mɛntséŋ anu.

Lomɛŋ 7:8

Páʼ lepé é le ghʉ̄ʉ̄, meŋ ezhɛ́ ajū mīi, mefa é aziɛ́ lā, mefa mɛ́t é le pīŋ ŋghʉ, meŋ ewɛ á kegʉɔʼ ntií ntiī. Lepé é gɔ́ te éwú ú, mɛ́ le mefa zhɛ́.

Efɛze 4:22

pɛ pɔŋteé á lepū ŋgwáʼ á nzwiŋ atswhī yīi, pɛ lɛɛ́ ŋgwiɛ, éfhó ánɛ nzwiŋ lenāŋ ntó. Ecū mīi pɛ seé ánɛ nzwiŋ lenāŋ wuɔ mɛ́t, é pɔpte á wɛ́ pɔpte, ŋ́gɔ̄ eghʉ, pɛ eláʼ ndákne.

Eble 3:13

A cʉ́ʼɛ épúp, pɛ esēmte mennɛ̄t mɛ́ nzeŋne zeŋné eleʼé etsem, ḿbɔ́k mefa á letshōne á ŋiŋ á nnɔ pɛ, á te athū á mbū Ndém. Pɛ eghʉ̄ épúp eleʼé metsem, melaʼ mīi, tɛ ntshí tsetseŋɔ, ḿpɛ gɔ́ áa ánɛ ayáʼa, páʼ mɛ́ leé á ntē aŋwaʼne Ndém épúp.

Jáak 1:22

Ndɛ́ʼ pɛ lɛ nzwíʼte ashuŋne Ndém zwíʼte. Pɛ eghʉ̄ páʼ ashuŋne mɛ́t, á si ndʉ́ɛ́ épúp. Tɛ á té épúp ɔ́, mbɔ á páʼā, pɛ lɔ̄kɔ mbɔ̄ptɛ áa mennɛ̄t mɛ́,

Jáak 1:26

Ŋiŋ a nɔŋ ŋkwāŋa ŋ́gɛ, yí é si nzīŋɛ á nzem Ndém, ḿbiŋ te tsāʼ ashuŋne zí méŋwɛ̄t ɛ́, mbɔ a pɔptɛ athū nnɛ̄t zí. A gɛ yí é si nzīŋɛ á nzem Ndém páʼā, á gɔ́ áa anu te athū.